رواية العشق الممنوع الفصل الثامن والخمسون والتاسع والخسون بقلم مارلي ايهاب
في البيت عند انجي مضايقة من وجية و اسلوبه الساخر معاها
كانت تجلس علي الانتريه وهي تشرب الشاي
حورية خرجت من اوضتها وهي ترتدي الفستان
كتب الكتاب
حورية بابتسامة.... ها اية رايك
انجي بإبتسامة فرح.... جميل يا حبيبتي انتي اللي محليه
حورية بابتسامة... حبيبتي يا ماما
انجي بإبتسامة... روحي بقي غيري وتعالي علشان نشوف هنعمل اية تعالي
حورية بابتسامة..... اوك
دخلت بسرعة غيرت هدومها وخرجت لانجي
انجي بهدوء.... بصي يا حورية يا حبيبتي الخطوبه في قاعة ووجية سالني الصبح علي العدد المعازيم وانا بصراحة اتكسفت هقوله ان اصلا مفيش حد نعزمه غير الجيران اللي اتربينا و عيشنا معاهم وان احنا ملناش حد يسال علينا انا قولتله ان العدد حاولي اربعين لكن هو اصر انه يعمل هو الخطوبه لان المعازيم بتوعه في حدود 500
حورية بصدمة.... 500 ليه يعني
انجي بإبتسامة.... ده راجل اعمال يا حورية ويعرف ناس كتير واكيد هيجوا يعملوا الواجب معه
حورية بتوتر... يعني الفستان اللي انا جايبه يليق بالمكان اكيد ناس كلهم اغنيا وممكن يتكلموا عن الفستان وانه رخيص بنسبلهم
انجي بهدوء وجدية..... حورية لازم تبقي واثقة في نفسك وفي اللي هتلبسيه واوعي اوعي تقليلي من نفسك قدمهم لو انتي احترامتي نفسك قدامهم غصب عنهم هيحترمكي
حورية بتوتر... انا بس
انجي بهدوء.... متوتريش نفسك خليكي واثقة في وانا مش هسيبك يا حبيبتي
حورية بابتسامة... حاضر
انجي بهدوء... انا حجزتلك عند ميكب ارتسيت شاطرة و كويسة جدا والناس بتشكر فيها وهنروح ليها الصبح قبل الخطوبه
حورية بابتسامة... طيب وانتي ياماما لغاية دلوقتي مجبتيش فستان
انجي بإبتسامة.... انا هبقي اجيب متشليش همي بس اجبلك اللي محتاجه الاول وبعدين اجيب ليا
حورية بابتسامة.... لغاية امتي هتفضلي بتهملي في نفسك و تهتمي بيا
انجي بإبتسامة.... لما تبقي ام هتعملي كل اللي بعمله دلوقتي تحرمي نفسك من الحاجة علشان خاطر ولادك يبقوا احسن منك مش هتجيبي قشاية لنفسك قبلهم
حورية بابتسامة....... ربنا يخليكي ليا وميحرمنيش منك ابدا ياماما
انجي بإبتسامة.... ولا يحرمني منك يا حبيبتي كنت عايزة اسالك علي حاجه اخر مرة
حورية باستغراب... اسالي
انجي بهدوء... اعزم عمامك علي كتب الكتاب
حورية بضيق... ماما بالعربي كدة انا مش عايزهم يجوا الفرح ولا كتب الكتاب انا بكرهم كفاية اللي هما كانوا عايزينه بعد ما ابويا مات وازاي ستي وجدي كانوا موافقين علي القرف اللي كانوا عايزينه
انجي بهدوء.... بس انا رفضت
حورية بدموع... رفضك. مش كفاية علي طلبهم ازاي يطلبوا حاجه زي دي ويعملوا اللي عملوه بعد موته مش عايزه اشوف وشهم
وسابتها ودخلت اوضتها
انجي اتنهدت بحزن وهي تتذكر ما فعله اخوات زوجها بعد الاربعين.
فلاش باك
بعد ما اخدوا العزاء الاربعين كان يجلس حماة انجي و حماها و اخوات زوجها الاتنين
حماها.... شوفي يا بنتي انا مش هكدب عليكي البت حورية لازم تتربي في حضننا مش في حضن حد غريب
انجي بعدم فهم ودموع.. تقصد ايه
حماها بقسوة.... قدامك اخوات جوزك الاتنين اختاري واحد وهتتجوزيه علشان البت تفضل معانا
انجي بصدمة ودموع... اية هي بيعه وشروه ابنك لسه مكمل اربعين يوم وانت جيبلي اخواته انقي بنهم مش عيب عليك اللي بتقوله ده عيب
حماتها... في يابت هو احنا بنقولك اعملي حاجه حرام احنا بدل ما نفرض عليكي واحد قولنا تختاري هي وعدانا العيب
انجي بدموع... العيب انتم متعرفوش حاجه عن العيب انا مش هتجوز بعد احمد وبنتي انا عارفه هربيها ازاي ومش مستنية من حد حاجه وطلبكم مرفوض
اخوه زوجها واسمه خالد وكان يريد الزوج منها سابقاً ولكن احمد سبقه
خالد بضيق... بقولك اية لو موافقتيش تتجوزني انا هاخد البت وهربيها مع عيالي مش ناقص تمشوا انتوا الاتنين علي حل شعركم
اخوه محمد بضيق.... ومتتجوزنيش انا ليه بقي يا سي خالد
انجي صرخت فيهم بغضب... اطلعوا بره بيتي يلا غوروا بره ومحدش يعتب البيت ده تاني معندكمش ريحة الرجولة ولا النخوه بره
كل ذلك يحصل امام ابنتها حورية التي تقف خلف الباب و تبكي
حماها بغضب... انتي بتطردينا يا انجي
انجي بغضب.... ايوة بتطردكم واوعي تكونوا مفكرين علشان اهلي ميتين انكم هتبيعوا و تشتروا فيا وبنتي محدش يقدر يخدها مني لا دلوقتي ولا بعدين يلا بره بره
حماها وحماتها خدوا ولادهم ومشيوا وحلفوا ما يدخلوا بيتهم تاني ولا يبعتوا مصاريف حورية ويساعدوا في تربيتها
انجي شافت بنتها تقف تبكي قربت منها وحضنتها وهي تبكي معاها
باك
انجي بدموع... من يوم ما سبتنا يا احمد مشوفتش يوم عدل
.................؟..................
