رواية مراتي طفله مجنونه
الفصل العاشر10 والاخير
بقلم ايه الموافي
قام كريم من النوم على صوت موبايله وهو بيرن، لما لقاه الدكتور اتعدل بسرعة وقال:
- ايه يا دكتور لقيت حل لحالة ليلى ولا ايه؟
الدكتور: ان بس نتيجته مش مية في المية
كريم بإستغراب: يعني ايه نتيجته مش مية في المية
الدكتور: احنا درسنا العقار وعرفنا ايه تأثيره على المرضى العاديين
كريم: تأثيره ايه
الدكتور: العلاج ده لما مرضى الانفصام بياخدوه بيهدي شوية من حدة اضطراب الشخصية وبالتالي بيقلل ظهور تعدد الشيخصيات، ولما ليلى اخدته عمل نتيجة عكسية معاها لان عقلها سليم
كريم: طب والعلاج ايه عشان ترجع ليلى زي الاول
الدكتور: تاخد نفس العلاج اللي خدته بس المكونات اللي فيه تبقى اقل شوية، بنسبة كبيرة جدا ليلى هترجع زي الاول بس مش متأكدين اوي عشان ليلى اول حالة يحصلها كده واحنا مش مجربينه قبل كده عشان نكون متأكدين من العلاج
كريم: طب والعلاج اللي المكونات بتاعته بنسبة اخف اجيبه منين
الدكتور: انا قريب من البيت بتاعك، اول ما اوصل هرن حرس الباب
كريم: شكرا بجد يا دكتور انا مش عارف اقولك ايه
الدكتور: العلاج يجيب نتيجة بس وبعدين ابقى اشكرني براحتك
كريم: ان شاء الله
دخل كريم اوضته ليلى ولقاها نايمة، فضل يتأمل فيها شوية وبدون وعي منه باس جبينها بحنان، كريم بصدمة:
- ايه اللي انا بعمله ده
غطاها كويس وخرج وفضل مستني الدكتور، سمع جرس الباب فقام من مكانه بسرعة وفتحه بلهفة، كريم:
- اتفضل ادخل
دخل امجد وقال: هاتلي الاول كل العلاج الجديد اللي كنت عاطيه لليلى عشان اخاف لتتهور تاني
كريم: حقك بصراحة
دخلوا الاوضة وكريم اداله العلاج، الدكتور:
- هي ليلى فين؟
كريم: نايمة في الاوضة
الدكتور: طب صحيها عشان انا متحمس جدا اشوف نتيجة الدوا على حالتها
كريم ببرطمة: متحمس ايه عي فار تجارب
الدكتور: بتقول حاجة
كريم: لا ما بقولش، بس متستغربش لو لقيت حاجة غريبة ماشي، اصل انا معرفش ليلى هتتقمص شخصية ايه دلوقتي
الدكتور: لا متقلقش انا شوفت كتير وقليل وجاتش عليها يعني
كريم: كويس، انا هدخل اصحيها اهو وربنا يستر
دخل كريم الاوضة بس اتصدم لما ملقهاش، كريم:
- هي مش كانت نايمة من شوية؟ راحت فين دي
دور عليها في الاوضة ولما ملقهاش خرج بره، خرج امجد من الاوضة وقال بإستغراب:
- مصحيتهاش ليه؟
كريم: انا مش لاقي ليلى
الدكتور بصدمة: نعم
كريم: دي كانت نايمة هتروح فين بس
الدكتور: لتكون خرجت
كريم بخوف: يادي المصيبة
نطت ليلى قدامهم مرة واحدة وهي لابسة اسود في اسود وبتقول:
- اين اشيائي
رجعوا الاتنين لورا بصدمة وكريم قال بفزع:
- انتي بتيجي منين يا بت انتي وايه اللي عملاه في نفسك ده
ليلى: اين اشيائي
امجد: نعم
ليلى بعصبية: اين اشيائي
كريم: اشياء ايه يا بنت المجنونة
ضربته ليلى وهي بتقول:
- اين اشيائي
كريم بوجع: انتي من امتى ايدك تقيلة كده
ليلى بعصبية: اين اشيائي
كريم: اشياء ايه
ضربته ليلى بوكس تاني فوقع كريم على الارض، كريم بعصبية:
- انتي لو مكنتيش بنت انا كنت وريتك
بصت ليلى لامجد وقالت: اين اشيائي
امجد بخوف: والله يا اختي ما اعرف اشياء ايه اللي بتتكلمي عليها دي
ضربته ليلى بالبوكس فوقع على الارض وقال بصدمة:
- ده انا امجد
كريم بسخرية: تصدق مكنتش اعرف
امجد بغيظ: حسبي الله ونعم الوكيل فيكم وشي الحلو باظ
ليلى بعصبية: اين اشيائي
كريم بإنفعال: هي ايه، هي ايه اشياء امك
ليلى: ولكني سأعود
اختفت ليلى مرة واحدة من قدامهم فقال امجد:
- انا شوفت كتير وقليل بس مشوفتش حد زيها كده
