رواية في عيونك وعد
الفصل الحادي والثلاثون31
بقلم هبة احمد
عبير / لازم اخليه يطلق الجربانة اللى معاه ويتزوجنى
كرم / كدة خلصانة و بشياكة انا ماشي انا احترمت خالى لما طلب منى اتقدم ليكى بس مع الاسف انتى معندكيش ذرة احترام لحد انا كنت بسايس فيكى واحايل لحد ما اتخنقت و في الاخر عوزة تخربى بيت امير ليه هو موعدكيش بالزواج وبعدين راح اتزوج غيرك بالعكس هو عمره ما قال ليكى حاجة تدل على انك فى دماغة اصلا انتى اللى رامية نفسك عليه
عبير / انت تحترم نفسك والا
كرم / انتى اللى تتكتمى خالص جاتك القرف اقسم بالله لو قربتى من امير أو بيتة لاكون مولع فيكى د مرأت امير بعشرة زيك
كوثر / اقعد يا كرم نتفاهم
كرم / نصيحه شوفى دكتور يعالج بنتك دى بقت خطر مش بعيد تجيب لنفسها وليكم مصيبة انا ماشي فهمى خالى انا مش جاى هنا تانى
عبير / فى ستين داهيه انت فاكر نفسك بنى ادم انت ولا حاجة
كرم / صح كلامك انا فعلا ولا حاجة علشان صغرت من نفسي وسبت شغلى ومصالحى وجيت اديدى فيكى
كوثر / طول بالك يابنى اقعد نتفاهم
كرم / لحد كدة تمام سلام عليكم وانا بحذرك اقسم بالله لو عملتى حاجة مع امير لاكون مدخلك مصحة للأمراض العقلية وتركهم وخرج ركب عربيتة رجع لبيتة وترك عبير هتولع من الغيظ قعدت ترمى اى شيئ تطولها ايدها وتشتم فى امير و نرجس و كرم وحاتم
الاستاذ طة / ياام امير تعالى شوفى عوزة أية علشان عزومة بكرة
فاطمة / كل حاجة موجودة الحمد لله وانا جهزت نص الاكل وبكره اكمل الباقي مع البنات علشان يحسوا أنهم فى بيتهم
الاستاذ طة / كده انتى صح و فهمى امير يعامل مرأتة بشوية حنية البنت يتيمة ومنكسرة
فاطمة / حاضر يا حاج بصراحه البنت جدعة شوفت يوم الفرح عبير عملت كتير وهى طنشت لو انا مكنتش قدرت اتحمل كلام عبير
الاستاذ طة / ابوها الله يرحمه كان راجل بمعنى الكلمه فلازم بنته تكون كده
فاطمة / امير كلمنى و بيقول هيجيب حاتم وبسمة معاه يتغدو
الاستاذ طة/ والله كنت ناسى اعزمهم كويس أنه عزمهم وانتى كلمى كريمة تاجى معاهم
فاطمة / حاضر ممكن تجيب فاكهة معاك بكرة
الاستاذ طة/ عيوني حاضر
امير وحاتم و البنات بعد قضاء وقت ممتع فى الملاهي
بسمة / انا هاموت من الجوع
نرجس / اول مره احس انى مبسوطه من يوم اهلى ما ماتوا ربنا يرحمهم
امير / طلما انبسطى ناجى هنا كل فترة
نرجس فونها جاته رساله فتحتها ووشها اتغير جامد
امير / مالك فى أية
نرجس/ مفيش حاجه وأغلقت الفون وحطيتة فى شنطتها
بسمة / امير لازم يعرف يمكن يقدر يعمل حاجة
حاتم / هو فى أية وبص لبسمة
امير / تعالوا نروح البيت نتكلم ونغير هدومنا علشان الشبكة
نرجس / كدة تخونى الأمانة انتى كدة لا اختى ولا عوزة اعرفك
بسمة / مقدرش اشوفك مرعوبة واقعد ساكته زوجك لازم يعرف هو هيقدر يتصرف
امير / اركبوا على شقتنا يلا
حاتم / احنا وراك هو فى أية يابسمة
بسمة / نرجس بيجيلها رسايل تهديد رسايل فيها شاتيم و ألفاظ خارجة عن بنى آدم مش متربى
حاتم / ولسة فاكرة تقولى دلوقت ومسك فونة وطلب عدة ارقام وعندما أتاه الرد قال انت فين ياض
هشام / لسة فاكرنى ياواطى
حاتم / افصل يخرببيتك عوزك فى خدمة
هشام / تغدينى ماشى
حاتم / مكنش ينعز احنا رايحين لشبكة سامى فاضى تروح معانا وتتعشى عنده
راشد/ انت فين
حاتم / خد عنوان شقة امير وتعالى عليها احنا منتظرينك
هشام / هاروح اغير واوصل الطلبات للمدام وهاجى
حاتم / تمام بلاش تتأخر انت عارف هاعمل فيك أية
امير / انزلى انا مش عوز اتعصب انا عوز اعرف فى أية ولية لما بتوصلك رسالة وشك بيجيب الوان
نرجس / انا بعد موت اهلى اتعودت احل مشاكلى بنفسى فمتشلش همى
امير / انتى ملزمة منى امنك وامانك وكل حاجه تخصك
نرجس / هو دة قرارى
حاتم طول بالك احنا مش عوزين الناس تتفرج علينا
امير / فتح باب الشقه اتفضلوا
نرجس / انتى السبب
بسمة / لازم امير يعرف
حاتم / ممكن فونك يانرحس امير انا كلمت هشام غريب وهو جاى على هنا
امير / متخفيش عمر ما حد يقدر يبص ليكى طول ما فيه نفس
نرجس / انا م٠٠٠٠٠٠٠٠٠٠