رواية انوثة طاغية الفصل السابع والثامن بقلم ام غفران ورحمه
و خرجت جنا و قدمت العصير و راحت للعريس تديلو العصير ووقعتو عليه اول ما شافتو
جنا:يوسف!!!
يوسف:هو انتى!!!!!!
حبيبة لانس بدهشة:انت اخوها؟!!!
انس:انتى اية اللى جابك هنا!!!!
والد جنا:مالكو يا ولاد فى اية
يوسف بغيظ:يا عمو اصل جنا طلعت معايا فنفس الكلية
احمد:ممممم فهمت....طب و بالنسبة لييك يا انس
انس بغيظ:اصل انا و حبيبة ف مدرسة واحدة
والدة جنا:روحى مع يوسف يا جنا عشان بنضف هدومو
جنا و هى بتبص لمامتها بغيظ و بصوت واطى:و انا مالى
والدة جنا بصتلها بصة بمعنى روحى
جنا بعصبية مكتومة:اتفضل معايا...
و شاورت لمنة عشان تروح معاها
والد يوسف:ها يا محمد قلت ايه
والد جنا:انا عن نفسى موافق بس لازم اخد رأى جنا
والد يوسف:اكيد...بس نسيبهم يعدو مع بعض شوية
والد جنا:اكييد
عند جنا ويوسف و منة
منة:انا مش مصدقة ان انت العريس
يوسف:شوفتى الهنا اللى انا فيه
جنا: بص بأة قول لاونكل جمال انك مش عايزنى
يوسف لنفسو:لو كان ينفع كان زمانى ولعت فيكى مش رفضك و بس
جنا:روحت فين
يوسف:انا مش هقول كدة
جنا:لية بأة ان شاء الله
يوسف و قرب منها:عادى يعنى
جنا:بعدت عنو و رشتو بالمايه:عشان تبقى تحترم نفسك بعد كدة
يوسف و هوبيبص لجنا و بغيظ:انتى بتهزرى اية اللى انتى عملتية دة
منة:يالهوى دة لبسك كلو باظ هتطلعلهم ازاى دلوئتى
احمد و لما جه:اية كل دة بتنضف هدومك
يوسف:عادى بأة
احمد:هههههه اية اللى بهدلك كدة
يوسف:اصل اختك هزارها تقيل شوية
احمد بغيظ وهو بيبص لجنا:و الله
جنا:يلا نطلع
وخرجو و اعدو شوية و سابو يوسف و جنا اعدين لوحدهم
جنا:يوسف قوول ان انت رافضنى
يوسف:طب ماتقولى انتى
جنا:مش هينفع
يوسف:عشان بتحبينى صح
جنا:لا يا خفيف عشان بابا شايفك عريس مناسب ليا ومش عارفة اطلع بحجة اية
يوسف:طب كويس
جنا:وبعدين انت مش قلت انك هتتقدم للبنت كمان اسبوع
يوسف:نصيب بأة
ومشي يوسف و اهلو
والد جنا:اية رأيك فيه يا جنا
جنا:بابا انا مش عايزة اتجوز
والد جنا:ليةيا حبيبتى والله شكلو كويس
جنا:يعنى حضرتك هتجبرنى يا بابا
والد جنا:لا بس عايز سبب مقنع
جنا:انى عايزة اكمل دراستى و اشتغل
والد جنا:ماهو مش معارض شغلك وقال كمان هتشتغلى معاه ف شركة باباه
جنا:_____________
والد جنا:جنا فكرى وقولى رأيك احنا المفروض هنرد عليهم كمان اسبوع
جنا:ماشى يا بابا بعد اذنك
.................................................. .
