رواية ويبقي الحب
الفصل الاخير
بقلم اسماء ابرهيم
وصل كلا من الحاج ابراهيم المنصوري ومعه زوجته يليه جاسر واحمد وجاسمين وفريده الي فيلا فاروق ليقدمون واحب العزاء لابنته منه.
دخل ابراهيم ومن معه وتوجه ناحيه منه
منه بصدمه...تنظر لهم بغل وحقد ثم تقول...افندم فيه حاجه
ابراهيم...البقاءلله يابنتي شدي حيلك
ناديه...البقيه في حياتك يابنتي وربنا معاكي
جاسمين تتجه ناحيتها وتحتضنها ربنا معاكي يامنه وربنا يرحم عمو.
منه....هاااه خلصتوا ولا لسه في حد نفسه يقول حاجه كمان.
جاسر...تصدقي احنا غلطنا لما جينا عشان نطمن عليكي
منه...تطمنوا عليه ولا تشمتوا فيه لكن لا ياجاسر بيه مش منه البنهاوي اللي تنكسر وبكره تشوف انا هعمل ايه.
جاسر...يالا بينا يابابا دي وحده ماتستاهلش
فريده....استني بس ياجاسر هي اكيد تعبانه من اللي حصل وماتقصدش حاجه.
منه....لا اقصد كل حرف وكل كلمه وعشان يكون في علمك انا كنت عايزه انتقم منه فيكي لكن دلوقتي انا هحرق قلبك عليه
جاسر يضرب منه بالقلم ويقول اخرسي خالص وياريت القلم ده يفوقك.
وعشان يكون في علمك انتي خلاص يامنه ورقك كله اتحرق من اول ندي السكرتيره لحد محمود المنشاوي.
تنصدم منه من كلام جاسر وانه علي علم بكل خططها.
منه...انت كداب وانا ماليش دخل بموضوع ندي ده انا كل اللي كنت عايزاه اني افرقكوا عن بعض.
جاسر...لا ليكي دخل وكل حاجه متسجله صوت وصوره.
منه بصريخ...اطلعوا بره مش عايزه اشوف حد.
خرجوا جميعا نادمين علي هذه الزياره.
⚘⚘⚘⚘⚘⚘⚘⚘⚘⚘⚘⚘
في سوهاج كانت تصل فريده ومعها جاسمين الي منزلهم لحضور فرح هنيه
تطرق الباب عده مرات من الخارج وتقول الحاجه فاطمه حاضر جايه يالي علي الباب متسربع علي ايه بس وتفتح فاطمه الباب لتجد ابنتها فريده وخلفها جاسمين
فاطمه...فريده حبيبتي يابنتي حمدلله علي سلامتك واحشتيني ياضنايا.
جاسمين...ايه يابطوط وانا هوا قدامك مافيش حمدلله علي سلامتك ياجيسي ولا ايه
فاطمه...جاسمين يانور عيني واحشتيني ونورتي سوهاج كلها
فريده....واحشتيني اوووي ياماما وفين اهل الدار
فاطمه....ابوكي في الارض واخواتك فوق هانادي علي هنيه تقولهم انك هنا.
آدم ينزل من علي السلم وانا نزلت خلاص من صوت الباب
تجري فريده عليه وتبادلا الاحضان ويقوم آدم بتقبيل جبهتها.
جاسمين....طيب دلوقتي انت مين آدم ولا ادهم
آدم بضحك ...حذري فزري ياجوسي
جاسمين...تضحك خلاص مش قولت جوسي يبقي آدم.. ازيك يادومي واحشني جدا.
فريده...طول عمرك مش هاتعرفي تفرقي بينهم غير لما آدم يقولك جوسي
ادهم...يدخل من الباب فيري حبيبتي حمدلله علي سلامتك وسلامه جيسي
فريده ..تحتضنه ايضا وتسلم عليه جيسي.
⚘⚘⚘⚘⚘⚘⚘⚘⚘⚘⚘⚘
جاسر...ياماما ليه بس وافقتي انهم يسافروا لوحدهم.
ناديه...يابني يعني هايتخطفوا وبعدين اول ما وصلوا كلموني علي طول واحنا كلها يومين ونسافرلهم.
جاسر ...ماشي ياماما انا خارج.
