رواية في عيونك وعد
الفصل الثامن والعشرون28
بقلم هبة احمد
بسمة / مية جنيه رصيد لية بعشرة جنيه كفاية هو انا هاكلم مين د يدوب برن على نرجس وهى عاملة باقة وبتكلمنى
حاتم / انتى كمان اعملى باقة أية المشكلة يعنى
بسمة/ كدة كتير عليك
كريمة / دة اقل حقوقك يابنتى انتى مسؤولة مننا يلا ادخلوا ارتاحوا علشان تروحوا عند نرجس وامير فايقين
بسمة / حاضر هاشطب الحوض الاول
كريمة / لا لسة بدرى ادخلى ورا زوجك ربنا يسعدكم
بسمة / حاضر يا قلبي ودخلت الاوضة وجدت حاتم خارج من الحمام
حاتم / بسمتي شكلها زعلان مالك
بسمة / مفيش بس قلقانة على نرجس انت عارف هم الاتنين دماغهم ناشف وكلامهم مع بعض دبش خايفه عليها لو امير طلقها هى هتتعب جامد
حاتم / انا هاتكلم مع امير وانتى مع نرجس وربنا ييسر الأمر
بسمة / مسكت فونها الرصيد وصل من بدرى هاطمن على نرجس و البت نوسة
حاتم / طب خدينى على رجلك ووضع رأسه على رجلها ونام نوم عميق
الحاج فاروق / مدحت دخل حاجتك واقفل المحل علشان منتأخرش على اختك
مدحت / انا الحمد لله شطبت معدش غير دول وهارجعهم علشان طلع فيهم عيوب حرام حد يشتريهم
الحاج فاروق / ربنا يبارك فيك يا بنى انت كده صح
مدحت / مفيش احسن من الأمانة حرام حد يشترى الطقمين دول الناس غلابة اوى
الحاج فاروق / و لو رفض ياخدهم مش مهم بلاش تعمل مشكلة معاه و أكد على اختك نرجس اننا جاين بعد العصر
مدحت / كدة كله تمام هاروح ادفع تمن بضاعة بكرة وارجع الطقمين دول لعمى صالح واجاى بسرعه
الحاج فاروق / هامشي ادامك متتأخرش
مدحت / حاضر
فتحية / هتاخد أية غير الاكل
الحاج فاروق / هناخد فاكهه من عند سيد من على اول الشارع
فتحية / هالبس بسرعة
مدحت / انا جبت فاكهه لاختى نرجس شوف لو عاوزين حاجة تانى
الحاج فاروق / لية تجيب يابنى انا كنت هاجيب من عند عمك سيد
مدحت / هاخلى عمى مسعد يودينا بعربيتة
الحاج فاروق / فكرة حلوة روح يابنى
بسمة / هنمشى ياماما عوزة حاجة
كريمة / سلامتكم سلموا على امير ونرجس. ابقى اعزمهم على الغدا فى يوم
حاتم / حاضر يا امى ادامى يا قمر
بسمة / هناخد حاجة معانا ولا
حاتم / هناخد علبة جاتوه وفاكهة
بسمة / ماشى اللى تجيبة
حاتم وبسمة وصلوا قبل الحاج فاروق بفترة وبسمة دخلت المطبخ مع نرجس تحضر معاها الاكل
نرجس / عاملة أية مع حاتم وحماتك
بسمة / حاتم حنين معايا اوى وأمة بتحبنى وبتعاملنى كويس تصدقى انا اتمنيت تكون امى بدل ماما فتحية
نرجس / امك فتحية دى ملهاش مثيل مش عارفه هى قادرة تشيل الكره اللى حواها دة ازاي و تعيش بية
بسمة / مهو علشان كده عوزاكى تتممى زواج وفك من نفركش الزواج بعد ست شهور دى وعيشى حياتك
نرجس / خايفه افضل ندمانة طول عمري بقولك فكك مني كدة الاكل جاهز تعالى نقعد فى البلكونه عوزة اوريكى حاجة
بسمة / استنى هاجيب تفاحة معاية اجيبلك
نرجس / هانى وهات عنب كمان
امير / عوزين اى مساعده
نرجس / لا احنا خلصنا وهنقعد فى البلكونه لحد الجماعة ما توصل
بسمة /في أية ابت يخرببيتك انتى قعدتى على الأرض كدة لية
نرجس/ اصلى خايفه اوي
