رواية العشق الممنوع الفصل الرابع والخمسون والخامس والخسون بقلم مارلي ايهاب
وجية خرج زي المجنون من المطعم وطلع علي بيت سهر وخبط بطريقة عنيفةجدا و بيصرخ .... افتحي يا سهر الكلب افتحي بقولك
لسه هيكمل كلام سمع صوت رسالة علي موبيله مهتمش ولكن التلفون رن وكانت اسيل
رد بسرعه وسمع صوت ضحكها المستفز..... وجية حبيبي علشان يعني لو طلعت غبي و قدرت تضحك عليك بعتلك فيديو مهم كنت محتفظة بيه من زمان علشان لما يجي اليوم اللي انتقم من كل واحد يكون معايا دليل يا بيبي باي
وقفلت الخط و وجية فتح الرسالة بايد مرتعشة والدموع تلمع في عيونه مكنش قادر يصدق انه كان معاشر واحدة بالوحشة دي انه كان عايش مع حرباية بتتلون في كل مكان شوية افتكر اخوه اللي كان بيعتبره ابنه وحبيبه والغالي كان بيرخص ليه
افتكر اخر مرة شافه فيها وكأنه كان بيودعه افتكر اخر كلمة قالها ليه والدمعة الاولي نزلت
فلاش باك
في تمام الساعة السابعة مساء
كان وحيد شاف في العشرين من عمره ووجية كان في الثلاثين من عمره
وجية كان داخل من باب البيت ووحيد خارج منه
وجية بهدوء... علي فين يا وحيد
وحيد بتوتر ملحوظ..... مفيش يا وجية انا رايح اذاكر شوية مع صحابي
وجية بجدية .... تذاكر
وحيد بتوتر... ايوة اذاكر
وجية قرب منه وحط ايده علي كتفه بحنان وقال.... حبيبي لو في مشكلة او حاجه مضايق وعايز تقولي عليها اتكلم انا هسمعك
وحيد بدموع حاول يداريها..... مفيش يا وجية انا بس تعبان بسبب قرب دخول الامتحانات
وقال كلام غريب مكنش فاهم سببه... وسامحني لو في حاجة عرفتها و زعلتك مني سامحني لو غلطت غصب عني من يوم موت ابويا وانا معتبرك ابويا رغم ان الفرق مش كبير بنا بس حنيتك عليا حسسيتني ان ابويا عايش معايا واني مش لوحدي وانا ولله اي حاجه حصلت او هتحصل غصب عني يا وجية
وجية بصدمة... اسامحك علي اية وفي اية ما تفهميني انت حد بيهددك بحاجة انت في حاجه عايز تقولها وخايف مثلا ازعل منك قول وانا صدقني مش هعملك حاجه من امتي وانا بزعلك او بزعل منك وانت بتقول اني ابوك احكيلي وانا هلقي حل بقالك فترة متغير ووشك غريب و باهت والتوتر ونظراتك اللي كلها دموع و تأنييب ضمير في اية يا وحيد وكل ما تشوفني تخبي وشك عني وكأنك زعلان مني و كانك مش عايز تشوف وشي قولي يا وحيد انا زعلتك في اية
وحيد بدموع.... انا مكسوف اوريك وشي يا وجية مش زعلان منك مكسوف احط عيني في عينك متوقعتش اني هوصل للمرحلة دي انا عمري ما زعلت منك عمري ما اقدر ازعل منك يا وجية
وجية بحزن... طب قولي في اية وانا اقسم بالله هساعدك هحل الموضوع
وحيد بدموع... اوعدك لما اجي هقولك كل حاجه بس سبني اخرج انا مش مجمع حاليا سبني وانا هحكيلك لما ارجع من عند صحابي ارجوك
وجية بحزن.... طيب يا وحيد بس انت هتحكيلي كل حاجه
وحيد بدموع.... كل حاجه
وجية هز راسه و قرب منه وحضنه ووحيد حضنه حضن غريب وكأنه بيودعه وقال.... تعرف من الصبح وانا حاسس انك وحشني يا وجية وكان نفسي اشوفك واحضنك قبل ما امشي يا احسن واحن اب في الدنيا بحبك جدا يا وجية
وجية حضنه وكان حاسس بقلق.... وانا بحبك يا حبيبي ما بلاش تخرج يا وحيد انهارده واقعد معايا
وحيد بدموع... مش هستحمل لو مخرجتش هتعرف كل حاجه من غير ما احكيلك
وجية بعدم فهم... نفسي افهمك
وحيد بدموع... هخرج وهاجي وهتعرف كل حاجه مع السلامه
وجية بحزن... مع السلامه طيب ما تتأخرش يا وحيد
وحيد بحزن.... مش هتاخر
