الفصل السادس6
بقلم حسن الشرقاوي
سهام... إيه ياساميه القهوه مش عجباكي يا حبيبتي
ساميه لا عجباني بس طعمها غريب شويه
سهام... أصلها قهوه عربي بس اييه من الأصلي تلاقيكي بس مش واخده عليها اشربي
ساميه..ايوه شكلها كدا حاضر هاشرب يامدام سهام
شربت أختي ساميه القهوه إلي كانت سهام بتحط فيها المخدرات
ومع الوقت عرفت أختي بس بعد ما بقت مدمنه وبقي احتايجها للهروين أقوى من إنها تحاسب سهام
كان كل همها إنها تديها الجرعه
ساميه.. أبوس ايدك يا مدام سهام الحقيني دماغي وجسمي بيت*قطع
سهام.. منين ياحبيبتي بس اجيبلك منين
ساميه.. أبوس رجلك ونزلت على الأرض تبوس رجلها
سهام.. إلى ضحكت وقالت.. طيب قومي ياا ساميه قومي إنتي حبيبتي بردوو هادورلك يمكن ألاقي..حسن الشرقاوي
ساميه بإلحاح وتوسل.. ايووه شوفي هتلاقي
سهام...بس المره دي بس ياساميه
ساميه..ماشي ماشي هاتي
سهام طلعت من درج المكتب ورمتها على الأرض تحت رجليها
نزلت سهام مسرعه تحت رجليها وفتحت الكيس وفضلت تشم فيه لحد ما خلصته وادعدلت نامت على ظهرها
سهام..اييه يا ساميه ارتحتي
ساميه...ااااه ارتتتحت..حسن الشرقاوي
سهام..لو سمعتي كلامي هاجيبلك منه عالطول
أما أنا خلصت شغلى وروحت كنت بروح متأخر بعد ساميه إلى بتكون نامت دخلت بصيت على أخواتي
وطلعت لقيت أمي ملامحها متغيره
قلت..خير يا ماما مالك
قالت.. أختك ساميه يابنتي بقالها فتره متغيره عالطول وشها أصفر ومش قادره تصلب طولها
قلت.. أنا لاحظت كدا بردوو ياماما في الشغل ماتقلقيش هتلاقيها تعبانه شويه ما إحنا بنشتغل ليل ونهار
قالت..ربنا يعينكوا يارب يابنتي ويبعد عنكم ولاد الحرام واشوفكم عرايس ياارب
قلت..ويخليكى لينا يا ماما ماتقلقيش هابقي اخدها واكشف عليها تصبحي على خير
وانتي من أهله ياروح أمك
دخلت نمت من تعب طول اليوم وتاني يوم صحيت أنا وساميه ورحنا شغلنا النهاري واحنا ماشيين
كارما..خير يا ساميه مالك
ساميه بتوتر..مالى إزاي يا كارما
كارما..متغيره اليومين دول وشكلك باين عليه التعب
ساميه...مافيش يا حبيبتي مرهقه شويه
كارما..طيب نخلص شغل النهارده واخدك تعملى تحاليل ونطمن
ساميه..لا تحاليل اييه لاا أنا كويسه يا كارما لو تعبانه هاقلك أنا مرهقه شويه
كارما..خلاص ماشي
بالحق أحمد زميلي في الشغل قالي على حاجه كدا كنت عاوز أخد رأيك فيها
حكيت ليها موضوع الأرض إلى أحمد قالي عليها
هزت دماغها وقالت إلى تشوفيه يا كارما..حسن الشرقاوي
كارما..يعنى اتكل على الله هو قالي أنه هايجيب محامي وهانروح نمضي العقد مع صاحبها فيها
ساميه..على خيرت الله هي فرصه حلوه ااحنا طيبين وإن شاء الله ربنا هايجبلنا كل خير
خلصت شغل ورحت الشغل التاني بليل لقيت أحمد مقابلني ماصبرش لحد ما اغير هدومي حتي وبلهفه
قااال..ها يابنتي عملتي ايييه
قلت..ايه يابني مصربع ليه أصبر أخد نفسي حتي
قال..طيب خدي نفسك هااا عملتي اييه
قلت.. خلاص ياسيدي موافقه
قال بابتسامه كلها لؤم..طييب كويس أنا كلمت حد على السلفه هاجي معاكي بكرا نجيبها ونكمل فلوس الأرض وبعد بكره نروح نخلص
قلت..يا أحمد اوعي تكون بتضحك عليا دا شقا عمرنا
قال...ياابت ياهبله أضحك عليكي اييه كل حاجه هاتبقا قدامك أنتي واختك
