رواية العشق الممنوع الفصل الرابع عشر والخامس عشر بقلم مارلي ايهاب
في صباح يوم جديد
استيقظت حورية بضيق من نفسها لانها كانت السبب في حزن والدتها و قهرها منها
لبست وجهزت علشان تنزل
و كانت والدتها نايمة كالعادة في معاد نزولها لشغل
نزلت وشافت زياد واقف علي اول الشارع كالعادة وهي لم تهتم مشيت لكن هو اعترض طريقها وقال بحده... انتي امبارح مجوبتيش علي سؤالي مين اللي كنتي جاية معه امبارح
حورية بضيق... مديري في الشغل في حاجه تاني عايز تعرفها يا زياد بيه
زياد ملامحه لانت شوية وقال بحنيه.... لو محتاجة حد يوصلك انا موجود و هاجي اوصلك مكان ما انتي عايزة وبعدين لو بتشتغلي علشان فلوس الايجار اعتبريهم مدفوعين
حورية بدموع.... انا مش محتاجة حد يوصلني دي كانت مرة استثنائية واما فلوس الايجار هندفعهم اخر الشهر احنا مش عايشين شفقة منكم بعد اذنك
زياد بحنية..... انا بس نفسي تديني فرصة اثبتلك فيها حبي وان انا بحبك بجد ونفسي تقبلي تتجوزيني يا حورية وافقي بس وهخليكي ملكة انا عارف اني مش متعلم زيك ولا مثقف زيك بس اوعدك اني عمري ما هزعلك ولا هضايقك في يوم عايزة تكملي تعليم كملي معنديش مشكله صدقيني بس وافقي يا حورية حتي لو فترة خطوبة جربيني فيها اديني فرصة يا حورية
حورية بدموع... بعد اذنك
وسابته ومشيت وهو تنهد بيأس انها ممكن في يوم توافق عليه ولكن قال... بروده هفضل وراكي لغاية ما توافقي
ركبت حورية التاكسي اللي هيوصلها الشركة ودخلت وكانت واصله قبل معادها بنص ساعة و دخلت علي الكافتيريا تجلس فيها وكان بيجاد يجلس ويتحدث في الفون وشافها وابتسم انها جاية لوحدها من غير عمار اللي هو شايفه متلازم معاها في كل مكان
بيجاد خلص تلفونه بسرعة وقام وراح علي التربيزه بتاعتها وقال بإبتسامة... تسمحلي اقعد
حورية بتوتر... اه اتفضل
بيجاد قعد وقال بهدوء... عمار مجاش معاكي
حورية بتوتر... لا هو عمار مش بيجي معايا احنا بس بنروح سوا
بيجاد بهدوء... غربية رغم انه ساكن وراكي بشارعين مش بتيجوا سوا ليه
حورية برتباك... انا معرفش هو ساكن فين بس عادي يعني مش لازم نجي و نمشي سوا
بيجاد بهدوء... انتي مش رايحة الكلية بتاعتك
حورية بضيق... المواعيد الكلية مش مناسبة لمعاد الشغل
بيجاد بهدوء... دي حقيقة لان احنا كل سنه بناخد دفعة سنه تانية مش اولي لان تانية المواعيد بتاعتهم بتناسب الكلية بتاعتهم بس لو عايزة تروحي مثلا تلات مرات في الاسبوع وتجي بعد محاضراتك مفيش مشكلة
حورية بفرح وعيونها لمعت.... وعمار.