وخرج بره البيت وبعد مرور الوقت عده ساعة واتنين وخمسة ووحيد مرجعش البيت
وجية بعصبية.... كلمت كل صحابه كل اللي يعرفهم مش لقيه
سهر ببرود... يمكن راح لحد انت متعرفوش يا وجية
وجية بعصبية... لا هو بيعرفني علي كل صحابه اول باول مفيش حد معرفوش مش لقيه
.... يافندم دورنا عليه في كل المستشفيات والاقسام بس مفيش اي اثر ليه
وجية بعصبية.... امال راح فين هو كان قالي انه هيحكيلي كل حاجه ياتري كان عايز يحكي اية ابني راح فين
سهر بخبث.... اهدي بس يمكن عارف بنت ومكسوف يقولك انه رايح ليها اهدي بس وشوية وهتلقي ظهر
وجية مكنش مركز مع سهر علشان كدة مخدش باله من نبره الخبث اللي في صوتها
وجية فضل رايح جاي والدموع لمعت في عينه الساعة بقت سته الصبح
وجية بدموع... كلمت كل اللي اعرفهم في الاقسام وامن الدولة بس محدش كلمني حتي مخرجش بالعربية بتاعته كنا قدرنا نتبعه
سهر بضيق... خلاص بقي يا وجية هو عيل صغير خايف عليه اهدي شوية
وجية بدموع وعصبية... انتي جبلة مش حاسة بالنار اللي في قلبي معندكيش دم غوري من وشي
سهر عملت نفسها حزينة وبكت... كدة يا وجية يعني انا مش عايزك تقلق نفسك و تتعب بقي ده جزاتي
وجية بتعب... انا مش قادر استحمل ابعدي عني دلوقتي ولا اقولك انا هخرج ادور عليه بنفسي مش هسكت غير لما القيه
وخرج بدون كلام وسهر بضيق... وجية يا وجية
وجية ركب عربيته بسرعة وطلع يدور علي وحيد
ولكن رجع بعد ما فضل يوم كامل يدور ولكن بدون اي فايدة ليس له اثر
فضل كدة لغاية ما عدة اسبوع علي عدم وجوده
لحد ما في يوم اتصل عليه لواء في الداخلية
وجية بسرعة... الو. لقيته
.. اللواء بحزن... انا عايزك يا وجية بيه تيجي دلوقتي علي العنوان اللي هبتعهالك
وجية بعدم فهم... يعني لقيته ولا لاء
اللواء بحزن.... تعالي وهتفهم كل حاجه بس متتأخرش انا بعت لحضرتك اللوكيشين
وجية بقلق.. طيب
وفعلا طلع لبس هدومه ونزل بسرعة وفي الوقت ده سهر مكنتش في البيت
طلع علي العنوان وكان طريق صحراوي اخد ساعتين علي ما وصل وكان القلق محاوطة من كل جانب
وصل وشاف عربيات البوليس واقفة كتير. وفي عربية اسعاف الدموع لمعت تلقائي في عينيه كانه مش عاوز يصدق اللي فهمه
اللواء قرب منه وقال بحزن... مكنتش عاوز اقولك حاجه علشان الطريق طويل علي ما تيجي احنا لقينا وحيد
وجية بدموع... كويس مش كدة قولي انه كويس و مفيهوش حاجه
اللواء بحزن..... احنا الصبح اتصل بينا العمال اللي بيحفورا هنا وقالوا انهم لقى جثة مدفونه في الارض لشاب صغير
كان يسمع وجية ودموعه تنزل غصب عنه
اللواء كمل كلامه بحزن.... وجينا هنا وجبنا الاسعاف لان بعد ما قالنا علي المواصفات شكينا يكون وحيد بس قولنا نجي نتاكد قبل ما اكلم حضرتك وطلع وحيد وانه كان مدفون وان الحاجات اللي معه مسروقة البقاء لله
وجية بدموع تنزل... قول انك بتكذب وان ده كذب هتقبله صدقوني وحيد كويس هو واعدني انه هيرجعي و هيحكي ليا كل حاجه اكيد ده كذب وان ده كذب في كذب انطق انت ساكت ليه
اللواء بحزن.... اهدي يا وجية بيه صدقني احنا مش بنكدب و الجثة جنب عربية الاسعاف
وجية مشي ببطئ و كان رجله مش قادره تتحرك فضل ماشي لغاية ما وصل لعربية الاسعاف وشاف كيس الموتي مقفول علي الارض وباين فيه الجثة
كيس اسود كئيب زي اسمه
الممرض قرب وفتح الكيس اللي اول ما شافه وجية مقدرش يقف علي رجله ووقع جنب وحيد اللي وشه كان ازرق فاقد للشكل ومنظره كان صعب جدا ان اخ يشوف اخوه في حاجه زي دي