ناديه...رايح فين ماانت لسه جاي من بره.
جاسر...خارج رايح عند احمد واحتمال ابات عنده.
⚘⚘⚘⚘⚘⚘⚘⚘⚘⚘⚘
عند منه في شقتها كانت تجلس امام اللاب توب تكلم اروي علي الشات.
منه...يعني ايه يااروي ندي اتكشفت كان لازم اعرف من يومها.
اروي...والله يامنه انا عرفت يوم العزا ومارضتش اعرفك عشان مش تتضايقي اكتر.
منه...خلاص يااروي هاقفل دلوقتي وهاكلمك بعدين
تتصل منه بمحمود وتطلب منه ان ياتي لها في شقتهم.
محمود...ماشي يابيبي عشر دقايق وأكون عندك.
يصل محمود ويفتح الباب يدخل يري منه جالسه وهي في قمه غضبها
محمود...ايه ياروحي مالك فيه ايه.
منه....محمود انت تعرف ان جاسر عرف اني عايزه انتقم منه
محمود يرتبك من كلامها..عرف طيب ازاي ومين اصلا اللي قالك انه عرف.
منه تنظر له بشك هو بنفسه جالي في الفيلا ايام العزا وقالي انه عارف موضوع ندي وكمان اني عايزه انتقم منه.
محمود...بعصبيه خلاص بقي يامنه احنا مافيش مواضيع نتكلم فيها غير جاسر والانتقام منه
منه....اه يامحمود مافيش غير الموضوع ده واتفضل بقي تنفذ بكره
محمود...انتي مجنونه بجد وعشان تريحي نفسك فريده سافرت بلدها
منه بابتسامه خبث..تقول في نفسها ده تمام اوي كده يبقي العبها صح وارجع جاسر ليا.
⚘⚘⚘⚘⚘⚘⚘⚘⚘⚘⚘⚘
في سوهاج انه يوم فرح هنيه وفرج
يصل في صباح ذلك اليوم الحاج ابراهيم وزوجته وجاسر واحمد
الحاج محمد...اهلا اهلا ده احنا زارنا النبي والفرحه النهارده فرحتين
ابراهيم....ربنا يبارك فيك يامحمد
جاسر...ازيك ياعمي واخبار صحتك.
ابراهيم...بخير ياولدي طول ماانت بخير .احمد صاحبي واخويا ياعمي ويبقي خطيب جاسمين
يسلم احمد عليه ..ازي حضرتك ياحاج
الحاج محمد...اهلا بيك وبكل حبايبك ياولدي
اتفضلوا ارتاحوا
ناديه...ازيك ياحاج محمد اومال فين فاطمه والولاد
الحاج محمد...اني بخير يابت عمي والجماعه فوق مع هنيه عروسه بيجهزوها.
ناديه...ربنا يسعدها وعقبال فريده وتنظر لجاسر وتقوم لتصعد لهم
كانت هنيه تجلس في غرفه فريده وكانت جاسمين وفريده يجهزونها للفرح تدخل عليهم ناديه...مبروك ياهنيه وربنا يتمملك علي خير
تجري جاسمين عليها ماما حمدلله علي سلامتك.
فاطمه...ناديه اخيرا شوفتك يعني لازم تحصل مناسبه عشان اشوفك
تضحك ناديه وتاخذها بالحضن ما انتي عارفه يافاطمه المشاغل والعيال وبعدين تعالي هنا انا بنزل كل سنه الدور والباقي عليكي مانزلتيش اسكندريه من سنتين.
⚘⚘⚘⚘⚘⚘⚘⚘⚘⚘
يمر الوقت بسرعه ويبدأ الفرح وتعلو اصوات الاغاني والزغاريد وكان يوم جميل علي الجميع سعاده هنيه وفرج بان هايجمع بينهم بيت وسعاده كلا من الحاج محمد وفاطمه بعد ان تقدم جاسر لخطبه فريده وتم الموافقه .وسعاده كلا من احمد وجاسمين بتحديد موعد عقد قرانهم
وسعاده ابراهيم وزوجته لفرحه اولاده
وانتهي اليوم عليهم في سعاده.
