رواية العشق الممنوع الفصل الرابع والعشرون والخامس والعشرون بقلم مارلي ايهاب
في الشركة عمار كان ينظر باستغراب لحورية التي كانت مصدومة من رده
عمار باستغراب.... رسايل اية يا حورية
حورية بتوتر... لا ابدا ما تخدش في بالك
عمار بضيق... يعني اية يعني مش هتقولي
حورية بضيق.. خلاص يا عمار في رسالة جات ليا و افتكرتها منك ده كل الموضوع
عمار بضيق... واية كانت الرسالة بقي وبعدين انتي مش معاكي رقمي
حورية بنفاذ صبر.... يا عمار فكرت معاك رقم تاني محصلش حاجه وكانت رسالة ملهاش لازمة كانت مجرد مساء الخير وازيك فكرت انت خلص الموضوع
عمار محبش يضايقها... خلاص يا حورية ولا يهمك
حورية محبتش تقوله ان الرسايل اللي بتيجي ماسنجر مش فون علشان ميسألش اكتر
حورية بضيق... انا هطلع اشوف الشغل اللي ورايا يا عمار بعد اذنك
حورية مشيت بضيق و طلعت مكتب بيجاد و الدموع في عيونها وقالت بهمس.... طيب هو مين مش عايز يقول هو مين ليه انا بجد تعبت خلاني احبه واتعلق بيه و برسايله وفي النهاية مش عارفة هو مين هموت من كتر الالم قلبي كل ما بيبعت رساله بيكون هيقف من الفرحة ولما ما بيبعتش الحزن والالم بيتملي فيه
يارب نفسي اعرفه واشوفه مرة واحده اكيد ده حد قريب مني جدا لدرجة انه عارف الشركة الموقف كل ده طيب مين ده يارب قربني منه وعرفني هو مين
بيجاد دخل المكتب وشاف شرودها والدموع تلمع في عيونها
بيجاد بضيق.. في حاجه يا حورية
حورية بدموع... لا مفيش
بيجاد بضيق.. عمار عملك حاجه
حورية... لا ابدا معمليش حاجه انا اللي مضايقة شوية
بيجاد بضيق... طيب
حورية قامت وقالت.... انا خلصت الملف وخلصت التقارير اللي حضرتك طلبتها و قبلت الفاكس و سبته لحضرتك.
بيجاد بهدوء... خلاص روحي انتي
حورية بهدوء وحزن... تمام بعد اذنك
بيجاد... اتفضلي
حورية اخدت شنطتها وحاجتها وخرجت وهي تحاول كتم دموعها
واقفت تاكسي وركبت
وهي شاردة في العاشق المجهول العاشق الذي لا يريد الافصاح عن هويته العاشق التي رسائله حينما تقرائها يقشعر جسدها من الاحساس التي تروادها
فاقت علي صوت السواق... العنوان يا ابلة
حورية..... شارع****
السواق... تمام
.،.،،..،،...،،..،.،.،.،.
في القسم كان يجلس وجية والغضب في قلبه من ناحية سهر وكانت سهر متوجدة في المكتب
الظابط بهدوء... حضرتك متهم بتهمة التعنيف والضرب مدام سهر
وجية حاول يكون هادي وميتعصبش..... ومين قال اني ضربتها حضرتك شايف اي علامات تدل علي الضرب
الظابط بتوتر..... لا
وجية بهدوء.... هل هيتم عمل تقرير طب شرعي علي علامات ضرب غير موجود
الظابط بتوتر... لا يا فندم
وجية بهدوء... طيب اعملي بقي محضر كذب و تسوء سمعتي و سمعة شركتي معني انها تجيبك علي الشركة يبقي هي عايزة تسوء سمعة شركتي.