في البيت عند وجية كان يجلس علي السرير و يتصفح الهاتف
خرجت سهر من الحمام وهي ترتدي قميص نوم مفصل تفاصيل جسدها
وجية اول ما شافها قلب وجهه بضيق في الخفاء وقال... ليله مش معديه
سهر قربت منه بإبتسامة وجلست بجانبه علي السرير بحب وقالت بإبتسامة... وجية
وجية بضيق... ام
سهر بابتسامة قربت اكتر منه.... مبقتش بتاخد العلاج يعني بقيت كويس الحمدلله
وجية بسرعة..... لا طبعا انا لسه تعبان وبعدين انتي مش بتهتمي بيا انا بنسي اخد الدواء وانتي عارفة وسايبني كدة مش هاين عليكي تقوليلي خده حتي
سهر بضيق... انا فكرت كويس ومش محتاج العلاج لاني عارفة انك بتهتم بنفسك كويس جدا ومش محتاج حد يقولك علي العلاج
وجية وهي يترك التلفون بجانبه ويشد الحاف عليه ويقول بإبتسامة باردة.... الاهتمام مبيطلبش يا مدام
واعطاها ضهره وهو ينام ويبتسم علي وجهها الاحمر التي راه
سهر بوجهه احمر وغضب وضيق شدت الحاف عليها بغضب وقالت وهي بتخبط علي كتفه بغضب... نام يا وجية نام خلي النوم ينفعك
وجية ببرود.... هينفعني
سهر عضت الحاف من الغيظ وسكتت
اما هو كان يبتسم تحت الحاف
.........................
في صباح يوم جديد نزل عمار بهدوء. وقال... صباح الخير يا بابا
وجية بهدوء... صباح النور.
سهر بضيق... يعني صباح الخير يابابا وبنسبه ليا مفيش حاجه
عمار بضيق... صباح الخير ياماما
سهر بضيق... صباح الخير
عمار بضيق... بابا حضرتك حجزت القاعة و عزمت المعازيم ولا لسه
وجية بهدوء... اه كل حاجه جاهزة
عمار بضيق... طيب انا هخرج وهاجي متاخر انهارده هنروح انا وحورية مشوار
وجية بهدوء... تمام
عمار.... بعد اذنك
وجية... اتفضل
خرج عمار وركب عربيته اما سهر قالت بضيق... محدش قالي علي الخطوبة
وجية بضيق... ليه مش انا جيتلك وعرفتك واليوم ده كان اسود يوم اكيد فاكره
سهر بضيق.... ما خلاص يا وجية مش اتجوزنا وبعدين البت دي متنسبش عمار ولا تنسبنا
وجية بهدوء.... مش انتي ولا انا اللي هنقرر اذا كانت تناسب او لا
سهر بضيق... يا وجية افهمني انا مش حابه البنت دي. كفاية اللي ابوها عمله زمان
وجية بسخرية.... علي اساس ان اختك كانت الخضره الشريفة ما هي كمان كانت مشتركة معه في كل حاجه ولا ناسية
سهر بضيق.... وشوف احنا عملنا فيها ايه
وجية بسخرية... ومالك فرحانة باللي عملتوه كانكم عملتوا انجاز يا مدام
سهر بضيق... في اية يا وجية مالك اية صيغه السخرية اللي بقت ملازمك دايما
وجية بابتسامة باردة... انا ح، اتكلم زي ما انا عايز
سهر بتحاول تهدي وقربت منه وجلست بجانبه و مشيت ايديها علي كتافه و صدره واتكلمت بدلع.... يعني يا وجية يرضيك نناسب ناس زي دول معقول المستوي انحدر بينا لهنا ناس بيئة يا وجية ولا يصالحوا انهم ينسبونا ابدا
وقربت اكتر حتي وصلت لشفتيه وقبلته وهو لم يتجاوب معها و نظراته كانت لا شئ عادية
سهر بعدت عنه بضيق وهو قال بنبرة غربية لم تقدر ان تفهمها..... يعني انتي كدة بتغريني ولما هتغريني انا هوافق علي اللي انتي عايزة صح يا سهر
سهر بضيق... انا مبقتش فاهماك ليه حاسة انك مش طايقني ومش عايز تكلمني ولا تقرب مني كل ما اقرب انا لقيك بعدت عني وبتتحجج بالتعب يا وجية لما انت مش عايزني رجعتني ليه وعرضت عليا الرجوع
وجية بضيق.. بقولك اية يا سهر بلاش افوره لو سمحتي يعني علشان تعبان وقولتلك لما ابقي كويس ابقي مش عايز اقرب منك ومضايق من وجودك كفاية بقي مش ناقص انا سيبهالك وماشي
سهر مسكت في ايده... وجية انا اسفة مقصدش صدقني انا اسفة خلاص انت النهارده يوم اجازتك
وجية بضيق... اوعي انا هروح لواحد صاحبي
وتركها ومشي
سهر بضيق.. وجية يا وجية اف بقي
................