و عند يوسف
يوسف بعصبية:يعنى انت ملقتش غير دى و تجوزهالى
والد يوسف:ولد اتكلم كويس
يوسف:يا بابا انا مش عايزها
والد يوسف:مش عايزها عشان محترمة صح
يوسف:مافى بنات كتير محترمين وكمان حلوين
والد يوسف:والله و انت عايزنى اسيبك تنقى واحدة زبالة و تقولى هتجوزها و تبقى ام لولادك
يوسف و بصوت عالى:و مين قالك انى عايز اتنيل اتجوز اصلا
والد يوسف بعصبية:يوسف اتكلم عدل معايا و دة قرارى عجبك عجبك مش عاجبك غور ومشوفش خلقتك تانى
يوسف:طب افرض هى رفضت
والد يوف:بشطارتك تخليها توافق وان موافقتش فأنا بردو عند قرارى
يوسف:طب شوفلى غيرها
والد يوسف:و دى بأة دخلت مزاجى
يوسف بسخرية:قول كدة بأة انت مختارها عشان مزاجك
والد يوسف:وحيات امك يا يوسف لو ما اتكلمت عدل هتشوف اللى عمرك ماشفتو وانت عارف انا هعمل اية
يوسف خرج من البيت من غير ولا كلمة وراح لمازن
.........................
و ف بيت جنا كانت اعدة تتكلم مع منة
جنا:منة انا مش مصدقة ان هو اللى اتقدملى
منة:طب هتعملى ايه
جنا:اكيد هرفض بس عايزة مبرر
احمد و دخل الاوضة:جنا انتى رافضة يوسف لية
جنا:منا قولت يا احمد انى مش بفكر ف الكلام دة دلوئتى
احمد:و الله المفروض انى اصدق...انتى مشوفتيش شكلك كان عامل ازاى لما شوفتيه
جنا بارتباك:و انا هكدب لية يعنى يا احمد
احمد:ماشى يا جنا لو حبيتى تحكى حاجة ابقى تعالى
جنا:اوك
و خرج احمد و هو مضايق و مش مصدق كلام جنا
جنا:ادى احمد مش مصدق يعنى لو رفضت من غير سبب مقنع مش هيسبونى ف حالى من الاسئلة و انتى عارفة ابن خالتك ميتوصاش
منة بتفكير:طب ماتوافقى
جنا:انتى هبلة انتى كمان
منة:والله مابهزر وافقى وبعدين اخترعى اى حاجة و قولى مش قادرين نكمل
جنا:وافرضى يوسف مادانيش فرصة انى اسيبو
منة:لا انتى بطيقية و لا هو بيطيقك...اراهنك انكو مش هتكملو شهر
جنا:اموت و اعرف اتقدملى لية و احنا مش بنطيق بعض
منة:نفس اللى انا عايزة اعرفو
.................................................. ......
و ف بيت مازن
مازن:يابنى خليها تحبك و اعمل اللى انت عايزو بعد كدة خليها متفتحش بؤقها
يوسف:بس انا مش بطيقها
مازن:معلش استحمل شوية عشان تاخد كل حاجة
يوسف:و الله فكرة يا مازن...بقولك ممعكش حشيش
مازن:استنى هجيبلك
يوسف:بسرعة احسن خرمان عالاخر
مازن:حالا يسطى
...............................................
تانى يوم جنا راحت الجامعة وشافت يوسف واقف يهزر مع بنت
جنا:يوسف ثوانى
يوسف:مش فاضى
جنا وهى ماشية:انا غطانة انى جيت اكلمت مع اشكالك
يوسف و ساب البنت اللى كان واقف معاها و راح وقف ادام جنا:طب استنى
جنا:افندم
يوسف:كنتى عايزة اية
جنا:لما تبقى تفضى
يوسف:لو مش فاضى افضالك
جنا:المهم....يوسف ارفضنى
يوسف:لا
جنا:لية انا و انت مش بنطيق بعض
يوسف:انتى مش بطيقينى بس انا لا
جنا:ازاى يعنى
يوسف:يعنى انا اعجبت بيكى عشان كدة اتقدمتلك
جنا:هى مش ناقصة استفزاز انا ماشية
يوسف و شدها من ايدها و قربها منو:استنى بس...مين قال انى بستفزك
جنا:يوسف اوعى
يوسف:توء توء
جنا:يوسف بطل هبل
يوسف:لا مش هسيبك الا لما توافقى
جنا وضربتو ف رجلو
يوسف:ااااااااه
جنا:احسن عشان تحترم نفسك بعد كدة....و سابتو و مشيت
يوسف لنفسو:ماهو يانا ياانتى يا جنا
...........................................
