رواية جبروت انثي وسطوة رجل
الفصل الثامن والخمسون58
بقلم الاء الرحمن
داني :لو سمحتوا عايز اتكلم مع العروسة لوحدنا
مروى قلقت
والدها :اكيييد ده لازم مايا خدي عريسك التراس
مايا بخجل :اتفضلي
سيرين قربت على ندى :نظرات داني ما تطمنش صح
ندى :انا حاسة كده برضه
داني دخل معاها ومايا قعدت بخجل
داني فضل باصص ليها فترة
شبك ايديه
مايا خجلت من نظراته المبحلقه فيها
داني :جوازنا هيكون عالورق
مايا تصدمت وما عرفتش تنطق اصلا
داني : بصي يا مايا انا معنديش اي مشاعر ناحيتك لا كره ولا حب انا انسان صريح جدا عايزة تعتبري دي جرأة سميها زي ما تحبي لكن انا عايز اكون واضح جدا معاكي من البداية
انا لو هتجوز هتجوز على شان امي وبس
مايا : وليه انا اقبل بالوضع ده ايه الي يجبرني اعيش مع راجل مش طايقني وبيتجوز على شان يرضي اهله وبس
داني بص في عينيها وده وترها نوعا ما : لانك بتحبيني يا مايا
مايا بغضب :احترم نفسك يا داني عيب كده
داني رفع حاجبه :هو انا سبيتك ولا شتمتك ايوه انا بقول واقع حاصل دلوقت
واتنهد مايا افهميني لو عايزة جوازنا كامل انا ما عنديش مانع لكن انا مش عايز اظلمك معايا هنجرب نعيش مع بعض نعرف اطباع بعض يمكن نتفاهم
اقولك اعتبريها فترة خطوبة لكن واحنا في نفس البيت كده هتعرفيني اكتر ولو ما اتفاهمناش اهو انتي تكوني ما خسرتيش حاجة وانتي زي ما انتي انا ما قربتش منك
مايا ما عرفتش تقول ايه بيخيرها بين خيارين اصعب من بعض يا ترفض يا تقبل تكون نص زوجة
داني :القرار عندك مايا
مايا مسحت دمعة نزلت منها :انا مش موافقة وبصتله من فوق لتحت انا اه حبيتك وحبيتك قوي وللحظة شفتك فارس احلامي لكن لا يا داني مش انا الي تعمل عليها حقل تجارب يا تصيب يا تخيب وبسخرية وبعدين انا هشتريك ليه وانت بايعني من اولها كده
علاقتنا اهي من قبل ما تبتدي ملامحها واضحة هكون انا الست المضحية الي بتحاول ترضي حبيبها زي ما بنشوف في الروايات وانت الراجل الي عايش مع وحدة بيحبهاش وساكت
انا متأسفة يا داني وبصت في عينيه من كل قلبي بتمنى انك تلاقي الست الي تسعدك وتحبها وتديها كل مشاعرك وانا بحترم قوي صراحتك دي
وسابته وخرجت وخو اتنهد وحصلها يسمع ويشوف رد فعل والدته
خرجت سيرين وقعدت معاهم وداني زيها
وادهم بيبص لنور :هو في ايه
نور بصتلهم : انا عارفاه تلاقيه رمالها كم كلمة من كلامه الرزل وخوفها منه
سامي :نقول مبروك يا ولاد
داني التزم الصمت
والدها :قولتي ايه يا حبيبتي موافقة على داني
مايا بصتله والدموع في عينيها وبعدين وجهت الكلام للجميع : انا اسفة يا جماعة لكن انا رافضة فكرة الجواز دلوقت
مروى بصت لداني بغضب :ليه يا حبيبتي
مايا : انا
والدتها بغضب مكتوم وهمست في ودانها :في ايه ما انتي كنتي هتطيري من الفرح لما عرفتي
مايا :سيبوني براحتي ارجوكم
وسابتهم وجريت على اوضتها
نور وندى حصلوها
والدها بأحراج :اعذروني يا جماعة لكن ده ما كانش رائيها انا مكسوف منكم
مالك بص لداني بغضب :كله قسمه ونصيب يا عمي
مروى قربت منه بغضب :عملت للبنت ايه يا حيوان
داني بصلها وهو بيجز على سنانه :هو انتي هتصدقي الحوار ده ولا ايه ما تهدي كده يا ماما جواز مش هتجوز خالص انا
لو جيت هنا جيت على شانك وبس
ادهم سمع الي قاله وشرد في علاقتهم وفي غموضه واتأكد انه داني مخبي حاجة وحااجة كبيرة قوي
مروى جحرته في عينيها واتغاضت منه وسكتت
عند نور وندى
دخلوا لمايا
نور :في ايه يا مايا قالك ايه داني
مايا بدموع :قالي انه ما بيحبينيش وانه لو هيتجوزني هيتجوزني على شان والدته وجوازنا هيكون على الورق وانه في حد تاني في حياته وما يقدرش يخونه
ندى :مستحيل ازاي ده
نور بغيظ :غبي غبي يا داني
ندى :ما يستاهلكيش اصلا انتي تستاهلي الي يقدرك
مايا مسحت دموعها :لو سمحتوا سيبوني لوحدي
نور وندى خرجوا من عندها والكل استأذن وخرجوا
...................................................