#اســـــــــمــــــــااء
انه يوم ينتظره الجميع علي احر من الجمر انه يوم اعلان نتيجه الثانويه العامه فلكل انسان له طموحه يرسم ويخطط ليبني مستقبله وكان في ذلك الوقت يجلس كلا من الحاج محمد وزوجته الحاجه فاطمه ينتظران قدوم اولادهم بالنتيجه في توتر وجو مشحون بالقلق والخوف.
فاطمه....يارب اجبر بخاطرهم واسعدهم علي قد تعبهم.
الحاج محمد...ربنا كبير وكريم يافاطمه وهيكمل فرحتنا بيهم.
فاطمه...يارب ياحاج بس اتأخروا دول من الصبح في المدرسه ولاحس ولا خبر.
الحاج محمد...كل تأخيره وفيها خير.
يدخل في ذلك الوقت هنيه تحمل اكواب الشربات وتقول مبروك ياحاجه وعقبال شربات فرح الست فريده .
فاطمه...انتي عرفتي حاجه ياهنيه طمني قلبي يابنتي.
هنيه...مبروك يابا الحاج فرج شاف الاستاذ ادهم وبشره بالخير.
يدخل في ذلك الوقت ادهم وآدم علي والديه وهما يهليلان نجاحنا نجاحنا ويغني ادهم الناجح يرفع ايده
تزغرد هنيه وتتبعها فاطمه وياخذهم والدهم بين ذراعيه ويهنئهم
فاطمه...مبروك ياولاد طمنوني المجموع كام.
آدم بتباهي 97% طبعا وعلي كليه الهندسه عدل
فاطمه....الف مبروك يابشمهندس آدم. وانت يا ادهم
ادهم..الحمدلله ياماما 95%وبعد اذنك يابابا انا عايز كليه تجاره انجليش.
فاطمه....الف مبروك ياولاد
الحاج محمد...ليه ياادهم ياولدي مش عايز تبقي مع اخوك
ادهم...يابابا انا حابب شغل التجاره والحسابات وكمان الدراسه دي هاتفيدني كتير في شغل الارض الزراعيه ومتابعه المحاسبين.
الحاج محمد...ربنا يبارك فيك ياولدي طول عمرك عاقل وتحسبها زين
آدم...اه هو اللي عاقل وانا بقي المجنون ولا ايه ياحاج
الحاج محمد...ههههه طول عمرك تحب الضحك والفرفشة ربنا يسعدكوا ياولاد.
في احدي المستشفيات كانت منه فاقده للوعي فقد نقلت الي المستشفي في حادثه سير علي الطريق.
الدكتور...انا اسف ياانسه اروي حالتها صعبه جدا ومش عارفين نحدد الحاله دلوقتي
اروي بحزن وبكاء علي صديقتها ...عايزه اشوفها يادكتور ارجوك.
الدكتور..للاسف مش هاينفع وربنا معاها عن اذنك.
اروي تجلس مكانها تبكي وتقول ياما قولتلك بلاش الانتقام اخرته وحشه
فلاش باك...
منه كانت ذاهبه الي جاسر في شركته وصلت الي الشركه وطلبت مقابله جاسر
دخلت ندي تخبر جاسر بقدوم منه
جاسر...بضيق ماشي ياندي خليها تتفضل.
ندي ...اتفضلي ياانسه منه
تدخل منه عند جاسر وتتصنع الحزن والندم علي فعلتها معهم يوم العزاء.
جاسر...خير يامنه جايه ليه
منه...انا اسفه ياجاسر انا مش عارفه عملت كده ازاي بس صدقني كانت اعصابي تعبانه ومصدومه عشان بابي
جاسر يضيق عينيه فهو يعلم سبب وجودها عندما اخبره محمود انها تخطط للتقرب منه لكي تكسر قلب فريده
منه...جاسر ساكت ليه انت لسه زعلان ارجوك تسامحني عايزه نفتح صفحه جديده قبل ما اسافر.
جاسر...ببساطه كده يامنه مش تستني الاول لما اقولك علي المفاجأه
منه...مفاجأه ايه
جاسر...يطلب احمد ان يأتي له وطلب ندي السكرتيره
تدخل ندي وخلفها احمد ومعه محمود تنصدم منه وتقول هو فيه ايه وانتوا تعرفوا بعض منين
احمد...هاتعرفي حالا نعرف بعض منين هاتتكلمي ياندي ولا اتكلم انا.