يجلس وجية في بيت صديقه مجدي يتحدث معه
مجدي بهدوء.... ولما انت مش مقتنع برجوعك ليها ليه رجعتها من اصله
وجية بهدوء..... علشان العيال
مجدي بسخرية... ولله وعيالك دول افتكرتهم دلوقتي مانت مطلقها بقالك اكتر من خمس شهور يا وجية نفسي تتكلم معايا بصراحة
وجية بهدوء..... سهر مناسبة ليا مادية وقدام المجتمع
مجدي فهم انه مش هيقوله السبب الحقيقي.... طيب يا وجية متتكلمش براحتك بس اتمني تكون مبسوط في عيشتك معاها و ميحصلش مشاكل
وجية بضيق..... اها ان شاء الله متنساش بكرة كتب كتاب عمار
مجدي بهدوء... الف مبروك وان شاء الله هاجي ان ومايا نبارك ليه
وجية بابتسامة.... تنوروا يا مجدي انت مش محتاج حد يعزمك بس قولت اكد عليك
مجدي بابتسامة.... ربنا يخليك بس قولي البنت حلوه
وجية بابتسامة... ماشاء الله ابني عرف يختار انا لا
مجدي ضحك....ليه مش كنت بتقول مناسبة ليك
وجية بتنهد... يلا بقي مش بعد. عشرين سنه جواز هنتكلم
مجدي بهدوء.... معاك حق
وجية بهدوء.. انا هقوم امشي
مجدي بهدوء... ليه متقعد شوية
وجية بابتسامة... معلش يا مجدي لسه هروح اتمم علي الكروت و الحاجه انا كلمتهم في الفون بس اتاخروا في طباعة الكروت علشان كدة الكروت هتوصل للمعازيم قبل الفرح بحاجة بسيطة علشان يدخلوا بيه
مجدي بابتسامة... معلش ابقي غير المكان اللي روحتله في ليله الفرح
وجية بابتسامة... ان شاء الله يلا مع السلامه
مجدي قام يوصله... مع السلامة
وجية خرج وركب عربيته بهدوء وطلع يتمشي بيها مكنش عايز يرجع البيت علشان ميشوفش سهر ولا يتعامل معها
وجية في نفسه... اخلص بس خطوبة ابنك و اروقلك يا سهر وهندمك علي اليوم اللي تفكيرك خلاكي تعملي كدة في وحيد
وصل المحل اللي بيطبع ليه الكروت
وجية بحده... انا مش فاهم بقالكم اسبوعين مديكم اسامي المعازيم وحضارتكم متاخرين و لغاية دلوقتي مخلصتوش
... يافندم حضرتك المعازيم كتير
وجية بحدة... كتير يعني اية مش واخد فلوس انت كنت قولت كتير ولا قليل مقولتوش ليه انكم مش قد شغله ذي دي كنت روحت مكان تاني
... احنا اسفين يا فندم والغلط ده مش هيتكرر تاني
وجية بحدة.... من ناحية مش هيتكرر هو مش هيتكرر لاني مش ناوي اتعامل معاكم تاني
وتركه وجيه بحده وخرج شاف مول قدامه.. انا مشترتش البدلة انزل اجيب واحدة
ونزل ودخل المول بكل تواضع
وفضل ماشي لحد ما شاف محل بدل رجالي مناسب
ودخل
صاحب المحل.... وجية بيه نورت المكان اتفضل
وجية بهدوء... انا عايز بدلة تبقي كويسة ومستوردة وماركة
صاحب المحل..... احسن حاجه عندنا يا فندم هنقدمها لحضرتك اتفضل استريح
وجية جلس...شكرا
صاحب المحل فضل يطلع احسن واحلي حاجه عنده
وجية فتح تلفونه بهدوء بعدها بدقيقتين سمع صوت زعيق واحدة ست
وجية باستغراب... في اية
خرج وجية يشوف في اية ولكن اتفجئ باانجي وفي واحد بيضايقها
انجي بحده وصوت عالي... احترم نفسك بقي ايه قله الادب دي انا واحدة في سن امك مش عيله معاك
الشاب بمعاكسة... امي مين يا قمر عيب عليكي ولله تقولي كدة
لسه انجي هتتكلم شافت وجية قرب منهم وقال بهدوء.... يلا يا شاطر امشي من هنا
الشاب بوقاحة... وانت مالك
وجية ضحك بسخرية وقلع النظارة وابتسم ابتسامة خبيثه... انت عارف اللي واقف وبتبجح فيه ده مين
الشاب بوقاحة..... ميهمنيش اعرف
انجي شافت نظرات وجية اللي قلبت... يلا امشي من هنا يلا بدل ما هننده الامن
وجية نظر لها بحده وقال.. اسكتي يا مدام لو سمحتي
وجية قال بحده.... انا قولتلك امشي مسمعتش مني بما انك عيل مشوفتش تربية هربيك
الشاب بوقاحة.... بقولك. اية انت راجل عجوز متخلنيش اعلم عليك واقل منك قصاد الناس
كان المول اتجمع علي صوتهم ووقفوا يتفرجوا رجالة وستات
وجية اتعصب..... وقال... تقل مني انا حاضر
فجاة مسك الشاب من هدومه من ليقه قميصه وضربه بدماغه اكتر من مرة والشاب مقدرش يدافع عن نفسه بالعكس كان بيصرخ حد يلحقه وينجده من ايد وجية
وجية بابتسامة خبيثه.... شوفت يا حليتها الرجل العجوز ده عمل فيك ايه ولسه وحياة امك. اللي ما عرفت تربيك لاحبسك و هخليك تنتن في الحبس يلا
الشاب ببكاء.... خلاص يا عمو الله يا خليك انا اسف ونظر لانجي اللي كان صعبان عليها الشاب من الدم اللي نازل فيه... انا اسف يا طنط قوليلي يسبني
انجي لسه هتتكلم شافت وجية مسك راس الشاب بحده وقال... ما تسترجل يلا بتتحمي في واحدة يا واطي يلا لما انت مش قد اللي عملته فتحت درعاتك وصدرك و عملتلي فيها هوجان ليه
الشاب ببكاء... خلاص والنبي
الناس.. خلاص يا استاذ عيل وغلط وهي كويسة ومفيهاش حاجه
واحدة ست قالت بقله ذوق... وبعدين هي تشوف لبسها الاول وبعدين تحاسب الشاب هي ثارت غرائزه هي تلبس محترم ومحدش هيكلمها وتلبس الحجاب بدل اللي هي عامله ده
لسه وجية هيتكلم
شاف انجي عينها احمرت من الغضب وقالت.... ومين حضرتك بقي علشان تحكمي لبسي محترم ولا مش محترم وانا لبسي محترم ومش مستنية واحدة زيك تقولي البس اية وملبس اية وبعدين انا اه مش لبسه حجاب بس علي الاقل مش لبسه و مطلعة نص شعري بره باسم اني لبسه الحجاب
واللي زيك وشبهك اللي خلي اللي زي دول يلقوا حجة للتحرش وقله الادب ياريت بعد كدة تخليكي في حالك بدام بتدافعي عن المتحرشين وبعدين لو البس هو اللي ثار غرائزه زي ما بتقولي زمان يا حبيبتي كانوا الستات بيمشوا في الشارع بيجيبات وهدوم قصيرة جدا وكانوا بيصيفوا بالبكيني ومكنش حد بيتجرئ يبص ليهم ولا يكلمهم يعني لو المشكله في البس كانوا كل يوم الفات حالات تحرش و اغتصاب لكن زمان كان في احترم مش زي دلوقتي كل حاجه تعلقولها شماعة وتقولي البسي انا حبيت ارد عليكي بما انك اتكلمتي
الست مقدرتش تتكلم واخدت بعضها ومشيت
وجية ابتسم علي كلامها وسكت
انجي نظرت لوجية وقالت بهدوء... شكرا يا استاذ مفيش داعي نكبر المشكله اكبر من كدة عيل وغلط نستحمل
الشاب بدموع... اسف ولله ما هعمل كدة تاني
وجية شده جامد وقال... المرة دي سبتك لكن لو وقعت في ايدي وانت بتعمل حاجه تاني صدقني هدخل الحبس مش هتشوف النور تاني
الشاب بدموع.... حاضر
وجية سابه وهو جري والناس كمان ابتدت تخف
وجية قرب منها وقال بهدوء... لا برافو خدتي حقك وزيادة
انجي بهدوء.... انا مش ضعيفة علشان مخدش حقي انا بس نرفزني كلامها
وجية ابتسم.... اه الكروت هتتاخر يعني هتوصل علي بكرة اديني عنواين الناس علشان ابعت الدعاوي
انجي بهدوء... ابعتهم عند عمار
وجية ابتسم..... خدي رقمي عمار مش هيبقي فاضي يشوف حاجه علشان منتاخرش ده الكارت بتاعي تقدري تبعتيه علي الرقم ده
انجي نظرت للكارت وقالت بهدوء... تمام بعد اذنك
وجية بابتسامة... اتفضلي
انجي خرجت من المول بضيق من الموقف اللي حصل
ووجية رجع تاني علشان يشتري البدلة بتاعته
...................