في القصر
سامي بغضب :انت غبي غبي مش عايز تتجوز ما تحرجناش من الاول
كامل بغضب :احنا قلبنا قد كده قدامهم ليه تعمل كده
داني ببرود :لاني قلتلكم من البداية اني مش هتجوز وانتوا ما بتردوش سلام بقى عندي موعد
مروى بغضب :داني داني
داني طنشها ومشي
مالك قرب من والدته :اهدي يا حبيبتي هو هيعرف غلطه ويصلحه
............................................
عند ادهم
خد شاور وخرج وهو بينشف شعره
نور نظرلت داني ما طمنتنيش النهاردة مش عارف حاسس انه بيخبي حاجة كبيرة قوي
نور بشرود :لاول مرة احس اني مش عارفاه ولا عمري عاشرته كان غامض بجد النهاردة
ادهم بتفكير :نور عايز اسألك هو داني كان طول عمره مع خالتك
نور :كان بيسافر ويرجع يعني كنا نادر ما بنشوفه
ادهم بمكر :امال اتربى فين وهو صغير على حسب ما عرفت هي خدته من المشفى وسافرت فيه على طول
نور :ما اعرفش لانه خالتي اصلا ما كانتش عايشة معانا من الاول هي جت وقعدة معانا وانا في الجانعة تقريبا واتعرفت وقتها على داني
ادهم بتفكير :اهااا
نور باستغراب :بتفكر في ايه
ادهم قرب منها وشدها عليه وطنش سؤالها وغمزها :ايه النظام كارهاني النهاردة ولا البيرڤن وحشك
نور علقت ايديها في رقبته بدلع :وحشني
ادهم بصوت عالي نسبيا :يا مسهل يا رب
نور بخجل :ادهم سيرين هنا عيب كده
ادهم بغيظ :ما تسمع ولا تتفلق حلالي
نور :ههههه
........................................................
عند ادم ومازن
مازن بسخرية :قولتلك مش هيزبطوا مع بعض ما سمعتش كلامي
ادم :وانا قولتلك داني من الاول رافض الفكرة وهما بيدبسوه اكييد عمل حاجة خلاها ترفضه
مازن :يا شيخ اتلهي انا والله ما انا ما مصدق انه الرزل ده من عيلتكوا عيل بارد
ادم :هتعمل ايه مع سيرين
مازن بغضب :ما تجبليش سيرتها دلوقت انا مازن تضرب عليا نار ان ما وريتها
ادم :بتقول داني رزل امال انت ايه
مازن بغيظ :ما تخرس يا عم وبتفكير بنت عمك دي هتيجي هتيجي انا عارفها ما تقدرش تستغنى عني اكتر من كده
ادم : ربنا يديني ربع الثقة الي عندك
مازن بفخر :قدرات يا بني
ادم بسخرية : سلملي على قدراتك الست الي تضرب جوزها بالنار من غير ما يرفلها جفن وتسيله في وسط الصحراء وتمشي وما تبصش وراها انا بقولك سيرين كرهتك فما تنفخش بنفسك كده يا عم الحلو
مازن شرد في كلام ادم
.......................................................
عند داني
راح لشركة الرفاعي وسلم ريحان التصاميم بتاعة ادهم
ريحان :انت بتحبه قوي على كده
داني :قووي اكتر مما تتخيل وبغضب مكتوم ده انا ما كرهتش حد قده من لما ظهر وحياتي كلها خربت
ريحان :لكن الي اعرفه انك عمه بتكرهه ليه
داني :ما يخصكش الي يخصك بقى عندك شوف شغلك بقى عايز شركته يبقى اسمها بالارض
ريحان بص لسنان
داني :استأذن انا
خرج داني
سنان :انا مش مرتاح للي اسمه داني
ريحان :مش عارف ايه مصلحته لكن الي متأكد منه انه بيحب مرات ادهم لكن ازاي وهو عمها دي الي انا مش فاهمها ولا لاقي ليها تبرير
داني راح شركة نور وثبت عليها تصاميم قديمة لكن بتواريخ جديدة
داني بشرود :كده هيبقى ادهم الي زور وادهم الي جاب الشركة الارض
..................................................
