رواية اختي قتلت بنتي الفصل الثاني2بقلم هويدا زغلول
وفي الوقت ده عماد قال
عماد
ايه من الكلام اللي انت بتقوله ده لا طبعا ما ينفعش
يوسف
ابعت بس بسرعه بدل المغفل ده ما يجي هو في حد يكون على موبايله صور مراته كده ويسيب التليفون مفتوح
عماد
خلاص ماشي وانا هبعتهملك وبعد كده هتبعتهملي وفعلا اخدو صوري وعدا كام
يوم ورجع وكنت قاعده
احمد
مالك يا نكد قاعده كده ليه
ليلي
والله انت راجل رايق مهنش عليك تتصل بيا
تشوف عاملين اي مانت عارف ان مش
معايا تلفون ومش هعرف اكلمك
احمد
اه اسيب شغلي بقي واقعد ارد عليكي
وبعدين هو انتي عايزني ليه مانتي واحده
مقضيه حياتك ابوكي وامك معاكي عايزه اي تاني
ليلي
لوجي بنتك كانت تعبانه حرام عليك وبجد
مكنتش عارفه اعمل اي مانت عارف ان بابا.وماما
تعبانين ومحدش هيقدر يجري بيها معايا
احمد
ليه وحضرتك مش دايما وافقه معاهم يجربوا
يشلوا شويه بقي أنا داخل انام
ليلي
فين الفلوس اللي اشتغلت بيها في ادويه
كتير ناقصه ولازم انزل اجبها
احمد
منين دي العيشه هناك غاليه كنت بجيب
اكل جاهز ده انا حتي مستلف فلوس من عماد
صاحبي علشان خاطر اعرف ارجع
ليلي
حرام عليك والله عالفكره انا ملزمه منك
ولازم تصرف عليا
احمد
ادخل انام وبعدين اشوف الكلام ده يلا
تصحبي علي خير وبعدها نام وانا طلعت شقه
ثريا اختي
ثريا
يا فتاح يا عليم خير عايزه اي
ليلي
نفسي افهم انتي ليه بتعملي كده حرام
عليكي ده انا بحبك والله
ثريا
وانا لا طول ما بشوف بابا وماما بيحبوكي اكتر مني بكرهك اوي ومش بطيق اشوفك
ليلي
انا كنت مخنوقه ومحتاجه اتكلم مع حد واول
حد جه في بالي انتي والله
ثريا
بقولك اي أنا مش ناقصه نكد امشي وبعدها
قفلت الباب في وشي ودخلا وسليمان قال
سليمان
نفسي افهم انتي ليه بتعملي في اختك
كده حرام عليكي ده بتحبك
ثريا
ما تخليك في حالك يا سليمان وملكش دعوه انت بالحوارات دي
سليمان
طيب انا راجع شقتي ناويه تيجي برده ولا هتباتي هنا كمان النهارده
ثريا
لا راجعه معاك استنى هجيب البنت من جوه واجيب شنطتي كمان
سليمان
حمدي المرمطه اللي انتي
عاملاها فينا دي يا بنت الناس ما نقعد في شقتنا وخلاص
ثريا
لا يا حبيبي نصيبي لازم اخده زيي زيها بالظبط
اصبر داخله اجيب البت وبعدها مشيت. انا
نزلت تحت عند بابا
الاب
تعالي يا حبيبتي انا كنت عماله ارن عليكي
تليفونك مقفول كنت عايزه اطمن على بنتك عامله ايه دلوقتي
ليلي
لله يا بابا نسيت اقولك صحيح انا موبايلي ضاع كنت في السوق ومش عارفه نسيته فين
الاب
طيب ازاي يا حبيبتي ما تقوليش ليه علشان اجيبلك موبايل غيره فداكي يا قلبي
ليلي
معلش يا بابا انا مش عايزه اتقل عليك كده
كتير
الاب
يا حبيبتي ده كفايه حنيتك علينا ربنا يخليكي لنا يا رب بكره هيكون عندك موبايل احسن من اللي كان معاكي كمان صحيح جوزك رجع من الشغل ولا لسه
ليلي
اه يا بابا رجع وكنت عايزه اقولك على حاجه كده وبصراحه مكسوفه قوي هو كان مديني مصروف وانا خلصته وانا خايفه اقوله الكلام ده
الاب
افتحي الدولاب يا حبيبتي وخدي الفلوس اللي انتي عايزاه وعي-ب لما تقولي كده
ليلي
ربنا يخليك ليا يا بابا وما يحرمني منك ابدا
وبعدها روحت جبت العلاج ل لوجي وطلعت
واحمد صحي
احمد
صباح الخير ايه ده ده الفلوس ظهرت اهي جبتي العلاج للبنت
ليلي
هو انت فاكرني هقعد استناك لحد ما تجيب العلاج انا اخذت فلوس مع بابا ورحت جبته
احمد
عالعموم اشكري ابوكي انا رايح عند عماد
صاحبي
ليلي
مش عايزه بابا يشوف التليفون بتاعي معاك لانه هيجيب لي موبايل جديد لما قولتله ان موبايلي ضاع مني في السوق
احمد
وطبعا هيجيبلك موبايل احدث من اللي معايا ده مش كده ما هي كده هي الدنيا حظوظ
ليلي
اعمل حسابك يا احمد ان انت لازم تدور على شغل انا مش هشيل اكتر من كده وحرام والله الفلوس اللي انا باخدها من اهلي دي
احمد
يا عبيطه الفلوس دي مسيرها ليكي انتي واختك اتمتعي انتي بيها دلوقتي بدل ما اختك ما تيجي وتقسمك فيها
ليلي
انا مش عارفه انت ازاي بقيت كده انت عمرك ما كنت بتقبل ان انا اخذ قرش من حد
احمد
هو انت يا ليلى ما بتعرفيش تعملي حاجه غير انك بتنكدي عليا انا نازل احسن ما اقعد في وشك ونقعد نتخانق مع بعض وبعدها راح بيت
عماد
عماد
الا قولي يا صاحبي مراتك عرفت ان انت كنت معانا في مصيف ولا برده صدقت ان انت كنت في شغل
احمد
عايز اقولك ان ليلى دي عبيطه اصلا انا اللي مصبرني عليها ان هي بتصدقني في كل حاجه دي فاكره ان الموبايل ضاع مني ما تعرفش ان انا بعته علشان اطلع معاكم المصيف
عماد
وهي ما بتصعبش عليك لما انت بتعمل كده مستحمله ظروفك دي وانت بجد مش مقدر
احمد
مين قالك الكلام ده على طول مقصره في شقتي وقاعده عند ابوها وامها تحت وانا ساكت وما بتكلمش
عماد
المهم احنا هنعمل ايه دلوقتي بصراحه انا عايزه اخرج انا مخنوق جدا
احمد
لا لو هنخرج بقى يبقى خد اشحنلي التليفون ده عقبال ما ادخل الحمام واخرج ناس لي حظوظ وناس تاخد تليفونات قديمه تصدق ان ابوها يشتريلها موبايل جديد وهي مدياني التليفون المع-فن ده
عماد
لا ما لوش حق ازاي اعمل كده ده انت واد فظيع يخرب بيت عقلك هههههه. بعدها عماد
اخد رقمي وعدا يومين وكان معايا التلفون
ولقيت حد باعت ليا رساله واتس اب بصوري
وقال