بيجاد ابتسم لفرحه ولكن اضايق لاهتمامها بعمار وقال... وعمار كمان انتي وهو اللي في اولي
حورية بفرح... شكرا يا فندم
بيجاد بهدوء... عفوا تشربي اية
حورية بهدوء... لا شكرا
بيجاد بهدوء.... تشربي اية
حورية باستغراب..... شكرا مش عايزة يا فندم
بيجاد بهدوء... ليه بقي
حورية بعفوية.... مستحيل اشرب حاجه من الشركة دي كوباية الشاي 25 جنية ليه يعني والكانز 30 ليه
حتي القهوة 35 جنية يعني اللي بيتباع هنا مش بيتباع برة ولا هو بيتقلب لوحده يعني انا لو عايزة اشرب كوباية شاي وكوباية قهوة 55 جنية في اليوم وده حرام
بيجاد ضحك جدا وقال..... يا بنتي هنا الانواع النضيفه والقهوة تركي ومستوردة علشان كدة الاسعار غالية هنا وبعدين يا ستي اشربي اللي انتي عايزة وعلي حسابي
حورية بخجل من تسرعها و وجهها احمر...... لا شكرا انا بتكلم بس لاني بصراحه اللي اصرفه في الشاي والقهوة اجيب حاجات تانية وافضل كمان من الحاجات اللي هنا
بيجاد ابتسم.... انا عارف انا كنت اول ما اتعينت هنا بستغلي الحاجة هنا لكن اتعودت انا كنت بشرب شاي من علي عربية علي الكورنيش الكوباية كانت بتلاته جنية شوفي دلوقتي الكوباية الشاي برة بسبعه جنية وهنا بخمسه وعشرين
حورية ابتسمت بخجل.... اها
بيجاد ابتسم... هتشربي شاي ولا قهوة ولا اختار ليكي انا
حورية بخجل... شكرا بس انا فعلا مش عايزة
بيجاد بصوت عالي.... رافت اتنين قهوة
ونظر ليها وقال... قهوتك اية
حورية بخجل... صدقيني انا مش عايزة.
بيجاد بحده... اخلصي
حورية بخجل.... مظبوط
بيجاد بصوت عالي... واحدة مظبوط واحدة سادة يا رافت
رافت... حاضر يا فندم
بيجاد ابتسم..... مش كان من الاول بدل ما تتعبيني
حورية بخجل.. مكنش في داعي حضرتك انا كدة كدة بشرب لما عمار يجي وبشرب في البيت.
بيجاد اضايق ولكن مبينش... علي سيرة عمار هو جه
حورية نظرت لورا بسرعة وشافته جاي وباين عليه الضيق
عمار بضيق.... صباح الخير
بيجاد بهدوء... صباح النور اقعد
عمار جلس بهدوء وكان ساكت و حورية كانت تنظر ليه ومستغربة انه ساكت وملامحه باين عليها الضيق
بيجاد بهدوء.... تشرب اية
عمار بهدوء..... شكرا مش عايز
بيجاد... براحتك
حورية استغربت انه ما اصرش عليه زي ما اصر عليها
رافت جاي القهوة ليهم وعمار كان ينظر لحورية بغضب
بيجاد تلفونه رن
وقام يرد ورجع بهدوء وقال... انا همشي دلوقتي كمان عشر دقايق تطلعوا المكتب بتاعكم وفي واحد هيجي يديكم المهام بتاعتكم
حورية بهدوء... تمام يا فندم
بيجاد اخد القهوة بتاعته ومشي اما عمار كان مازال ساكت
حورية بهدوء... مالك يا عمار قالب وشك ليه كدة
عمار بضيق وغيظ وغيرة ... كنتي قاعدة معه لوحدكم ليه
حورية باستغراب..... لوحدي اية احنا في الكافتيريا وفي ناس قاعدة قدامك اهي
عمار بغيظ... اجلطيني يا حورية اجلطيني انتي اية يقعدك معه علي تربيزه واحدة معه
حورية بارتباك... هو اللي جه يقعد جنبي وبعدين انت اية اللي مضايقك
عمار بغيظ وغيرة ... لا ابدا وانا هيضايقني اية بس لما الناس والطلاب يشوفكوا ويتكلموا عليكوا متبقيش تزعلي
