رواية العشق الممنوع الفصل العاشر والحادي عشر بقلم مارلي ايهاب
في صباح يوم جديد صحيت حورية علي معاد الشغل ونزلت وكانت والدتها لسه نايمة
ركبت تاكسي يوصلها الشركة
ووصلت في المعاد بظبط
ولكن عمار مكنش موجود
حورية استغربت..... اية ده عمار لسه مجاش هيبدا اول يوم ليه متأخر انا لو معايا رقمه كنت اتصلت عليه
دخلت علي الاستقبال وقالت... لو سمحتي انا كنت جاية تبع تدريب طلاب كلية تجارة
الموظفة بتكبر... اتفضلي اقعدي هناك لغاية ما المشرف يجي
حورية بضيق.. طيب
وراحت قعدت في المكان اللي قالت عليه وكانت مضايقة جدا من اسلوب المغرورة دي
. . . . . .............
في بيت عمار صحي الصبح بتعب وقام وملامحه كانت مش معروفة نزل وكانوا اهله قاعدين في الرسبشن
وجيه اول ما شافه قام بسرعة وقال بقلق... عمار عامل اية دلوقتي
عمار ببرود... كويس
سهر بقلق... حبيبي لو لسه تعبان خلينا نروح لدكتور
عمار بنفس البرود..... لا مش تعبان انا لازم امشي دلوقتي
وجية بهدوء....طيب انتي رايح فين دلوقتي
عمار.... الشركة
وجيه بهدوء.... طيب انت تعبان استريح انهاردة
عمار بضيق... لو سمحت يا بابا انا هتأخر انا كويس وعايز امشي لو سمحت
وجية بهدوء.. طيب اوصلك
عمار بخضة.. لا لا انا هروح لوحدي
وجية استغرب.... ذي ما تحب
عمار بهدوء خرج من البيت وفضل ماشي لغاية ما وصل لطريق عمومي وركب تاكسي
..،..،.،،..،.،.،.
في الشركة كانت تجلس حورية قلقانة جدا من تاخير عمار
المشرف جه وقال
صباح الخير اولا
البنات والشباب كان عددهم 20 بنت وشاب.... صباح النور
المشرف بهدوء... اسمي بيجاد وهكون المشرف بتاعكم واي حاجه انا اللي هعلمكم كل حاجه بخصوص الشغل وهكون متعاون جدا معاكم وهكون حازم جدا مع اللي مش شايفيين شغلهم كويس
اول حاجه لازم تلتزموا بيها عدم التاخير لان اللي هيتاخر يعتبر نفسه ملهوش شغل هنا
تاني حاجه اللي هيكسل يشوف شغله وهيستعبط و يقول ده تدريب مش شغل برة هيعتبر نقسه برة الشغل خالص
تالت حاجه... الشركة دي اكبر شركة للاستاذ وجيه الشناوي وبيدي مرتبات للطلبة كبيرة المرتب هنا للمبتدئين 2500 ومع الوقت لو اتثبت بيكون 4000 وكل ما تتقدم في الشغل كل ما تترقي في شغلك و مرتبك يزيد
رابع حاجه.... كل واحد ليه مهام معينة مفيش حد يسأل حد علي حاجه في شغلة لان كل واحد مختلف عن التاني وتجي تسألني انا تمام
كلهم.. تمام
بيجاد.... كلكم دلوقتي هتيجوا معايا علشان اديكم المهام بتاعتكم
حورية اتصدمت لما شافت عمار جاي وكان متاخر تقريبا ساعة الا ربع
عمار بهدوء... صباح الخير
