رواية في عيونك وعد
الفصل السابع والاربعون47
بقلم هبة احمد
الحاجة منيرة / خليها تفضل يابنى
بدرى / اتفضلي يا استاذه
بسمة / بزهول معقولة انتى طب ازاي عرفتى طريق هنا حرام عليكي مش عوزين فضايح هنا كمان
عبير / السلام عليكم اولا انا جاية اعتذر وأبوس دماغ نرجس علشان تسامحنى
بسمة / احنا مسامحين حضرتك ممكن تمشي من فضلك
عبير / انا كنت وحشة اوى من فضلك يا حاجة ممكن اقول لحضرتك ياماما
الحاجة منيرة / قولى يا بنتى هو انتى تبقى مين وعرفت تاجى هنا ازاي
عبير / انا روحت البيت عندكم يا بسمة واتحايلت على اخواكى لحد ما عطانى العنوان جبت تاكسى وجيت على طول
الحاجة منيرة / نورتى انتى بذرة صالحة انتى لو مكنتيش عوزة الصلاح عمرك ما كنتى تعبتى نفسك علشان تاجى لحد هنا
عبير / و هارجع مع السواق دلوقت
الحاجة منيرة / مستحيل مش قبل ما تاخدى واجبك يابتى
عبير / انا ورايا حاجات كتير لازم إصلاحها أولها علاقتى بعمتى محفوظة وابن عمتى اللى مسحت بكرامته الأرض انا كنت وحشة اوى وقعدت تبكى
الحاجة منيرة / اخدتها فى حضنها وقعدت تطبطب عليها كل شيئ ممكن يتصلح بالعقل
عبير / نرجس هنا صح
الحاجة منيرة / اول حاجة صابحة حضرى عيش وجبنة وبيض وشوية خضار وفاكهة من الغيط خلى اى حد يجيبهم من الأرض للسواق انتى هتقعدى النهارده عندنا
عبير / مش عوزة أكون تقيلة عليكم
الحاجة منيرة / لاتقيلة ولا حاجة يابتى تعالى خدى هدوم من بتاعة صابحة البسيها
عبير / حاضر ياماما
بسمة / معقولة انتى عبير اللى كانت اعوز بالله لسانها
عبير / كنت مريضه وامك كانت بتساعدنى علشان امير يطلق نرجس هى خليتنى روحت شقة امير وهم مش موجودين ورشيت حاجات فى كل الشقة
بسمة / انتى كدابة امى اصلا متعرفكيش هى هتعرفك منين
عبير / هى جت عندى البيت وماما لما عرفت انها امك رحبت بيها فعطتنى ازازتين فيهم مية وقالتلى مفتاح شقة نرجس اهو وهى وامير معزومين فى فرح واحدة اسمها بوسى مش فاكرة
نرجس / فرح نوسة انا فعلا جيت لقيت الفرش علية مية وكتير يومها خوفت وغيرت الفرش كله دحتى أمير قعد يتريق عليه ويقول أصل الدنيا مطرت جوا الشقة بس
عبير / جرت على نرجس وقعدت تبكى وتبوس فى أيدها سامحيني يا مرأت اخوية انا اتسببت ليكم فى مشاكل كتير
نرجس / مسكتها من أيدها انا مسامحاكى المهم مترجعيش للهباب دة تانى
أمير / ازيك يا عبير ولا اقول دكتورة عبير
عبير / دكتورة دى لما عمتى هى كمان تسامحنى واتزوج ابنها هافتح عيادة هناك و اكشف على الناس الغلابة المحتاجة أطفالها تتعالج
أمير / باس دماغ عبير هى دى اختى اللى افتخر بيها
الحاجة منيرة / يلا يابنات ساعدو صابحة وام سيد فى تحضير الاكل
عبير / ممكن اروح معاهم
الحاجة منيرة / روحى يا بتى البيت بيتك
صابحة / حاجة السواق يامة
الحاجة منيرة / تعالى ورايا خد يابنى دول رزق ولادك غداك كمان عوز تقعد تتغدا معانا نشيلك على رأسنا هتمشى مع الف سلامه
مسعد السواق / هى بنتك دى مخطوبة ياحاجة
الحاجة منيرة / لسة عدلها مجاش يابنى
مسعد السواق / انا عوز اتزوجها انا عندى شقتى جاهزة والتاكسى دة ملكى و عندى حتة أرض ممكن ابيع كل حاجة واجاى اسكن جنبكم واشتغل على التاكسي
الحاجة منيرة / دة شيئ يشرفنى هات اهلك وتعالى يا مرحبا بيك
مسعد السواق / حاضر خدى عنوانى لو حبيتى تسألى عليه
الحاجة منيرة / قولت ليك هات اهلك وتعالى تنوروا
مسعد السواق / تشكرى ياامى سلام عليكم هاجى بكرة بعد العصر مع اهلى
أمير / ازاى هتوافقى على حد متعرفهوش يا حاجة
الحاجة منيرة / دة طالب الحلال يابنى فأكيد نبتة صافية وكل شيئ نصيب ياولدى تعالى عوزة اتكلم معاك شوية
أمير / تحت امرك احب اطمنك أن نرجس الحمد الله هترجع معايا
الحاجة منيرة / عاملها باللين يابنى دى مجروحة جامد من كل الناس
أمير / حاضر يا امى هو حاتم فين
الحاجة منيرة / عوزة نسمع عنكم سمع خير يابنى
أمير / حاضر يا امى
الحاجة منيرة / ربنا يصلح حالكم يابنى نرجس قاست كتير خلى بالك منها
أمير / حاضر
حاتم السلام عليكم انا بصراحه جعان عوز عيش زى بتاع امبارح وحتة جبنه قديمه
الحاجة منيرة / لا مين ...........