رواية في عيونك وعد
الفصل الحادي والعشرون21
بقلم هبة احمد
حاتم / انت عقل عصفوره وجسم فيل ركز في كلامك علشان تكسبها
امير / هم ست شهور وكل واحد يروح لحال سبيله وهى هيكون معاها مبلغ محترم مكنتش تحلم بية
حاتم / و انت الصادق هتاخد لقب مطلقة
امير / مش ده طلبها غير تبوس أيدها أنها تتزوجه واحد زيى
حاتم / هو انت فاكر كل الناس زى مها و عبير دى بنت جدعة انا مش هقدر اسيب بسمة هاكمل حياتى معاها
امير / بسمة غلبانة إنما نرجس شرسة
حاتم / دى قطة برية عوزة صياد ماهر
.امير / مش مستاهل انا كدة تمام مش عوز غير اتفك من زن وقرف عبير
حاتم / انا هاعيش حياتى مع بسمة كزوج و زوجة الصراحه انا مرتاح من ناحيتها وكمان صليت صلاة الاستخارة
امير / لو كان طباع نرجس زى طباع بسمة كان يمكن يكون بينا حاجة إنما دى بنى ادمة منفوخة ولسانها اعوز بالله
حاتم / انت توبك واحدة زى عبير طول النهار تلاقيها في ديلك عوزين نعمل شوبينج وتنغدا برة عوزين نروح رحله سفاري مع اصحابنا عوزين نروح حفله كذا وكذا واحدة عوزة تعيش في الشارع مش واحدة تعمر بيتك وتحافظ على بيتك ومالك وعرضك
امير / بقولك فكك من المشوار دة يلا انزل خلينا نشوف هنجيب أية ونفوت على سامى فى القهوة نقعد معاه شوية
امير / تمام
حاتم / كل اللى شايل همة هو امى مش قادر اسيبها قاعدة لوحدها انت عارف انها تعبانة وانا كنت واخد بالى من علاجها
امير / انت ساكن فوق شقة امك يعنى يدوب كام سلمة امال انا اعمل ايه اللى شقتى بعيدة نص ساعه بالعربيه عن امى
حاتم / نصيحه نرجس بنت كويسة محتاجه تحس بالامان هتلاقيها فى ضهرك تسندك وتعمل المستحيل علشانك
امير / انا اصلا مش مرتاح ليها حاسس انى مع واحد صاحبى مش انثى
حاتم / انت مش عاوز تنسى مها و اللى حصل معاك خليك كدة عامل زى الاهبل اللى بيضيع كل حاجة حلوة فى حياتة بغبائة
نرجس / يلا ابت نروح نشترى شوية لبس جديد
بسمة / مش انتى قولتى مش هنشترى اى حاجه جديدة وهنوفقك من لبسى ولبسك ونمشى حالنا
نرجس / لبس جديد نخدة معانا نلبسة فى الشقة ياجاهلة
بسمة / هو انتى صدقتى نفسك اننا عرايس بجد ولا انتى حبيتى المز افهم بس من غير ضرب
نرجس / انا نهاية احلامي اقفل باب شقة أبوية عليه وابكى على حالى تعالى هنا يا زفتة هو انتى نسيتى الاتفاق ولا أية العبارة افهم بس
بسمة / لا مش ناسية بس مش عارفه حاسة أنهم هم دول اللى هيكونوا من نصيبنا الاحداث بتدل على كدة شوفتى كنا عوزين خطوبة بس ومحدش يعرف من أهلنا أبوية وابوه عرفوا وكتبوا كتابنا وكمان حددو فرحنا ومش عارفه اذا كنت هافضل زى ماانا ولا هارجع بعد الست شهور حامل في توأم
نرجس / مع نفسك ساعتها تبقى تكملى حياتك مع حاتم وربنا يوفقك ويصلح حالك
بسمة / طب وانتى هتعملى أية
نرجس / هاعلم الأمير المغرور الادب كرمتى وعزت نفسى اغلى من اى شيئ
مرت الايام اللي أن جاء قبل يوم الحنه ببطء ومع فرش شقق العرايس وتظبيط كل حاجة
يوم الحنة بعد العصر
نرجس/ فى رقم غريب رن عليه كذا مره و بيرن تانى
بسمة / ردى شوفى مين ولو بيعاكس لسانك هيعلمة الادب هههههه
نرجس / عندك حق السلام عليكم
امير / وعليكم السلام انتى عاملة لية بلوك لية
نرجس / طلباتك اوامر حضرتك طلباتك مجابة
امير / هتعملوا حنه ولا استأذن عم. فاروق ونخرج شوية
نرجس / لا مينفعش احنا عملين حنة في الشارع مينفعش الفرح من غير حنة
امير / ماشى عوزين حاجة
نرجس / لا تشكر وقفلت الفون
نوسة / لولولولوى لولولولوى الف مبروك يا رب يسعدكم يارب
بسمة / تعالى ابت نورتي يابطة
فتحية / فتحت الباب بت يانوسة بقولك ايه رأيك تتزوجى مجدى أجوبة اهو يكون عندك زوجك يحميكي من نظرات الناس ليكى
نوسة / لولولولوى هو فين المحروس اخوكى سمعت انة بيصيف فى مارينا هههههه طب ازاى واخوكى بقى سرنجة ( بيضرب حقن )
فتحية / بكرة يعقل ابت صدقيني
نوسة / بقولك يا قلبي انا مش عوزة أعلى صوتى ولا اتعصب اخوكى دة عوز عزرائيل غورى جاتك الهم قال مجدى قال
نرجس / ههههه والله وهتكونى مرات مجدى
بسمة / تعالى ياموكوسة اقسم بالله انا ماعرفك لو وافقتى
فتحية / لية هو اخوية يعيبة أية مهو راجل ملو هدومة يااختى
بسمة / اخوكى سرنجة وبيتاحر فى الهباب كمان
نوسة / لولولولوى لولولولوى فكك منى يا فتحية يلا يابت علشان خاطر اظبطكم
بسمة / بلاش وشى هيبوظ المرة اللى فاتت اتشلفط
فتحية / تع٠٠٠٠٠٠٠٠٠٠٠٠