بيجاد بصله بحده وقال... انت تبع المتدربين
عمار بهدوء... ايوه
بيجاد بحدة... ومن اول يوم وحضرتك جاي متاخر ولله حاجه حلوة اوي كدة انا النهارده هعديها تاني مرة لو متأخر متجيش علشان انا هرميك برة الشركه دي بايدي انت سامع
عمار بلع غصه احراج انه يتهان قصاد الطلاب وغير ده قصاد حورية حبيبته..... حاضر
بيجاد بحدة.. اتفضل معانا
مشي بيجاد والطلاب وراه
وحورية بطئت مشيتها علشان تمشي معه وقالت بحزن... ليه اتأخرت يا عمار
عمار ببرود... مفيش راحت عليا نومه
حورية ابتسمت... معلش متزعلش هو شكله صعب شوية
عمار ببرود..... مش زعلان
حورية استغربت الاسلوب اللي بيكلمها بيه ومكنتش عارفة هو ليه بيكلمها بطريقة دي
مشيت وهي سكته بحزن
اما عمار كان الكل شايف نظراته الباردة وكانوا شايفينه متكبر ومغرور
دخلوا كلهم اوضة كبيرة جدا وعليها مكاتب صغيرة
هنا هيكون فيه عمر وعمار وياسر وحسام وحازم حلا وحورية سارة وسلمي و شذا
العشرة دول في المكتب ده اختاروا المكتب اللي يعجبكم يلا باقي الشباب معايا
حورية شافت البنات بتقعد جنب الشباب عادي قعدت جنب مكتب عمار
وعمار من جوه فرح انها مهتمة بيه وعايزة تقعد جنبه
...... بعد نص ساعه دخل بيجاد ودخل وراه كذا شاب معاهم ملفات وحطوا قدام كل واحد ملف
بيجاد كان ماشك دفتر في ايده والشباب وزعوا الملفات وخرجوا
بيجاد بهدوء.... عمر
عمر بهدوء.. نعم يا فندم
بيجاد.. معاك الملف ده تشوف الحسابات اللي مظبوطة ولا فيها حاجه ترجعها كويس
عمر بهدوء.. حاضر يا فندم
بيجاد بهدوء... عمار
عمار بهدوء.. نعم يا فندم.
بيجاد..... الملف اللي قدامك ده عايزك تطلعلي كل المعلومات للاسماء دي من الاب توب اللي موجود قدامك ده بمعني الشخص اللي في الملف خد بضاعة قد اية سدد ولا لا ومش كلهم بضاعة في ناس محتاجة تصاميم وفي ناس محتاجة عمال تبني عمارات يعني مش كله بيع وشراء انت بقي قدامك ملف فاضي كمان تكتب كل المعلومات دي في الملف في خلال اربع ساعات بس
عمار بصدمه... كل ده اعمله في اربع ساعات
بيجاد ببرود... ايوه ده عقابك علشان اتاخرت تاني مرة تيجي بدري
عمار بغل.... حاضر
وفضل يعطي لكل واحد شغله وبعدين قال حورية..
حورية بتوتر... نعم
بيجاد نظر ليها بهدوء وبعدين قال... الملف اللي قدامك المفروض تطلعي الاخطاء اللي فيه اذا كانت املائية او حسابيه
حورية بتوتر... حاضر
وكمل باقي الطلاب
وخرج
حورية نفسها طلع بهدوء بعد ما خرج
عمار كان باين علي ملامحه الغضب وهو بيشوف الملف
حورية كانت خايفة تكلمه سكتت وفتحت الملف اللي قدامها علشان تبدا شغل
،.،.،.،..،.،..،.،.،.،..،.،.،.
