رواية احببت قلبآ ليس لي
الفصل التاسع والعشرون والثلاثون
بقلم سهيله مصطفي
__ عاد قصي لمنزله وعقله يكاد يشت من التفكير ما هي الخطوة القادمة؟!
نسمة: يعني اتأخرت يحبيبي قلقتني عليك
قصي: م أنا خلصت مع دموع وروحت الشركة لأن كان ورايا كذا حاجة عايزة أعملها وأمير مرحش الشركة النهاردة مش عارف تعبان ولا ماله
نسمة: طيب وعملت إي؟ دموع تقبلت الموضوع ولا اتعصبت احكيلي اللي حصل
قصي: دموع بنت عاقلة جدا ومتفهمة أينعم هي هتزعل وهتضايق بس أحسن م كنت اتجوزتها واتطلقنا ودا كان كلامها هي كمان يعني نهينا كل حاجة بس بمودة مش بالكره وهي هتفضل أختي وصديقتي والكلام دا أنا قولته ليها
نسمة: طيب يحبيبي الحمد لله بس ناوي على إي؟! يعني إي هي خطوتك الجاية؟!
قصي بتفكير: مش عارف يا أمي لسة أنا كدا ريحت ضميري من هم وظلم دموع إي اللي جاي بقا دا سيبيها على الله
نسمة: ونعم بالله يا حبيبي
(ملحوظة: محدش يعرف ان فرح وأمير سابوا بعض غير أهل فرح ودموع)
_______________&&_________________
كانت جالسة في غرفتها تفكر في أحداث هذا اليوم تشعر بالذنب نحو أمير ولكن عقلها يقول أن هذا هو الصواب وهذا ما كان يجب فعله وإلا كان الندم سيكون رفيقها للأبد.. قطع تفكيرها صوت رنين هاتفها إلتقطته فوجدت إسم رفيقتها يزين الشاشة
فرح: ألو.. إزيك يا دموع
دموع: الحمد لله بخير فينك
فرح: أنا في البيت في حاجة ولا اي
دموع: لا بس كنت عايزة اتكلم معاكي شوية موضوع صغير كدا
فرح بتعب: لازم النهاردة يعني لأني تعبانة جدا
دموع: يكون أحسن لو النهاردة لكن لو مش هتقدري تيجي خلاص نأجلها ليوم تاني
فرح: لا خلاص هجيلك انتي في البيت طيب ولا فين
دموع: آه أنا رايحة ع البيت اهو تعاليلي هناك
فرح: طيب ماشي
___بعد فترة وصلت فرح إلى منزل دموع ودقت الجرس فتحت لها ليلى(والدة دموع)
ليلى: ياااه فرح بنفسها عندنا هنا والله زعلانة منك
فرح: معلش يا طنط إني مش باجي بس والله ظروف بقا
ليلى: المهم انتي عاملة إي ومريم عاملة اي
فرح: كويسة بتسلم عليكي اوي.. دموع جت ولا لسة
ليلى: آه جت من شوية ومش عارفة مالها باين عليها متضايقة طلعت على أوضتها ع طول اطلعيلها فوق
فرح: طيب يا طنط بعد اذنك
__صعدت فرح لأعلى وذهبت لغرفة دموع ودقت على الباب لتفتح لها دموع بوجه خالي من أي تعبير ليدل على حالتها
فرح: مالك يبنتي قلقتيني عليكي كمان طنط قالت انك كنتي متضايقة وطلعتي أوضتك ع طول فيه حاجة
دموع بوجع: مش عارفة أقولك ولا لا لأن الخبر بالنسبالك يزعل ويفرح في نفس الوقت
فرح: مش فاهمة
دموع بتلقائية: أنا وقصي سبنا بعض أو بمعنى أصح هو اللي سابني وطبعا انتي عارفة
فرح: انتي بتهزري والله العظيم أنا م اعرف حاجة عن كدا
دموع: طيب على الأقل انتي عارفة السبب اللي خلى قصي سابني وفسخ الخطوبة
فرح: دموع اتكلمي بطريقة مباشرة وبلاش الألغاز واللف والدوران في الكلام أنا صاحبتك مش عدوتك