في الصباح
فاق ادهم ولبس
فاقت نور ؛هي الساعة كام
ادهم ابتسم وقرب منها وقبلها :الساعة تسعة
نور بنعس :وما فوقتنيش ليه
ادهم وهو بيمسح على شعرها :شفتك غرقانه في النوم صعبتي عليا
نور :هقوم اخد شاور والبس
ادهم :على ما تخلصي هنزل اخليهم يحضروا القهوة تمام
شربوا القهوة مع بعض وعدا على القصر قبل ما يروح الشركة
اادهم :صباح الخير
كامل :اهلا يا ادهم عامل ايه
سامي :مش هترجع تعيش هنا
ادهم : انا مرتاح كده يا جدي انا هطلع اخد حاجة من الاوضة وانزل
ادهم دخل على اوضته خد صمنها اوراق وهو نازل بص لاوضة داني وعدا عليها
خبط ما كانش داني موجود
ادهم قفل الباب وراه ودخل يدور على اي حاجة داني مخبيها فتش في الدلاب والجوارير والسرير والمرتبة ملقيش حاجة بص للتسريحة ودور فيها وبعدين ابتسم وليه هيخرج
لقي داني في وشه
داني وايديه في جيبه : بتعمل ايه في اوضتي اكيد ما كنتش جاي تطمن عليا
ادهم حك دقنه بخبث :اصلي اتلخبطت في الاوض معلش بقى يا يا عمي وغمزه ومشي
داني قبل ما يمشي حط ايده على كتفه :ما تزعلش بقى لما اتخلبط في اوضتك بعد كده
ادهم ضحك بسخرية وقرب على ودنه وهمس :ما بقاش فيها بعد كده يا داني
ادهم نزل
وداني دخل الاوضة شافها متلخبطة
خبط الكرسي برجله :ااااه هشرب من دمك يا كلب والله لاشرب من دمك
دخلت مروى اوضته :في ايه وايه الي عمل في اوضتك كده
داني بغضب :بررره بررره مش عايز اشوف حد برره
مروى بغضب :فيك ايه ايه الي مسقلب حالك كده وبعدين
داني بصلها بغضب :قولت اطلعي بره يا مروى
مروى بصتله بغيظ وخرجت
.....................................................
ادهم :انا عايز اتأكد وبس ابعتلي كل حاجة عالواتس
تمام حضرتك اول ما اعرف هبلغك على طول
ادهم مشي وهو بيفكر بكل الاحداث الي حصلت من زمان قوي
نور ضربتله
ادهم :اهلا يا حبيبتي
نور بابتسامة :انت فين
ادهم :كان عندي مشوار ودلوقت هروح الشركة
نور :طيب ايه رائيك اعزمك عالغدا
ادهم :هههه اكيييد طبعا واحنا نطول يا باشا اتغدى مع اجمل وارق واروع ست في العالم كله
نور :هههه هتغر كده
ادهم :والغرور يليق بمين غيرك
نور :تمام حضرتك الساعة وحدة هكون عندك في الشركة ونروح مع بعض
ادهم :تمام يا حبيبتي ربنا معاكي
نور قفلت وطلعت تلبس
سيرين بغيظ :انتي هتسيبيني لوحدي
نور :ما تقلقيش شوية وهتجيلك ندى لكن انا عندي شغل جامد في الشركة
خرجت نور ولسه هتركب عربيتها في حد حط على بوقها منديل عليه مخدر وغابت عن الوعي
ركبها بعربيتها وساقها ومشي
................................................
عند سيرين
ضرب الجرس توقعت انها ندى جريت تفتح لكن خالفت توقعاتها وكان مازن
سيرين بخوف :ما ما زن
كانت هتقفل الباب بسرعة لكن زقها بعيد عنه
وقفله بغضب
انا عايزه تقتليني يا سيري انا
سيرين بغضب :ايوه ايوه يا مازن ولو رجع فيا الزمن اقسم بالله لاكرر الي عملته فيك من اول وجديد
مازن بص في عينيها :معقول كرهتيني يا سيري
سيرين بكره حقيقي :قوي يا مازن قوي انت ما تستاهلنيش من الاول اصلا وانا الي كنت غبية بس اعمل ايه بقلبي الجزمة الي كان بيحبك
مازن بسخرية :والجزمة دلوقت بطل يحبني
سيرين بكره :ولا بيطيق يسمع صوتك ولا سيرتك اقسم بالله
مازن بغموض :عايزة تتطلقي يا سيري
سيرين :ايوه يا مازن ولو عندك كرامة مش هتخليني على ذمتك
مازن حك دقنه :وابني الي ببطنك
سيرين :انا مش حامل يا مازن دي كدبة اخترعتها نور عشان البوليس في وقتها
مازن بص في عنيها لفترة :انتي
سيرين بصت في عينيه بنظرات مش مفهومة :قولها يا مازن انطقها
مازن شد على ايده بغضب وعرف ساعتها انه سيرين بايعة
مازن سابها ومشي وسيرين بتنده عليه
طلقني طلقني بقولك ما تسبنيش كده اهئ اهئ
مازن طنشها وكمل طريقه
............................................
عند ادهم
عدت الساعة ثلاث العصر ونور ما جاتش وفونها مغلق
ضرب على سيرين عرف انها خرجت من بدري
ضرب على الشركة ما جاتش
ضرب على القصر ما بيردوش
قلق جدا
شغل عربيته وراح القصر سأل عنها ما كانتش موجودة
سامي:هو في
ضرب فونه
ادهم :الووو
المخبر :ادهم داني دمه مستحيل ينتمي لعيلة العمري ابدا تحليل DNA اكدلنا ده