رواية في عيونك وعد
الفصل الرابع عشر14
بقلم هبة احمد
فوزيه / خبطت و قالت الاستاذ طة طالب حضرتكم عنده في المكتب
حاتم / انا مش ناقص خنقة روح كلم ابوك هاروح اغير هدومى وانزل اجيب خزين البيت
امير / لا مينفعش لازم تكون معايا انت العقل المدبر يااسطى
حاتم / تصدق صعبت عليه بشرط مصاريف السهرة عند سامى على حسابك وكمان تنزل معايا علشان اجيب خزين البيت
امير / تحت امرك يارب عدى الايام دي على خير و يسرلى امرى
حاتم / يارب وراح مع امير لمكتب الأستاذ طة
امير / السلام عليكم
الاستاذ طة / وعليكم السلام اقعدو
حاتم / على ما اعتقد انكم هتناقشوا أمور عائلية بعد اذنكم
الاستاذ طة / دانت اللى بتفكر وتقرر بدل من الموكوس ده اترزع وقول هو فى عروسه فعلا ولا دى فرقعة علشان عبير تمشى
حاتم / لا في عروسه وبنت كويسة من أسرة متوسطة
الاستاذ طة / ده شيئ ميعبهاش هى بنت مين
امير / بكرة لو حصل قبول هاجيبلك كل التفاصيل
الاستاذ طة / غورو من وشى وخلى بالك لو مكنش في عروسة هتكتب على عبير زى النهارده وفرحكم اخر الشهر وانت يا حاتم شوف عروسة امك هتموت من القلق عليك
حاتم / حاضر ياخالى انا عوز عشرين ألف جنيه علشان هاخطب انا كمان
الاستاذ طة / لما مشروع العين السخنه يخلص نبقى نتحاسب
حاتم / تمام يعني عوزنى اطلع عيل قدام اهل العروسه وكمان حضرتك عليك مصاريف القاعة وفستان العروسه
الاستاذ طة / مش لما تعرف انت وهو تتهببوا وتلاقوا العروسه
حاتم / يعنى لو حصل وكانت خطوبتى انا والغلبان دة بعد بكرة حضرتك هتشيل مصاريف القاعة
الاستاذ طة / موافق وفستان العروسه وكمان الكوافير
حاتم / انا خطوبتى انا والغلبان دة بعد بكرة وحضرتك عليك تروح معانا تتكلم وتخلص مع ابوهم بشرط تكون خطوبة بس كتب الكتاب والفرح بعد سنة قولت أية
الاستاذ طة / تمام انا موافق
امير/ وكمان تتصرف مع بنت اخوك انا مش عوز احرجها
حاتم / هى دى عندها دم دى جبله يلا ادامى يا عريس
امير / هنمشى ياحاج على فون
الاستاذ طة / أن فلحتوا ابقوا تعالوا قابلونى
حاتم / نقابل حضرتك فين
الاستاذ طة / يلا شوفوا ورأكم أية مش ناقص صداع
حاتم / يلا يا بختى اوم نكمل شغلنا
نرجس / بقولك ابت تعالى نروح للبت نوسة نعمل وشنا احنا داخلين على خطوبة ههههه
بسمة / الموكوس خالى واقف هناك شكله بيبيع الهباب .
نرجس / يارب يتمسك ويتسجن قولى أمين
بسمة / أمين يارب تعالى نوسة فاتحة وماحدش عندها
نرجس / ادخلى ابت السلام عليكم بت يانوسة ظبطينى ممكن عوزة اكون زى فاتن حمامه فى فيلم انا و العذاب وعيونك
نوسة / وعليكم السلام والفليم دة اتمثل امتى يا أختش
بسمة / خلى ايدك خفيفه ابت متعمليش زى الحلاق الاحول
نوسة / انا حلاق احول ياموكوسة تعالى اقعدى شعر ولا دقن يااسطى
نرجس / ههههه هو انتى بتتحولى بسرعه ازاي
بسمة / لا والنبى ما يحصل انتى الاول ياغزال
نرجس / الاول الاول هو انا هاخاف بت يانوسة ظبطينى ممكن
نوسة / ممكن اوى اقعدى ياشابة بقولك يا بسمة أية رأيك في اخوية منصور
بسمة / تصدقى انا غلطانه اللى عبرتك اخوكى ده اللى عامل زى الضيف احمد دمفهوش اسبوع زواج وبعدة اترمل وعلى أية خلية عايش بدل ما تقولى موتى اخوية
نوسة / تصدقى انا غلطانه انى عبرتك بقولك يا غزال ماتتزوجى منصور اخوية وهاظبطك ببلاش طول العمر
نرجس / اخوكى دة ميت سبع مرات بلا وكسة
نوسة / ربنا يخدكم بنات وش فقر
نرجس / بزمتك لو عريس شبه اخوكى منصور اتقدم يخبطك هتوافقى
نوسة / والنبى انا اعنس احسن من انى اتزوج العمده الآلى ده
بسمة / ههههه امال كنتى عوزانى اتزوجة لية ياجزمة
نرجس / عوزة تخلص من قرفة فتقرفنا بية ربنا يوعدك بواحد شبة المنصور اخوكى يا شيخة
بسمة / أمين بقولك يانوسة ما تاجى تتزوجى خالى مجدى
نوسة / اتزوج مين خالك المبرشم لية دانا عندى الكوافير وشقتى فوقة غير بيت من بابة من حر مالى
نرجس / ماهو دة المطلوب هو عاوز واحدة زيك تصرف عليه
نوسة / يلا انا ظبطكم اهو ومش عاوزه أجرة ايدى بس بلاش مجدى والنبى
بسمة / ربنا يسعدك ويوفقك يارب لا خدى دحقك احنا بنهزر معاكى ابت اوعك تزعلى
نوسة / مقدرش ازعل منكم احنا اخوات ابت
نرجس / مننحرمش منك يا قلبي اشكرك يلا ابت
مجدى / امتى انول المنى وتبقى ملكى انا صبرى قرب ينفذ ولو صبرى نفذ مش عارف اللى هيحصل لسة مفيش فكره ثبتت في دماغى
نرجس/ مسكت ايد بسمة الا احنا بيحصل معانا كدة لية داحنا غلابة اوى ومحتاجين حد يطبطب علينا
بسمة / انا خايفه اوى منه ومن ابن خالك
نرجس / تعرفى ابت لولا خايفه ارخص من نفسى كنت اتصلت باللى اسمه امير وقولت له تعالى دلوقت انت وقريبك اخطبنا
بسمة/ دى هتكون خطوبة يا قلبي مش دخله يعنى ممكن تبعد عننا ولاد خالك انم خالى المبرشم هيفضل زى ماهو ممكن يزيد كمان
نرجس / يعنى هنعمل ايه انا خلاص فوضت امري ليك يارب
بسمة / ونعم بالله العلي العظيم تعالى نفوت ناخد هدومى من اوضتى
نرجس / انا هاطلع بالحاجات دى وانتى رصى الشنطة وحطيها على باب الشقه ونادى أنزل اخدها انتى عارفه لسان امك
بسمة / عند حق ماشى يا غزال
امير / اخد حاتم وسهرو على قهوة بلدى بتاعه سامى صاحبهم من ثانوى وروحوا ناموا مع بعض فى اوضة امير
صباح جديد
؛؛؛؛؛؛؛؛؛؛؛؛؛؛؛؛؛؛؛
امير / اخلص ياض هنتأخر
حاتم / هنتأخر على الشغل ولا قل٠٠٠٠٠