دموع: قصدي ان انتي السبب
فرح: وأنا مالي أنا
دموع بعصبية وصوت عالي خلت آدم يقف على باب غرفتها: لا إنتي السبب لأنه هو بيحبك إنتي وحبه ليكي هو اللي خلاه مش متقبلني في حياته إزاي قلبك طاوعك تعملي كدا وإنتي عارفة إني بحبه يعني من وسط رجالة الدنيا ملقيتيش غير قصي حرام عليكي بجد
فرح بعصبية وصوت عالي هي الأخرى: لا بجد كفاية بقا أنا أصلا واللي انتي متعرفيهوش اني بحب قصي من زمان ومن قبل م يفكر يخطبك أصلا بس هو مكنش بيكن ليا غير الكره والحقد مقدرتش أقولك إني بحبه لإني كنت بشوف في عيونك نظرة إعجاب ليه سكت وكتمت مشاعري في نفسي ويوم خطوبتكم كان وجع الدنيا كلها في قلبي يعني انتي كنتي قاعدة جنب عريسك ومبسوطة وأنا كنت بعيط برا القاعة واللي وقف جنبي ساعتها هو آدم أخوكي وكان عايز يقولك بس انا خليته وعدني انه مش هيتكلم ولا يقولك حاجة ، دفنت مشاعري لقصي وبقي بالنسبالي خطيب صاحبة عمري اللي هي يعتبر أختي لحد م قررت أرحم قلبي وأديله فرصة تانية ودا لما وافقت على أمير ويوم الخطوبة جه قصي وإعترفلي إنه بيحبني وكان عايزني أسيب أمير وأروح معاه للبيت وهو هيقول للكل إننا بنحب بعض بس أنا رفضت علشانك فهمتي علشانك انتي بس
دموع: انتي كذابة
آدم: لا هي مش كذابة على فكرة وكل كلمة قالتها صح وأنا كنت شاهد على كل دا وشاهد على عذابها ووجع قلبها علشان انتي تكوني مبسوطة
دموع: انت اخوياااا انا مش هي المفروض تقف جنبي أنا
آدم: إحنا طول عمرنا اخوات بعض كنتي بتقوليلي ان احنا أربعة اخوات ياسين وآدم ودموع وفرح
فرح: خلاص يا آدم دموع النهاردة أثبتت إن إحنا عمرنا م كنا اخوات
دموع: فاكرة يا فرح لما سألتيني لي غيرت اسمي من بسمة لدموع قولتلك لأن عمري م حبيت حاجة وكملت للآخر أي حاجة بحبها بتضيع مني بس المرة دي غير المرة دي ضاعت مني حاجة غالية اوي عليا لا هما حاجتين حب عمري وصاحبة عمري من النهاردة كل واحد فينا يروح لحاله
فرح: يبقى انتي اللي اخترتي البعد سلام
____________________&&______________
أسدل الليل ستائره ليأخذ أبطالنا هدنة من أوجاع يومهم القاسي لتشرق الشمس مجددا لتعلن عن بداية يوم ملئ بالأحداث
_كان قصي في الشركة يعمل وباله منشغل تماما حتى دق الباب لتدخل السكرتيرة بإحترام
جوري: قصي باشا فرح بنت أستاذ أحمد برة وطالبة إنها تقابل حضرتك
قصي بلهفة: خليها تدخل بسرعة
دخلت فرح من الباب وما إن رآها قصي حتى شعر ب ألم في قلبه على حالتها فكان وجهها شاحبا ويميل للون الأصفر وكانت عينها حمراء ومنتفخة من كثرة البكاء وأنفها أيضا أحمر وبشدة ليفضح عن دموعها التي تحاول أن تخبأها
قصي بسرعة: فرح انتي كويسة في اي مالك انتي معيطة