قرب منه والدموع تنزل شلال وقال بصوت متحشرج من البكاء... ليه يا وحيد انا قولتلك متنزلش ليه مسمتتش مني ليه سبتني وحيد انا مليش غيرك يا وحيد قوم وقوم وانا مسمحك علي كا حاجه بس قوم كلمني وحشني صوتك يا وحيد وحشني ضحكتك معايا قوم رد عليا كلمني يا وحيد عمرنا ما فضلنا المدة دي منتكلمش قوم يلا يا حبيبي انا عارف ان ده مقلب علشان تشوف غلوتك عندي قوم يلا صدقني هزعل منك لو طولت في المقلب البايخ ده
ومسك و جهه اللي كان تلج وخبط عليه ودموعه تنزل بوجع ويبكي مثل الاطفال طلع راسه من الكيس ورفع جسمه ليه وحضنه وقال وهو يصرخ بوجع..... قوم يلا يا وحيد قوم قوم يا حبيبي قوم انا مليش غيرك قوم
كلمني رد عليا
وفضل يخبط علي وجهه
الممرض بدموع... كفاية حرام عليك ده ميت بقاله اسبوع سيبه يرتاح انت كدة بتعذبه
وجية ببكاء.... هو مسبنيش صدقني مسبنيش هو بيحبني ومستحيل يسيب ابوه انا ابوه مستحيل يبعد عني ده مقلب هو عمله فينا هو كان عايز في عيد ميلاده الشهر الجاي يسافر لوحده امريكا انا رفضت بس انا هوديه يروح مكان ما هو عايز قوم يلا يا وحيد مش عايز تروح امريكا هخليك تروح لوحدك في عيد ميلادك بس قوم يا وحيد يا حبيبي
وصرخ بوجع وبكاء..... يارب يارب قلبي بيتقطع يارب ليه كدة
و حضنه قوي لما الاسعاف حاولوا ياخدوا منه
ومسك فيه وهو بيبكي وبيقول... ابني ابني وابعدوا عنه هو عايش ابعدوا
ولكن البوليس مسك وجية جامد وبعده عن وحيد اللي الممرض حطوه في الكيس ونقلوه علي الاسعاف
وجية مقدرش يستحمل الفكرة و اغمي عليه بين ايادي الظباط اللي شلوه بسرعة و حطوه مع وحيد في عربية الاسعاف
وبعد ما فاق وجية كان يقف اكمل و شاهندا و سهر اللي كانت تمثل البكاء بمهارة واحترافية
وجية كان في حالة صدمة مش بيتكلم ينظر للفراغ فقط
اللواء دخل وقال بحزن... حمدلله علي السلامه يا استاذ وجية
تبين لينا ان وحيد اتوفى نتيجة شرب جرعة هروين زيادة وباين اللي كان بيشرب معاهم لما مات خافوا يوده مستشفى راحوا دفنه في الصحراء
احنا دورنا علي العيال دي بس ملقنهمش في اي مكان البقاء لله وحده
وجية بصله بصدمة وافتكر لما وحيد قاله انا مش زعلان منك انا مكسوف منك
وجية غصب عنه بكاء قدم الكل و حاسس ان ضهره اتقطم
اللواء كان مشفق عليه
سهر بضيق.. لو سمحتم سيبوه يرتاح
كلهم خرجوا وهي قربت منه ببكاء مصطنع وحضنته.. اهدي يا حبيبي خلاص هو راح للي خلقه الاحسن مني ومنك بس اهدي اهدي يا وجية هيجري ليك حاجه اهدي احنا ملناش الا انت عمار محتاجلك
وجية كان يبكي في حضنها كالطفل الصغير التي يبحث عنه امه
وبعد مرور الوقت
وبعد الدفن رجع وجية بيته وفضل سنتين في حالة حزين شديد علي اخوه وكانت بجانبه سهر التي بينت مده حزنها علي وحيد
وبعد السنين دي منعت سهر حد يجيب سيرة وحيد قدام وجية لان حالته الصحية بتتدهور وبيتعب
لغاية ما هي وولادها نسيوا وحيد تمام لكن وجية كان فاكره في قلبه
باك
كان يتذكر ويبكي بمنتهي الضعف الشديد مش مصدق اللي بيحصل كان متجوز شيطانة حرباية قدرت تتلون بكل لون وشكل مكنش مصدق وهو بيشوف الفيديو وهي بتتكلم في التلفون و بتتفق معهم علي موته وعلي فكرة الصحراء هي السبب
وجية مقدرش يستحمل الوجع اللي روده حط ايده علي قلبه وفتح عينه وكان بيحاول ياخد نفسه اللي تقل ولكن مش قادر جلس امام الباب وهو حاطط ايده علي قلبه وبعد دقيقتين اغمي عليه من الالم
........................................................
