رواية في عيونك وعد
الفصل الرابع والاربعون44
بقلم هبة احمد
الحاجة منيرة / لعله خير ربنا يرفع الكرب عنها ويعوضها خير
الحاج فاروق / يارب دى جبل شافت كتير بهدله وغدر ممكن اشوفها
الحاجة منيرة / دى نايمة يا قلبي دحتى نامت بهدومها
نرجس / السلام عليكم عمى انا مش هامشى من هنا ارجوك طلقنى من أمير
امير / نعم يا اختى سمعينى تانى
نرجس / قدام ابن عمتك وعمى وعمتى بقولك طلقنى لوسمحت انا خلاص مش هارجع معاك احنا اول اتفقنا فى أول تعارفنا اننا نفضل مع بعض لمدة ست شهور ودلوقت المده انتهت بعد اذنكم انا عوزة انام
امير / انتى اكيد اتجننتى شكلك هتخالينى اتعصب عليكى
نرجس / ولا يشغلنى انا خلاص اكتفيت من البشر يعنى اللى خلى خالى مرعاش ربنا فيه و كان السبب في عذابى وزلى هتكون انت حنين عليه بمناسبه أية
امير / بصوت عالى انتى تلبسى هدومك ويلا معايا من سكات
حاتم / انت هتفرج علينا الناس وطئ صوتك شوية
الحاجة منيرة / بص يا استاذ راعى انك في بيت محترم وكمان مش من حقك تجبرها على الرجوع معاك انت شايف حالتها عاملة ازاى
الحاج فاروق / حاتم هدئ اخواك
بسمة / انت أية الحاكم بأمره بئة بدل ما تطبطب عليها وتحسسها انك مهتم بيها عمال بتزعق
نرجس/ عمى انا مش عوزة امشى من هنا من فضلك اتصرف مع الاستاذ
امير / انا ممكن اخدك غصب عنك
الحاج فاروق / صابحة خدى بسمة وحضروا لقمة خفيفه مع اختك يابسمة وانتى يا قلب عمك ادخلى نامى واللى انتى عوزاه هيتعمل
نرجس / هزت رأسها موافقة ودخلت
حاتم / احنا هنمشى دلوقت خلى بسمة ولما حضرتك تروح هى ترجع معاك
الحاج فاروق / لا ماينفعش ترجعوا بالليل دة خليكم للصبح احسن
حاتم / مش عوزين نقلق الناس معانا
الحاجة منيرة / انتم تنورو ولد يا بدرى هات هدوم للبهوات تغير و حط الاكل فى المندرة
بدري / حاضر
صباح جديد
؛؛؛؛؛؛؛؛؛؛؛؛؛؛؛؛؛؛؛؛؛
دكتور طلعت / عوزك تفوتى عليه علشان نتفق على موعيد شغلك فى المستشفى معايا
عبير / مش هينفع انا لا أصلح وكمان لما اخد حقى من صاحبتى ولازم اقفل الصيدليتين اللى بيوزعوا السم للشباب
دكتور طلعت / ممكن اعرف انتى هتعملى أية بالضبط علشان اتابع معاكى
عبير / عوز اروح اطلب السماح من نرجس مرأت ابن عمي ومن امير ابن عمي و زوج نرجس ومن حاتم ابن عمتى
دكتور طلعت / اكيد هم هيرعوا ظروفك وزمانهم مسامحينك
عبير / انا كنت إنسانة بشجعة لبس غير مناسب والفاظ وطريقة تعامل همجية
دكتور طلعت / المهم انك تنسي الفترة اللى فاتت وتبدأى من جديد انتى ماشاء الله دكتورة زى الفل
عبير / انا مكسوفه من نفسى اوى بئة انا بنت الرجل اللى مش بيسيب فرض و امى كمان ست محترمة مكنوش متوقعين منى اوصل لكدة
دكتور طلعت / طب و اخوكى و مرأته أية ظروفهم
عبير / اخوية كامل كان نعم الاخ لحد ما اتزوج واحده ربنا يهديها حولته لشخص تانى كل همة عوز فلوس تصدق اننا مبقناش بنشوفة لا فى المناسبات الاجتماعية ولا فى الاعياد هو ياجى كل شهر ياخد الشهرية من على الباب ويمشي د مرة شافنى وانا واقفه فى الشارع عربيتى كانت عطلانه بص عليه وس٠٠٠٠٠