كريم بغيظ: اومال لو كونت عايش معانا، يا اخي ده انا شوفت العجب
امجد: يعيني يا ابني
كريم بصياح: انا اتمرمطت اوي يا دكتور
امجد: معلش يا ضنايا استحمل كمان شوية، فكرني لما ليلى ترجع لحالتها ان شاء الله اخصم منها اسبوع على المرمطة اللي انت فيها دي
كريم: حبيبي يا دكتور والله
امجد: هي ليلى راحت فين
كريم: يارتني كنت اعرف والله وانا مكنتش بخلت عليك
امجد: بس البت دي ايدها جامدة اوي
حط كريم ايده على وشه وقال:
- انت هتقولي
قاموا من على الارض وكريم قال:
- خليك قاعد هنا عما تيجي
امجد بإستغراب: وانت ايه اللي عرفك انها هتيجي؟ مش يمكن متجيش
كريم: ليلى قالت ولكني سأعود وطالما قالت كده هترجع، يا راجل دي من غير اي حاجة ولازقالالي ما بتلك بقى لما تقولي سأعود
امجد: احلى حاجة فيكم انكم بتحبوا بعض
كريم: اوومال، وانت اكتر واحد شاهد على كده
ضحك امجد وفضلوا قاعدين شوية كتار، امجد بزهق:
- هي هتطل علينا امتى بقى
كريم: علمي علمك يا اخويا، انا هروح اجبلك اى حاجة تشربها
امجد: لا ملوش لزوم
كريم: يا راجل قول حاجة غير كده
مشى كريم وقبل ما يدخل المطبخ ظهرت ليلى قدامه وقالت:
- اين اشيائي
كريم: تعالي بس واستهدي بالله
ضربته ليلى بالوكس وهو وقع على الارض، مشت من جنبه وكريم قال:
- حلق عليها يا امجد اوعى تهرب منك
امجد بخوف: امسكها ازاى
ليلى بعصبية: اين اشيائي
امجد بخوف: بقولك ايه انا راجل عندي خشونة في العضم فبالراحة عليا وحياة ابوكي
كانت ليلى هتديله بالبوكس بس كريم كتفها من ورا وقال:
- حط البرشامة في بوقها بسرعة يا امجد
طلع امجد البرشامة من جيبه وقال:
- افتحي بقوقك
ليلى بعصبية: اين اشيائي
في وسط ما هي بتتكلم حط البرشامة في بوقها وقفل بوقها بسرعة عشلن متفهاش، كريم:
- ابلعيها وحياة ابوكي
حررت ليلى ايدها منها وضربته بالكوع في بطنه فقال بوجع:
- يا بنت الغبية
زقته ليلى جامد وكانت هتهرب بس اغمى عليها،جرى كريم عليها بخوف وقال:
- هي مالها
امجد: متقلقش ده من اثر الدوا، ساعتين كده وهتفوق
كريم: يارب العلاج يجيب نتيجة يارب
امجد: هيجيب نتيجة ان شاء الله
بص امجد في ساعته وقال:
- انا لازم امشي دلوقتي عشان ورايا حالة مهمة
كريم: ماشي يا دكتور
امجد: اول ما تفوق رن عليا وقولي حالتها عاملة ازاى
كريم: حاضر
مشى امجد وقفل باب الشقة وراه وكريم شال ليلى وحطها على السرير واعد جنبها ومن غير ما يدري راح في سابع نومة
• بعد ساعتين
صحى كريم على حركة بطيئة جنبه، فتح عيونه وقال بلهفة لما شافها بتفتح عيونها:
- ليلى
ليلى بتعب: انا فين
كريم: انتي في البيت، ليلى انتي فكراني وعارفة انا مين انتي اسمك ايه
ليلى بتعب: كريم هو ليه في احداث كتير بتيجي في دماغي
كريم: استنى لما اكلم الدكتور
رن كريم على امجد وقاله كل حاجة، امجد:
- متقلقش هي حالتها دي عاملة زي مريض الزهايمر اللي فقد ذاكرته ولما رجعتله تاني بيفتكر الاحداث اللي عملها
كريم: يعني مفيش خطر عليها يا دكتور
امجد: متقلش متخليهاش بس تيجي على نفسها
كريم: حاضر يا دكتور
قفل كريم معاه وليلى قالت:
- انا دماغي وجعاني اوي يا كريم
كريم: اهدي انا كلمت الدكتور وهو قالي متجهديش نفسك
ليلى: هو ايه اللي حصل
كريم: افطري الاول عشان انتي بقالك كام يوم مبتاكليش كويس وبعدين نتكلم
هزت ليلى راسها وهو راح المطبخ وحط الفطار على الصينية، حط الصينية على ايدها وبقى يأكلها، ليلى بتوتر:
- انا هاكل انا
كريم: لا متجهديش نفسك
ليلى: بس
كريم: اسمعي الكلام يا ليلى
فضل كريم يأكلها لحد ما شبعت، ودى الصينية للمطبخ ولما اجى هي قالت بصدمة:
- هو انا عملت كل ده يا كريم!