فرح بعصبية: كفاية بقا ارحمني بلاش تبين انك مهتم بيا ويهمك أمري سيبني في حالي حرام عليك ضيعت مني ضحكتي وسعادتي قبل كدا لما سبتني وخطبت مع انك كنت عارف اني بحبك والنهاردة ضيعت مني صاحبة عمري اللي كنت معتبراها اختي لي بتعمل فيا كدا انا عملتلك اي علشان تأذيني بالشكل دا.... كانت تتحدث ودموعها تتساقط كالأمطار
قصي: طيب بالله عليكي إهدي بلاش تعيطي إهدي وفهميني فيه إي
فرح: لسة بتسأل فيه إي يعني حضرتك مش عارف اللي عملته
قصي: والله معرفش قوليلي عملت إي
فرح ببعض الهدوء: سبت دموع لي؟
قصي: مرضاش أظلم واحدة معايا
فرح: لي قولتلها اني السبب دي كرهتني وقالتلي كل واحد فينا في حاله
قصي: والله م قولتلها اي حاجة كدا بالعكس طول كلامي معاها كنت بقنعها انك ملكيش ذنب واني انا السبب في كل حاجة بس هي اكيد افتكرت اني بدافع عنك وخلاص وفهمتها ان القرار دا نابع مني انا علشان مظلمهاش معايا
فرح: بس دموع بتحبك والله
قصي: بس أنا مش بحبها أنا بحبك أنتي وبس ومفيش واحدة غيرك هتقدر تاخد قلبي سمعتي أنا بحب فرح وبس
_هنا دخل أمير لتحتل ملامحه الصدمة والدهشة
أمير بسخرية: طيب الكلام دا يكون في مكان رومانسي مش في قلب الشركة يا قصي بيه
فرح: أمير اي اللي بتقوله دي
أمير: طبعا هتدافعي عنه م هو دا اللي فسختي خطوبتك مني علشانه
قصي: نعم!!! انتو فسختوا الخطوبة
أمير: إي هي حبيبة القلب مقالتلكش انها سابتني ورجعتلي الشبكة امبارح ولا اي على اساس ان دا مش اتفاق بينكم يعني ان انت تفسخ امبارح وهي برضو امبارح
قصي: أمير اخرس والله أنا م كنت اعرف اي حاجة من دي وبلاش الكلام دا علشان بتجرح مشاعرها
أمير: آه يا حنين أنا أصلا كنت جاي أنهي الشراكة اللي بينا وانتو اتهنوا ببعض أنا ماليش دعوة
فرح: بااااس كفاية بقا انت وهو أنا لا عايزاك ولا عايزاه اومال تتكلموا عني وكأني لعبة وسطيكم أنا إنسانة زيي زيكم وأنا مش خاينة يا أمير باشا انا سبتك علشان كرامتك انت متكونش متزوج واحدة بتحب واحد تاني وياريتني م حبيته وانت يا قصي بيه حبك دا ادفنه لأن لو انت آخر واحد في العالم انا عمري م هوافق عليك وانا هسيب الحياة اللي انتو فيها دي وهسافر لمكان بعيد.. بعيد عنكم كلكم انت وهو ودموع وكل الناس مش هخليكم تشوفوا وشي تاني عن إذنكم
___وغادرت فرح وسط صدمة قصي وأمير
_____________&&____________________
كان جالسا في غرفته يفكر في حالة أخته الحبيبة ،لا يصدق أنها بالفعل ستتركه وتسافر لن يجدها ليمرحا سويا لن يضربها بخفة لتجري وتشتكي لوالدها ..لن يوقظها من نومها بمقالبه المضحكة سيفتقدها حقا..رن هاتفه ليخرجه من تفكيره
ياسين:ألو السلام عليكم
جنى:وعليكم السلام..كويس انك رديت عليا والله قلقتني اوي عليك من آخر مرة اتكلمنا والله م كان قصدي اني ارفضك وكدا أنا بس كنت بهزر معاك
ياسين:وأنا والله كنت بهزر وكنت هفاجئك وأتقدم بالليل بس خلاص مبقيش ينفع أصلا
جنى بإستغراب:لي اي اللي حصل
ياسين:انتي معرفتيش ولا اي
جنى:لا أنا لسة صاحيةومنزلتش من أوضتي فيه إي؟!