و بليل كانت منة بتكلم جنا
منة:هههههههههههههه دة اكيد جتلو كهربة زايدة فالمخ
جنا:انتى بتهزرى انتى كمان
منة:بجد اية اللى قلب حالو كدة
جنا:دة اللى هيجننى
منة:يبنتى اسمعى منى ووافقى
جنا:يا منة مش هينفع
منة:وافقى يا جنا و بعدين لو مغلطش ابقى طفشيه انتى
جنا:واطفشو ازاى يا حلوة
منة:هبقى اظبتلك انا اى حاجة ساعتها
جنا:اة مانتى منة و اعوذ بالله من منة
منة:هههههههه اديكى قولتى....اية دة احمد ع الويت
جنا:طب هقفل انا وردى
منة:اوك....الو
احمد:الو...اذيك يا منة
منة:الحمد لله و انت
احمد:كويس
منة:انت فين كدة
احمد:كنت ف البحرية و مروح دلوئتى
منة:مممممم اوك
احمد:انتى بتعملى اية دلوئتى
منة:ولا حاجة كنت بكلم جنا وقفلت معاها عشان انت اتصلت
احمد:طب وحشتينى اوى
منة:احم وانت كمان
احمد:دة بجد
منة:اممم بجد
احمد:طب بحبك
منة:اية قلت اية
احمد:قلت بحبك يا منة و عايز اتقدملك
منة:احمد انت بتتكلم بجد ولا بتهزر
احمد:و لا عمرى كنت جد زى النهاردة....انا كنت عامل حسابى انى مش هقولك غير لما اجهز نفسى 100% بس انا مش قادر اصبر وعايز اعرف ردك
منة:لازم يعنى تعرف رأيي
احمد:منة احنا قرايب ورفضك مش هيوتر العلاقات بينا متخافيش
منة:احم...طب وموافتى هتعمل اية
احمد:اكييد هتبقى احسن....بس ثوانى ثوانى اصدك اية
منة:اصدى انى كمان بحبك يا احمد
احمد:قولى والله
منة:والله
احمد:من امتى!!
منة:انت بتحبنى من امتى
احمد:من يوم ما اتولدى
منة:وانا بحبك من يوم ما كنت بلعب مع جنا لما انا كنت ف كيجى 2 وانت كسرتلى العروسة بتاعتى فاكر
احمد:ههههههههههه اة و يوميها اعدى تعيطى وانا جبتلك شكولاتة ووردة وبوستك وصالحتك
منة:ههههه صح
احمد:طب مافيش بوسة زى بتاعت زمان كدة
منة:احمد
احمد:عيون احمد
منة:اسكت بأة الله
.................................................. ...........