عند اسيل كانت تتذكر الفيديو اللي سجلته من عشرين سنه وهي سامعة اختها بتتفق علي وحيد وعلي موته سجلته علشان تحاول تحذر وحيد و تقول لوجية من غير ما تضر اختها وتخرب بيتها ولكن علي ما فكرت في الحل كان حصل اللي حصل ومقدرتش تتكلم خوف من اختها اللي ممكن تقتلها عادي عندها.
اسيل بضحكة سودة... مكنتش متوقعة ان قلبك رهيب كدة يا وجية فين الراجل الوقار صاحب الحزم والشدة بيبكي كدة في العمارة طيب مش خايف حد يصورك ويبقي خبر اليوم راجل الاعمال الكبير يبكي امام شقة زوجته السابقة من اجل طلب السماح وارجاع علاقة الحب بينهم
الصحافة هتقوم باحلي واجب
وغير بقي لما ينزلوا الفيديو اللي تعب فيه ويقولوا
رفضت طليقته سهر يوسف الشناوي الرجوع للراجل الاعمال الكبير وجية السيوفي لذلك وجهه تعب شديد نظراً لرفضها للرجوع
اي يذل الراجل الاعمال نفسه امام امراءة الراجل المعروف عنه الحزم والشدة والوقار ياتري ماذا سوف يحدث هل ستشفق عليه السيدة سهر يوسف الشناوي وترجع له من اجل تحسين صحته ام لا
وضحكت مرة اخرى بشماته
اسيل بغل و ضحكة كلها حقد.... لسه لما انزل الفيديوهات دي يا وجية واسهمك كلها هتنزل وانا هشتريهم هوريكم الحقد بيعمل اية يا وجية بيه
الفصل الخامس والخمسون
في المستشفي استيقظ وجية من اغمئه ونظر للغرفة بتعب
سهر بقلق... وجية انت كويس فيك حاجه انت مالك الايام دي بقيت تتعب كتير ليه وجية رد عليا اجيب الدكتور
وجية نظر لها نظره طويله و كتم كره وحقده داخله
وقال بهدوء غير الذي يشعر بيه..... ترجعيلي يا سهر
سهر بصدمة وفرح.... طبعا دي محتاجة كلام انا بحبك اكتر من نفسي يا وجية ومش بحب حد قدك حتي ولادي مش بحبهم بنفس مقدار حبي لك
وجية نظر لها بنفس الهدوء..... انا فكرت في ولادنا و قولت ليه مانرجعش لبعض و نعيش في هدوء بدون مشاكل
سهر بابتسامة.... وانا موافقة انا مقدرش ارفض اصلا يا حبيبي اول ما تخرج من المستشفى نروح نكتب الكتاب
وجية بابتسامة معصوب عليها... ماشي شوفي الدكتور ده واساليه هخرج امتي
سهر بحب... حاضر ثواني وهكون هنا
خرجت سهر ووجية قلب عينيه بكره و شمئزاز.