سهر الصدمة بانت علي وجهها بعدما كانت تنظر بتشافي
الظابط... من حقك طبعا يا فندم بس انا بقول تحلوا الخلاف ودي احسن من شغل المحاضر و المحاكم و حضرتكم ناس كبار في البلد
سهر ابتسمت للحل ده
وجية بغضب. .. لا انا بقي عايز محضر
سهر الابتسامة انمحت من وجهها مرة اخرة
الظابط.... طييب انا هسيبك شوية سوا وانتم اتفهموا مع بعض و لو مصرين علي المحضر نعمل محضر بعد اذنكم
خرج الظابط و
سهر قالت بدموع.... بقي عايز تحبسني يا وجية هونت عليك
وجية بضيق.... اه ما انا هونت عليكي وعايزة تفضحيني في شغلي وتحبسيني
سهر بدموع.... انا كنت مضايقة منك بس علشان ضربتني
وجية بغل.... انا كنت بعد الشغل هرجعك البيت بس اللي زيك ميستهلش ولادك فضلوا يتحايلوا عليا انتي من النهارده و لا تلزميني يا سهر مش هحبسك مش علشان سواد عيونك لا علشان سمعة ولا دي اللي هتتأثر بيكي سامعة لو لمحتك قربتي من بيتي ولا من شركتي شركتك اللي انتي فرحانة بيها دي هخليهالك في الارض يا سهر سامعة في الارض
سهر بدموع..... طيب خلاص نتصالح و نرجع لبعض وانا هعملك اللي انت عايزة
وجية بغل... ده بعدك انا مستحيل اردك ليا تاني اللي بنا انتهي ومش هيرجع تاني سامعة
ونادي بصوت عالي... يا حضرة الظابط
الظابط دخل وقال... ها اتصفتوا
وجية بهدوء... ايوة
الظابط...... طيب اتفضل امضي هنا واتفضلي حضرتك امضي كمان هنا
الاتنين مضوا ووجية خرج بسرعة بمجرد ما مضي وهي خرجت تضرب نفسها علي غبائها
فعلا ذلك ليترجها ان تخرجه و تهدده ان يردها مره اخري بعدما تكسر عينه امامها
وجية ركب عربيته وطلع علي الشركة حتي يثبت للموظفين برجوعه ان لا يوجد شئ
.،.،.،..،.،.،،،.،..،.،.،.،.،..،.،.،.،..،
في الموقع يقف ايهم مع معتز
ومعتز كان يشرح كل شئ لايهم حتي يتعلم
معتز بهدوء... فهمت
ايهم ابتسم بهدوء... فهمت
معتز بابتسامة... تمام كدة احنا يومنا انتهاء تقدر تروح
ايهم ابتسم... تمام بعد اذنك
ايهم خرج من الموقع وركب تاكسي
وقال لسواق... اقف علي اقرب مسجد هنا لو سمحت
السواق... من عنيا يا باشا
وبعد خمس دقايق وقف امام مسجد كبير
ايهم دفع حق التاكسي ونزل وكان متردد يدخل او لا ولكن شجع نفسه ودخل وكان موعد صلاة العصر وكان صوت الاذان يرن وهو دخل وقعد في الاخر خالص لا يريد ان يري احد جاهله في دينه ويري انه حتي لا يعلم كيفية الصلاة
وبعد الصلاة الكل خرجوا من المسجد وقرب الشيخ من ايهم الذي كان ينظر في الارض من الخجل وكان متردد يذهب الي الشيخ
ولكن الشيخ قرب منه وقال.... السلام عليكم
ايهم بخجل... عليكم السلام
الشيخ... معاك الشيخ محمد انت اسمك اية اول مرة اشوفك هنا
ايهم بتوتر.... اه انا مش من المنطقة دي وبصراحة اول مرة اصلا ادخل جامع
الشيخ ابتسم.... طيب صليت العصر ولا لاء
ايهم بخجل نزل عيونه الارض والشيخ فهم
الشيخ محمد.... قولي بتعرف تتوضي