وعدا 3 ايام و جنا وافقت على يوسف و قرأو الفتحة واتفقو ان الخطوبة تكون ف اجازة نص السنة اللى كان فاضل عليها شهر و عدا اكتر من اسبوعين و يوسف بيكلم جنا كتير و هى مش بترد عليه و لما بتشوفو فالجامعة بتبعد عشان مش يشوفها لحد ما فيوم جنا كانت نايمة و موبايلها رن و كان يوسف بس هى مردتش وجاتلها مسج منو
بصى من البلكونة حاااااالا
جنا قرأت المسج و خرجت وكانت لابسة بيجامة بكم شتوى و لمة شعرها كحكة و مش لابسة النضارة و خرجت وويوسف شافها و كان ماسك بوكيه ورد كبير ف ايدو و اتصل تانى وردت
جنا:انت عبيط اكيد صح
يوسف:اعمل اية مانتى مش بتردى عليا خالص و مش بشوفك ف الجامعة والمرتين اللى جتلك فيهم البيت بتخترعى اى حجة و متخرجيش فملقتش غير الحل دة
جنا(مجنون):طب امشى
يوسف:امشى مين انا عامل كل دة عشان تقوليلى امشى...دة بدل ما تقوليلى اطلع اعد معايا بابا و ماما مش ف البيت ....و غمزلها😉
جنا:يوسف اتلم
يوسف:ماشى هتلم بس انزلى يلا
جنا:لا مش هنزل
يوسف:بصى يا جنا هى بالظبط نص ساعة والاقيكى ادامى نص ساعة ودقيقة هطلع اخدك بالبجامة
جنا:و مين قال انى هفتحلك
يوسف:عادى باباكى او مامتك هيفتحو
جنا:محدش ف البيت غيرى
يوسف:اة يا جذمة و موقفانى كل دة طب طلعينى
جنا:يوسف
يوسف:انا قلت اللى عندى سلام
جنا بابتسامة و لنفسها:عبيط بس كان شكلو عسول
و قفل يوسف و دخلت جنا بس ملبستش وعدت ساعة الا تلت و راحت بصت علية من غير ما يشوفها ولقتو ركب العربية و مشى
جنا:عشان يعرف انى مش باجى بالاوامر
وبعد ساعة الباب خبط و راحت فتحت جنا الباب و كانت فكراه انس
جنا:انت
يوسف:اة انا
جنا:مش كنت مشيت
يوسف:و جيت تانى عادى
جنا و هى بتقفل الباب:طب يلا من هنا محدش ف البيت
يوسف زق الباب وزقها براحة و دخل و قفل الباب و راه ......يوسف زق الباب وزقها براحة و دخل و قفل الباب و راه
جنا:يوسف انت بتهزر اطلع بره
يوسف و هو بيقرب منها و هى كانت لازقة ف الحيطة:توء...مش هطلع
جنا و قلبها بيدق جامد:يوسف مينفعش كدة
يوسف:مانتى اللى مسمعتيش كلامى ومنزلتيش
جنا:عشان محدش بيمشى كلامو عليا و انا بعمل اللى على مزاجى
يوسف و قرب منها اكتر:خلاص وانا كمان بعمل اللى على مزاجى
يوسف قرب منها اوى وكان هيبوسها وهى عيطت
يوسف:بتعيطى ليه؟!
جنا بتعيط ومش بترد
يوسف قرب منها وخدها ف حضنو:خلاص يا حبيبتى متعيطيش...انا اسف
جنا هديت و بعدت عنو:يوسف اطلع بره
يوسف:حاضر بس انتى متزعليش
يوسف و راح فتح الباب و قبل ما يخرج قالها:مستنيكى تحت و ربع ساعه و تبقى ادامى ها..و الا....
جنا بسرعة:اوك
يوسف نزل و جنا لبست سويتيشرت زهرى طويل و بنطلون جينز رمادى و لما نزلت يوسف فتحلها الباب وركبت العربية و راحو مطعم على البحر و اتغدو و بعدين راحو اعدو على الكورنيش و هناك
يوسف:جنا متقلعى النضارة
جنا:اشمعنا
يوسف:اصل عينك حلوة اوى
جنا:لازم يعنى
يوسف و مردش عليها و قرب منها و شال النضارة:يخربيت عيونك
جنا اتكسفت و بصت ف الارض
يوسف:مانتى طلعتى بتتكسفى اهو
جنا:ها...عادى يعنى
يوسف:....طب تعالى نتمشى شوية
جنا:اوك يلا
ولما كانو ماشين واحدة جت باست يوسف وحضنتو
البنت:جو اذيك واحشنى موت
يوسف:اذيك يا ميرو
البنت:تمام و انت
يوسف:الحمد لله
البنت:معرفتناش
يوسف:دى جنا صحبتـ....
