رواية العشق الممنوع الفصل الرابع الاربعون والخامس والاربعون بقلم مارلي ايهاب
عند وجية بعد ما سمع كل حاجه من اللواء قفل معاه و سكت حط ايده علي خده بتعب ابنه كان عايز يخبي عليه و يكدب حاول يهدي نفسه من العصبية اللي محيطه بيه من كل ناحية من جهة سهر و عمار و حورية
وجية حاول يهدي و يكون حكيم
وجية بهدوء... هو اكيد فاهم انها اكيد مش بنت وهو اللي حاب يداري الموضوع ده علشان ميكسفش حورية بس المأذون لما يجي يكتب الكتاب هيكتب علي اساس بكر ودي مشكلة
دماغي هتتفرتك اكيد ما قلوش لانجي اللي حصل
اعمل اية دلوقتي وجية اهدي و بعدين فكر هتعمل اية بلاش تتكلم دلوقتي
حاول يهدي نفسه ولكن غضبه يتصاعد كلما يتذكر ما فعله مع سهر
بعد مرور ساعة أخرى الباب خبط
وجية بضيق... مين
عمار... انا يابابا
وجية بضيق.. ادخل يا عمار
عمار دخل بابتسامته وقال... مساء الخير
وجية بضيق.. مساء الخير
عمار بمرح.. مش هحسبك علي اسلوبك معايا وانك اهانتني بس ماشي المهم مش هتقولي مالك
وجية اكيد مكنش هيقوله علي اللي مضايقه وخصوصا انه يخص والدته
وجية بعصبية... كنت هتخبي عليا لغاية امتي
عمار بتوتر... اخبي اية
وجية بضيق.. انت عارف كويس انا اقصد اية يا عمار متلفش و تدور عليا
عمار بتوتر... وضح قصدك يا بابا مش فاهم بتتكلم عن اية
وجية اضايق من مراوغه ابنه وقال..... حورية و جوزها من بيجاد و اغتصابه ليها كل ده كنت ناوي تقوله ليا امتي يا استاذ
عمار بتوتر وقلق... بس هو غصب عنها هو اللي خطفها و اجبرها تتجوزه ولو رفضت كان هيقتل طنط انجي وهي مكنش قدامها حل غير تقبل باللي قاله و
وجية قاطعه وقال بضيق... انا بقول كنت ناوي تفضل مخبي لغاية امتي مش اية اللي حصل يا عمار
عمار كان هيتكلم وجية قاطعه وقال... انا هقولك يا عمار هقولك مكنتش ناوي تتكلم كنت ناوي تسكت و تتجوزها عادي كأنها بنت بنوت و كأن الخطف ده حاجه محصلتش وزي ما قولت هربت وعملت حادثة انا كنت شاكك في الاول في الموضوع ده ومدخلش عليا وعمري ما توقعت ان بيجاد ممكن يطلع منه حاجه زي دي وانه يبقي كدة متوقعتش ابدا ان ابني يخبي عليا حاجه زي دي مفكرتش مثلا الماذون اللي هيكتب الكتاب ده هيكتب علي اساس انها بكر وياما الجواز يبقي باطل انت فكرت ازاي انا مش فاهم
عمار بحزن... انا مفكرتش في اي حاجه من دي ومش عايز افكر انا مفكرتش غير في حورية كنت عايزني افضحها قدامكم رغم انها متجوزة مش مجرد اغتصاب لبنت في ورقة تثبت جوزها من بيجاد في ورقة تثبت انها مغلطتش بس انا انا قلبي مطوعنيش مطوعنيش راسها تبقي في الارض هي وامها قصاد الناس و داريت عن الكل علشان راسها متبقاش في الارض انا مغلطتش يابابا ابدا و مش شايف نفسي غلطان ومحدش هيعرف بموضوع الجواز ده ولا حتي طنط انجي مش هتعرف حاجه