ايهم بخجل... اتعلمت امبارح
الشيخ.... طيب عارف ازاي تصلي
ايهم قال بخجل... لا معرفش ازاي وكنت جاي اتعلم
الشيخ ابتسم وقال... طيب انا هعلمك كل حاجه واحدة واحدة انت مصلتش خالص ولا كنت بتصلي زمان و نسيت
ايهم بخجل ودموع... انا معرفش اي حاجه لا في الصلاة ولا في الدين خالص
الشيخ قاله... طيب احكيلي عن حياتك اكتر انت اهلك موجودين
ايهم حكله كل شئ يخص اهله انهم عمرهم ما ذكروا قدامه اي شئ يخص الدين
وكمان عن علاقاته مع البنات والشرب والفحشاء الذي كان يفعله
اما الشيخ بعد ما سمع بدأ يعلمه بهدوء كيفية الوضوء والصلاة
وهو استمع بكل اهتمام وبعد مرور ساعتين كان يتحدث الشيخ فيهم عن الدين
ايهم قام حتي يذهب
الشيخ بابتسامة... هتيجي تاني
ايهم بإبتسامة... اكيد هاجي تاني وقريب كمان
الشيخ ابتسم.... وانا مستنيك يا ايهم مع السلامه
ايهم... الله يسلمك
وخرج وحاسس براحة كبيرة دخلت قلبه و كان حزين علي ما كان يفعله والذي كان يغضب الله به ولكنه وعد نفسه انه سوف يتغير
.،..،،..،..،.،.،..،.،..،،.،.،.،
حورية نزلت من التاكسي ودخلت الحارة بتاعتها وكان باين عليها الحزن الشديد
زياد شافها ومنع نفسه انه يروح يكلمها علشان ميفرضش نفسه عليها ابدا
نظرت له وكانت مشوشة لا تعلم من هو صاحب هذه الرسايل تريد ان تره ولكنها غير متاكدة من انه هو الذي يبعت الرسايل
طلعت بيتها وكانت والدتها تجلس امام التلفزيون
حورية بحزن.... مساء الخير
انجي بابتسامة.... مساء النور ولكن بعدها قلقت لما شافت ملامح الحزن علي وجهها... مالك يا حورية حد زعلك
حورية بدموع... لا بس انا مش عارفة مالي الفترة دي حاسة نفسي مخنوقة
انجي قامت وقالت... سلامتك من الخنقة يا حبيبتي مالك بس احكيلي مالك اية اللي جرالك بس
حورية بحزن... صدقيني مفيش حاجه انا حتي مش عارفة انا مضايقة ليه انا هقوم اخد شاور وارتاح شوية لو سمحتي
انجي محبتش تضغط عليها.. ماشي يا حبيبتي طيب مش هتاكلي انا عاملة ليكي البامية اللي بتحبيها
حورية... معلش اما اصحي هاكل بعد اذنك
انجي بحزن... اتفضلي
دخلت حورية و رمت نفسها علي السرير تبكي ومسكت تلفونها بغضب وقالت ريكورد لصاحب الرسائل
حورية بغضب... يا تقول انت مين يا هملك بلوك ولو بعت تاني هعملك بلوك برده انت سامع قول انت مين و خلصني
وقفلت واكملت بكائها الشديد وهي تقول... انا كذابة انا مقدرش ابعد عنه مقدرش اعمل ليه بلوك مقدرش مقدرش حبي لي يمنعني عمري في حياتي ما حسيت بشوق لحد بالطريقة دي وخصوص اني عمري ما شوفته و معرفوش بس هو عارفني و يمكن اكون انا كمان عارفة بس هو يقول مين
فتحت الفون و شافته شاف الرسالة وكتب رساله محتواها
( يا اجمل ما في عمري اصبري وفي القريب العاجل سوف تعرفي من انا)
بكت اكتر انه لم يقول من هو وليس عندها غير الانتظار
،.،..،.،،..،.،،..،.،.