ندي...ايوه ياجاسر بيه منه واروي اتفقوا معايا علي اني انقل كل اخبار الشركه وخصوصا الصفقات اللي كانت بتدخلها قدام باباها.
منه...انتي حيوانه وكدابه محصلش
ندي ...لا حصل وده تسجيل بكل مقابله كانت بتحصل.
جاسر...وانت يامحمود هاتقول كانت عايزه منك ايه ولا هتنكر.
محمود...لا مش هانكر حاجه منه كانت عايزني اخطف فريده واصورها في اوضاع مخله عشان تكسرك بيها وبعد وفاه والدها غيرت خططتها وكانت عايزه ترسم عليك عشان ترجعلها وتحرق قلب فريده عليك.
منه بهستريا ..انتوا كدابين انا ماليش دخل بحد ومعرفش حد وتخرج مسرعه تركب سيارتها وتقودها بسرعه جنونيه ينتج عنها حادثها المؤلم
نعود للحاضر...
حيث كانت تجلس اروي في المستشفي ياتي اليها محمود مسرعا عند علمه بالحادث
منه فين وحصلها ايه يااروي.
اروي ...منه يامحمود حالتها خطر جدا والدكتور مش قادر يشخص حالتها لانها في غيبوبه.
محمود...اهدي يااروي وربنا معاها ومعانا
تخرج الممرضه مسرعه من غرفه العناية المركزه تنادي علي الدكتور
يدخل الدكتور ويبدأ في فحصها فقد كانت فارقت الحياه بأكملها يخرج الدكتور من الغرفه منكس رأسه ويقول انا اسف البقيه في حياتكوا.
تصرخ اروي وترمي بنفسها في احضان محمود. وهو كان في صدمه انه فقد حبيبته واخذ يبكي عليها.
وبهذه الاحداث تنتهي حكايه منه .
عندما يدق الفرح باب ياتي اتباعا فهو اليوم الذي يتوج فيه كل حبيبين.
انه يوم اكتمال الفرحه لكل قلب يدق باسم حبيبه وهو فرح جاسر وفريده واحمد وجاسمين حيث اتفق كلا منهم ان يكون الفرحين في يوم واحد.
الحاج محمد كان يجلس مع الحاج ابراهيم في جنينه الفيلا
ابراهيم...والله ياحاج محمد اسكندريه نورت بيك وربنا يجمعنا في الفرح دايما.
الحاج محمد...اسكندريه منوره بناسها ياابراهيم وربنا يديم علينا المحبه.
ناديه...تاتي لهم وبيدها صنيه عليها كوبين من الشاي وتقدمه لهم.
ابراهيم...اهي كوبايه الشاي دي جات في وقتها.
ناديه...بالف هنا ومبروك ياحاج محمد وربنا يكمل فرحتنا علي خير.
اما في داخل الفيلا كانت جاسمين تجهز شنطتها وشنطه فريده للذهاب الي البيوتي سنتر
فريده...اوعي تنسي حاجه ياجيسي انا خلاص رتبت كل حاجه.
جاسمين ...ماتقلقيش يافيري كله تمام واحمد كلمني وقالي الفساتين هاتتبعت علي السنتر.
فريده ...يالا بقي عشان ادهم هايوصلنا
تنزل فريده وجاسمين وياخذ منهم الشنط آدم ويضعها في عربيه ادهم.
ادهم...تمام كده اتحرك ولا لسه
فريده...لا خلاص ياحبيبي كله تمام كان يقف آدم خارج السياره .ايه يا آدم انت مش هاتيجي معانا.
آدم...لا انا هاروح لجاسر واحمد.وادهم بعد ما يوصلكوا هايحصلني.
جاسمين...ماشي يادومي وعقبالك انت وادهم.
في شقه احمد كان جاسر يخرج من الحمام وبدأ يرتدي بدلته وبعد ان انتهي من ارتداء ملابسه جلس وبدء الكوافير يصفف له شعره فكان وسيم للغايه ببدلته السوداء
وكذلك احمد كان يرتدي بدله سوداء انيقه فكان شكله لايقل وسامه عن جاسر.
جاسر...اخيرا يا احمد اليوم اللي كنت بحلم بيه جيه وهايتحقق وفريده هاتكون ملكي.