وجية بغل... ماشي يا سهر ولله لاندمك علي اليوم اللي عرفتيني فيه
الدكتور خبط ودخل... حمدالله على السلامة يا استاذ وجية
وجية بهدوء... الله يسلمك هخرج امتي
الدكتور... حضرتك كنت متعرض لجلطة مرة تانية علشان كدة هتفضل تحت الملاحظة انهارده لغاية ما نطمن عليك وتقدر تخرج وياريت تهتم بصحتك عن كدة
سهر بابتسامة... متقلقش يا دكتور انا ههتم بيه
الدكتور بابتسامة... ربنا يخليكم لبعض بعد اذنكم
سهر... اتفضل
الدكتور خرج من الغرفة و سهر قربت من وجية وقالت. بحزن... بس انت تعبت ليه يا وجية انت المفروض بتهتم بصحتك و باكلك وضغطك اية اللي حصل
وجية بحزن ونظر ليها........ افتكرت وحيد
سهر ملامح وجهها اتغيرت واتوترت.... بس انت اية اللي فكرك بيه
وجية بحزن ودموع... انا عمري ما نسيته علشان افتكره محدش بينسي ابنه يا سهر
سهر بحزن مصطنع.... حبيبي انا كمان بحب وحيد و كنت بخاف جدا عليه و مصدقتش اللي حصل ليه وهو كان شاب و غلط وربنا يارب يغفر ليه يا حبيبي بس بدام انت بتتعب بالمنظر ده بلاش تفكر فيه كتير حاول تتجنب تفتكر اللي حصل ادعيله بالرحمة
وجية بنظرت غريبة..... فعلا هدعيلوه بالرحمة يلا روحي انتي دلوقتي الوقت اتاخر
سهر بضيق... ليه يا وجية. انا هبات معاك هنا
وجية بضيق... لو سمحتي يا سهر احترمي كلمتي وروحي وابقي تعالي بكرة ارجوكي
سهر بابتسامة.... حاضر هسمع الكلمة وهروح ومن النجمة هجي ليك باي
وقربت منه وقبلته من خده بهدوء... باي
وجية.. باي
واول ما سهر خرجت من الاوضة مسح وجية خده من القبلة بشمئزاز
وجية ولسه هيفكر هيعمل اية الباب اتفتح مرة واحدة ودخلت اسيل بابتسامة باردة.... حمدالله على السلامة يا جوجو ولله زعلت عليك اوي
وجية غمض عينه بعصبية..... اية اللي جابك
اسيل قربت ببرود وجلست بجانبه علي السرير.... في اية يا جوجو انا يعني عرفت انك فرفرت بدري قولت اجاي واطمن عليك يا جوجو
وجية بغضب.... جوجو اية يا بت انتي انتي هتهزري معايا ما تحترمي نفسك
اسيل ببرود.... تؤتؤتؤ لا يا جوجو متبقاش حمقي اوي كدة يعني خليك ريلاكس
وجية بغضب.... اخلصي في ليلتك السودة دي ما بقتش طايق اشوف. وشك
اسيل ببرود حط رجل علي رجل وطلعت تلفونها وفرجته علي الفيديوهات اللي صورتها ليه في وقت انهياره
اسيل ببرود.... ها اية رايك حلو شوف بقي يا جوجو راجل الاعمال الكبير بيعيط زي العيال التوتو اية اللي هيحصل لا وكمان وهو قدام بيت طلقته و بعيط شوف بقي هيتكلموا وهيقولوا اية انت سيد العرفين يا جوجو
وجية في اقل من لحظة مسكها من شعرها وهي صرخت وقام من علي السرير وقومها معهوقال بغل وغضب... شوفي انا كنت بعملك زي اختي الصغيرة وكنت بحترمك وبقدرك بس انتي متستهليش ده يا بنت الكلب انتي مفكره يابت انك لما تيجي تهدديني اني هسكت لا يا ماما انتي متعرفنيش كويس انا لما بتعفرت ماببقش وجية ياماما ببقي واحد زبالة اوي اوي يا اسيل يعني عايزة تنزلي الفيديوهات وتبعتيها للصحافة اوك معنديش مانع نزلي بس ساعتها اترحمي يا حبيبتي علي كريم ها
اسيل بصراخ وصدمة... انت عرفت منين كريم
وجية بسخرية.... العصفورية قالتلي يا حلوة
شوفي بقي لو بعت حد يخلص عليه خالص و اجبلك جثته تدفنيه هنا زي ما ابوه ادفن حرام يعني يدفن بعيد عن ابوه