كفاية ان انت عرفت اما حكاية الماذون ممكن نقوله وهو يكتب الكتاب بينا وعلي انها كانت متجوزه قبل كدة فين المشكلة لو قلنا انها مش بنت هو يكتب علي هذا الاساس
وجية حط ايده علي دماغه بتعب... مينفعش اكيد هيسالها اذا كانت بكر ولا لاء هترد تقول اية انا عايز افهم
عمار بإبتسامة.. لقيتها نتجوز في مكتب عند محامي مش لازم عند شيخ نكتب الورقتين وخلاص جواز مدني
وجية بضيق.. وهتقول لامها اية ليه مش عند شيخ بقي يا فالح
عمار بضيق.. بقولك اية يا بابا انا مش عارف شوف انت و اتصرف انا ميهمنيش غير اني اتجوز حورية و محدش يعرف حاجه
وجية بتعب.. اطلع برة يا عمار دلوقتي
عمار اخد باله ان وجية شكله تعبان... انت كويس يا بابا وجية هز راسه بتعب.. اه بس سبني لوحدي شوية عايز انام
عمار بحزن... حاضر تصبح علي خير
وجية... وانت من اهله
عمار نظر لوالده مرة اخرى و شكل وجية كان تعبان
خرج وهو قلقان
اما وجية فتح ازار قميصه وحاسس بخنقه و نام علي السرير بدون ما يغير ملابسه ولا يخلع الحذاء من قدميه
............................
في البيت عند زياد تلفونه رن وكانت حورية
فتح بسرعة وقال.. حورية ازيك حمدلله علي السلامة
حورية بهدوء.. الله يسلمك يا زياد كنت عايزه اقبلك في اي كافية عابزة اتكلم معاك شوية
زياد بفرح... وماله في اي وقت زي ما تحبي
حورية بهدوء.... بكرة الساعة اربعة كويس في الكافية اللي علي اول الشارع
زياد بفرح... كويس جدا هكون هناك في المعاد
حورية بهدوء... تمام مع السلامه
زياد بحب... مع السلامه
قفل وهو فرحان جدا وعنده امل انها ممكن تديه فرصة يقرب منها
........،..،،..،،،..،.،،.،..،.
في صباح يوم جديد قام ايهم بهدوء علشان يروح الشغل مع والده
لبس وجهز نفسه ونزل تحت كان مهاب يجلس بهدوء.
ايهم بهدوء... صباح الخير
صباح النور
اكمل بهدوء... مهاب انت جاي الشغل معانا انهاردة
مهاب بهدوء.. ايوة يا بابا جاي
اكمل بهدوء..... طيب انا هقوم اروح انا لان عندي مشوار مهم وانتم روحوا الشركة مع بعض
مهاب وايهم... تمام
اكمل مشي و شاهندا ابتسمت وقالت.. حبيبي ايهم انا هروح لجني خطيبتك علشان ننقي الفستان سوا
ايهم باستغراب... ماشي
شاهندا ابتسمت... تجي معانا
ايهم بهدوء... لا عندي شغل
شاهندا بإبتسامة... طيب يا حبيبي
مهاب بجدية... يلا يا ايهم
ايهم بهدوء... تمام بعد اذنك يا ماما
شاهندا ابتسمت... مع السلامه يا حبيبي
مهاب و ايهم خرجوا ومهاب ركب عربيته و ايهم ركب معه ووصلوا بعد مرور بعض الوقت بدون اي كلام من الطرفين
ايهم نزل وراح علي مكتبة وكذلك مهاب
.....................
في المطار تخرج سيدة من الباب وهي في كامل اناقتها من الثياب الغالية الثمن و برندات ولكنه محتشم
فتح لها الراجل الباب و ركبت في الخلف بهدوء وقالت... اطلع علي الفيلا اللي في التجمع
السواق.. امرك يا فندم
وطلع علي الفيلا
تلفونها رن.
