رواية في عيونك وعد
الفصل الحادي والخمسون51
بقلم هبة احمد
فوزى / بالعكس انتى أنضف واشرف بنت قابلتها انتى حذرتينى اكتر من مرة وانا كنت زى الاهبل مش بصدق عليها حاجة وهنتك وبهدلتك قدام الزملاء في المدرج
عبير / انا مش زعلانة أكثر من قول لاحول ولا قوه الا بالله العلي العظيم لعله خير
فوزى / الحمد لله فين خالى يا بسمة عاملين ايه يا اخواتى
أمير / الحمد لله ربنا يعوض عليك متزعلش
حاتم / ربنا هو العالم بالخير فين
الحاج فاروق / تعالى يابنى هاخلى الست وبنتها ياجوا يقعدوا معاكم يابنات
بسمة / ينوروا
عبير / الا لو انا قولت انى جعانة اوى ابقى قليلة الادب
بسمة / انا كمان ابنى جوعان تعالى نجيب قشطة ومربى و جبنه وعيش بلدى وناكل
صابحة / د بيتكم يا قلبي عندكم التلاجة فيها كل حاجة اعمل ليكم شاى
عبير / عوزة كوبية كولا
بسمة / بلاش ادعى عليكى اشربى مية ابت ومية كتير علشان وشك ينور
عبير / انا كنت بنى غريبة اوى رغم انى عارفة خطر شرب البيبسى كولا الا انى كنت باشرب فى يوم اكتر من لترين انا عملت حاجات كتير غلط لمجرد انى باعاند فى نفسى
بسمة / كل شيئ ممكن يتصلح
نرجس / بسمة نوسة وصلت هى و زوجها
بسمة / والله حظك حلو ياصابحة الأبله نوسة جت وهتظبطك على الاخر
نرجس / بلاش والنبى صابحة قمر من غير شلفطت نوسة
بسمة / هههه لا لازم تجرب ايد أبلة نوسة اللى تتلف فى كلابشات
نوسة / السلام عليكم يخرببيتكم انا جعانة وعطشانة وعوزة ادخل الحمام
صابحة / هههههه دى شكلها فاصلة مخ
نرجس / احنا بنكون كدة لما نبقى مع بعض
نوسة / وهى خارجة من الحمام مين دول دى بنت الباشآ الدلوعة أية الوقار والأدب دة بس الصاروخ دة اول مرة اشوفها و شاورت بايدها على صابحة
نرجس / دى عبير بعد التعديل إنما دى صابحة بنت عمتو منيرة
نوسة / ماشاء الله ما انا شايفة العز باين عليها بقولك ايه ياشابة ماتتزوجى منصور اخوية وهو هينغنغك فى العز
نرجس / بلا وكسة كان بأن عليه اخوكى المعصعص
بسمة / بصى يا قمر صابحة خطوبتها النهارده عوزاكى تخليها قمر
نوسة / دهى ماشاء الله زى ما تكون ملكة جمال انا اخاف احط ايدى التقيلة دى عليها
نرجس / شوية ميك اب خفيف ماشى
نوسة / من عنية تعالى ياقمر
فى المندرة قاعد الحاج فاروق وفوزى وامير وحاتم مع مسعد عريس صابحة واهله
الحاج قناوى ( ابو العريس ) انا يشرفنى اطلب ايد بنتكم لابنى مسعد واحنا تحت امركم فى اى شيئ
الحاج فاروق / احنا اتشرفنا بزيارتكم تاخدو واجبكم الاول ولو فى نصيب هيكون ياحاج
مسعد / بعد اذ٠٠٠٠٠٠٠٠٠٠٠