حورية بعصبية.... طيب يبقي قاعدتي معاك كمان تجبلي الكلام بعد اذنك
عمار بتوتر وقال بسرعة... لا لاء مقصدش يا حورية متبقيش عصبية كدة
حورية بضيق والدموع في عينيها.... متبقاش انت وامي عليا سبني في حالي
عمار بقلق... حصل حاجه اقعدي
حورية قعدت والدموع في عيونها
عمار بقلق... قولي في اية
حورية بدموع اتكلمت وقالت ليه اللي حصل
بعد ما خلصت قالت بدموع... وماما زعلانه مني ومش عايزة تكلمني
عمار بهدوء.... معلش هي ليها حق تزعل ومعاها حق انا حاولت ارفض بس زي ما انتي شوفتي هو رفض
حورية بهدوء.... انا اما اروح هرضيها وهصالحها
عمار ابتسم... ان شاء الله انتي جايبه قهوة كمان مش كانت المزانية هتخرب
حورية ابتسمت... لا ده استاذ بيجاد اللي جايبها
عمار بغيرة.. بيجاد اها تمام مش يلا علشان نطلع العشر دقايق عدوا
حورية بهدوء... يلا
ولسه هتمسك القهوة شافت عمار مسكها وقال.. لا لا دي وحشة وبردت تعالي انا هجبلك قهوة احسن منها
يلا واخدها وهي مصدومه من تصرفاته الغريبة عليها
وطلعوا الاتنين المكتب وكان ايهم قاعد ويناظر عمار بغضب ويتذكر ما حدث
فلاش باك
عمار بحده... اسمع بقي لو مفكر. انك. لما كل شوية تهددني. اني هسكتلك تبقي غلطان لو فضلت تعاملني بالمنظر ده انا هقول لابوك علي اللي حصل انهاردة وان انا افشتك وفي حضنك واحدة وانك اتطردت واكيد كلمت بابا علشان يرجعك الشغل تاني فبطل تهددني احسن ليكي يا ايهم ايه رايك اتكلم واقوله علي اللي حصل وابويا لو ابوك ساله اكيد مش هيكدب وهقوله كل حاجه
ايهم بضيق... خلاص يا عمار لا انا اهددك ولا انت يا سيدي اسف مقصدش
عمار بضيق..... اتمني تفضل كدة ومتلعبش من ورايا
ايهم بضيق.... طيب
عمار بضيق... وملكش دعوه بحورية
ايهم بضيق.... طيب يا سيدي
عمار بشماته...... بس كدة
ايهم بضيق.. انا ماشي
عمار.... مع السلامه
باك
ايهم كان ينظر ليهم بغضب ولم يتحدث
.،.،.،.،.،.،.،.،..،،.،..،.،
في المكتب عند مهاب كان يجلس في مكتبه وبيشوف شغله الباب خبط
مهاب بجديه.... ادخل
دخلت بنت في غاية الجمال ولبسها كاشف جسمها جدا
مهاب بهدوء.... اهلا يا فندم اتفضلي
البنت.... اهلا مستر مهاب لك وحشتني كتير. اكتير
مهاب بهدوء.. اهلا بيكي مدام إميلي
إميلي بهدوء.... كويسة اكتير يا مستر انا جاية من امريكا مخصوص لاحكي. معاك بالصفقة الاخيرة بس نحكي بالانجليزي لاني لا اقدر احكي عربي كتير
مهاب. بهدوء... مفيش مشكله
وفضلوا يتكلموا حاولي ساعتين وبعد ما انتهوا
إميلي براحة... ارتحت الان من هي الصفقة مستر مهاب انا لازم امشي الان
مهاب بإبتسامة... اتفضلي ووقف يسلم عليها هي قربت منه زيادة عن الزوم بابتسامة وقالت بابتسامه هيام.... هلا مستر مهاب اقدر اعزمك اليوم علي العشاء
مهاب حاول يكون دبلوماسي في الوقت ده بس ارتبك واتصدم لما حطت ايديها علي كتفه وقبلته علي شفتيه. وهي نفس ذات الوقت دخلت كاميليا
المكتب واتصدمت من اللي شافته
.، ،..،.،.،.،.،.، ، ، ،،..، ،.،.،
في البيت عند ريهام كانت تجلس مضايقة من تجاهل ايهم لها وانه كل ما تكلمه علشان يخرجوا او يتقبلوا سوا بيرفض. بحجه الشغل كانت مغلوله منه.