الو
... انتي برضوه عملتي اللي في دماغك
مش هفضل تحت رحمتهم كتير كفاية اللي عاملوه فيا يا مهند كفاية حرموني من اغلي شئ عندي كفاية سبع سنين متغربة برة مليش حد ولا حد بيسأل عليا انا تعبت انا هقعد هنا في بلدي
مهند بضيق.. انا خايف عليكي منهم يا حبيبتي انتي عارفة هما يقدروا يعملوا فيكي اية ممكن يخلصوا منك لو حسوا بقلق من ناحيتك
.... انا مش خايفة من اللي خسرتوا زمان كان اخر حاجه املكها مابقتش اخاف علي حاجه ولا من حاجه انا خلاص هستقر في مصر
مهند بتنهد... خلاص براحتك انا حذرتك وانتي مسمعتيش
.... انا بعزك يا مهند بس صدقني تعبت من قاعدتي في بلد غريبة كفاية كدة يا مهند غربة ثم انا مش هيبقي ليا علاقة بيهم ابدا يا مهند بعد اللي عاملوه مش عايزه اشوف وشهم
مهند بهدوء.. خلاص يا حبيبتي زي ما انتي عايزة بس اوعي تنسيني
.... لا متقلقش انت متتنسيش
مهند ابتسم... ربنا معاكي
ومعاك يارب مع السلامه
مهند... مع السلامه
قفلت وسمعت صوت السواق.. وصلنا يا فندم
نزلت من العربية وهي تنظر لانحاء الفيلا بشوق و
فتحت البوابة وعيونها دمعت غصب عنها بوجع
قربت من الباب و فتحته كان متنضف لانها وصت حد يدخل و ينضف البيت لانها هتستقر فيه
جلست بتعب وقالت... اخير رجعت ليك تاني اوعدك مش هخرج من البيت ده غير علي موتي
............
في البيت عند وجية قام علي سريره وحاسس بتعب فتح دولابه واخد هدوم ودخل اخد شاور
وخرج وحاسس ان دماغه هتتفرتك اخد مفاتيحه و خرج وكان ولاده نايمين لسه
ركب عربيته و راح علي الشركة وقابل هدي اللي نظرت له بستغراب لشكله اللي باين عليه مرهق
وجية ركب الاسانسير وطلع مكتبه
ودخلت السكرتيرة وقالت... صباح الخير يا فندم حضرتك عندك ميتن
وجية بتعب... الغي كل حاجه انا مش رايح في حتة انهارده
السكرتيرة... حاضر يا فندم
وخرجت بهدوء
اما وجية ركن راسه علي المكتب وحاسس بصداع رهيب بيهاجمه
هدي دخلت المكتب بعد ما خدت الاذن و كان وجية مازال علي وضعه
هدي بهدوء..... الف سلامة علي حضرتك يا فندم
وجية بتعب... الله يسلمك يا هدي في حاجه عايزه تقوليها
هدي بهدوء... ملف الصفقة بتاعة اليابان و صل يا فندم
وجية بتعب... خلية بعدين وانا هبقي اشوفه
هدي بهدوء..... حاضر يا فندم بعد اذنك
وخرجت وهو ركن راسه علي الكرسي بتعب
.،.،.،..،.،،..،.،.،.،..