في البيت روح ايهم و شاف اخوه يجلس ويلبس بدلة وكمان والده و والدته تلبس فستان شيك
ايهم باستغراب... في اية
اكمل بإبتسامة... رايحين نتقدم لروز بنت طنط شذا لمهاب احنا مستنينك تجي معانا
ايهم بتعب... طيب مينفعش تروحوا انتوا انا تعبان ومش قادر اطلع اغير وانزل تاني
شاهندا بضيق.. لا طبعا يا ايهم لازم تيجي معانا
اكمل بهدوء... خلاص يا ايهم اطلع انت ارتاح
شاهندا لسه هتتكلم اكمل نظر لها نظره واحدة ساكتتها
ايهم بهدوء... شكرا بعد اذنكم
طلع ايهم غرفته وشاهندا بضيق... يا اكمل لازم اخو العريس يكون موجود
اكمل بضيق... هو تعبان طول اليوم في الشغل وبعدين دي قاعدة تعارف مش خطوبة يلا
شاهندا بضيق... اوف طيب يعني لا ايهم راضي يجي ولا حتي سهر
اكمل بضيق.. احسن انها رفضت
شاهندا بصدمة... اكمل
اكمل بضيق.. بعد اللي عملته في جوزها ده مش طايقها في بيتي ابدا
شاهندا بضيق... هو يستاهل
اكمل بضيق.. يعني لو ضربتك قلم تروحي تعملي فيا محضر و غير ده تبعت البوليس علي الشركة علشان تبوظ سمعة الشركة
شاهندا بتوتر... انت غيره يا اكمل انت مستحيل تضربني علشان كدة انا مستحيل اعمل فيك محضر
اكمل بصدمة... يعني لو ضربتك تعملي فيا محضر اية انتوا الاتنين متربين ازاي لو كل واحده جوزها اتخانق معاها ولا ضربها ضربة تروح تعمل في محضر يبقي معظم رجالة مصر كلها هيتحبسوا يا هانم بقي كدة
مهاب شاف النقاش هيكون حد واخرته هتكون وحشة.... احنا كدة هنتاخر علي الناس ممكن. نمشي وتكملوا النقاش ده بعدين
اكمل بضيق.. اتفضل يا سيدي
خرجوا كلهم و مشيوا حتي فيلا شذا والتي كانت قريبة جدا من فيلاتهم
اكمل خبط علي الباب
والخادمة فتحت الباب... اتفضلوا
اكمل بهدوء.. شكرا
دخلوا مع الخادمة الي الصالون
ومهاب حط علبة الشكولاته علي التربيزة
الخادمة... تحبوا تشربوا اية
اكمل بإبتسامة... لما المدام تنزل
الخادمة... ابتسمت... زي ما حضرتك تحب بعد اذنكم
شذا جت وهي مبتسمة وجانبها روز
شذا بإبتسامة.... اهلا وسهلا نورتوا
شاهندا... بنوركوا ياحبيبتي
شذا سلمت علي اكمل ومهاب
وروز سلمت علي اكمل ومهاب وشاهدا
وكانت ترتدي روز فستان كاشف مفاتنها مهاب نظر لها بقرف ولكن ابتسم كامجاملة
روز بإبتسامة... ازيك يا مهاب
مهاب اتصدم انها هي اللي بتفتح الحوار معه مش العكس
مهاب بجدية... كويس
شاهندا ابتسمت بتوتر علي ردود ابنها الجافة
شاهندا ابتسمت بتوتر..... حبيبتي يا روز انتي عاملة اية وسمعت انك اشتغلتي في شركة عمك
روز بابتسامة وتكبر.... صح يا انطي انا بحب اشتغل جدا و بابي الله يرحمه كان دايما يشجعني علي الشغل
شاهندا... دي حاجه حلوه خالص لازم الست تعتمد علي نفسها
مهاب كان مضايق وهما فضلوا يتكلموا سوا وفي مواضيع عام وبعد ساعه سابهم لوحدها
روز بتكبر... وانت عندك كام سنه
مهاب بهدوء..... 31