حكى لها ياسين ما حدث
ياسين:وطبعا فرح مستحيل توافق على قصي وقصي هيعمل دي قصاد دي وهيرفضني أكيد
جنى:يبقى انت لسة متعرفش قصي..قصي مستحيل يعمل كدا لأن دا حاجة ودا حاجة تاني
ياسين:والله مش عارف دماغي فيها كذا حاجة ومش عارف أفكر خالص
جنى:طيب هستناك في كافيه..... النهاردة تيجي نتكلم شوية لما بتشارك همومك مع حد بتخف شوية
ياسين:تمام هاجي شكرا بجد يا جني
__________________$$________________
في ڤيلا الراوي
كانت تجلس حنين مع آدم في حديقة الڤيلا
حنين:أنا بجد مش مصدقة اللي حصل دا كأننا في رواية (قال يعني دي مش رواية😂)
آدم:والله دا اللي حصل المشكلة انك متعرفيش مين اللي غلطان في الموضوع دا يعني دموع خطيبها سابها وفرح حبيبها سابها قبل كدا وخطب غيرها وأمير دا مالهوش ذنب وقصي ساب دموع علشان ميظلمهاش
حنين:المحزن في الموضوع ان مفيش حد حصل على حبه والأربع أطراف اتوجعوا وخسروا اللي بيحبوهم
آدم:وفيه صداقتين انتهو..صداقة دموع وفرح وصداقة قصي وأمير
حنين:طيب هنعمل إي علشان نحل الموضوع
آدم:المشكلة إن دموع قبل م بتكلم بتقولي انا اللي اختك مش فرح بس انت بتحبها عني وبتغير منها بطريقة فظيعه
حنين:أومال هنحلها ازاي
# أنا اللي هحل كل حاجة
بقلم/سهيلة مصطفى
********************************
"أحببتُ قلباً ليس لي"
# البارت ٣٠
حنين:طيب هنعمل إي علشان نحل الموضوع
آدم:المشكلة إن دموع قبل م بتكلم بتقولي انا اللي اختك مش فرح بس انت بتحبها عني وبتغير منها بطريقة فظيعه
حنين:أومال هنحلها ازاي
# أنا اللي هحل كل حاجة
حنين: ماما
آدم: إحم ازيك يا أمي عاملة اي
نسمة: الحمد لله يحبيبي إنت عامل إي فاكرني ولا نسيتني
آدم: لا طبعا يا أمي فاكر حضرتك
نسمة: كبرت واحلويت يا آدم مكنتش بصدق حنين لما بتقول دا بقي قمر يا ماما دا بقي عسل يا ماما
حنين: ماااااماااااا بااااس
آدم بضحك: أحرجتيها دي بتتقل عليا دلوقتي كشفتيها على حقيقتها
حنين: آدم بلاش تتكلم كدا
آدم: خلاص حقك عليا يا أوزعتي
حنين: لا زعلانة منك وهخاصمك
آدم بحنان: وأنا مقدرش على زعلك يا حنيني وإنحنى على جبهتها وقبّلها
نسمة: إحم أنا هنا على فكرة
آدم بحرج: معلش بقا بس دي حنين يعني مقدرش أسيبها زعلانة مني دقيقتين على بعض صح يا نوني
حنين: صح يا دومي
نسمة: م تتأدبي شوية يا بت وانت نسيت انك واقف مع حماتك م تتحترمني يا آدم
آدم بضحك: م كفاية عليا عمو إبراهيم كل م يشوفني يقول آدم متنساش انها في بيتي وأقدر أحبسها جنبي العمر كله
إبراهيم من الخلف : وإي كمان يا آدم
آدم: إنتو مالكم صوتكم تخن كدا لي؟!