في الكافية جلس زياد بنتظار حورية التي اتت في المعاد مظبوط قام زياد اول ما شافها وشد ليها الكرسي وهي اتكسفت
حورية بخجل... شكرا
زياد ابتسم.... العفو
وقعد... تشربي اية
حورية بهدوء... خليه بعد الموضوع اللي عايزك فيه
زياد بإبتسامة.... موضوع ايه
حورية بتوتر... انا مش عايزة ابني ليك امل يا زياد انا خطوبتي الشهر الجاي
زياد بصدمة.... نعم
الفصل الخامس والاربعون
في عربية شاهندا كانت تتحدث مع صديقتها وبتقول بهدوء... متنسيش خطوبة ايهم الاسبوع الجاي لازم تيجي
... متقلقيش هاجي لازم اشوف عروسة ايهم هتبقي عاملة ازاي اكيد هتبقي ملكة جمال
شاهندا بسخرية بانت في صوتها... طبعا يا حبيبتي انا هقفل دلوقتي علشان رايحة لعروسة ابني نجيب الفستان اللي هتلبسه في الخطوبة اصل والدتها متوفيه و ياحرام ملهاش حد يا صافي
صافي بخبث.... وانتي قلبك كبير وطيب يا شاهندا
شاهندا بضحكة... اكيد انا طول عمري قلبي مافيش اطيب منه يلا باي يا حبي
صافي بخبث... باي يا حبيبتي
شاهندا قفلت والسواق قال... وصلنا يا فندم
شاهندا بتكبر... اوك
ونزلت من العربية وراحت ناحية الفيلا و رنت الجرس و جني اللي فتحت الباب ابتسمت... اهلا يا طنط اتفضلي
شاهندا بإبتسامة بسيطة..ازيك يا قلبي عامله اية
جني بهدوء.. الحمدلله اتفضلي ادخلي
شاهندا دخلت بهدوء وجلست وقالت بإبتسامة... انا جاية اخدك و نروح المول و نجيب الفستان و مستلزمات الخطوبة يا قلبي
جني بتأثر بدموع... بجد
شاهندا بإبتسامة... طبعا انتي هتبقي بنتي يا حبيبتي زي ايهم بظبط معزتك من معزة ايهم عندي
يلا انا خليت اونكل اكمل يكلم بابكي و و يعرفه ان انا جاية وهخدك معايا نلف في المول وكلميه عرفيه كمان
جني بفرح... حاضر حضرتك تشربي اية الاول
شاهندا بإبتسامة... روحي بس البسي و اجهزي وهناكل و نشرب في المول اللي احنا عايزينه يلا علشان ناخد اليوم من اوله
جني بفرح... حاضر هروح اجهز في ثواني بعتذر هسيب حضرتك لوحدك
شاهندا بإبتسامة... ولا يهمك يا حبيبتي روحي اجهزي
جني... حاضر بعد اذنك
شاهندا بإبتسامة... اذنك معاكي يا حبيبتي
وذهبت جني باتجاه غرفتها لتذهب مع حماتها المستقبليه
شاهندا بضيق في نفسها.. اوف مش عارفة هنخلص من القرف ده امتي
........................
في الكافية زياد مسك دموعه وقال... وانا
حورية بحزن... انت زي اخويا يا زياد و عمري ما
زياد بدموع.. عمرك ما ادتيني ريق حلو وعمرك ما ادتيني امل بس علشان انا مكنتش في مستوي التعليم بتاعك بس اتعلمت علشانك و علشان اشرفك و سط الناس
حورية بحزن... شوف انا مش عارفة اقولك اية بس صدقني ده مش بايدي انا لو كنت محبتش صدقني كنت ممكن اديلك فرصة و ادي لنفسي فرصة بس انا حبيت يا زياد وده حاجه مش في ايدي
زياد بحزن ودموع.... علي العموم الف مبروك و تتهني وتبقي سعيدة ده مهم عندي يا حورية واحنا متربين سوا و عشرة عمر واكيد سعادتك تهمني يا حورية الف مبروك بعد اذنك
ومشي وهو يمسك دموعه اما هي عيونها دمعت بتعب وحاست انها ظلمته و لكن ده مش بايديها
......................