كريم: اللي هو ايه
ليلى: انا عمال يجي في عقلي شخصيات كتير اوي انا اتقمصتها
كريم: اخر مرة كنتي في حالتك الطبيعية انتي اخدتي العلاج الجديد اللي مكنتوش لسة جربتوه بدل المهدأ
ليلى بصدمة: اه صح انا كنت فاكرة اني اتلغبط ومن ساعتها معنتش فاكرة ايه اللي حصل
كريم: انتي اغمى عليكي ومن بعدها وانتي كل شوية تتقمصي شخصية شكل
ليلى بصدمة: وانت استحملتني كل ده يا كريم
كريم: انتي مراتي يا ليلى ولازم استحملك
ابتسمت ليلى بس ابتسامتها اتلاشت لما هو قال:
- انا كنت مستنيكي تروقي عشان احررك من اللي احنا فيه، انا هبعتلك ورقة طلاقك على بيت ابوكي ومش مهم الورث بتاع جدو
ليلى بصدمة: ايه
كريم: هو ده اللي كان لازم يحصل يا بنت عمي، الجواز مش بالغصب ابدا وطول ما حد مننا مش بيتنازل على الورث هنفضل مغصوبين على بعض طول حياتنا
ليلى بدموع حاولت تخفيها: عندك حق
كريم بإستغراب: انتي بتعيطي يا ليلى
ليلى بتوتر: ها، لا ابدا مبعيطش
كريم: احم، انا هخرج عما تجهزي نفسك
خرج كريم من الاوضة ودموع ليلى نزلت على خدها، مسحت دموعها وحطت هدومها في الشنطة وخرجت بره، كانت هتنزل بس كريم قال:
- استني اما اوصلك
ليلى: لا شكرا
كريم: لا شكرا ايه هو انا بعرض عليكي اوصلك؟ انا بعقولك اني هوصلك
ليلى: ملوش داعي
كريم بغيظ: قدامي يا ليلى عشان اوصلك
ليلى ببرود: كفايا تعبك معايا طول الايام اللي فاتت دي، عن اذنك يا كريم وخلي بالك من نفسك
نزلت ليلى من البيت وكريم قال بإستغراب:
- هي مالها دي
• بليل
قام كريم من النوم وراح اوضة ليلى عشان يتطمن عليها، اتصدم لما ملقهاش بس بعدين اسوعب اللي حصل، خرج من الاوضة وراح للمطبخ واعد يعمل سندويتشات، كريم بصوت عالي:
- انا بعمل سندويتشات اعملك معايا؟
ضرب على راسه بخفة وقال:
- انت بتكلم مين يا حمار مهي مشت، هي مسألة تعود بس وبعد كده هعيش حياتي عادي زي قبل ما اتجوزها
دخل اوضتها تاني وفضل ياكل السندويتشات، كريم:
- هو انا ليه حاسس بفراع جامد من ساعة ما هي مشت؟
اتنهد وقام من على السرير بس جاله فضول يشوف الدفتر بتاعها اللي دايما بتحطه في درج العلاج، كريم:
- اكيد فاتها خادته معاها لانها مش هتنسى حاجة مهمة زي دي
فتح الدرج وابتسم لما لقاه موجود، فضل يقلب فيه لحد ما لقى ليلى كاتبة اسمه وتحته كلام كتير، قرأ كريم الكلام بصوت عالي وقال:
- انا معرفش ده حصل امتى ولا ازاى بس انا بحبك يا كريم وبتمنى اعيش باقي حياتي معاك، يمكن اكون بحبك من صغري وانا معرفش بس اللي انا متأكدة منه اني بحبك اوي، انا اول ما سمعت خبر ان جدو كتب في وصيته اننا نتجوز انا مكنتش عارفة احزن ولا افرح، احزن عشان هتبقى مغصوب عليا ولا افرح عشان هتتجوزني
قفل كريم الدفتر وهو مصدوم على الآخر، فضل قاعد يستوعب اللي قرأه ودماغه واقفه عن التفكير
• تاني يوم