الفصل الخامس عشر
في المكتب عند مهاب دخلت كاميليا بدون مقدمات واتصدمت لما شافت اميلي هي ومهاب يقبلون بعضهم ولم تنتبه ان مهاب لم يبادلها القبله
مهاب بعد في ساعتها ونظر لإميلي بغضب شديد اما هي كانت تنظر لكاميليا ببرود وتقول... مو موجود باب لتخبطي عليه ايتها الحمقاء
كاميليا كانت الدموع في عيونها ولم تقدر علي التحدث
مهاب بضيق... اذا سمحتي اميلي اعتذر عن ما قولتي الان والا الصفقة التي بيننا الان سوف تنتهي
كاميليا تكلمت والدموع في عيونها...... لا ابداا انا اللي غلطا.. نة ببس مكنش في حد برة بعتذر
وخرجت بسرعة وهي تجاهد للحفاظ علي دموعها
مهاب نظر لايملي بغضب وخرج بسرعة ولكن قال بحدة... ايتها الوقحة اعتبري الصفقة انتهت بيننا
وخرج مسرعة للحاق بكاميليا التي اخذت سيارتها ومشيت ولم يلحقها وكان مضايق انها خدت الفكرة دي عنه
طلع مكتبه تاني وكانت اميلي مازالت بالمكتب لتتحدث معه
دخل مهاب و شافها لسه موجوده قال... ايتها الحمقاء لما انتي هنا الان اذهبي الي الجحيم
اميلي بحزن.... لما تتحدث معي بهذي الطريقه مهاب انا لم أخطئ بشئ انا فقط احبك وكنت اريد ان اثبت واوضح لك حبي
مهاب بغضب... اسمعني جيدا من الان انا لم اوقع علي العقد ولا سوف اوقعه لاحقا لا اريد اي تعامل معك او مع شركتك اللعينه اتفهمي ام لا الان اخرجي من هنا الان وصرخ بها... اذهبي
وخرجت مسرعة اما هو خبط المكتب بايده بغضب شديد جدا
..،..،.،.،.،..،.،.،.
في البيت عند كاميليا كانت تجلس وهي تبكي وتقول.. انا عارفة انه مينفعش وانه اصغر مني بعشر سنين بس انا بحبه ومقدرش اشوفه مع واحدة تانية ولهي بموت وقلبي بيتقطع انا مش عارفة اية اللي بيحصلي ده ليه احب شاب اصغر مني وليه ممكن يفكر انه يرتبط بوحدة بنتها هتتجوز اخوه يارب شيل حبه من قلبي يارب
وبكت بحرقة شديدة
.،.،..،.،..........،.،،
في الشركة كانوا كلهم يشوفون اشغلهم
بيجاد عين واحد مكانه لانه مش موجود اسمه عاطف وه شخصية ثانوية
عاطف.... انسة حورية انزلي الارشيف واديهم الملفات دي
حورية... تمام حاضر بعد اذنك
و اخدت الملف وخرجت من المكتب
عاطف.... مين معه ملف الحسابات
ايهم بهدوء... انا
عاطف... انزل وديه لقسم الحساباب بسرعه
ايهم بضيق... حاضر
وخرج بسرعة و كانت حورية واقفة مع بنت بتسالها علي استاذ عاطف
البنت... شكرا
حورية.... العفو
وراحت علي الاسانسير وركبت وتفجأت بعد ما ركبت ان ايهم دخل الاسانسير وراها قلقت ولكن مبينتش القلق ده
ولكن فجاة الاسانسير وقف بسبب انقطاع التيار الكهربائي
حورية اتصدمت ولمن فضلت ثابته و لكن الخوف في قلبها
ايهم بخبث.... مالك يا حورية خايفة ولا اية
حورية بضيق..... ياريت تخليك في حالك
ايهم قرب منها فجاء وكل سرعة وجرائه قبلها من شفتيها