جنا بغيظ:خطيبتو
البنت:اووووه بجد الف مبروك
يوسف:الله يبارك فيكى
البنت وهى بتقرب من يوسف و بتقولو ف ودنو:مستنياك انهاردة متتأخرش...و غمزتلو وباستو من خدو و مشيت
جنا:يوسف عايزة اروح
يوسف:اية دة انتى بتغيرى ولا اية
جنا:واغير من مين وعلى اية اصلا بس انا تعبت و عايزة اروح
يوسف:اوك يلا
جنا روحت و كانت بتغلى وعلى اخرها يوسف اتصل بيها الساعة 5 الفجر وهى كانت نايمة
جنا بنوم:الو
يوسف و هو بيقلدها:الو
جنا:عايز اية!!
يوسف:عايز اصالحك
جنا باستهبال:تصالحنى...تصالحنى لية!!
يوسف:على اللى حصل مع البنت انهاردة
جنا:ومين قالك انى اضايفت...انت نسيت انك بالنسبالى واحد مغصوبة عليه
يوسف:يعنى انتى عايزة تفهمينى انك مضيقتيش.....و روحنى...تعبت وكدة يعنى
جنا:اضيقت عشان انت مكنتش مدينى اهتمام ولا محترمنى بس مغرتش يعنى
يوسف:اممممم قلتيــــلى...ماشى هعديها المرادى
جنا:ماشى حاجة تانية
يوسف:اة
جنا:اية
يوسف:بحبك
جنا اتكسقت:سلام يا يوسف
يوسف:سلام
عدا الترم الاول وجنا ويوسف بقوا يتكلمو كتيير و جنا اتعلقت بيه وابتدت تحبو بس بتكدب نفسها وجيه يوم خطوبتهم و كانو ف الكوشة و فجأة يوسف راح وقف على الاستيدج و قال
يوسف:حبيبتى جنا انا بحبك اووى ومن قلبى مش بكدب عليكى ادينى فرصة و ثقى فيا انا اتغيرت من يوم ما عرفتك وعيونى مش شايقة غبرك دلوئتى انتى و بس...تسمحيلى بالرقصة دى
جنا:بصتلو وهزت راسها بمعنى اة
يوسف راحلها و رقصو على اغنية جنبك على طول
يوسف:انا بحبك اوى
جنا:بصت فالارض واتكسفت
يوسف:دة بجد وربنا
جنا:اية مالك
يوسف:يعنى مش هتردى
جنا:عادى يا يوسف يعنى
يوسف:يخلاسى بتتكسفى
جنا:يوسف
يوسف:هههه خلاص
عدا اسبوعين وكلو خد بالو ان يوسف اتغير وبقا يذاكر وعدا الترم الاول بتقدير كويسة
و ف النادى منة كانت اعدة مع جنا بيتكلمو
منة:يعنى مش عايزانى اظبتلك طريقة عشان تسيبى يوسف
جنا بابتسامة:لا
منة:غريبة
جنا:انا بحبو يا منة
منة:بس هو مش كويس
جنا:لا كويس و كلو خد بالو انو اتغير
منة:ماشى اما نشوف...بس هو عارف انك بتحبيه
جنا:لا
منة:طب قوليلو
جنا:بصى هو انا مش واثقة في 100% لما اثق هقولو
منة:ماشى
و جه احمد عليهم
احمد:اذيكو يا عيال
جنا:عيال
احمد:اة عندك مانع
جنا:لا معنديش انا همشى احسن
احمد:يبقى احسن
منة:اية الذوق دة يابنى
احمد و بعد ما جنا مشيت:واحشتينى
منة:و انت كمان
احمد و هو بيمسك ايدها:منة انا بحبك اوى و على فكرة انا هجيلكو قريب
منة:دة بجد
احمد:اة يا حبيبتى بجد
و ف مكان تاني جنا اعدة ف طرابيزة تانية ف النادى وجية عليها واحد
شخص:جنا اذيك
جنا:عمور ازيك
عمرو:الحمد لله و انتى
جنا:انا الحمد لله
عمرو:كدة يا جذمة تتخطبى من غير ما تقوليلى
جنا:ههههههه معلش بأة اصل كل حاجة جت بسرعة
عمرو:ماشى يطلع مين بأة خطيبك
يوسف و جيه من ورا جنا:احب اعرفك البأف خطيبها