في الشركة اكمل
سهر دخلت المكتب بدون اي استاذن وسط الاجتماع و اكمل اتضايق وقال بعصبية... ايه يا سهر مش تخبطي
سهر بضيق.. سيب اللي في ايديك ده عايزك في موضوع مهم ما يتأجلش يلا
اكمل بضيق.. بعتذر يا جماعة خلونا نكمل الاجتماع في وقت تاني اتفضلوا
الموظفين بدوا يخرجوا واحد ورا التاني و اكمل بغضب... نعم يا ست سهر في اية
سهر بصدمة.... اسيل رجعت رجعت
اكمل بصدمة... رجعت ازاي
سهر بعصبية... لسه و اصل ليا خبر من رجالتي اللي بيرقبوها و قالولي انها نزلت مصر يا اكمل بكلم شاهندا بس مش بترد عليا
اكمل بصدمة... شاهندا مع جني خطيبة ايهم في المول اكيد مسمعتش الفون اية اللي رجعها تاني مش كفاية اللي حصل زمان بسببها اية اللي جابها تاني
سهر بغل... لو جاية و ناوية تاخد حاجة من الورث مش هسمح بده يحصل الفلوس دي حفنا انا و شاهندا و كفاية كانت عايزة توسخ سمعتنا باللي عملته ولولا اللي عملنها كان زمان سمعتنا في الارض يا اكمل
اكمل حاول يهدي... اكيد يا سهر هي ملهاش اي وجة حق تطلب الفلوس دي بس انا مش عارف هي جاية ليه و عايزة اية
سهر..... انا سمعت انها فتحت شركة كبيرة في بريطانيا و شركتها اسمها فوق جدا وليها اسم عالي اكيد خدت ورث امها كله علشان تفتح شركة زي دي و اكيد لو عايزة فلوس هتيجي تطلب في حق ابوها مننا وانا مش هدييها جنية سامع يا اكمل
اكمل قرب منها بهدوء وقال... مش عايزين نسبق الاحداث يا سهر خلينا لغاية ما نشوف هي عايزة اية وجاية لي متفكريش تعملي حاجه سامعة ما تبقيش غبية زي اختك
سهر بضيق.. ماشي يا اكمل مش هعمل حاجه وهسكت خالص
اكمل بخبث.. الا وجية مش ناوي يرجعك يا سهر و لا اية هو ما صدق خلص منك
سهر بدموع..... هو فعلا مش ناوي يرجعني خلاص
اكمل بحزن مصطنع... لا لا ملوش حق تصدقي كان لسه فاكر نهي البنت بتاعة الكلية اللي سابته وجات ليا
سهر بغيظ... انت بتديقني يا اكمل انا ماشية ولو عرفت حاجه جديدة ياريت تعرفني
اكمل بهدوء.... تمام
سهر خرجت وهي مضايقة من اكمل و من اللي بيحصل
........؟.................
في شركة و جية خرج من مكتبة و كان حاسس بتعب شديد مش عارف اية سببه ركب الاسانسير وخرج ويدوب عده بوابة الشركة و واغمي عليه امام الامن اللي جروا عليه بسرعة و طلبوا الاسعاف وهدي و كمان كانت وافقة و مش عارفة في اية والموظفين كلهم اتجمعوا لما عرفوا و بعد مرور بعض الوقت جت الاسعاف و شالوا وجية
اللي كان باين علي ملامحه التعب الشديد
هدي طلعت تلفونها وقالت... الو يا انجي الحقي وجية بيه تعب جدا اغمي عليه واتنقل المستشفى
انجي بصدمة... الواد عمار عارف
هدي... الامن اكيد هيكلمه و هيعرفوه
انجي بحزن.. ربنا يشفيه لما تيجي البت حورية هنبقي نكلم عمار و نشوف اية الاخبار
هدي.. عيب يا انجي لازم تروحي انتي وبنتك تتطمنوا عليه مهما كان حمي بنتك
انجي...... معاكي حق انا بس اتصل علي عمار الاول لما حورية تيجي ولما تيجي هنبقي نروح نشوفه وربنا يقومه بالسلامه
هدي... يارب يا حبيبتي مع السلامة
انجي... مع السلامه
وقفلت هدي وانجي قالت ربنا يقومه بالسلامة اما اتصل علي حورية اشوفها فين كدة
لسه هتتصل سمعت الباب بيتفتح
انجي بهدوء... لسه كنت هرن عليكي
حورية بهدوء.. ليه كنتي عايزة حاجه من تحت
انجي بحزن... الاول عملتي اية مع زياد.