روز بتكبر.. وليك شغل خاص ولا انت هتفضل طول الوقت شغال عند باباك انا احب جوزي يكون ليه شغل خاص علشان افتخر بيه قدام الناس وبعدين انت دايما كدة لبسك بدل وخنقة ولا بتلبس كاجول لانك لو دايما جدي كدة وبتلبس كدة ده مش هينفع لازم تغير من نفسك لان انا مستحيل اقبل بكدة ولازم اللي يجي يتقدم هنا علشان اوافق عليه ينفذ كل شروطي وانا الشبكة بتاعتي لازم تعدي 200000 جنية وعايزة فيلا هنا في الكومبوند لوحدي مش مع اهلك و اكون قريبة من مامي
وعايزة مهر ومأخر مليون جنيه وميلقش جنية
و
مهاب بضيق و غضب... انتي عماله تتشرطي من الصبح وتتكبري علي اية يا بت دا انتي لا شكل ولا منظر يا خله السنان انتي وبعدين خدي هنا عربية وفيلا وشغل خاص دانتي شغالة عند عمك وبيمن عليكي وعلي امك كل شهر و يدفع ايجار الفيلا ومشغلك تصرفي علي امك اهو تشيلي الحمل من عليه شوية هتتنكي وتقلي عقلك معايا هزعلك
وبعدين انا ميشرفنيش اتجوز واحدة كل اللي يهمها الفلوس كاني بشتري بضاعة علي الاقل البضاعة بتكون غالية لكن انتي رخيصة
وخرج من الصالون بسرعة وقال بغضب.. ماما بابا يلا نمشي
اكمل بتوتر.. في اية يامهاب
مهاب بعصبية... مستحيل اتجوز البت دي يلا من هنا
روز خرجت ومثلت البكاء
شذا بغضب... انا اللي مستحيل اقبل بيك لبنتي
مهاب بغضب.. ما يلا مستنين اية
مهاب خرج و اكمل كان مصدوم من عصبية مهاب اللي اول مرة يشوفها ويخاف منها
وصل البيت في سرعة قياسية وطلع علي اوضته بدون كلام
و اكمل وشاهندا مكنوش قادرين حتي يناقشوه بالعصبية بتاعته دي
.،.،..،.،.،.،..،.،..،.،.،..،.،
في البيت وجية قال لولاده اللي سهر عملته وقال بحزم.... محدش يجبلي سيرتها تاني وانا وهي انتهينا ومستحيل نرجع لبعض تاني فاهمين
وطلع علي غرفته بدون ولا حرف زيادة
عمار ونور كانوا زعلانين وعمار مكنش متوقع ان ممكن امه تعمل كدة في ابوه عشرة. العمر
الفصل الخامس والعشرون
بعد مرور شهر ونصف حدث فيهم الكثير من الامور
حورية زاد تعلقها الكبير بالعاشق المجهول ودايما شاردة فيه
.،،..،.،،..،.،.
عمار مضايق من شرود حورية وبعدها عنه اللي بدأ يلاحظه في اخر فترة و حاسس ان بيجاد انتصر عليه وطول الوقت عصبي بسبب الموضوع ده
. . . . .. . ..........
بيجاد طول الوقت عصبي منعهم انهم يشوفوا بعض في الكلية و في الشركة ومع ذلك حاسس بسرحانها طول الوقت وحاسس ان عمار انتصر عليها لان في معتقده هي بتحب عمار ودايما شرده فيه
..،.،.،.،.،..،.،.،.،.،.،.،
ايهم اتغير كتير عن الاول واظب علي الصلاة والصوم كل اسبوع و كمان انتظم في حضور كليته
وبقي بيذاكر ويشتغل وبقي ليه مكتب لوحده بيساعد والده فيه واهله مستغربين منه جدا ومن تغيره وكمان انتظامه علي الصلاة في كل معاد صلاة ينزل يروح الجامع يصلي ويرجع الشركة والده كان مصدوم من افعال ابنه ولكن مش قادر يحدد هو مبسوط بيه ولا خجلان من ابنه بقي يصلي وابوه اللي المفروض قدوه ليه مش بيصلي ولا بيمسك حتي المصحف قدامه ابنه اتعلم كل ده ازاي مش عارف مين علمه برده مش عارف
.،.،.،..،.،..،.،...،.،.