اسيل بدموع... وجية انت مش هتعمل كدة انت مش وحش
وجية بسخرية.... اية دلوقتي بقيت وجية مش جوجو بس يا حلو اللي يفكر يقرب مني هدفنه مش هيفرق معايا كبير من صغير فاهمة
واتكلم بحزن...... ولما انا مش وحش انتي بتعملي معايا كدة ليه انا عمري اذيتك ولا اتكلمت عنك بحاجة وحشة وصرخ فيها حتي غمضت عينيها بخوف...... ليه بتعملي كدة ردي عليا
اسيل بدموع ووجع من شده لشعرها .... علشان مدفعتش عني لما اذوني اه مشتركتش في حاجه بس سبتهم يعملوا اللي هما عايزينه محولتش تدافع ازاي بتقول اني اختك الصغيرة وانت لو كان عندك اخت و حصل اللي حصلي كنت سكت يا وجية
وجية بهدوء... انا فعلا مكنتش اعرف حاجه انا معرفتش غير ان اسيل سافرت سافرت ليه علشان اية انا مكنش عندي اي علم وان ده قرار ابوكي انا مليش ادخل فيه لكن عرفت بعد كدة اللي عملتيه واللي بسببه اخواتك سفروكي برة يا اسيل جاية عايزة تنتقمي مني ليه مش كفاية اللي اختك عملته في اخويا مش كفاية
اسيل بدموع..... انا جيت وكنت عايزة اعرفك اللي سهر عملته علشان تنتقم منها وانا اشفي غليلي منها وادمر لها حياتها زي ما هي دمرت حياتي هي وشاهندا واكمل واوجعك علشان مدفعتش عني
وجية بسخرية... عيب اللي بتعملية انتي مش عيلة صغيرة جاية تقولي مدفعتش عنك مين اولي انه يدافع انا ولا ابوكي ابوكي اللي كان موافق ولاده علي كل حاجه انتي امتي بقيتي بالسواد ده بقيتي متختلفيش عنهم حاجه يا اسيل
اسيل بدموع وصراخ.... بسبب اللي هما عملوا فيا انا بنتقم حرموني من جوزي وحبيبي وابو ابني يتمه وفي النهاية مش عايزني انتقم منهم
وجية بسخرية..... طيب لو اكمل وشاهندا عرفوا انك عندك ابن هيقتلوه مش بعيد يكونوا بيخططوا يقتلوكوا علشان يورثوكي
اسيل بغل... انا اللي هنتقم منهم ومش هسيبهم
وجية قرب منها وقال... انتم عيلة واطية فاهمة واطية امشي اطلعي برة واه هاتي التلفون ده ومسك الفون ومسح الفيديو الخاصة بيه وقال... عليا النعمة لو نزلت حاجه ولا عملتي حركه واطية احبابي كتير برة مصر هنسفك يا اسيل وكمان لو قولتلي اي حاجه لسهر علي اني عرفت حكاية وحيد هنسفك انتي وابنك
ومسكها من شعرها وطردها بره ورمي الفون علي الارض اتكسر وطت خدته بنكسار وهو يقف امامها بنظرات قوية وحادة
وخرجت والدموع في عينه وركبت عربيتها...وضربت ايديها في الدركسيون..... ازاي عرف بكريم ازاي عرف الواطي انا دريته ست سنين ازاي هو قدر يعرف معني ان وجية عرف ممكن اكمل كمان يعرف لازم اغير مكان كريم لازم
............................
في احدي اكبر القاعات في القاهرة كان يجلس ايهم بجانب خطيبته بهدوء وابتسامة وهي كانت تبتسم بهدوء وايهم يمسك ايديها بعد ما سمحت له بلمسها بعد كتب الكتاب
عصام بابتسامة...... الف مبروك يا ولاد ربنا يسعدكم
جني بابتسامة.... الله يبارك في حضرتك يا بابا
ايهم.. الله يبارك في حضرتك يا انكل
عصام بابتسامة..... ها يا عريس هتاخد العروسة ساعة و ترجعها
ايهم بابتسامة... حاضر بس خليهم اتنين يا انكل عرسان بقي عايزين نتعرف علي بعض اكتر
عصام بابتسامة..... ماشي يا سيدي بس تاخير عن كدة لا
ايهم بابتسامة... متقلقش
عصام بابتسامة... طيب اقعدوا انا رايح اشوف الناس اللي جات
ايهم... اتفضل
...........