حورية بحزن.. ولا حاجه ياماما قولتله اني هتخطب الشهر الجاي وان هو زي اخويا وبس كدة
انجي بحزن.. وهو رده كان اية
حورية بحزن.... اتصدم في الاول و قالي وانا وانه كمل تعليم علشاني بس بعدين قالي انه بيتمني ليا السعادة مع الانسان اللي اختارته ومشي حتي من غير ما يسمع ردي
انجي بحزن.. وللهي يا بنتي ما عارفة اقول اية هدي لسه مكلماني من قبل ما تدخلي بتقولي ابو عمار تعب واغمي عليه في الشركة واتنقل المستشفى
حورية بصدمة وقلق... ومقولتيش ليه من الاول لسه هتسألي علي زياد لازم اكلم عمار اطمن عليه وعلي عمو وجية
وفعلا طلعت التلفون واتصلت علي عمار اللي كان بيجهز بسرعة علشان يروح المستشفى يطمن علي ابوه بعد ما الامن كلموه و قالوله
عمار بقلق.. ايوة يا حورية
حورية بقلق.. عمار باباك عامل اية دلوقتي
عمار بقلق.. مش عارف انا لسه هروح المستشفى
حورية بحزن... طيب قولي العنوان وانا هاجي انا وماما نطمن عليه
عمار... متتعبيش نفسك يا حورية انا هطمنك عليه انتي لسه تعبانة
حورية بحزن... متقولش كدة يا عمار قولي بس العنوان وانا كويسة ابعتلي العنوان اوعي تنسي
عمار ابتسم بحزن.. حاضر هبعتلك العنوان مع السلامه
حورية... مع السلامه
وقفلوا
ونور دخلت علي اخوها وهي بتعيط و بتقول انا جهزت يا عمار يلا بسرعة بقي
عمار بهدوء.. متقلقيش هيبقي كويس يلا بينا
و خرجوا الاتنين بسرعة علشان يروحوا يشوفوا ابوهم
وعمار بعت اللوكيشين لحورية
نور تلفونها رن و كانت سهر بتطمن عليها ومكنتش تعرف باللي حصل لوجية
نور بدموع... الو يا ماما
سهر بقلق.... في اية يا نوى مالك
نور ببكاء... بابا في المستشفى يا ماما اغمي عليه في الشركة
سهر بصدمة... ليه قوليلي عنوان المستشفى بسرعة
نور بدموع... العنوان *****
سهر بدموع... انا جاية في الطريق يلا مع السلامه
نور بدموع... متتأخريش يا ماما
سهر... حاضر يا حبيبتي
وقفلت سهر بسرعة وقالت بقلق... اية اللي حصلك يا وجية
وركبت عربيتها وساقت بسرعة علي المستشفى..
.................
حورية بقلق......يلا يا ماما عمار بعت العنوان البسي بسرعه
انجي بهدوء... حاضر يا حورية هروح البس و اجاي
حورية بقلق... بس متأخريش لو سمحتي
انجي بهدوء..... هتاخر في اية يا حورية حاضر هلبس بسرعة
............
في المول كانت شاهندا و اقفة في محل فستان سوارية ولكن مكشوفين.