مهاب منجحش مع روز وعرف انه مهما يقرب من اي بنت مش بينجح علاقته بيها حاول يتواصل مع كاميليا و لكن هي رفضت رفض قاطع وخصوص بعد ما عرفت انه فكر يتجوز غيرها
.،.،..،.،.،.،..،.،..،،..،.،
وجية حياته بقت عملية اكتر من الاول طول الوقت في الشغل و سهر في اول ما المشكله القسم خلصت تاني يوم حاولت تتكلم معه ويتفهموا ولكن رفض حاولت تقنع عيالها يتحايلوا عليه ويقنعوه يرجعها ولكن عمار كان رده صارم
..،.. انتي بعد اللي عملتيه في ابويا اللي عمره لا زعلك ولا حتي حاول يضايق بكلمة رغم كمية العيوب اللي فيكي مستحيل يجي ليا عين اقوله يرجعك طول الوقت مستحمل تكبرك وعجرفتك طول الوقت مستحمل اهملك فيه وفين مش همك غير منظرك الاجتماعي ومقابلات العمل وصحابك ده بس اللي كان بيهمك فاكرة واحنا لسه عيال مكملوش الخمس والست سنين فاكرة لما كنتي بتسبيني باليوم و الاتنين مع الخدم وفي النهاية ابويا يسيب شغله وماله و يجي هو و يراعينا و يقعد معانا ليه علشان ميحسسناش باللي انتي بتخلينا نحسه
وقال بصوت مهزوز والدموع..... فكرة لما بابا كان مسافر وانا في سته ابتدائي وكنت تعبان جدا بسبب دور البرد اللي كان عندي وجتلك الاوضة
و صحيتك من النوم فاكرة وقتها عملتي اية فاكرة ولا افكرك زعقتيلي وزقتيني وقولتيلي غور علي اوضتك حتي مسألتنيش جاي ليه يوميها روحت علي اوضتي وفضلت اعيط من الوجع والسخونية اللي كنت فيها ومن السخونية اغمي عليا وابويا جه تاني يوم الصبح قبل ما يدخل اوضته دخل يطمن عليا وشافني مرمي علي الارض وهو اللي شالني و جابلي الدكتور و انتي كنتي فين ها كنتي نايمة ولما بابا جاب الدكتور واطمن عليا وجه يتخانق معاكي وانا كنت خلاص فوقت بس خوفت اخرج برة تضربيني وتزعقيلي كالعادة لقيت بابا بيزعق ليكي وبيقولك كنتي فين و ابنك مرمي علي الارض لو مكنتش لحقته كان ممكن يجراله حاجه
رديتي بكل برود وكأن معملتيش حاجه
... وخلاص بقي كويس وبعدين حتي لو ده حصل انا همسك عمره وقتها قلبي فعلا اتكسر الكلمة دي عمري ما نسيتها ولا هنساها وبقيت ابعد عنك وابويا بقي هو الاقرب ليا و لقلبي انتي عمري ما اعتبرتك امي انا ابويا كل حياتي يا سهر هانم وانا لو كنت عايز ارجعك ليه علشان نور متعلقة بيكي مش عارف ليه رغم ان عمرنا ما شوفنا حاجه عدله منك اتفضلي امشي روحي عندي خالتي حبيبتك واللي تفكركم واحد.
سهر بدموع... عمار انا كنت صغيرة ومش عارفة اتعامل بس متنكرش لما كبرتوا بقيت اهتم بيكوا
و
عمار بسخرية.... الاهتمام في الكبر ملهوش لازمة الاساس من الصغر هو اللي بحدد حبك لينا وانتي عمرك ما حبتينا رغم اننا ولادك اسمعي بعد اللي عملتيه لابويا انا كرهتك سامعة كرهتك انا ماشي وسيبهالك
ومن يومها مشفهاش او هي حاولت تقرب منه وكانها بتثبت فكرة انهم مش مهمين عندها
. .،.،..،.،.،........
اما بنسبة لنور بقت تركز في دروسها وبتحاول تنسي مي وهادي واللي عملوه فيها
،..،....،.،..،.،......،،..
اما زياد كل مرة بيزيد تعلقه في المذاكرة بشدة وهو اللي بيحاول ما يسبش الكتاب من ايده
.،..،.،.،.،.،.،.،..،.،.،.،.،.،.
