رواية في عيونك وعد
الفصل السادس عشر16
بقلم هبة احمد
امير / نعععمممم ليكى أية يااختى
حاتم / احنا موافقين على. كل شروطك اتفضلي قولى شروطك
نرجس / بثقة افضل اشتغل ومش هنا هادور على شغل في مكان تاني وكمان بنت عمى مش هتسيب شغلها
حاتم / موافقين أية تانى
نرجس / خطوبة بس علشان مش عوزين نجبر نفسنا على حد
حاتم / عين العقل حاجة تانى
نرجس / لو حد من حضرتكم حب ياجى بعد الخطوبة يبلغنى علشان احنا بنشتغل وكمان انا قاعدة مع بسمة لوحدنا فى شقة بابا الله يرحمه
امير / وليه مش قاعدة مع عمك او خالك ازاي تقعدو لوحدكم
نرجس / حيلك حيلك احنا قاعدين فوق شقة عمى اصلى مش بارتاح مع مرأت عمى البيت لة بوابه مقفولة على طول
حاتم / تمام موافقين حاجه تانيه
نرجس / ممكن حضرتكم تسألوا عننا الاول رغم أنه مش هتفرق معاكم
امير / العملية مش مستاهلة كلها خمس ست شهور ونفشكل الخطوبة وكل واحد يروح لحال سبيله ومعاها مبلغ محترم
نرجس / احنا مش عوزين حاجة حتى الشبكة ساعتها هنردها لحضرتكم المهم تعرفوا أن خالى مصمم يزوجنا لاولادة اللى واحد فيهم رد سجون والتانى جزار ومبرشم
حاتم / كدة هدفنا واحد امير عوز يخلى عبير بنت عمة تحل عنه وتروح تتزوج اى حد اصلها بنت خنقة اوى
نرجس / كدة تمام ممكن اعرف اللى اسمها عبير دى أية ظروفها
امير / دى بتكون بنت عمي وامها بتكون بنت عم امى وبنت خال حاتم المهم هى متعلقة بية ومصممة تتزوجنى ومع الأسف امها مشجعاها على كدة لحد ما بقت مريضة نفسيا
نرجس/ بكلمة منك كنت نهيت الفيلم ده من غير خطوبة ولا حاجه
امير / عمى عنده جلطة مأثرة على حركته والدكتور محذر من تكرارها
نرجس / صدقني مش حل اللى انت بتعمله دة انت كنت قولت لامها ولا لاخوها انك مش عاوز تتزوج
حاتم / مهو خالى طة قال ياتخطب ياتتزوج عبير
نرجس / طب الاستاذ امير عاوز يخطب علشان يبعد عن عبير طب وانت أية ظروفك
حاتم / كتغير روتيني
نرجس / نعم يا روح خالتك
حاتم / هاه انا هاخطب علشان خاطر خالى طة بيتحدانى على أنى مش هاعرف الاقى عروسة
نرجس / بص يا خفيف منك له احنا بنات اة بس الدنيا مرمطط فينا بما فيه الكفاية يعني هم ست شهور ونفشكل الخطوبة وكل واحد يروح لحال سبيله تمام
امير / تمام موافقين اخلى أبوية ياجى يكلم عمك امتى
نرجس / النهارده بعد المغرب هامشى انا ادور على شغل تانى
امير / خليكى هنا عادي
نرجس / لا مينفعش لازم اشتغل في مكان تاني
حاتم / انتى بنت جدعة ربنا يوفقك
نرجس / مسكت القلم وكتبت ده عنوان بيتنا وعمى اسمه فاروق فتحى عبد الرحمن محمد
حاتم / احنا عارفين كل حاجة عنكم بس بلاش تقولى لعمك أن احنا جايين النهارده ممكن خالى ميقتنعش بكلامنا على طول
نرجس / تمام انا كده كده هاسيب الشغل هنا ممكن امشى دلوقت ودة رقم فونى لو السيد الوالد وافق كلمنى ولو رفض انسوا اننا اتقابلنا في يوم سلام عليكم وتركت الشركة وخرجت تجرى على شغل بسمة
بسمة / تعالى ابت مالك بتنهجى كدة لية هو حد كان بيجرى وراكي
نرجس /يخرببيتك افصلى ابت أية راديو واتفتح بقولك عوز قهوه ساده ممكن
بسمة / ماشى اتكلمى عملتى أية
نرجس / حكت الكلام اللى دار بينها وبين حاتم وامير وفى الاخر قالت كل حاجة متوقفة على أبوه