في البيت عند شاهندا لمت كل هدوم اكمل و رمتها من البلكونة بدون شنطة اوي اي حاجه تحط الهدوم فيها رمتها قدام الحرس واكمل يقف و ينظر لها بصدمة.
شاهندا بغضب... ارجع لاصلك الوا*طي يا وا*طي روح ليها لو قدرت تستحملك يا زبا*لة بفقرك
ايهم دخل من باب الفيلا ومكنش عنده علم باي شئ
نزل من العربية وشاف امه بتحدف هدوم ابوه من البلكونة
ايهم بصدمة... ماما في اية اللي انتي بتعمله ده
شاهندا بغضب..... ايهم اطلع يلا فوراً عندي
ايهم بصدمة... طيب افهم
شاهندا بغضب... بقولك. اطلع انت مش بتفهم اطلع يلا
ايهم طلع علشان يفهم من شاهندا في اية
واكمل واطي بكسره يلم الهدوم و الحىس كانوا بيساعده واحدة جابله شنطة هدوم من عنده
وحطهم فيها و مشي وهو مكسور
ايهم بصدمة... انتي ازاي تعملي كدة في بابا وليه
شاهندا بغضب... ابوك البيه المحترم متجوز عليا بقاله 15 سنه و مخلف بنتين من صافي صحبتي صاحبة العمر بيستغفلوني الاتنين بيستغفلوني
ايهم بصدمة.... بابا مستحيل يعمل كدة
شاهندا بدموع وبكاء... عمل وكسرني وكان لازم اكسره قصاد الناس زي ما كسرني انا وهو اطلقنا ومستحيل اقبل بيه مرة تانية بعد اللي عمله فيا مستحيل وعايزه انهي اية حاجه اختارها او عملها مش عايزه افتكره ابدا
ايهم قرب من ولدته وحضنها وقال... طيب اهدي يا ماما اهدي
شاهندا نظرت له بحده. وقالت... جني انت لازم تتطلقها سامع تتطلقها وانهاردة قبل بكرة
ايهم بصدمة........
....................
في المساء رجعت انجي و هي جايبة فستان جميل تلبسه في كتب كتاب بنتها
وبعد ما ارتاحت كتبت العنواين بتاعة المعازيم بتوعها و بعتته لوجة
اللي اول ما شاف الرساله ابتسم بدون سبب و سجلها
......................
في الملحق كانت رحمة بتاخد شاور وكان عمر يجلس يقراء كتاب بهدوء
خرجت وهي ترتدي قميص طويل يغطي قدميها ولكنه عاري من الاكتاف
جلست تسرح شعرها بهدوء
ثم ذهبت لتنام بجانب عمر كالعادة
عمر بهدوء كان ساكت وهي كذلك
عمر سال سؤال بحزن...... ليه عملتي كدة يا رحمة
رحمة بدموع........ ليه معرفش معنديش اجابة لسؤالك
عمر بحزن... معندكيش اجابة طيب نامي
رحمة بدموع قالت... انت رايح فين
عمر قام بضيق من جنبها وقال.. هخرج اقعد مع فادي شويه نامي انتي
خرج من الملحق وهي جلست تبكي
عمر راح لفادي اللي كان بياكل من الاكل اللي بيدهله عمر كل يوم
عمر بضحك... حش حش يلا
فادي بابتسامة... ياخي الواحد عايز يتجوز علشان ياكل اكله حلوة زي دي
عمر بضحك.... عايز تتجوز علشان تاكل عيل همك علي بطنك يخربيتك
فادي بابتسامة.... بس بصراحة المدام اكلها روعة
عمر نظره له بهدوء... شكرا
فادي بابتسامة خبث.. بقولك يا عمر ما تقولها تعمل شوية رز بلبن احنا واقفين ليل نهار نتغذا
عمر بضحك... ياخي حس علي دمك مش كفاية الاكل و بعدين الدنيا غالية يعني الواحد يا هيعمل اكل يا يعمل حلويات
فادي بضيق... متفكرنيش بالغلي متفكرنيش
عمر بهدوء.. في حاجه معاك
فادي بضيق وحزن.... علاج امي اللي كنت بجيبه 600 بقي 1100 والقبض مش مكفي هبعتلها تجيب اكل ولا علاج ولا ماية و نور وغاز انت عارف انا بقبض 4500 ولكن مش مكفيين ومتنساش اختي اللي مطلقة وقعده بولادها كمان مبقتش قادر علي المصاريف يا عمر حتي لو فكروا يعملوا اكله مش مكلفه مفيش حاجه مش مكلفة الاكل الفاضية هتدخل في 100 جنية وانت اكيد عارف
عمر بهدوء... طيب ما تكلم وجية بيه وهو مش هيتأخر صدقني هيزودك.
فادي بحزن.... هو لسه مزودني من كام شهر اكيد مش هيزودني تاني
عمر ابتسم... طيب ما تزعلش نفسك بكرة تفرج صدقني
فادي بحزن... يارب
عمر بهدوء... انا هقوم انا تصبح علي خير
فادي بهدوء.... وانت من اهله
عمر دخل الاوضة بتاعته و كانت رحمة صاحية ولكن عاملة نفسها نايمة طلع الفلوس من الدرج و عدهم واخد جزء وخرج تاني
فادي باستغراب... اية اللي رجعك
عمر طلع الفلوس وقال... خليهم معاك
فادي بحزن... اية يا عمر انا بقولك علشان تقوم تجيب فلوس
عمر بهدوء.... اسمعني يا فادي انت اخويا وانت عارف انا ميسور الحال الحمدلله وبعدين ده مبلغ مش كبير يعني خليهم معاك لغاية ما تفرج
فادي برفض... شكرا يا عمر بس انا مقبلش
عمر بضيق.. بقولك اية انا بقول خدهم يعني تاخدهم دول 3000 جنية هو انا بديك 300000 الف جنية انا داخل انام
وتركه
فادي بابتسامة.. شكرا ياعمر
عمر بابتسامة... انت عبيط يا بني شكرا علي اية يلا تصبح علي خير
فادي بابتسامة... وانت من اهله
.............