انجي طول الوقت قاعدة في البيت ومضايقة من حزن بنتها وهي تعبانة من قاعدة البيت
،..،،.،.،.،.،،.،.،.،.،..،.،
في صباح يوم جديد كانت حورية تجلس علي مكتبها وهي شاردة كالعادة
دخل بيجاد وقال.... صباح الخير
حورية لم ترد لانها لم تري اصلا بسبب شردها زاد سخطه علي عمار اكتر
بيجاد بحده.... حورية
حورية التفتت ليه بسرعة وقالت..... نعم
بيجاد بغضب... انت اية نظامك طول الوقت سرحانة ومش فايقة مالك
حورية بخجل.... انا بس
بيجاد بغضب... كدة مش هينفع لو هتفضلي كدة تشوفي مكان تاني تشتغلي فيه لان الدلع ده مش هيمشي معايا وانا بقول كفاية كده عليكي هنا
حورية بدموع وعزة نفس... حضرتك مش من حقك ابدا تحاسبني وانا مش في معاد شغلي واللي حضرتك بتطلبه بعمله سرحاني مضرش حضرتك في حاجه ابدا بالعكس شغلك كله موجود وانا بعتذر جدا يا فندم لو كنت ضايقتك بعد اذنك انا فعلا شغلي هنا انتهي ومسكت شنطتها وهو انتبه للي قاله ومسك ايديها وقال هو بيحاول يهدي... حورية لو سمحتي انا مقصدش حاجه انا بس كنت متعصب وعصبيتي طلعت عليكي اسمعيني
حورية بضيق... لو سمحت ما تلمسنيش انا ده اخر يوم ليا هنا ومتشكرة لحضرتك اوي
بيجاد مسك ايديها الاتنين وقال بهسترية... اسمعيني يا حورية انا قولت كدة علشان بحبك ايوة بحبك وبغير من عمار دايما لانك قريبة منه اسمعيني هو عمره ما هيقدرك ولا يحبك زي
حورية بصدمة قالت... عمار مجرد صديق مش اكتر
بيجاد بهسترية.... خلاص بما انه بنسبة ليكي صديق انا بحبك يا حورية و عايز اتجوزك
حورية بعدت عنه بسرعة وقالت بصدمة... انا لا مستحيل
بيجاد بصدمة... مستحيل يعني اية وليه اصلا
حورية بدموع... انا بحب واحد تاني وهنتجوز انا وهو
بيجاد بصدمة وغضب.. مين عمار ولا زياد
حورية بدموع... لا ده ولا ده واظن انه ميخصكش هو مين انا شغلي انتهي هنا بعد اذنك
خرجت وهو كان يقف بصدمة ليس عمار ولا حتي زياد اذن من هو كان يقف بسبب صدمته لا يقدر علي الحاق بها
.،.،.،.،.،.،،.
حورية خرجت برة الشركة والدموع في عيونها كانت تقول. .... مش هتقولي انت مين بقي بحب في واحد مجهول الهوية طب ليه ليه يارب كده و بعدين ازاي بيجاد ممكن يفكر في عمار كدة عمار صديق ووهو معتبرني كدة زي اخته
كانت تقول هذا الكلام في نفسها لا تريد ان تصدق ان عمار لا يرها اخته ولا يرها صديقة
ركبت تاكسي علشان تروح بيتها
..،.،.،.،.،..،.،.،.،..،،.،.،..
في الشقة كان يجلس زياد ويمسك كتاب الكيمياء ويذاكر بجدية
سمع صوت الباب يفتح نظر وكان والده اللي ابتسم وقال... ازيك يا حبيبي
زياد ابتسم.. انا الحمدلله بخير اتفضل يا ابا
سيد جلس وقال... عامل اية في المذاكرة
زياد بابتسامة... الحمدلله لحد الان انا كويس جدا يا بابا
سيد ابتسم.... ربنا معاك يا بني واشوفك في اعلي المراتب
زياد بابتسامة... يارب يا ابا
سيد... طيب انا كنت جاي اطمن عليك واشوف احوالك همشي علشان معطلكش
زياد ابتسم... تعطلني براحتك يا بابا
سيد ابتسم... حبيبي يلا باذن انا
زياد ابتسم... مع السلامه يا ابا
سيد... مع السلامه
خرج سيد وزياد فتح الكتاب من تاني ويبدا مذاكرة
من جديد
،..،.،..،،..،.،،،..،.،..،.،،
في البيت حورية روحت وجلست في غرفتها بدون كلام
انجي دخلت وهي حطه الاكل في صنية وقالت بهدوء... مالك بس يا بنتي حالك متشقلب كدة ليه في حد مزعلك بقالك شهر ونص علي الحالة دي في اية اتكلمي انا امك عمرك ما خبيتي عليا حاجه