حورية اتصدمت والملفات وقعت من ايديها و حاولت
تبعده وتزقه بايديها ولكن هو مسك ايديها الاتنين وراها ضهرها وهي بكت بحرقة وهو يقبلها تذوق طعم الدموع بعد عنها وابتسم بخبث شديد يدل علي شره وقال... عند اذنها... لسه يا حورية انا معملتش حاجه انا لسه في الاول
حورية وجهها كان احمر وتبكي. بقهر واول ما ساب ايديها رفعتها وصفعته علي وجهه وقالت بدموع تنزل كالشلال... وقح وحقير انا هشتيك يا واطي
ايهم بكل غضب شدي رفع ايديه وصفعها صفعه وقعتها علي الارض وبكل غضب مسك شعرها بايده وقال بغضب.. لسه متخلقش اللي يمد ايده علي ايهم الشناوي يا حلوة وانا من النهاردة هكون جحيمك علي الارض
فجاء النور اشتغل والاسانسير نزل لدور المطلوب اما هي زقها وكانها شئ قذر سوف يلوثه
خرج من الاسانسير اما هي قفلت الاسانسير عليها وجلست تبكي بكل قهر وهي تضرب بايديها علي الاسانسير
ولكن مسحت دموعها ولمت الملفات اللي علي الارض
و خرجت من الاسانسير وراحت علي قسم الارشيف واديتهم الملفات وحست انها مش هتقدر تكمل هتموت لو فضلت خرجت وهي بتجري وتبكي. وهي مش قاردة تنسي اللي عمله ايهم فضلت تجري لغاية ما خرجت من الشركة حتي انها تركت شنطتها ومكنش معاها غير تلفونها فقط
فضلت تجري وفجاء وقفت وقالت وهي تبكي.... طيب هروح ازاي دلوقتي مش هقدر اروح لان الفلوس في الشنطة ومش هقدر اكلم عمار لاني مش معايا رقمه وحتي لو معايا هيفضل يسال فيا ومش هقدر ارد اعمل اية بس يارب
ولكن تذكرت رقم واتصلت بيه وقالت بدموع... الو
ياتري حورية اتصلت بمين
.،.،..،،.،.،..،.،..،،
في بيت شاهندا كانت تجلس مع ريهام وهي تقول.... حبيبتي ايهم اعصابه تعبانة الفترة دي بسبب الشغل والدراسة وحتي اكمل ييخنقه بطريقة سيئة جداً
ريهام بحزن مصطنع..... يا انطي ده اهملني خالص لا عايزنا نخرج مع بعض ولا نروح حفلات صحابنا ولا الجامعه بيجي اشوفه فيها شغل اية ده اللي واخده مني كل ده انا بجد مقهورة منه ومن عمايله وزهقت منه وانا بفكر ننفصل احسن
شاهندا بصدمة... لا لا اية اللي بتقوليه ده مستحيل طبعا الكلام ده يا ريهام ابعديه عن تفكرك. انتي وايهم لبعض ومستحل تنفصلوا اشربي العصير وانا هكلمه يجي وتقعدوا تتصافوا سوا تمام
ريهام بحزن مصطنع.... تمام
،..،.،.،.،، ، ، ، ، ،، ،
في الشركة
عاطف باستغراب...هي كل ده حورية مطلعتش
عمار كان قلقان من تاخيره والمشكلة انه مش معاها رقمها اصلا
عمار في نفسه... انا غبي مش كان لازم اخد رقمها
عاطف بهدوء... حد معه رقمها
كلهم قالوا لا
عاطف... تمام
خرج عاطف من المكتب وشاف بيجاد جاي
بيجاد بجدية... ها اية الاخبار يا عاطف
عاطف بهدوء... كله تمام بس في بنت طلبت منها تودي الملفات لارشيف ولغاية دلوقتي مرجعتش
بيجاد بهدوء... مين البنت دي.