في شركة وجية الام
كان يجلس في مكتبة مع صديقة وزوج اخت زوجته
اكمل بهدوء... الواد عمار عامل اية معدش بيجي كتير عندنا
وجية ابتسم... راح يشتغل في شركة من شركاتي
اكمل بصدمه.. بجد
وجية ابتسم... هو حابب يعتمد علي نفسه ويشتغل
اكمل بهدوء... طيب ما اشتغلش هنا ليه
وجية... مش عايز حد يعرف انه ابن صاحب الشركة وهنا الكل عارفينه اختار شركة تانية علشان يتعامل نفس المعاملة
اكمل ابتسم... هو راح تبع الكلية بتاعته صح كدة الدفعة اللي كل سنه تاخدها
وجية بهدوء.... ايوه
اكمل بفكرة.... طب ما تاخد ايهم معه وانت صارم اكتر مني يمكن الواد ده يتغير ويكون مع عمار ويشجعه
وجية بهدوء.... زي ما تحب بس هناك مش هيتهونوا معه
اكمل بهدوء... وده اللي انا عايزة
وجية بهدوء... خلاص خليه بكرة يجي وانا هكلمهم اعرفهم
اكمل... تسلم يا وجية
وجية ابتسم... علي اية ده ابني التاني
اكمل ابتسم وهو فرحان لانه يعلم اذا اخده شركته ابنه مش هيشتغل وهيقضيها هزار ولعب مع البنات اما عند وجية المديرين بتوع شركاته مش. بيهزروا
وهيعلموا ابنه الادب
.،.،،.،..،.،.،.،.،..،.،.،.،.،،.،..
في الساحل كان يجلس مهاب مع كاميليا في الكافية
مهاب بهدوء... لا الارض موقعها كويس جدا والمشروع باذن الله هينجح
كاميليا بإبتسامة.... فرحت انه عجبك
مهاب ابتسم بمجاملة... طيب ان شاء الله هبدا اشتغل فيه من الاسبوع الجاي
كاميليا بإبتسامة.... ليه كل ده
مهاب بإبتسامة.... اكون خلصت الشغل اللي ورايا علشان اشوف ده واشتغل مظبوط
كاميليا بإبتسامة.... زي ما تحب وكدة كدة انا حجزت ليك في شالية علشان تقعد براحتك
مهاب ابتسم.. ليه تتعبي نفسك انا كدة كدة كنت هتصرف
كاميليا.... متقولش كدة يا مهاب انا حجزت بس البيت لغاية ما المشروع يخلص
مهاب ابتسم.... شكرا يا مدام كاميليا
كاميليا بإبتسامة... بلاش راسميات خليها كاميليا وخلاص احنا مفيش بنا عشر سنين ولا علشان ريهام يعتبر خطيبة اخوك بتناديني مدام
مهاب ابتسم... لا ابدا زي ما تحبي
كاميليا... خلاص يبقي كاميليا
مهاب ابتسم... ماشي يا كاميليا
كاميليا ابتسمت جدا وقالت... طيب ناكل اية دلوقتي علشان نلحق نرجع اسكندرية
مهاب بهدوء... زي ما تحبي
كاميليا... طيب
مسكت المينو واختارت وجبه ليها وكذلك هو وفضلوا ؤتكلموا في موضوع كثيرة
.. . . ... . . .. . .. . . . .. . . . . .
في الشركة كان عمار باين عليه التعب الشديد بسبب الملف اللي مش بيخلص ابدا
عمار بضيق... اية بقي مش هيخلص
حورية بهدوء.... اهدي شوية يا عمار وان شاء الله تخلصهم في المعاد
عمار بحزن.... الملف عديت 200 اسم وسجلتهم ولسه بحس اني معملتش حاجة بقالي ساعتين ونص وايدي وجعتني
حورية بحزن.... طيب هات اعمل شوية انا كدة كدة خلصت شغلي هكمل عنك
عمار نظر ليها وقال.. بجد
حورية بحزن من ملامح التعب دي اللي علي ملامحه.... ايوه هات
عمار ادلها الملف وهي فتحت الاب توب بتاعها وابتدت تسجل منه
وبعد نصف ساعة دخل بيجاد و راح عند حورية وقال.... بتعملي اية يا انسة حورية
حورية اتوترت وقالت.... شغلي
بيجاد مسك الملف وقال... شغلك ولا شغله وبص لعمار بعصبية.... يعني جاي متأخر وعديتها ودلوقتي بتخلي كمان زميلتك تعمل شغلك مش مكسوف من نفسك وانت بتخلي واحده تكمل شغلك
حورية بتوتر... انا اللي قولتله اكمل بدله لانه تعب
عمار الغضب ارتفع عنده وقال... اولا انا جيت متاخر بسبب احب احتفظ فيه لنفسي والتاني انت مديني اكتر واحد شغل وفي اربع ساعات لا قادر اخد بريك ولو حتي اكتب ويا سيدي ما تزعلش نفسك اوي كدة ملفك اهو وانا مش محتاج لشغلكم
عمار خرج بسرعة و حورية خرجت وراه بسرعة وقالت بدموع... عمار انت مش هتسبني لوحدي هنا انت قولتلي انك هتشتغل معايا
عمار بحرقة... مش شايفة بيكلمني ازاي
بيجاد كان واقف وراهم وقال... انتوا بينكم اية بقي يا حلوين
حورية اتخضت جدا وقالت... مفيش احنا صحاب
بيجاد بسخرية.... صحاب قولتلي امم.