في بيت صافي كانت تجلس بضيق وقالت... يعني اية مبقاش حلتك حاجه امال مصاريف البنات اجيبها منين
اكمل بكسره.... استحمليني الفترة دي يا صافي انا كنت عايز اعمل مشروع وابدا من جديد وانا ليا عملاء كتير هيعملوا معايا صفقات واكبر بس محتاج منك تساعديني
صافي بسخرية.... اساعدك ازاي بقي يا اكمل بيه
اكمل بكسره... محتاج مبلغ ابدا بيه وافتح شركة صغيرة
صافي بضيق.... مرفوض انا مقبلش علي كرامتي اصرف علي واحد وبعدين خد بناتك لاني مش هقدر اصرف عليهم ولا علي مدارسهم
اكمل بكسره.... يا صافي اسمعيني بقي مش عايزة تساعدي جوزك في ازمته
صافي بتكبر... انا بستحقر اوي الراجل اللي بيطلب من مراته فلوس وعلشان تبقي عارف انا لو امي وابويا ولو حد من اخواتي طلبوا مني فلوس بمضيهم علي وصلات امانه واللي مش بيدفع بحبسه بتمن الفلوس اللي خدها وانا اصلا الارباح اللي بتطلع ليا كل شهر من الشركة مش بيكفوا اصلا حاجه
اكمل بكسره..... طيب انا هدور علي شغل
صافي بسخرية... براحتك بس تطلقني لاني مقبلش يبقي جوزي شغال عند الناس
اكمل بصدمة.. انتي ازاي كدة يا صافي ازاي غدارة بالمنظر ده
صافي بسخرية.... ما بلاش افوره يا اكمل بيه انت غدار اكتر مني ولا نسيت شاهندا اللي لمتك من الشارع و نضفتك و حطتك في مركز عمرك ما كنت تحلم بيه بعدما اهلك اعلانوا افلسهم واتجوزتني عليها وجاي تقولي انتي ازاي غداره كدة عيب عليك صدقني يلا قوم امشي يلا والبنات تجي تاخدهم في خلال تلات اربع ايام بالكتير لاني مش هصرف عليهم مفهوم
اكمل قام بكسره والدموع تلمع في عيونه شاف بنته تاليا تقف وهي تبكي وتسمع ولدتها ترميهم باهذي الطريقه
اكمل قرب منها وحضنها وقال بدموع... متخفيش يا حبيبتي انا هاجي اخدكم متخفيش
تاليا بحزن... بابا مش هتسبنا مش كدة
اكمل بحزن... لا طبعا مش هسيبك لا انتي ولا اختك يومين تلاته وهاجي يا حبيبتي
تاليا بحزن.... مستنياك يا بابا
اكمل حضنها وخرج من الباب وصافي كانت تجلس ببرود لا يهمها ان بنتها استمعت لكلامها ولا همها بكاء ابنتها
صافي بسخرية... خلاص يا حبيبة ابوكي حضنتيه وعيطتي يلا ادخلي اوضتك و متورنيش وشك بقي يلا كتك الارف انتي وابوكي
تاليا دخلت غرفتها تبكي بحزن علي معاملة ولدتها السيئة
..........
اكمل وهو ماشي حس بتعب شديد في قلبه وقع من طوله امام الناس اللي طلبوا الاسعاف بسرعة و جت خدته
........................
في بريطانيا كان يجلس مهاب ومريم وماجد مع جاك لتحدث في امور الشغل
جاك كان كلامه كله لمريم ومهاب وماجد لم يتحدث معهم او ينظر لهم حتي
جاك بابتسامة..... بالطبع يا انستي انا سوف اشرف علي المعدات والالات وسوف لا يحدث اي خطأ
مريم كانت شايفه نظرات مهاب وماجد اللي كلها ضيق وعصبية
مريم بتوتر... ان شاء الله يا مستر جاك
جاك بابتسامة اعجاب.... اتعلمي اني اتحدث العربية
مريم بتوتر... هل يمكننا التحدث بالعربية الان
جاك بابتسامة... بالطبع انسيتي
جاك يتحدث بطلاقة... اتعلمت اتكلم عربي حينما تعملت مع رجال اعمال عرب قولت لازم اتعلم اللغه وانا حبيت المصرين جدا لذلك تعلمت لغتكم
مريم بتوتر... شرف لينا يا مستر جاك
جاك بابتسامة اعجاب..... ده شرف ليا انا اني قبلتك و اتكلمت معاكي يا انستي
ماجد بغضب... يا مستر جاك بما انك بتتكلم عربي بقي معلش انا عصبي حبيتين تلاته اربعه ولما بتجنن بيتخلص معايا صدقني دي مش انسة دي متجوزة دي عندها عيل كل شوية انسيتي انسيتي يا مستر جاك عيب ونبقي اتنين رجالة اقعدين وحضرتك نازل تسبيل ومعاكسة وحاجة مينفعش تتعمل كدة عيب حضرتك مينفعش انا كراجل شرقي ما اقبلش الكلام ده
جاك بصدمة... هل انتي متزوجة حقا وعندك طفل
ماجد بضيق.... رجعنا لام اللغه تاني
مريم بتوتر.... اه بس انا
ماجد نظر لها بحده وقال... انتي اية يا مدام
مريم بتوتر.... متجوزه
ماجد بضيق.... انا كفاية اوي الاجتماع ده بقالنا ساعة التفاصيل انا هبعتها لحضرتك في اميل بعد اذنك يلا يا مدام
مهاب قام بدون ولا كلمه وماجد مريم وراه
مهاب وقف وقال بغضب.... متكلمتش اصل انتي لما بتكلم بتقولي وبتعدي و بتطلعيني غلطان اهو هو اللي اتكلم اي اجتماع مع الراجل ده منتيش جاية
ماجد بغضب... الراجل محسسني اننا هو مش موجودين هوا وعمل تسبيل
ماجد وهو بيقلده... اتعلمي انستي انني اتحدث العربية
مريم غصب عنها ضحكت... خلاص يا سيدي مكنتش قصة هي انا مالي مش هو اللي بيعاكس
ماجد بضيق... خدها ياعم وروحها انا مش ناقص فقعة مرارة انا هروح اكلم مزتي وحشتني
مريم بابتسامة.... روح يا خويا نفسي اشوفها
ماجد بإبتسامة... لا احسن تحسديها عليا والبت تسبني
مريم بابتسامة.... انت مفكر نفسك مهند يا بني
ماجد بغرور.. اجمل منه
مريم بابتسامة... مش هرد عليك
مهاب بغيره... خلصتم يلا يا استاذه وانت متتاخرش بكرة
ماجد بنظره خبث... حاضر يا معلم
مهاب خد مريم و ركبوا العربية
وماجد ابتسم بخبث.. اقطع دراعي ان ما كان بيغير عليها مني
مهاب في العربية... ياريت لما اقول متجيش يبقي متجيش صممتي انك تيجي انهارده و شوفتي اية اللي حصل لو مكنتيش نشفتي دماغك
مريم بهدوء... اعتقد يا مهاب ان ده شغل ابويا زي ما شغلك بظبط انا مش جاية هنا اهزر ولا سيبه ابني علشان اجي اتسلي هنا
مهاب بسرعة... انا مقولتش كدة
مريم بضيق... مش لازم تقول عنيك قالت اللي في قلبك رجعني الفندق بسرعة لو سمحت
مهاب بضيق... مريم انا
مريم بدموع... لو سمحت انا مش عايزة اتكلم ولا اسمع حاجه ممكن
مهاب سكت بضيق...