احمد...مبروك ياجاسر انا اللي مش قادر اوصفلك سعادتي وان حلمنا ان يكون فرحنا في يوم واحد بيتحقق
ادهم...مش يالا بقي كده هاتتأخروا علي العرايس.
آدم...مبروك ياولاد وربنا يتمم بخير
جاسر يضحك علي طريقته...الله يبارك فيك ياحاج آدم.
يذهبون جميعا الي البيوتي سنتر وتدخل ناديه وفاطمه وتعلو الزغاريد عند رؤيتهم للبنات بالفساتين البيضاء.
فاطمه...مبروك يابنات وربنا يسعدكم ويرزقكم الذريه الصالحه.
فريده وجاسمين في وقت واحد...الله يبارك فيكي.
ناديه...يالا بقي العرسان واقفين علي نار
وتخرج جاسمين الاول مع والدتها فكانت رائعه بفستانها الابيض فكان عباره عن فستان ضيق من عند الصدر ينزل باتساع كبير وبيه بعض الكريستالات اللامعه فكان يعطي لها بريق .
ينظر لها احمد ثم ياخذ يدها ويقبلها ويهمس لها بحبك يااغلي من حياتي ويركب السياره
وبعدها تخرج فريده مع والدتها فكانت بجمالها وفستانها المميز الذي يشبه الاميرات كأنها حوريه من الجنه
نظر لها جاسر ثم ابتسم لها واخذها بيت ذراعيه ويهمس في اذنها بحبك يااميرتي.
تخجل فريده من فعلته وتبتسم وتقول له بهمس وانا كمان بحبك.وياخذها جاسر ويركب العربيه في طريقهم الي قاعه الافراح
وصلت كلا من سياره احمد وجاسر ودخل القاعه كل واحد وبيديه محبوبته وتبدأ مراسم الاحتفال.
بدء كلا منهم ياخذ عروسه ويرقص معها علي انغام الموسيقي الهادئه علي كلمات اغنيه(.انا كلي ملك.)
وبعدها تشتغل الاغاني ويشاركون الاصدقاء والاقارب الرقص مع كل عريس وعروسه فكان حقا فرح اكثر من رائع وبعد الانتهاء من الفرح .اخذ كل واحد زوجته وذهب الي جناحه في الفندق
يصعد احمد وجاسمين ويدخلا جناحهم..احمد مبروك ياجيسي وربنا يقدرني واسعدك دايما.
جاسمين بخجل...الله يبارك فيك يا احمد ويخليك ليه طول العمر
يقترب احمد منها ويقبلها وذهبت معا في دنيا خاصه بهم.
اما عند جاسر وفريده دخل جاسر وهو يحملها علي ذراعيه وهي تحاوط رقبته بذراعيها
جاسر دخل الجناح وهو مازال يحملها
فريده...نزلني بقي ياحبيبي احنا وصلنا
يقبلها جاسر وينزلها علي الارض ويقول لها بحبك وبعشقك يافيري اخيرا بقينا لبعض وبقيتي في حضني
فريده...تحضنه وتدفن راسها في صدره وتهمس اخيرا يا قلب فريده
وفي ذلك اللحظه يحملها جاسر ويلف بها ويقول بصوت عالي بحبك بحبك.
وبعدها ينزلها برفق علي الارض وتذهب فريده الي الحمام لكي تبدل ملابسها وترتدي اسدال صلاه ويقوم جاسر وخلفه فريده بصلاه ركعتين وبعدها يقول الدعاء .تقوم بعدها فريده بخلع اسدالها فكانت ترتدي قميص حرير اوف وايت يزيد من جمالها اقترب منها جاسر وحملها ووضعها علي الفراش وذهب معا في دنيا الحب الخاصه بهم.
بعد عامين رزق كلا من احمد وجاسمين بولد اسمه عمر
وجاسر وفريده بتوأم ولد وبنت حمزه وجميله.
اما آدم وادهم كلا منهما تفوق في دراسته الجامعيه واصبح لكل منهم حياته الخاصه وتمت خطوبتهم وعاش كل ابطالنا في سعاده.
فهو الحب الصادق الذي يبقي والي الابد والي هنا قد انتهينا من قصتنا
تمت