جني بخجل.. انا يا طنط مش بلبس النوع ده من الفساتين انا محجبة
شاهندا بهدوء... وماله يا حبيبتي انتي البسي النوع ده في الخطوبة وبعدين ارجعي لستيلك تاني
جني بضيق... مستحيل طبعا يا طنط حضرتك عايزني اعري جسمي للي يسواي و اللي ما يسواش
واشيل حجابي مينفعش طبعا انا هلبس سوارية ولكن للمحجبات واللي تليق بيا و بديني
شاهندا حاولت تقنعها ولكن جني كانت مصرة علي موافقها وعلي رايها
شاهندا بضيق... طيب يا حبيبتي زي ما تحبي تعالي نروح لقسم المحجبات
جني مشيت وراها وكانت مضايقة من محاولة اقناع شاهندا لقناعها بالتعري
شاهندا بهدوء.... لو سمحت عايزة فستان سورية للمحجابين
... عندي تشكيلة جميلة جداً هتعجب حضرتك
شاهندا بضيق....خليها تشوفهم و اختاري اللي يعجبك يا حبيبتي
جني بهدوء... تمام
فضلت شوية لغاية ما وقعت عند فستان شيك و في نفس الوقت جذاب
جني بهدوء.. انا هاخد ده
.... اختيار جميل يا انسة هحطه في شنطة لحضرتك
جني بهدوء.. شكرا
وبعد مرور بعض الوقت خرجوا وراحوا يلفوا علي باقي الحاجات اللي هيجبوها
................
في المستشفى كانت سهر و عمار و نور و حورية وانجي وسهر كانت مضايقة من انجي و جملها
وكانت تنظر لها بغيظ
بعد مرور ربع ساعه خرج الطبيب وقال... هو كويس دلوقتي بس واضح انه اتعرض لعصبية شديدة و بسببها ضغطه ارتفع جدا وادي الي الاغماء
سهر بسرعة... نقدر نشوفه يا دكتور
... ايوة تقدروا تشوفه اتفضلوا
كلهم دخلوا وقربت سهر بسرعة من السرير وكان وجية فايق وقالت.. وجية حبيبي حمدلله علي السلامة يا قلبي
انجي حورية عمار كانوا مستغربين من افعال و كلام سهر اما نور كانت مبسوطة علشان مفكرة ان ممكن ابوها يرجع والدتها تاني
وجية بصلها بتحذير وقال.. الله يسلمك يا مدام سهر
سهر اتصدمت من كلمة مدام وقالت... من امتي واحنا بنتعامل مع بعض برسمية يا وجية
وجية بحده.. من ساعة ما اطلقنا يا مدام سهر
انجي وحورية كانوا حاسين ان وجودهم في الوقت ده مش مستحب
انجي قطعت كلامهم وقالت... حمدلله علي السلامة يا استاذ وجية
حورية.. حمدلله علي السلامة يا عمو
وجية بهدوء.. الله يسلموا معلش تعبتكوا
انجي بهدوء.. مفيش تعب ولا حاجه احنا هنستاذن دلوقتي بعد اذنكم
وجية بابتسامة... اتفضلوا
حورية خدت بنتها و خرجت اما سهر قالت.... بقي كدة يا وجية بقيت بنسبة ليك مدام سهر مش سهر ما انت لما كنا مطلقين كنت بتقولي يا سهر عادي
وجية بصلها بتحذير وقال... كنت غلطان يا ستي انا تعبان ومش ناقص مش جيتي وعملتي الواجب اتفضلي امشي
سهر بغضب... بقي كدة ماشي يا وجية
وخرجت سهر و رزعت الباب و راها
نور بعتاب... ليه كدة يا بابا حرام عليك
وجية نظر للجهه الثانية بمعني لا اريد الكلام
عمار قرب... حمدلله علي السلامة يا بابا
وجية ابتسم... الله يسلمك يا عمار
عمار بمشاكسة.... كبرت يا وجية و بقيت تتعب عجزت
وجية ابتسم وقال... انا اصبي منك يا حيوان
عمار ابتسم.... ماشي يا عم بابا
وجية ابتسم... انا عايز اخرج
عمار ابتسم.... لو الدكتور شاف ان حالتك تسمح الخروج هيكتب الخروج
وجية بهدوء.. طب روح شوف كده وتعالي قولي
عمار بهدوء... حاضر