وطلع علي الفندق
...................
في البيت عند ايهم... بتقولي اية
شاهندا بغضب... ابوك كان مختارها علشان الشراكة اللي بينه وبينها انا بقي مش عايزة البت دي وتطلقها
ايهم بغضب... لا بقي مش علي مزاجكم تطلقوني وعلي مزاجكم تجوزني انا عايز جني و مش هطلقها
شاهندا بغضب... يبقي حصل ابوك و تغور من هنا
ايهم بغضب... ماشي هطلع اخد هدومي و مش هتشوفي و شي تاني كفاية تلعبوا بيا بالمنظر ده
وتمشوني زي قطعة الشطرنج بتحركوها زي ما انتم عايزين انا تعبت منكم و تبعت من مشاكلكم اللي كلها غلط في غلط في غلط سبوني في حالي بقي انا و جني هنكمل حياتنا سوا مش هنطلق ومش هسيبها فاهمة مش هسيبها
وطلع بسرعة علي غرفته يجهز هدومه
اما شاهندا اتعصبت وقالت.. في ستين دهية هترجع ليا زي الكلب علشان تقدر تعيش في المستوي اللي انت خدت عليه واكيد ابو السنيورة مش هيصرف عليك يا بيه وتسيب مفتاح العربية و تغور فاهم
ايهم فضل يلم في حاجته المهمة وخلص ونزل وساب مفتاح العربية وخرج بره البيت بدون ولا كلمه معاها مرة تانية
شاهندا بعد خروجه جلست تبكي
............................
ايهم فضل ماشي في الشارع مش عارف هيروح فين وعند مين
اتصل بخالته سهر
سهر بابتسامة.... ازيك يا ايهم عامل ايه يا حبيبي
ايهم بضيق.. ماما طردتني
سهر باستغراب... ليه
ايهم بضيق... عايزني اطلق جني وده مش هيحصل
سهر باستغراب.... اية اللي اتغير يا ايهم مش كانت موافقة اية اللي اتغير انتم مكملوتش اسبوع كتبين الكتاب واكمل اية رايه في الموضوع
ايهم بضيق...... بابا وماما اتطلقوا
سهر بصدمة... لا دا كدة في حاجات كتير حصلت انا مش عارفة عنها حاجه هي شاهندا اتاكدت ان اكمل بيخونها
ايهم بحزن... ايوة
سهر... علشان كدة اطلقوا طيب انت هتروح فين دلوقتي
ايهم بضيق... مش عارف انا ماشي في الشارع بس مش عارف انا هروح فين
سهر بابتسامة... طيب روح علي العنوان اللي هبعتهولك انا وجية رجعنا لبعض تاني والشقة فاضية انا سايبه مفتاح احتياطي مع البواب هكلمه يدهولك
ايهم بابتسامة... مش عارف اشكرك ازاي يا خالتو
سهر بابتسامة... انت ابني يا حبيبي متقلقش وانا هتكلم مع شاهندا مع السلامه
ايهم بابتسامة... مع السلامه
سهر قفلت الخط و بعتت العنوان لايهم اللي ذهب باتجاه المنزل
.............
في بيت اسيل كانت تضحك بهسترية.... يا يا اكمل بيتك بيت اية بقي البيتين اتخربوا و الاتنين رموك بره رمية الكلاب بظبط وكمان ابنك اتطرد من البيت شوفت ازاي انا شاطرة والمعلومات كلها بتجي لغاية عندي يا يا شمتانه فيك فرحانة اوي اوي انا كفاية عليا اوي كدة معاكم خربتها علي الاخر اما سهر لسه وجية معملش حاجه بس انا متاكدة انه هيعمل وبكرة هروح خطوبة ابنها واخت ابني
.....................................
في صباح يوم جديد
انجي كانت ماشية في البيت بتجهز الحاجة بسرعة
ودخلت عند حورية اللي كانت بتجهز الفستان في الشنطة علشان تروح للكوافير
انجي بهدوء... خلصتي يا حبيبتي علشان نروح ومنتأخرش ونخلص بدري
حورية بتوتر... حاسة اني ناسية حاجة يا ماما
انجي قربت منها بابتسامة وقالت... الدهب اللي نزلتيه انتي وعمار امبارح واشترته مش اخدتيه في الشنطة
حورية بتوتر... ايوة
انجي بإبتسامة... الفستان
حورية بتوتر... ايوة اخدته
انجي بهدوء... طيب الميكب هيتحط هناك الشوز بتاعك وموجود في الشنط يبقي ناقص اية يلا بقي علشان منتاخرش
حورية بتوتر... حاضر يلا
اخدت الشنطة و خرجت هي وانجي
اللي قابلوا جراتهم وبناتها التلاته يقفون امام الباب وبعض بنات الحارة
انجي بإبتسامة... ازيكم يا بنات واقفين كدة ليه
البنات بإبتسامة... معقول نسيب حورية في يوم زي ده احنا قولنا لازم نبقي معاها من اول اليوم لاخره لازم نشرفها قدام عريسها هي مش اقل منه لا بنتنا في كتير في ضهرها
حورية عيونها دمعت لانها كانت حاسة انها لوحدها ومفيش صديقه ليها تقف معاها في اليوم ده
انجي بإبتسامة.... ربنا يخليكم لينا وعقبالكم يارب
ام محمود وام الثلاث فتيات.... يلا يا انجي علشان منتاخرش يلا
انجي بإبتسامة.... ربنا يخليكي ياام محمود
ام محمود بإبتسامة... يلا يابت قدامي علشان نلحق نجهز
كلهم نزلوا وركبوا ميكروباص البنات اجره علشان يوصلهم و طول الطريق كانوا بيغنوا ويضحكوا وبيهزروا لغاية ما وصلوا الكوافير في القاعه اللي هيتعمل فيها الخطوبة الميكب ارتسيت كانت منتظرها بره
حورية باستغراب وهمست لانجي... ماما المكان شكله غالي اوي كدة ليه جبتي حقه منين
انجي ابتسمت في وسط الموجودين وقالت بهمس... بعدين يا حورية بعدين يلا تعالي
دخلوا الكوافير والميكب ارتست كانوا
البنت بإبتسامة... انتي ماشاءالله جميله مش محتاجة حاجة
حورية بابتسامة و توتر... شكرا ياحبيبتي
البنت بابتسامة.... ها في لوك معين تحبي تعمليه
حورية بابتسامة.... بصي انا مش عارفة بس انتي ممكن تشوفي الفستان و تعملي الوك اللي يليق عليه
البنت بابتسامة... طيب تسبيني اعملك حاجه علي زوقي ولو معجبتكيش اعملك اللي انتي عايزه
حورية باستغراب... هتعملي من غير ما تشوفي الفستان
البنت... اه واوعدك انه هيعجبك
حورية بابتسامة... طيب اتفضلي
البنت ابتدت ترتبط وجهها من اي شوائب
.....................