ونظر لعمار وقال... بقي كدة يا عمار ده اسلوب تكلم بيه مديرك تاني مرة اسمها حضرتك ومش انت وكمان تتكلم باسلوب كويس انت سامع ادخل مكتبك وتخلص شغلك احسنلك انت وهي
ياريت يا استاذة تشوفي شغلك بدل ما تشوفي شغله
حورية بصيق.. حضرتك انا خلصت شغلي بقالي ساعة فين المشكله لو ساعدت حد في حاجه
بيجاد قرب منها وهي قلقت وعمار وقف قدامه وقال بغضب... في اية بتقرب كدة ليه
بيجاد بسخرية... متخفش يا صاحبها هقولها حاجه
عمار بضيق... قولها وانت بعيد
بيجاد بحدة.... قولتلك اسمها حضرتك مش انت
عمار وهو بيجز علي اسنانه...... حضرتك حلو كدة
بيجاد... حلو
بيجاد لحورية... لو كلامي متنفذش اعتبري نفسك ملكيش مكان هنا
وسابهم ومشي اما عمار خبط ايده في الجدار من الغضب
حورية بحزن... خلاص يا عمار بلاش الشغل ده خلينا نمشي وانا هدور في مكان تاني
عمار كان يعلم انها بحاجه للشغل واذا خرجت مش هتلقي شغل بسهولة
عمار ابتسم بحزن... لا تعالي ندخل وانا هكملهم
يلا
حورية لسه هتتكلم لكن هو قال... يلا اسمعي الكلمة
و دخلوا الاتنين تاني وكانوا انظار الطلاب عليهم
حورية كانت مكسوفة من الموقف اللي حصل اما عمار فتح الملف وابتدا يكمل شغله
. . . . . . ... . .،.،.،. ..،.،.،
في مكان ما كان يجلس ايهم وهو يقبل هدي صاحبة ريهام في الكلية واللي اتخنقت هي وريهام لما سالتها عن خطوبتها هي وايهم
هدي بعدت وقالت بدلع..... حبيبي تجي نسافر في اي مكان شوية اية رايك نروح فرنسا
ايهم ابتسم بخبث.... وماله نسافر احنا ورانا حاجه
هدي بخبث... بس ريهام
ايهم بهدوء... مالها
هدي بخبث..... مش خايف تعرف اللي انت بتعمله من وراها ماشي مع اكتر من صديقة ليها من ضمنهم انا لو اكتشفت
ايهم بسخرية... مش. هتعمل حاجه
هدي ضحكت... لان يا بيبي معندهاش كرامة
ايهم ضحك... دي حقيقه
هدي قربت منه وقبلته علي شفتيه وقالت.... تجي ننزل نفطر برة
ايهم ابتسم.... وماله يلا بينا
هدي بهدوء.... طيب يا نلبس ونجهز
ايهم بهدوء... يلا
ولبسوا الاتنين ونزلوا سوا
الفصل الحادي عشر
في البيت عمار رجع البيت وطلع اوضته وبعد ساعة رجع والده البيت
وجيه.... عمار فين
سهر بضيق.. في اوضته مش عايز ينزل
وجية بهدوء... انا هطلع اطمن عليه
سهر... تمام
وجية طلع لغرفة ابنه ودخل بدون ما يخبط و شافه يجلس منطوي وحزين وعيونه فيها دموع قرب منه وحط ايده علي كتفه
عمار اتصدم وحاول يداري دموعه
وجيه قعد جنبه وقال.... مالك يا حبيبي من امبارح وانت مش مظبوط في اية البنت دي عملتلك حاجة حد زعلك
عمار بدموع..... انا بس مضايق شوية وهي معملتش ليا اي حاجة بالعكس من الصبح بتحاول تعرف في اية واية السبب بس انا اللي مضايق
وجية بحنية.. طيب يا حبيبي اية اللي مضايقك انا ابوك و اساعدك لو في اي مشكلة