عند شاهندا واصدقائها... اكيد دي من اختيار ايهم مش اختيارك يا شاهندا اية اللي لبسه ده و شعرها اية القرف ده لبسه ايشارب
شاهندا بضيق.... خلاص يا صافي هو اختياره هو حر انا ميهمنيش غير سعادة ابني
صافي بسخرية.... اه طيب بس الطرحة دي تكمكم الشعر و تخلي ريحته مش كويسة
شاهندا بضيق... انا مالي هو انا اللي هتجوزها ولا هو
صافي بخبث... مالك يا شاهندا مضايقة كدة ليه
شاهندا بضيق... مفيش بعد اذنك هعمل مكالمة
وسابتها وبعدت و شافت اكمل يقف مع بعض رجال الاعمال نظرت له بغل وقالت.... يمكن تكون واحده من اللي معزومين في الفرح ولا واحده مش من معارفي انا هتجنن بقي بتخوني يا اكمل بعد ما انت وعيلتك كنت هتعلنوا افلاسكم نضفتك يا واطي ماشي انا هوريك وهوري الواطية اللي عملت كدة وبصت لحاجة مش ليها ماشي وست سهر مجتش ليه هي كمان.
...................
في بيريطانيا في احدي الفنادق
كان يجلس مهاب ومريم مع رجل اعمال كبير في بريطانيا
مريم بضيق.... هل هذا الذي فعلته يصح ماذا حدث لتفعل هذا بعض المال تاخر في الوصول ما ذنبنا نحن
مستر جاك
جاك نظر لها باعجاب..... اعرف مستر مهاب ولكن لا اعلم من انتي
مهاب بهدوء... انها شركتنا مريم بنت مستر فؤاد
جاك باعجاب... او تشرفت بيكي انستي
مريم بضيق... شكرا نتحدث في الموضوع التي اتينا بيه الي هنا ارجوا ذلك
جاك باعجاب..... انا تاخرت في ارسال المعدات والالات بسبب تأخركم في ارسال المال واعتبرتها اهانة لي لذلك تعمدت اهانتكم بعدم ارسال المعدات والالات
مريم بعصبية... هل انت جاد مستر جاك اسباب تاخر المال ليس منا بل من الشركه لكن انت تعمدت عدم ارسال المعدات والالات وبسببك كادنا نخسر سمعة شركتنا بسبب الاسباب بعتذر بنسبة لي اسباب تافه ولا تخرج من رجل اعمال كبير مثلك
مهاب نظر لها بحده بسبب طوله لسانها
جاك بابتسامة اعجاب...... اعجابني جرائتك وانك لم تخافي من قول ما تشعري بيه ولذلك اعتذر منك علي ما فعلته و المعدات والالات سوف ترسل في خلال يومين الي مصر وارسال المال سوف اخد نصف التكلفة عوضاً علي ما فعلته اتمني ان تقبلي اعتذاري
مريم باستغراب... لا داعي لنقص المال سوف نرسال المال بالكامل هذا الشغل ليس له علاقة بما حدث
مهاب كان يجلس بضيق من نظرات جاك التي تاكل مريم
جاك باعجاب.... لا انستي ارجوك اقبلي هذا اعتذر لا تحرجني
مهاب بضيق قام... نعتذر مستر جاك لكن لا نقبل هذا الامر لذلك اعتذر حضرتك مقبول ولكن لا علاقة له بالمال ونعتذر منك لدينا معاد الان نريد ان نجهز
جاك بضيق من مهاب... لا مشكلة تفضلوا
مريم باستغراب من مهاب... شكرا
جاك باعجاب.... اريد ان ارائك مرة اخري
مريم بهدوء.... اكيد سوف تراني مستر جاك سوف نعمل معانا في السنوات القادمة بعد اذنك
جاك باعجاب... تفضلي يا جميله
مهاب بضيق.... باي مستر جاك
جاك بهدوء... باي مستر مهاب
مهاب مسك وايد مريم بضيق ومشي بسرعة لدرجة انها كانت هتقع
مريم بضيق.. في اية يا بني هتوقعني
مهاب بغضب... الفترة اللي احنا قاعدنها هنا لو شوفت واقفة مع الزفت ده ولله يا مريم لوريكي
مريم بضيق.. في اية يا مهاب هو عمل اية يعني
مهاب بغضب... ولا حاجه يا مدام بس نظرات و اعجاب ووالراجل مش عايز ياخد نص الفلوس مننا علشان سواد عيونك يا مدام مريم
مريم بهدوء.. وانت مضايق ليه
مهاب بغضب... مش عايزني اضايق شايفني اية مش راجل قدامك علشان يعاكسك وانا قاعد انتي زي اختي ومتربية معايا واللي مقبلوش علي اختي يامريم مقبلوش علي حضرتك وابوكي بعتك و مطمن علشان انا معاكي لكن انا الحال ده مش عجبني
وتركها ودخل غرفته وهي توجهت لغرفتها بهدوء
..................... .........