نسمة: لا ولا يهمك كمل كمل
آدم: ولو شافني ماسك إيدها وبنتمشى في الجنينة يقولي إنتو لسة كاتبين الكتاب لما تبقى تروح بيتك إبقى امسك إيدها
إبراهيم: وإي كمان يا ابن مالك
آدم: لا أنا قلبي مش مطمن حاسس بوجوده هنا
حنين: بص وراك كدا
آدم: لا بالله عليكي متقوليش انه ورايا
(فاكرني بشاروخان وديبيكا في فيلم Happy New Year 😂)
إبراهيم: بقا أنا يا آدم بتكلم كدا
آدم: مش لسة بقولكم إن عمو إبراهيم أطيب قلب في الدنيا ولو قولتله هاخد حنين شهر مش بيقولي حاجة
إبراهيم: يعني أنا أب متسيب وسايب بنتي وخلاص
آدم: يختاااااي أنا تعبت خلاص إضربني يا عمي
إبراهيم بضحك: أهبل زي أبوك
حنين: آه صح يا ماما إنتي قولتي إنك هتحلي كل حاجة ممكن تقوليلنا هتعملي إي
نسمة: هعمل اللي كان لازم يتعمل من زمان
إبراهيم : اللي هو؟!
نسمة: هنتقدم ل فرح ونطلب إيدها ل قصي
آدم: آسف يا أمي على التدخل بس كدا إحنا بنخرب الأمور أكتر وبنوقف النفوس من بعضها
حنين: وأنا برضو بقول زي آدم كدا دموع هتفكر ان قصي سابها علشان فرح وان فرح برضو سابت أمير علشان قصي فإحنا كدا لو مش بنعقد الموضوع فإحنا مش بنحله
نسمة: انا فاهمة قصدكم بس لازم ناخد الخطوة دي وكل واحد شايل من التاني علشان لما يهدوا كدا ويتصالحوا نضمن ان مفيش حاجة هتبعدهم تاني ونفوسهم تبقى صافية ناحية بعض ... لكن لو صبرنا واخدنا الخطوة دي بعد م يرجعوا كويسين ويتصالحوا هنبقى بنفتح جروح قديمة وبنخلق عداوة احنا في غنا عنها أتمنى تكونوا فهمتوا قصدي
إبراهيم: كلام سليم ووجهة نظر برضو
آدم: أنا عن نفسي إقتنعت جدا بكلامك
حنين: وأنا كمان بس مش كله هيفهم كدا
نسمة: هنحطهم تحت الأمر الواقع
إبراهيم: ربنا يقدم اللي فيه الخير
_______________________$$__________
في الشركة
قصي: عجبك اللي عملته فيها دا؟! أهي انهارت وعيطت بسببك أتمنى تكون ارتحت بقا
أمير بعصبية: ياخي خلي عندك احساس شوية دي كانت خطيبتي ولولا حضرتك كانت هتبقى مراتي احترم اني قدامك وداري لهفتك عليها دي داري حبك ليها حتى مراعاة لمشاعري أنا إنت إي خلاص حبها خلاك مش واخد بالك من اللي حواليك خالص
قصي بهدوء: أمير إنت عارف غلاوتك عندي وإني بعتبرك أخويا مش صاحبي طول عمري بتمنالك الخير وأتمنى أشوفك أحسن مني ولو عارف إن فرح بتحبك أقسم بالله م كنت خليت مخلوق يعرف عن مشاعري ناحيتها لكن يا صاحبي الحب من طرف واحد الفشل هو مصيره الحتمي.. طول عمرك عاقل ومتفهم بعتبرك أخويا الكبير رغم إنك أصغر مني في السن البنت اللي مرضيتش على كرامتك انها تبقى على ذمتك وبتفكر في صاحبك يبقى فعلا بتحترمك ولو عليا أنا والله م كنت أعرف إنكم هتفسخوا أصلا هي عملت كدا وبرضو هي متعرفش ان انا ودموع كنا هنفسخ