عمار بكذب... اتخنقت مع واحد في الجامعة و اضايقت منه لما معرفتش اخد حقي منه ايهم كان معه حق لما قالي اني لازم اتعلم اخد حقي
وجية بهدوء... بلاش تكون ضعيف يا عمار كون اوي مش بعضلاتك لا بفكرك وانك تبان قصاد الناس عندك ثقة بالنفس وهيبة و تاخد حقك من الناس بالادب والاحترام انت في جامعة حكومي يعني فيها المحترم والغير محترم وانت هتقابل النوعين ولازم تقدر تتصرف معاهم وعلي سيرة ايهم هو هيجي بكرة يشتغل معاك في الشركة
عمار بصدمة... نعم
وجية باستغراب... الصبح عمك اكمل كان معايا وطلب مني اشغل ايهم معاك
عمار بضيق... هو مفيش غير الشركة بتاعتنا ما ياخده شركته وبعدين ايهم مش بتاع شغل
وجية باستغراب من عدوانيه ابنه.... في اية يا عمار هو عارف ان ايهم هيدلع عنده ومش هيشتغل لكن عندي لازم هيشتغل وانت اية مشكلتك
عمار حاول يهدي... مفيش يا بابا انا تمام خلاص زي ما تحب هي شركتك وحضرتك حر فيها
وجية... حبيبي الموضوع مش موضوع شركتي او لا الموضوع كله اني عايز افهم انت مضايق ليه ده ايهم حبيبك وصاحبك اية اللي غيرك كدة
عمار بضيق.. انا مش متغير انا بس تعبان خلاص يا بابا مفيش مشكله بعد اذنك عايز انام علشان اصحي بدري انهاردة اتبهدلت من اللي اسمه بيجاد ده انسان مستفز
وجية ابتسم... بيجاد اشطر واحد في الشركة ولازم الدفعة اللي بتخرج من تحت ايده تكون واخده امتياز حاول تسمع كلمته هيعلمك كل شئ
عمار بهدوء.. حاضر
وجية... مش هتاكل
عمار.. لا انا شبعان عايز انام
وجية محبش يضغط عليه... طيب تصبح علي خير
عمار.... وحضرتك من اهله
وجية خرج من الغرفة واما عمار ضرب المخده بضيق... انا هعمل اية دلوقتي ايهم اكيد لو جه الشركة هيقول اني ابن خالته ومن اسرة غنية هتفضح اية اللي ممكن اعمله يارب انا ليه كل ما اعمل حاجه بتخرب بس ليه
وفضل يفكر يعمل اية
.،.،.،...،..،.،.،..،.،.،.،..،.،.،.،
في البيت عند انجي
حورية دخلت بعد ما خلصت شغل
انجي بهدوء... اظن من حقي اعرف حصل اية امبارح خلاكي بالمنظر ده وياريت ما تكدبيش عمار هو السبب
حورية بهدوء... لا يا ماما مش عمار ملهوش علاقة اقعدي وانا هحكيلك
بدات حورية تحكي ليها وهي بتحكي نبرة الكره كانت موجودة للناس من الطبقات الغنية
انجي كانت حزينة وهي بتسمع الاهانة اللي اتعرضت ليها بنتها بسبب الفقر بتاعهم كانت شايفة كره بنتها ليهم اللي كل مدا بيزيد والدموع اللي كانت في عينيها
انجي حضنتها وقالت.... حبيتي صدقيني مش كلهم زي بعض
حورية بكره..... متقوليش كدة لا كلهم زي بعض متنسيش انهم السبب ان بابا يموت
وسابتها ودخلت اما انجي دموعها نزلت وقالت... يارب انا لغاية امتي بنتي هتفضل متعقدة كدة مهما اتكلمت معها
.،.،،.،..،.،.،.،،..،.،.،.،..،.،.،...،،..،.،..،.،.