سمعت ليلى صوت خبط على الباب ففتحته، استغربت لما ملقتش حد بس جذب انظارها بوكيه ورد احمر على الارض، جابته من على الارض وقالت:
- الورد ده جاى منين
كريم بإبتسامة: الورد ده جاى لاحلى وردة في الدنيا
ليلى بصدمة: كريم انت بتعمل ايه هنا
كريم: انا اسف
ليلى بإستغراب: اسف على ايه؟
كريم: اسف عشان كنت هضيعك من ايدي
ليلى: انت قصدك ايه يا كريم
كريم: انا بحبك يا ليلى
ليلى بصدمة: ايه
كريم: انتي اول ما مشيتي من البيت وانا حسيب بفراغ رهيب جوايا، كل شوية بنادى عليكي وكل ضوية بعد في اوضتك عشان اشم ريحتك
ليلى بفرح: انت بجد بتحبني يا كريم
كريم بإبتسامة: اه يا ليلى
مسك ايدها وقال: ارجعي لبيتك يلا
ليلى: لا
كريم بإستغراب: هو ايه اللي لا
ليلى: لما ابقى افكر الاول
كريم بصدمة: نعم يا عنيا
ليلى ببرود: مش انت مشتني من البيت بمزاجك؟ انا هرجع بقى بمزاجي
كريم بغيظ: رجعنا لام العند اهو تاني
ليلى بغيظ: انا عندية يا كريم
كريم: عنديه وبومة
ليلى بصدمة: ايه
كريم بغيظ: بقى يا بت انا بقولك بحبك وجايبلك ورد وبقولك يلا نرجع البيت وانتي تفصليني بالرد ده! ان ما دخلتي في حضني ولا حتى قولتيلي وانا كمان بحبك
ليلى بغيظ: واضح كده يا كريم ان خناقاتنا وحشتك
كريم بغيظ: طب ارجعي يلا عشان ما اتغباش عليكي
ليلى بغيظ: طب جرب كده
كريم: انتي اللطف مينفعش معاكي، اللي زيك لازم يتساء معاها الغباء
ليلى بغيظ: طب جرب كده تسوء معايا الغباء وانا هوريك
اشتالها كريم على كتفه وقال:
- هنبقى نتناقش في الموضوع ده في البيت
ليلى بغيظ: نزلني يا كريم
كريم: ششش صدعتيني
ليلى: طب استنى اما اقول لبابا
كريم: متقلقيش انا كلمته قبل ما اجي
ليلى بغيظ: ده انتوا متفقين عليا بقى
مردش عليها كريم ووصل بيها البيت، نزلها على الارض وهي حطت ايدها على وسطها وقالت:
- مش انت قولتلي انك هتحررني؟ بترجعني ليه تاني بقى
كريم بغيظ: هو البعيدة مبتفهمش؟ مش انا قولتلك بحبك يا بت
ليلى بغيظ: وانا مبحبكش
كريم: اه يا لئيمة
قرب منها وقال: بقى مبتحبنيش برضو
ليلى بتوتر: اه اومال هكدب يعني؟
كريم: يا بت بطلي تحوري عليا
ليلى بتوتر: ابعد شوية
كريم: مش هبعد غير لما تعترفي
ليلى بتوتر: اعترف بإيه؟
كريم: تعترفي باللي جواكي
ليلى بتوتر: مفيش حاجة جوايا عشان اعترف بيها
كريم: كدابة يا ليلى، انا قرأت الكلام اللي كتباه في الدفتر بتاعك
بصتله ليلى بصدمة وهي حاسة بالإحراج، ضحك كريم عليها وقال:
- متحمريش اوي كده
ليلى بغيظ: كريم
كريم: يا عيون وقلب وكريم
ليلى: انا مش متعودة عليك وانت مسهوك كده
كريم بصدمة: مسهوك
ليلى: اه
كريم بغيظ: تصدقي انا غلطان، امشي يا بت من هنا
ضحكت ليلى عليه وقالت: خلاص متزعلش، انا بحبك يا كريم
بصلها كريم بفرح وقلبه اعلن الخضوع لحبها، كريم بحب:
- وانا كمان بحبك يا ليلى
اخدها في حضنه وفضلوا هما الاتنين يبصوا في عيون بعض بحب
تمت