في الكوافير الرجالي كان يلبس عمار البدله والابتسامة علي وجهه جميلة جدا وولده كان معه و يرتدي البدلة اللي اشترها
وجية بابتسامة.... مهما تعمل انا اوسم منك والبت حورية هتعجب بيا انا وهتتجوزني انا النهارده
عمار بثقه... ممكن تبقي وسيم شوية عني لكن حورية مستحيل تسبني يا عجوز
وجية ضحك... انا اصبي منك يا حيوان متقوليش كدة تاني انت عارف انهارده في القاعة البنات هيعكسوني وهيسبوك انت والعروسة وهيركزوا معايا انا
عمار بابتسامة... طيب مش خايف من ماما طيب وانت بتقولها في وشي
وجية بابتسامة وثقة... انا ما بخفش من حد يا حبيبي يلا علشان كمان ساعه هنروح لحورية
عمار ابتسم بفرحه..... طيب
..............................
بعد مرور ساعة في الكوافير
حورية بصدمة.... اية ده
انجي بإبتسامة... الفستان
حورية بصدمة... ايوة انا شايفه انه فستان فين الفستان بتاعي فستان كتب الكتاب ده فستان فرح
انجي بإبتسامة.... مهو ده فرحك فعلا
حورية بصدمة... ازاي يعني يا ماما انهارده كتب الكتاب بس
انجي بإبتسامة... بصراحة عمار جه واتحايل عليا اني اخليها فرح ووالده كلمني واقنعني والكلام ده من اسبوع بس وانا وفقت وقولوا خليها مفاجأة ليكي
حورية ابتسمت بدموع... بتتكلمي بجد يا ماما يعني فرحي انا وعمار انهارده
انجي حضنتها بحب وقالت..... رغم ان فراقك صعب عليا يا حورية الا اني مبسوطة جدا ليكي الف الف مبروك يا حبيبتي
حورية دموعها نزلت بفرح وقالت... بجد انا مش مصدقة نفسي
انجي ابتسمت بدموع وقالت... يلا يا حبيبتي قوليلي رايك في الفستان
حورية نظرت للفستان بفرح وقالت... يهبل فستان تحفة
الميكب ارتسيت بابتسامة... طيب يا عروسة ممكن تلبسي الفستان علشان العريس زمانه علي وصول
حورية بابتسامة وفرح... حالا تعالي يا ماما ساعديني
انجي بدموع..... يلا يا حبيبتي
ودخلوا الاتنين المكان المخصص لتبديل الملابس
وبعد مرور ربع ساعة خرجت حورية وكانت فعلا حورية بالفستان و انجي دموعها كانت عالقه في جفونها وتنظر لأبنتها بفرح وجلست حورية لاميكب ارتست لتضع اللمسات الاخيرة
ام محمود قربت منها وربطت علي كتفها وقالت... حزينة ليه يا انجي
انجي بدموع... انا مش حزينة بس اليوم ده جه بسرعة وانا متعودتش ان بنتي تبعد عني يوم واحد
وهي دلوقتي هتبعد عني علي طول صعبة اوي يا ام محمود ان ضناكي يبعد في يوم وليله ويبقي ليه حياته الخاصة
ام محمود بإبتسامة.... هتتعودي يا حبيبتي وحورية بنت اصول و عمرها ما هتسيبك وهتجيلك كل يوم متزعليش نفسك يلا وبعدين انا معاكي يلا تعالي نقف جنبها
انجي مسحت دموعها وقالت بابتسامة... يلا
وقفوا والبنات كانوا بيغنووا ويرقصوا ويزغرطوا
بعد نصف ساعة سمعوا صوت كلاكسات العربيات
نزل عمار بسرعة
وجية مسكه وهو بيضحك... اهدي يابني واتقل شوية متبقاش كدة
سهر كانت تقف بضيق وعصبية ترتدي فستان اسود مكشوف جدا
وجية بابتسامة.. هما هيخرجوا دلوقتي علشان يمكن مخلصوش
عمار بنفاذ صبر... انا هدخل استعجلهم
وجية بابتسامة... اصبر يلا وبلاش سربعة قولتلك هما هيخرجوا دلوقتي
وفعلا خلال عشر دقايق خرجت حورية في ايد مامتها اللي كانت ترتدي فستان محتشم جدا يصل لغاية رجليها وبكم بلون السماوي وتضع القليل من مساحيق التجميل وكانت جميله جدا لدرجة ان وجية سرح فيها و سهر خدت بالها و اتعصبت اوي ونظرت لانجي بكره
وعمار راح لحورية بسرعة
وراحت عند وجية ومسكت ايده بغيظ وقالت.. في حاجه يا حبيبي
وجية بهدوء.... حاجه اية
سهر بغيظ.... نظرات حضرتك لاستاذة
وجية بابتسامة خبث وبرود... اية يعني هي حلوة غصب عني بصيت ليها
سهر بصدمة... انت بتعكسها قدامي
وجية بابتسامة باردة... انا مش بعاكسها انا بقول الحقيقة هي جميله جداً جداً بصراحة انتي عارفاني مش بنافق ولا بجامل حد يلا افردي وشك ده علشان الناس هتاخد بالها
سهر بصدمة ودموع..... انت ازاي بتقول كدة في وشي مش مراعي حتي مشاعري
وجية بابتسامة باردة.... بقولك اية بلاش افورة ها بلاش افورة يلا
عمار بحب... اية الجمال ده
حورية بابتسامة خجل...... شكرا
عمار بابتسامة... لا انهارده اركني كسوفك ده علي جنب
حورية بخجل... احترم نفسك وبعدين انا محسبتكش علي اللي عملته ده
عمار بابتسامة... طب بذمتك مش مفاجأة حلوة
حورية بابتسامة خجل... هي حلوة بصراحة