وتاني يوم روحنا جيبنا السلفه ورحت سحبت الفلوس إلى كنت محواشها أنا وأختي وتاني يوم جه أحمد اخدنا هو والمحامي إلى جايبه
ورحنا فعلاً اتفرجنا على الأرض
بقلم حسن الشرقاوي
قال..هانشتري النهارده وبعد اسبوع هانبيع يا كارما
قلت بقلة حيله لأني ماتحتطش في المواقف دي قبل كدا وماكملتش علامي فكنت يادوبك بكتب إسمي
جه صاحب الأرض وطلعوا ورق كتير وعقدات ومضوني أنا وأختي
واحنا ماشيين المحامي قال..هاخد الورق والعقد اسجله في الشهر العقاري
بصيت لأحمد قال..ماتقلقيش امضتك على الورق ولازم يتسجل بكرا هاجيبه ليكي
وفعلاً تاني يوم جاب أحمد الورق وقالي مبرووك ياكارما خلال اسبوع هاجيب المشتري ونجيلك
قلت.. إن شاء الله
وفات أسبوع والتاني لا جاب الراجل ولا بقى ييجي الشغل
كنت بتصل بيه كتير لكن تلفونه كان دايما مقفول
لحد مافي يوم واحده كانت بتشتغل معانا وسابت الشغل بتكلمني بالصدفه فقلت اسألها يمكن تعرف عنه حاجه
قالت.. إنتي ماتعرفيش ولا إيه
قلت.. أعرف اييه..حسن الشرقاوي
قالت... أحمد يابنتي فرحه النهارده
لما سمعت كدا التليفون وقع مني من الصدمه
رجعت جيبته تاني
وقلت... إنتي بتتكلمي بجد
قالت..ايووه بجد تحبي أعرفك المكان إلى عامل فيه الفرح
وعرفتني المكان وقفلت معاها وقعدت اكلم نفسي زي المجنونه
مستحيل إزاي!!!فرحه لالالا كنت هاتجنن قلت أنا معايا العنوان أروح أشوف مش هاخسر حاجه
استأذنت إني امشي بدري ونزلت على العنوان
وأول ماوصلت حسيت إن رجلي تقيله ومش قادره أتحرك
دخلت من الباب بتاع القاعه رجل لقدام ورجل لورا وبتمني إن كلامها يطلع مش صحيح
لحد ماوصلت للكوشه ولقيته فعلاً أحمد قاعد وجامبه عروسته
أنا مابقتش عارفه أعمل إيه سندت على كرسي
وبصيت له بصدمه لقيته بيبص في عيني ندا على واحد وشاورله عليا
جالي وقالي... أحمد بيقلك كل شيء نصيب وبلاش تعملي لنفسك فضايح خدي بعضك وامشي
دقات قلبي زادت بسرعه حطيت ايدي على صدري من ضيق التنفس وقلت في سري ااااه ياااكلب
وقفت شويه وكنت عااوزه أصرخ اوووي
طلعت برا ورحت فعلاً مكان خالى وطلعت مني صرخه تبعتها صرخات كتييير من جوه قلبي بقيت منهااره من إلى شوفته
روحت على البيت ودخلت لاوضتي فضلت اعيط طول الليل وقلبي جواه نااار
وتاني يوم الصبح ماجاش ليا نفس للشغل قعدت في البيت وأختي ساميه راحت إلى لاحظت
وقالت..مالك...يا كارما إنتي معيطه
قلت..لا مافيش تعبانه شويه كدا وهاروح أكشف وقعدت اكلم نفسي زي المجنونه
وبليل ساميه راحت كوافير سهام
وكالعادة دخلت عليها مباشرة علشان تاخد منها الجرعه
سهام...جرا اييه يا ساميه هو أنا بلاقي الفلوس أنا كدا كتر خيري البتاع دا غالى
ساميه.. أبوس رجلك ياست سهام دماغي
سهام..لاتبوسي ايدي ولا رجلي إنتي لو فتحتي مخك معايا كل طلباتك هاتبقا مجابه
ساميه.. أعمل ايه يعني
سهام..هشام بيه إلى بيجيلي هنا تعرفيه
ساميه.. أيوه أعرفه
سهام..شاب غني بيلعب باالفلوس لعب وانتى عجباه وعايزك لو وافقتي طاقة القدر هاتتفتحلك..حسن الشرقاوي
ساميه..عاوزني إزاي يعني
سهام..مش بقلك دماغك مش شغاله
ساميه.. تقصدي
سهام..ايوووه
ساميه..لا مستحيل أنا مش بتاعت كدا مستحيل أفرض في عرضي
سهام..خلاص يا حلوه روحي شوفي مين هايجبلك كيفك وكمان انتى مفصوله ماتجيش تاني يالااا اطلعي برا
ليدخل هشام الذي كان ينتظر خلف الباب ويقول..