بسمة / ربنا ييسر لنا الأمر هاودى البوسطة للحاج وناجى نفطر بقولك البت اللى كانت ماسكه الحسابات ولدت تاجى تمسكى مكانها اكلم الحاج
نرجس/ ياريت والله يكون احسن علشان نروح مع بعض ونرجع مع بعض
عدى اليوم وبعد المغرب امير كلم نرجس واخبرها أن أبوه وامة وام حاتم جاين يخطبوهم و نرجس نادت على عمها وبلغتة بكدة اللى فرح ليهم
الحاج فاروق / مدحت خد هات حاجة ساقعة وروح لعمك على الحلوانى هات الحاجة من عنده
مدحت / حاضر يابابا حاجة تانى
الحاج فاروق/ لا يابنى ربنا ينجحك
فتحية / هو احنا عندنا عزومة ولا أية العبارة
الحاج فاروق / ابدا في ناس جاية تشوف البنات وربنا ييسر ليهم الأمر
فتحية / معقولة ناس تتقدم لخطوبة البنات من غير ما انا اعرف
الحاج فاروق / دة لقاء تعارف يا حاجه مش عاوز وجع دماغ عدى الليلة على خير
فتحية / بغيظ ودول مين اللي عرفوهم سكة بنتك وبنت عمها وجاين يخطوبوهم مع بعض
الحاج فاروق / ربك لما بيريد
مدحت / الحاجة ياماما هادخل اذاكر
فتحية / حطها فى المطبخ ونادى على البنات من فوق
الحاج فاروق / مدحت انزل افتح البوابه يابنى
مدحت / نرجس بسمة ماما بتقول ليكم انزلوا ونزل فتح البوابة انفصلوا اهلا بيكم نورتوا
الاستاذ طة / انت ابن الحاج فاروق
مدحت / أيوة
دخل الاستاذ طة وفاطمة وكريمة ام حاتم وامير وحاتم
نرجس / اخلصى ابت
بسمة / وشى شكله مشوا يخرببيتك يانوسة
نرجس / دول جاين كلهم وفى عربيتين
بسمة / امال هيجوا فى ميكروباص يااختى
الحاج فاروق / من على السلم اهلا بيك يا حاج طة ليك وحشه والله
الاستاذ طة / اخوية وعشرة عمرى ليك. وحشة واخدو بعض بالحضن
حاتم / بصوت واطي نهار احوس هم يعرفوا بعض
الحاج فاروق / اهلا بيكم نورتوا انفصلوا
الاستاذ طة / الحاج فاروق ده صاحبى من صغرنا كنا جيران وزملاء دراسة ولما ربنا فتح علينا احنا عزلنا وعرضت عليه يشتغل معايا هو رفض وقال انا مليش في شغل المكاتب
الحاج فاروق / كانت ايام تعالى ياحاجة سلمى على الجماعة انتى و البنات
فتحية / يا اهلا بيكم نورتوا تعالوا يابنات
نرجس و بسمة السلام عليكم
الحاج فاروق / دى نرجس بنت المرحوم محمد اخوية ودى بسمة بنتى
الاستاذ طة / اهلا بيكم يا بنات دى طنط فاطمه والدة امير ودى طنط كريمه والدة حاتم
نرجس وبسمة قاموا سلموا على ام امير وام حاتم
بعد تقديم الحلو والحاجة الساقعة الاستاذ طة طلب ايد نرجس لامير و بسمة لحاتم وانتهت الليلة على موعد للقاء جديد في منزل الاستاذ طة لتحديد موعد شراء الشبكة وحجز القاعة للبس الشبكة
بعد اسبوع فى قاعة البرنسيسة كان يوجد كوشة بيها امير ونرجس وأخرى بها حاتم وبسمة
امير / تعالى نرقص ممكن
نرجس مينفعش عوز ترقص مع اى حد انا معنديش مانع
عبير / جت باست امير من خده تعالى نرقص
نرجس / مسكت ايد امير يلا ياقلبى نرقص وعمزه لبسمة اللى قامت ترقص هى كمان
الاستاذ طة / مسك الميك وقال اتفضل يا سيدنا الشيخ ياجماعه انا عامل مفاجأة للعرسان الا وهى هنكتب كتابهم النهارده والكل معزوم كمان اسبوعين هنا فى نفس القاعة على دخلة امير وحاتم شوف شغلك ياشيخنا
امير / وحاتم وشهم جاب الوان
نرجس / تركت امير وراحت عند عمها لية تعمل كده ياعمى انا مش مو...........