في مطعم كان يجلس ايهم مع جني بهدوء....
ايهم ابتسم... انا مبسوط اوي انهارده وفستانك جميل جداً جداً
جني بخجل..... شكرا وانا كمان اتبسطت جداً انهارده
ايهم بابتسامة... عقبال الفرح يارب
جني بخجل... يارب
ايهم... تحبي تاكلي اية
جني بخجل... اي حاجه
ايهم بابتسامة... هخترلك علي زوقي ممكن
جني... اتفضل
ايهم نظر للمنيو واختار الاكل ليها وليه والنادل مشي
ايهم بابتسامة..... مش ناوية تتكلمي عن نفسك شوية
جني بابتسامة.... بصراحه حياتي بسيطة جدا ولدتي اتوفت وانا كنت في سن صغير اوي وبابا اهتم بيا
واصحابي كانوا معدودين لان من الطبقة المخملية مكنش بيعجبهم لا تديني ولا حجابي علشان كدة مكنتش بصاحب حد وبحب الرسم جدا علشان كدة دخلت فنون جميله
ايهم ابتسم... محدش جميل الا انتي يا جني وقلبك ابيض كل البنات اللي عرفتهم صحابي كلهم مكنش فيهم حد عدل كلهم مكنش بيهمهم غير اللبس مكياج صحاب ارتباط هو ده اهتمامهم في الدنيا لكن انتي غير انتي محترمة و مؤدبة وعارفة دينك وده اللي عجابني انك هتاخديني لبر الامان وهتغير علشان ربنا اولا وعلشانك وعلشاني ثانيا
جني طبطت علي ايده وقالت بابتسامة..... انا مش هسيبك يا ايهم هفضل معاك للنهاية بس لو رجعت للي انت كنت فيه مقدرش اكمل يا ايهم صدقني
ايهم مسك ايديها وقبلها وقال... مستحيل ارجع مستحيل انا معاكي هعيش مشاعر وحب اول مرة هعيشهم حاسس بكدة
جني بخجل شدت ايديها وقالت.. هو الاكل اتاخر ليه
ايهم بابتسامة.... زمانهم بيجهزوا
...............................
في البيت عند شاهندا....
شاهندا بضيق... علي فين يا اكمل
اكمل بهدوء.... رايح عند واحد صحبي
شاهندا بهدوء... صحبك مين صحبك ده اللي مش قادر تستني يعدي يوم خطوبة ابنك ولما هو مهم اوي كدة معزمتوش يجي خطوبة ايهم ليه
اكمل بتوتر... في اية يا شاهندا هو تحقيق تعبان وعايش لوحده وانا رايح اشوفه
شاهندا بابتسامة.... اوك يا حبيبي الف سلامة عليه روح يلا وهتيجي ولا تبات معه احسن يحتاجكك
اكمل بهدوء... هشوف لو هبات عنده هكلمك وهقولك
شاهندا بهدوء..اوك يا حبيبي روح ربنا معاك
اكمل قرب منها وقبله من شفتيها... باي يا حياتي هتوحشيني
شاهندا بابتسامة... وانت يا حبيبي
اكمل... باي
شاهندا بابتسامة... باي يا حبيبي
خرج اكمل من البيت وشاهندا قلبت وجهها
واتصلت علي حد.... هو خارج تفضل وراه سامع
..... امرك يا هانم
قفلت شاهندا والغل عامي قلبها.
........................
امام البيت نزل وجية من التاكسي ودخل البيت وكان تعبان وماشي علي مهله
عمر بقلق. وجية بيه انت كويس
وجية بهدوء.. انا كويس يا عمر متقلقش بس تعالي اسندني زمان الولاد ناموا
عمر... حاضر تحب اجبلك دكتور
وجية.... لا انا لسه جاي من المستشفى تعالي بس يلا
عمر سنده لغاية باب اوضته وساعده ينام علي السرير
عمر بقلق.. تحب حضرتك اجبلك العشاء او اعملك حاجه تشربها
وجية بابتسامة... شكرا يا عمر انا هنام وبكرة لو شوفت حد من الاولاد متقولش حاجه علشان ميقلقوش
عمر بقلق.. حاضر يا فندم بعد اذنك
وجية بابتسامة.... اتفضل
خرج عمر ووجية بحزن... محدش فيهم فكر يتصل يطمن عليا معلش يمكن مشغولين بحاجه
......................