بسمة / قامت قعدت جنبها على الأرض مالك خايفه من أية
نرجس / انا بيخيلى رسائل تهديد وكل ما اعمل بلوك لخط الاقى الرسائل جت من رقم تانى غير المكالمات انا بقيت اخاف افتح الفون
بسمة / اهدئ وهات الفون كدة
نرجس/ بلاش تقولى لحاتم أو امير ماشى
بسمة / حاضر ياقلبى ومسكت الفون زهلت مما وجدت
نرجس / وانا مسجلة بعض المكالمات عندك بروضة
بسمة / يخرببيتك فونك ملغم ابت هو انتى ناقصة
نرجس / انا مرعوبة اوى
بسمة / وامير وصلتى معاه لفين
نرجس / مفيش اى حاجه انا بنام فى اوضة الاطفال وهو فى اوضتة عادى
بسمة / ليه كدة ياحبيبتي عيشى حياتك دة زوجك وله عليكى حقوق
نرجس / هو قفلنى من ناحيتة يوم الفرح وانا دلوقت مرعوبة من الرسائل و المكالمات اللى بتهددنى دى
بسمة / مستحيل يكون خالي مجدى هو مفترى اة بس مخة ديق ماتوصلش. معاه للتهديد
نرجس / مجدى فى السجن يابنتى دة حد عارف حاجات كتير عنى
امير / نرجس انتم قاعدين على البلاط لية الجماعة وصلوا انا هافتح الباب
نرجس / ماشى احنا جايين وقامت
بسمة / لازم زوجك يعرف ويعمل محضر بكدة
نرجس / يلا امك معاهم
بسمة / ربنا يستر منها طولى بالك
نرجس/ علشان خاطر عمى هى على رأسى
بسمة / السلام عليكم وباست ايد ابوها وحضنت مدحت وسلمت على امها عادى
فتحية / هو انتى هنا لية
امير / د بيت اخوها تنور فى كل وقت
الحاج فاروق / اخد نرجس في حضنة عاملة أية يابنتى
نرجس/ الحمد لله ياعمى وباست ايدة
بسمة / يلا نحضر الاكل ابت
امير / قام يظبط السفرة معاهم
فتحية / جت السفرة هتكون كل واحد جنب مرأتة
بسمة / أيوة ياامى وامير مكانة هنا طبعا وشاورت على الكرسي
فتحية / انا هاغرف الاكل وخدو انتم منى
بسمة / حاضر يا قلبي
امير / يلا ياعمى اتفضل يلا يابسمة تعالى يا نرجس مكانك
الحاج فاروق / بسم الله الرحمن الرحيم
بعد الغدا
بسمة / مين عوز بيبسي ومين شاى
الحاج فاروق / اى حاجه حلوه من ايدكم يابنات
نرجس / انا عوزة عصير برتقال طازج عندك فى التلاجة يابسمة
فتحية / انا هاجيبة وفتحت التلاجة و جابت كوبية وحطت فيها العصير واعطت ضهرها لنرجس وأخرجت من صدرها زجاجة صغيرة وحطت منها بعض قطرات اتفضلي العصير
نرجس / انتى حطيتى أية على العصير يا مرأت عمى
فتحية / هو انتى هتركبينى مصيبة انا الحق علية انى قمت وجبت ليكى عصير
مدحت / انا شوفتك وانتى بتحطى حاجة من ازازة فى عصير اختي نرجس وكمان على طبقها
الحاج فاروق / مسك كوبية العصير اشربى العصير دة
فتحية / بصدمة انا مستحيل اشربة
الحاج فاروق / اقسم بالله لتشربية
فتحية / ابوس ايدك بلاش اشربها
الكل في حالة زهول
الحاج فاروق / مسكها جامد اشربى العصير الا اولع فيكى
بسمة / انا اللى هاشربة
فتحية / اى حد يشربة غيرى
الحاج فاروق / شربها العصير بالغصب
مدحت / على فكرة يا امى انا بدلت الاطباق وحطيت طبقك لاختى نرجس وطبق نرجس اللى انتى حطة علية من الازازة اللى فى صدرك ليكى مهو مكنش ممكن اخلى اختى يجريلها حاجة بسببك
فتحية / مسكت فى مدحت وقعدت تضرب فيه لية تعمل كدة يا حيوان
مدحت / امى لازم تروح لدكتور تتعالج