عاطف بهدوء... اسمها حورية
بيجاد بهدوء... طيب تعالي
دخلوا الاتنين مكتب بيجاد وبيجاد اتصل علي مكتب الموظفين
بيجاد بهدوء... ابعتيلي رقم بنت اسمها حورية من الطلبة بتوع سنه اولي
.... امرك يا فندم دقيقة و هيوصل لحضرتك
بيجاد... تمام
وصل الرقم علي تلفونه اتصل اكتر من مرة ولكن الرقم. مغلق مغلق بيجاد استغرب
واتصل علي الاستقبال وقال... بنت من الطلبة كانت في الارشيف وموجودة في الشركة ولا خرجت
..... دي يا فندم كانت بتعيط جدا بعد ما خرجت من مكتب الارشيف وخرجت برة الشركة
بيجاد قفل بضيق وفتح الكاميرات وشافها دخلت الأرشيف وكان باين علي ملامحها البكاء الشديد
دخلت المكتب وهو فتح كاميرة المكتب وشاف محصلش فيه اي حاجه وفجاء وقفت وخرجت تبكي بشدة من الشركة
بيجاد اتعصب من ملامحها اللي تقهر الواحد
بيحاد بضيق حاول يدريه.... ابعتلي عمار
عاطف.... تمام يا فندم
خرج عاطف وبيجاد سند راسه علي الكرسي وشاف في الكاميرات دموعها وقهرها اللي كان باين جدا
الباب خبط
بيجاد بغيظ.... ادخل
عمار دخل بتوتر..... حضرتك طلبتني يا فندم
بيجاد بغيظ.... انت عملت اية لحورية
عمار بصدمة.... معملتش حاجه
بيجاد بضيق.... امال خرجت من الشركة منهارة و معيطة وشكلها متبهدلة وتقولي معملتش حاجه
عمار بصدمة وقلق علي حورية...... اقسم بالله ما عملت حاجه
بيجاد مش عارف يعمل اية ده اقسم بالله طيب اية اللي حصل وشغل الكاميرة مرة تانية لكن لفت نظره وهي بتركب الاسانسر ايهم دخل وراها والاسانسير وقف فترة وبعدين اشتغل وخرج هو وهي فضلت اكتر من عشر دقايق في الاسانسير
بيجاد بضيق... روح انت واندهلي زفت ايهم
عمار بقلق.. حاضر
خرج عمار بسرعة ودخل المكتب وقال.... ايهم استاذ بيجاد عايزك
ايهم بتوتر...... ليه
عمار بغيظ قال بهمس.. لو انت عامل حاجه لحورية والله العظيم هنسي كل اللي بنا والقرابة وهتشوف وش تاني يا ايهم الكلب
ايهم مردش عليه وطلع لبيجاد وحاول يظبط نفسه ومايتوترش
خبط الباب
بيجاد.... ادخل.
ايهم دخل وقال بهدوء... حضرتك طلبتني يا فندم
بيجاد بحدة... عملت اية لحورية في الاسانسير
ايهم بهدوء وثقة .. ولا حاجه يا فندم. كل ما في الموضوع ان النور اتقطع ومن الواضح انها عندها فوبيا من الاماكن المغلقة وفضل يجي. ربع ساعة وكانت قاعدة تعيط حاولت اهديها ولكن فضلت زي ماهي لغاية ما النور اشتغل وانا خرجت وحاولت اخرجها ولكن رفضت ده كل اللي حصل
بيجاد من كتر الهدوء والثقة اللي بيتكلم بيه صدقه
بيجاد بضيق.. علي. مكتبك.
ايهم بهدوء.. تمام بعد اذنك
خرج ايهم وابتسم بشر
اما بيجاد قال بضيق... امال اية اللي حصل بس
،..،.،.،.،،..،.،.، ،.،.،.،.،..،
في البيت عند كاميليا الباب خبط
فتحت واتصدمت لما شافت مهاب واقف ومعه بوكية ورد