رواية عندما يعشق القلب
الفصل الثاني2
بقلم فرحة محمود
حور = هي قالت الي علي الشمال ولا اليمين اه قالت الي علي شمال دخلت حور بعفوية وهي بتقول صباح الخير يا فندم
فهد = انتي مجنونة ازاي تدخلي من غير ما تخبطي
حور في نفسها = هو مال الاهبل دا نسيت يوه رجعت تاني من تفكيرها اسفة يا فندم وبعدين مفهاش حاجه يعني واهي اول واخر مره
فهد = حضرتك جاية لي
حور = شوف واسمعني انا حضرتك غلبانة وعايزة اشتغل
فهد = نعممم
حور وهي بتكمل وبتقعد قدامه = ايوا اصل انا الي بصرف علي امي واخواتي اه والله حتا عارف انا اعتبرتك زي اخويا يا حتة سكر انتا هااا هتشغلني
فهد و وشو احمر من الغضب وبيمسك التلفون ويرن علي السكرتيرة = اطلعي حالآ علي المكتب
السكرتيرة طلعت وهي بتجري من الخوف خبطت ودخلت
السكرتيرة = أومر ياستاذ فهد
فهد وهو متعصب = مين دي وازي تيجي مكتبي من غير ما تقوليلي
السكرتيرة بصت لحور الي قاعدة وقالت في سرها = يخربيتك قولتلك الي علي اليمين مش الشمال رجعت تاني وقالت انا اسفة والله يفندم هي بس اتلغبطت
فهد = مفيش حاجه اسمها اتلغبطت هنا في نظام
حور = هو مش دا استاذ مؤيد
السكرتيرة = لا يا انسة دا المدير
حور بخضة وهي بتقوم وبتقول لنفسها = اعمل اي دلوقتي انا كدا كدا مرفوضة اخخخ علي غبائي انا امي اكيد دعت عليا قبل منزل رجعت من تفكيرها انا اسفة يفندم والله ما اقصد
فهد = خلاص تمام اتفضلي يلا برا
حور = ايوا يعني انا مرفوضة ولا اروح لأستاذ مؤيد
فهد بص للسكرتيرة = خديها من وشي
السكرتيرة = حاضر يفندم تعالي معايا
خرجت حور هي والسكرتيرة
السكرتيرة = بصي يا انسة حور الي عملتيه دا كان غلط لازم تخبطي علي الباب وتدخلي دلوقتي هوديكي لمستر مؤيد يشوف السي دي بتاعك وهيشوف يعينك اي تمام
حور = تمام
دخلت حور لمؤيد وتمت المقابلة وبقت شغالة في الحسابات
روحت حور وهي فرحانة انها اخيرآ لقت شغل فتحت باب الشقة وهي بتقول
حور = يا ماماااااااااااااااا
الام = جرا اي يابنت المجانين
حور = انا اشتغلت اخيرا
الام= بجد اخيرآ يارب ربنا يكون في عون الشركة دا هيشوفو ايام ما يعلم بيها الا ربنا
حور دخلت الاوضة صلت وقعدة تقراء في رواية
حور لنفسها = والله لخليكو تشوف جنان كل يوم استنوني بس وخصوصآ فهد الي عامل فيها كاريزما اوي