عمار مسك ايديها وقال بسرعة.... طيب تعالي يلا علشان نروح القاعة و نكتب الكتاب لا ونلحق الطيارة
حورية بصدمة... طيارة اية
عمار بابتسامة... المفاجأة التانيه هنسافر بلد العشاق باريس
حورية بصدمة... هنسافر بره مصر
عمار بابتسامة... شهر وحياتك يلا تعالي بسرعة
حورية مشيت معه بحماس و ركبوا العربية وفرحتهم كانت ظاهرة جدا علي وجههم وانجي ركبت في عربيتهم قدام جنب السواق
كلهم ركبوا العربيات
سهر كانت راكبة جنب وجية وهي مضايقة ومش مصدقة بجاحة زوجها
اللي كان يجلس بلامبالاة بما قاله
وصلوا القاعة بهدوء
وعمار ماسك ايد حورية ودخلوا القاعة وابتسامتهم تملئ وجههم
وخلفهم كانت انجي و البنات
دخلوا جلسوا في المكان المخصص ليهم
والمحامي كان يجلس بهدوء وقال... نكتب دلوقتي
بعض الناس استغربت وجود محامي وليس ماذون وبعض الناس كان عادي عندهم
المحامي بابتسامة ... الف مبروك العقود جاهزة اتفضلوا امضوا هنا
عمار مسك الورقة بسرعة ومضاها
وكذلك حورية مسكت الورق ومضيت عليه
وعمار اول حاجه عملها حضنها بحب شديد وقبل راسها وقال بحب... الف مبروك يا حبيبتي
حورية بخجل.... الله يبارك في
المحامي ساب البطايق اللي وجية كان مديهم ليه علشان يجهز العقود علي ما يجوا
وجية قرب منهم وقال... الف مبروك يا ولاد
حورية وعمار.. الله يبارك فيك يابابا /يا عمو
عمار وحورية ابتدوا المعازيم يجوا يباركوا ليهم وانجي كانت تقف بجانب ابنتها
وبعد نص ساعة سابتهم علشان ياخدوا راحتهم
عمار بحب.... تعرفي يا حورية اليوم ده كنت بحلم بيه من زمان من اول ما قلبي دقلك وانا بحلم باليوم اللي هنعيش فيه سوا
حورية بخجل...... وانا كمان يا عمار حبيتك جدا
عمار بابتسامة... ايوة كدة انطقي
نسيبهم مع بعض و نشوف وجية و سهر كانوا واقفين مع بعض رجال وسيدات المجتمع كانوا يقفوا بالقرب من انجي و المعازيم بتاعتها
سهر بخبث.... يا انجي انجي
انجي نظرت لها بهدوء
سهر بابتسامة خبث... تعالي دقيقة لو سمحتي
انجي قربت بإبتسامة بهدوء
سهر بابتسامة كلها خبث... اعرفكم يا جماعة والده حورية
واحدة نطقت
... اهلا بيكي بنتك زي القمر زيك بظبط
انجي بإبتسامة... شكرا يا حبيبتي انتي اللي قمر
وسمعت بعض الكلمات الاخره من بعض الرجال الذين يمدحون جمالها ووجية كان يقف وحاسس بغضب لما سمع واحد من رجال الاعمال يتكلم
... بس بصراحة يا مدام حضرتك جميلة جدا وبنتك يعني طالعة ليكي بس الاكيد ان الام الاساس
انجي اتكسفت وحطت وشها في الارض من الاحراج وده ادلها ميزة تانية قصاد المجتمع ده لان اغلب النساء تكون مجردة من الحياء وخجلها خلي الرجاله تعجب بيها اكتر ووجية كان خلاص شوية وهيبدله
سهر كانت مفكرة هيعلقوا علي الفستان ويسألوها عن ماركته وتحرجها لانها مستحيل تجيب ماركة
سهر بغل مداري وبقله ذوق... بس يا انجي الفستان ده ماركته اية يعني انا شايفة ان مفيش اي علامة تجارية معروفة انتي جايبه من محل اي كلام في الحارة بتاعتكم
كل اللي واقف اتصدم منهم وجية من وقحتها
لكن اللي صدمهم كان ابتسامة انجي وردها بهدوء... وقالت... شوفي الفستان ده من المول مش من محل اي كلام ولا من الحارة اللي انا جاية منها
بنسبة للماركة انا ميهمنيش ماركة او مش ماركة في النهاية بتتحط في الغسالة وبتتغسل من جديد و وذهوتها بتروح وبتترمي في الزبالة بس مش ده اللي هتكلم عنه يامدام سهر احب اقولك ان فستاني احسن مليون مرة من فستان اللي انتي نسيتي تخليهم يخيطوا اللي فوق واللي تحت دت باين اضحك عليكي فيه ابقي خدي بالك مهما كان انتي واحدة ابنك بيتجوز وكلها كام شهر ويجيلك حفيد ولازم لما يجي حفيد جدته تبقي قدوه ليه واعتقد ان بالبس ده وجسمك اللي بقي فرجه للناس عمرك ما هتبقي قدوه قبل ما تعيبي علي لبسي شوفي نفسك وشوفني وبعدين اتكلمي الرخيص بيبان والغالي كمان بيبان اخر حاجه علشان انا سايبه ضيوفي انتي واحدة قليله الذوق
وسابتها ومشيت وكانت سهر مصدومة و محروجة من الناس ام وجية كان مبسوط من ردها عليها ومضايق من لبس مراته وان الناس هتتكلم انه سمح لمراته تنزل بالشكل ده من البيت
سهر مشيت بضيق
وجية باحراج... بعد اذنكم
وسابهم ومشي ومرحش ورها كان مضايق منها وفجاة سمعوا صوت واحد بيزعق وبيقول... بقي بتجوزي البنت من ورا عمها يا انجي
انجي التفت للصوت وقالت بصدمة... خالد..