حورية بدموع..... انا اترفدت من الشغل
انجي بحزن... ده اللي مزعلك وبعدين ده انهاردة بس لكن حالتك دي من شهر ونص وانا عايزة اعرف في اية يا حورية
حورية بدموع تلمع بقهر.... قلبي موجوع والالم بيكبر جوه كل يوم عن اللي قبله بندم علي اليوم اللي اتولدت فيه بسبب الالم مش عارفة ليه مكتوب عليا كل شخص اتعلق بيه و احبه يروح مني يعني ابويا كنت متعلقة بيه جداً وراح مني في غمضة عين ومن واحدة زبال*ة معندهاش لا دين ولا اخلاق ولا رحمة
والتاني احبه وانا اصلا معرفوش واتعلق بيه و برده معرفوش تقدري تدوي قلبي ها تقدري تشيلي قلبي من مكانه وترجعيه تاني صغير ونضيف مفيش الم ولا جرح ولا ذكريات تطاردك طول الليل انا تعبانة و متعلجتش مجرد ما بنام بليل بفتكر الحادثة و بفتكر الست اللي بسببها عشنا متالمين و عشنا بنحاول نشتغل واتبهدلنا لان عمود البيت مش موجود مات مات بسبب الفقر لو كنا اغنيا زيهم كنا قدرنا ناخد حقه لكن احنا فقراء و الفقراء لازم ينداس عليهم بالجزمة وبدات تصرخ وتتكلم بهسترية وجنون وصوت عالي تعرفي اني فكرت انتحر اكتر من مرة علشان اخلص من افكار طول الليل والاحلام اللي مش بتخلص تعرفي كنت بخبي عليكي علشان متزعليش علشان متشليش همي واخسرك زي ما خسرته زمان ابويا حبيبي سندي وضهري اللي اتكسروا من بعده مقدرش اقولك قد اية انا مقورة مش هتحسي بيا زاد احساسي بالانتحار لما حبيت شخص انا معرفوش حتي اسمه معرفش شكله انا بحب خيال واحد مش موجود او موجود بس انا انا انا يا ماما مش عارفة مش عارفة هو مين نفسي اعرفه وجلست علي الارض تبكي بقهر وصراخ وهي تقول... بس يقول هو مين وانا وللهي العظيم هعمله اللي هو عايزه بس يقولي هو مين هو مين
انجي تقف بصدمة من حالة بنتها وتبكي بوجع علي حالتها و نزلت جنبها علي الارض وحضنتها وقالت بقهر و دموع.... انا اسفة يا حبيبتي ان بسببي شوفتي ابوكي كدة انا اللي رفضت اروح معه اليوم ده وهو خدك انتي انا اسفة اسفة يا حبيبتي وبعدين حرام عليكي تقولي انتحار ليه يا حبيبتي حرام عليكي عايزة تموتي كافرة لو عايزة اوديكي لدكتور نفسي تعالي نروح بس متزعليش نفسك ابدا يا حبيبتي
انجي محبتش تسالها علي الشاب اللي هي بتحبه وهي في الحالة دي حضنتها لغاية ما تهدي خالص
.،.،.،..،.،.،،،.،.،..،.،.،.،.،.،
في البيت عند ايهم رجع من شغله اخد شاور ومسك كتابه وبدا يذاكر بهدوء حتي سمع صلاة المغرب قام اتوضي وصلاة المغرب
وبعدين قام تاني يكمل مذاكرة
وده بقي الروتين بتاعه اليومي
شاهندا دخلت عليه اوضته وشافته ماسك الكتاب بيذاكر
شاهندا بهدوء.. ايهم عايزة اتكلم معاك في موضوع
ايهم بهدوء... اتفضلي
شاهندا بتوتر... بصراحه كنت عايز تصالح ريهام وترجعوا ترتبطوا من تاني انا شايفة انها لما بعدت عنك بقيت تعمل حاجات غربية
ايهم...... ياتري اية هيكون رده
.،..،.،.،..،.،.،.،.،.،..،.،،.،.
في الشركة وجيه الام
وجيه للسكرتيرة.... اعملي اعلان اني عايز ناس تشتغل في الحسابات ويكونوا متخرجين يا من تعليم فوق المتوسط او بكالوريوس
السكرتيرة.... حاضر يا فندم
وجيه بهدوء... اتفضلوا انتي
السكرتيرة... بعد اذنك
وخرجت السكرتيرة اما وجية اتصل علي عمار
وجيه بهدوء... الو عمار رجعت البيت طيب اطمن علي اختك مش عجباني الفترة دي وانا لما اجي هتكلم معاها تمام يا حبيبي باي
باي
وقفل وهو مش عارف بنته مالها