أمير: بس أنا إتأذيت أوي يا صاحبي
قصي: كلنا كدا لازم نمر بتجارب فاشلة علشان نوصل للتجارب الناجحة اللي هتخلينا نستقر في حياتنا وتريحنا مش انت لوحدك اتأذيت هي إتأذت لأنها خسرت صاحبتها وإتأذت زمان لما خسرت حبها وأنا إتأذيت إني جرحت دموع وإتأذيت لما النهاردة دارت عني وشها ومشيت الناحية التانية ودموع إتأذت لأنها خسرت حبها وصاحبتها كلنا إتأذينا بس أذية ممكن إنها تتصلح وتتعالج حتى لو صعب بس مش مستحيل أتمنى تكون فهمتني يا أمير
أمير: يعني إنت فعلا بتحبني
قصي: إنت أخويا ومفيش أخ مبيحبش أخوه
أمير: حقك عليا يصاحبي
ثم تعانقا في عناق أخوي صادق
______________________$$$__________
كانت تلك مرّتها الأولى التي تفعل فيها شئ كهذا ولكنها حسمت أمرها ستفعلها ولن تتراجع...
رنّ هاتفها ف خرجت من تفكيرها المهلك
ياسين: أيوة يا جنى رنيت أفكرك إننا هنخرج أحسن تنسي زي كل مرة
جنى بضحك: لا فاكرة
ياسين: بصراحة متحمس جدا لأني حابب أحكي معاكي كتير لأني مبرتحش فعلا غير بكلامي معاكي
جنى: وأنا والله بتبسط جدا لما أشوفك واحكي معاك يا صديقي
ياسين: يبنتي بطلي الكلمة المستفزة دي
جنى بضحك: أومال أقول إي
ياسين: بت سلام بدل م افتح دماغك
جنى: سلام
أنهت معه المكالمة لتجري عدة إتصالات لعدة أشخاص
جنى: هاا كله تمام
# تمام كلمتهم كلهم وقولتلهم
جنى: بس اوعى اي حد ينطق بكلمة واحدة
# لا متخفيش أنا مش أي حد
جنى: طيب وهي عملت إي
#عملت كل اللي طلبتيه منها بالحرف الواحد
جنى: أنا عارفة إني تاعبتكم معايا بس كل بحسابه هخدمك خدمة العمر وهي كمان بس كان لازم وقفتكم معايا علشان اتشجع واعمل كدا وانتقم منه
# واحنا معاكي دايما بس زي م قولتي كل بحسابه وإلا هيعرف كل حاجة
جنى: فيها روحك
# يا ساتر يارب كل دا علشان انتقامك
جنى: انت متعرفش مستنية اليوم دا بقالي قد اي وواثقة انه بيحبني وهنتقم منه في كدا
# ان شاء الله كل حاجة تمشي زي م احنا مخططين ليها
_____________&&________$$__________
منذ أن أتت من الخارج وهي تبكي على حالها لم تكن تتوقع أن ما فعلته سيأتي على رأسها بمفردها قطع بكائها صوت طرقات على الباب
فرح: ادخل
حنين: بخ اي دا انتي فعلا بتعيطي زي م قالت طنط
فرح: لا مفيش حاجة انا بس مخنوقة شوية
حنين: انا عارفة ان الدنيا ملغبطة معاكي بس انتي قوية وبتتحملي كل حاجة
فرح: عارفة اللي مزعلني اي اني حاولت بقدر الامكان مأذيش أي حد منهم ولقيتني في الآخر أذيت التلاتة
حنين: بس انتي مأذتيش حد