في بيت ايهم كان صراخه جايب اخر الشارع
ايهم بغضب..... انا مش هشتغل عند حد انت سامع وده اخر كلام عندي
اكمل بغضب... ولله عال اوي بتقول لابوك انت وبتعارض كلامي يا ايهم شوف بقي لو منفذتش اللي قولته لا انت ابني ولا اعرفك والفلوس والعربية وحتي البيت ده تخرج منه
ايهم بغضب.. انت بتهددني
شاهندا بقلق.. ايهم حبيبي اهدي وانا هقنع بابا يصرف نظر عن الموضوع
اكمل بغضب... شاهندا لو ادخلتي في الموضوع ده اعتبري نفسك طالق بالتلاتة ولو فكرتي تديه الكريدت كارد بتاعتك هتبقي بردوه طالق بالتلاته سامعة
شاهندا بصدمة... بقي كدة يا اكمل
اكمل بغضب...... ده اللي عندي اطلعي برة الموضوع
شاهندا رجعت لورا وايهم فهم انها مش هتقف معه زي كل مرة
اكمل بغضب.... ها قررات تعيش من غير فلوس زيك. زي الكلب ولا تشتغل زي البنادمين و تعتمد علي نفسك واعرف لو منجحتش السنة دي في الكلية صدقني يا ايهم يومك هيبقي اسود معايا ولو البنات الشمال اللي انت ماشي معاهم دول لو مبعدتش عنهم هتشوف وشي التاني
ايهم بغضب... موافق
أكمل بغضب... بكرة الصبح الساعة سابعة تقوم تروح الشركة وتحترم نفسك وتشتغل وعلي الله القي شكوى جاية بسببك
ايهم بضيق... حاضر
اكمل بغضب.. غور من وشي
ايهم طلع اوضته بغضب
شاهندا بدموع... بقي كدة تهددني وعايز تتطلقني بالتلاته
اكمل بضيق... انتي اللي بتضطريني لكدة دلعك فيه بوظه يا هانم وانا زهقت وجبت اخر منه
وسابها ودخل المكتب وهي جلست تبكي
،.،.،.،.،..،.،.،..،.،..،.،.،.،..،.،.،
في صباح اليوم. التالي في الساعة الثامنه صباحا كان يقف الطلاب في الرسبشن ومنهم عمار وحورية عمار اللي مكنش علي بعضة وكان متوتر
حورية بهدوء... مالك يا عمار
عمار بتوتر.... لا مفيش انا بس تعبان شوية
حورية بهدوء... الف سلامة
دخل بيجاد والتوتر اشتغل عند عمار وحورية
بيجاد بهدوء... صباح الخير
الطلاب... صباح النور
بيجاد لسه هيتكلم شاف ايهم اللي دخل وتوتر عمار اللي زاد وحورية اللي اتصدمت ان ده الشاب اللي اهانها في الوكالة
ايهم بتكبر.... صباح الخير
بيجاد معجبوش النبرة التكبر بتاعته... جاي متأخر ليه
ايهم بلامبالاة.... كنت نايم
بيجاد نظر ليه بغضب... ولله كنت نايم وتعبت نفسك ليه يا حبيبي وجيت ولا تكون ماما صحتك ومن علي السرير غصب وقومتك وعملتلك السندوتشات وشربت اللبن ولا لسه انت جاي تستعبط
ايهم بغضب... مسمحلكش تتكلم معايا بالطريقة دي
انت سامع
بيجاد بغضب... انت عارف انت بتكلم مين يا زفت انت انا ارفدك دلوقتي حالا لو معتذرتش
ايهم افتكر تحذير ولده انه هياخد منه كل حاجه
ايهم بضيق... اسف يا فندم مقصدش
بيجاد بغضب... اتفضل قدامي يا بيه
كلكم قدامي علي مكتبكم
طلعوا كلهم علي المكتب وايهم بيجاد دخله المكتب بتاع حورية وعمار
بيجاد بغضب.... اتفضل مكتبك. اللي في الاخر
ايهم بضيق... شكرا
بيجاد طلع
ايهم بص لعمار بخبث وقرب منه وقال... ازيك يا
عمار بصله بتوتر وخوف.