فرح: علشان انتي مش طرف في الموضوع ف بتقولي كدا لكن كلهم مفكرين اني وحشة ويمكن انا فعلا كدا في نظر دموع انا خطفت خطيبها منها وفي نظر أمير أنا خاينة وسبته علشان صاحبه أما قصي دا ف بيتهيألي معندوش نظر أصلا
حنين بضحك: يبنتي احترمي انه اخويا وبتقوليها في وشي كدا عادي
فرح: هعملك إي م أنا كنت في وشه طول العمر ومش معبرني وأول م اتخطبت جاي يقولي فرح أنا بحبك بزمتك دا عنده نظر
حنين بضحك: مش أهو أخويا لكن بصراحة لا معندوش
فرح: صاحبتي الأوزعة دي يجدعان
حنين بجدية: طيب ودموع هتفضلوا زعلانين من بعض كدا
فرح: هي اللي إختارت وأنا مش هتقل عليها ومعلش يا حنين مش عايزة اتكلم في الموضوع دا تاني
حنين: اللي يريحك بس عايزاكي في مشوار معايا كدا بالليل أنا عارفة ان مش وقته بس اهو تغيري مودك وخلاص
فرح: أنا قولت طالما جاية عندنا يبقى عايزاني في مصلحة خير عايزانا نروح فين
حنين: هتروحي معايا أشتري هدية لآدم لإني بصراحة مش بعرف أختار وكدا
فرح: أنا عيوني ليكي ولأندومي
حنين بغيرة مزيفة: لا ملكيش دعوة بأندومي بقا
فرح: ياختي اتلهي هيفضل طول عمره في نظري آدم الرزل
حنين: يبنتي دا جوزي والله احترمي كدا
فرح: احترمي انتي نفسك وقومي روحي بيتكم عايزة انام
حنين: دبش أقسم بالله سلام يحجة
_________________$$$&______&_______'__
في ڤيلا مالك الصياد
كانت تبكي هي الأخرى على فقدان أعز ما لديها فأولهم حب عمرها التي طالما تمنت أن تصبح زوجته وثانيهم هي صديقة عمرها التي كانت بمثابة الأخت وأكثر من ذلك
سمعت طرقات على باب غرفتها
دموع: ادخل
حنين: دموع اللي وحشاني
دموع: اي دا حنين إي المفاجأة الحلوة دي
حنين: لقيتك مش بتسألي قولت أسأل أنا
دموع: حنين لو سمحتى بلاش موضوعي أنا وقصي يأثر على علاقتك بآدم إنتو ملكوش دعوة بأي حاجة دي كل حاجة قدر ونصيب
حنين: لا طبعا آدم بقي جوزي وحبيبي ومستحيل أبعد عنه لأي سبب من الأسباب
دموع بضحك: فينك يا آدم تسمع الأشعار الىي بتتقال فيك هنا
حنين: سيبك من آدم دلوقتي وقوليلي زعلانه من فرح لي
دموع: هي قالتلك حاجة ولا اي
حنين: لا والله دا آدم اللي حكالي
دموع: حنين بصي فرح دي مش هقولك صاحبتي لا دي بنتي اللي بخاف عليها وأمي اللي بتخاف عليا وأختي اللي بحبها أكتر من نفسي بس غصب عني والله اني اخد على خاطري منها
حنين: بس هي خبت عنك علشان هي كانت عارفة انك بتحبي قصي
دموع: وأنا عارفة انها بتحبني وعمرها م اتمنت ليا غير الخير بس لازم نبعد
حنين: طيب بقولك بصراحة كنت عايزة اشتري لأخوكي هدية ومش عارفة ف محتجاكي معايا النهاردة بالليل ومنها تغيري مودك
دموع: تمام انا اصلا محتاجة اخرج بالليل شوية
حنين: طيب يلا سلام مؤقتا
دموع: باي
أخرجت هاتفها
حنين: كل حاجة تمام