ايهم بخبث.. الا انت اسمك اية
عمار بتوتر... عمار
ايهم.... وانا ايهم تشرفت
ونظر لي حورية وقال بستحقار.... متوقعتش الدنيا تبقي صغيرة واشوفك هنا تاني يا اسمك اية
عمار بضيق... انت متتكلمش معاها بالطريقة دي
ايهم ابتسم بسخرية... طيب متزعلش نفسك انا رايح مكتبي وسابه وقعد علي مكتبه
عمار نظر لحورية.... انتي تعرفيه
حورية بحزن.. لما انزل هقولك
عمار.. طيب
ورجع افتكر عمل اية علشان يخلي ايهم يسكت وما يتكلمش
فلاش باك
الساعة سابعة وقف عمار تحت البيت واتصل بايهم اللي رد بعد عشر مرات من المكالمات
ايهم بنعاس... الو
عمار بغيظ... مش بترد ليه علي طول
ايهم بنعاس... عايز اية علي الصبح يا عمار
عمار.. انا واقف قدام الفيلا اطلع بسرعه عايزك في موضوع مهم
ايهم. بغيظ... انا جاي الشركه ابقي اتكلم براحتك
عمار بغيظ... تنزل دلوقتي الموضوع ده لازم دلوقتي دلوقتي
ايهم بغيظ... طيب نازل نازل
بعد عشر دقايق نزل وشاف عمار واقف قدام البوابة
ايهم بضيق... ما تدخل يا عم
عمار بضيق... اسمعني يا ايهم وياريت تساعدني
ايهم بضيق... قول
عمار بهدوء.. مش عايزك تقول اني غني ولا اني ابن خالتك ولا انك تعرفني اصلا
ايهم بصدمه... ليه ان شاء الله بقي
عمار بتوتر... انا بحب واحده وهي مش بتحب الناس الاغنياء ولو عرفت اني غني هتبعد عني ولو عرفت ان الشركة دي بتاعة ابويا هتسبني يا ايهم لو سمحت متتكلمش كانك متعرفنيش
ايهم بخبث... وهي اكيد فقيرة
عمار نظر له... ايوة
ايهم بخبث...... طيب هي لو عرفت هتحبك اكتر علشان فلوسك
عمار بحزن... لا هي مستحيل تقبل بيا لو عرفت اني غني
ايهم بسخرية... دي واحدة غبية
عمار بضيق.. متشتمهاش ولو سمحت يا ايهم متقوليش حاجه لو سمحت
ايهم بخبث... ماشي يا شقيق زي ما انت عايز
عمار...... شكرا
ايهم بخبث... العفو
باك
عمار عارف ان ايهم هيفضل يلعب با اعصابه ويتعبه نفسي
بيجاد دخل و وزع المهام علي الكل وعاقب ايهم علي تاخيره وادله نفس عقاب عمار