الفصل الاول1
بقلم حسن الشرقاوي
أنا إسمي كارما عندي واحد وعشرين سنة من أسره فقيره طلعت من التعليم بسبب عدم قدرة أهلي من المصاريف عليا خصوصاً إننا ست بنات والدي كان موظف بسيط وكان كبير في السن ومريض يعني كان يادوبك إلى بيقبضوا بيتصرف على علاجه ومابيفضش حاجه حتي تأكلنا أنا واخواتي
وعلشان كدا كان لازم نشتغل كنا بنشتغل أنا وأخت ليا كانت اصغر مني لكن كانت تقدر تشتغل لكن باقي أخواتي كانوا صغيرين في السن ماينفعوش يشتغلوا وأمي كانت بتقعد بفرشة خضار في السوق بردوو كانت بتساعد معانا
كنا صغيرين آول ما بدأنا نشتغل كنا بنعمل كل حاجه بنبيع مناديل وحجات تانيه في الشوارع والقطارات.كنا عايشين ماكانش أحلى حاجه لكن الحمد لله كنا بناكل وبنشرب والدنيا ماشيه واخدت عهد أنا وأختي آه نسيت اعرفكم إسمها
إسمها ساميه اخدنا عهد إننا نشتغل ونتعب علشان نعلم اخواتا الصغيرين ونخليهم أحسن مننا ومرت الأيام والسنين
وأنا في سن ١٥سنه لسه فاكره اليوم دا مش هنساه
لقيت أختي ساميه إلى كانت أصغر مني بسنتين
جايه تجري وظاهر على وشها الهلع والخوف
الحقي ياكرما ابوكي الناس معاه في الشغل جايبينه ع البيت مغمى عليه
ماحسيتش بنفسي طلعت جري على بيتنا
لقيت أمي بتبكي وبتصوت ومجوعه من السيدات جيرنا ماسكينها أول ما شافتني اخدتني في حضنها وقالتلي ابوكي ماات يا كارما
دخلت لقيت ناس في الاوضه بيجهزوا أبويا للغسل
اتصدمت صدمة عمري وحسيت إن السند والأمان مابقاش موجود بالرغم من مرضه وشغلنا من واحنا صغيرين لكن وجوده كان أمان لينا حسيت بالخوف لأول مره في حياتي
وفضلنا نعيط كتييير أنا وأختي وأمي والناس تصبر فينا وكل شيء انتهى واندفن أبويا ورجعنا للبيت
وفضل الحزن مخيم علينا كنا يادوبك بنبص لبعض مش قادرين نتكلم ولا نعمل حاجه
أبويا كان من بلد أرياف لكن أهله كانوا مقاطعينه لما اتجوز أمي وسابهم
جالنا واحد كان صاحب أبويا من البلد يعزينا
اسمه حسين
ياست أحلام إنتي لازم تروحي البلد تطلبي حقك وحق ولادك اليتامي دول
احلام.. أنا ارووح البلد أخاف يا حسين
حسين..صاحب الحق مابيخافش يا ست أحلام وجوزك الله يرحمه ليه ورث زي أخواته في الارض لازم تروحي تطالبي بيه علشان تقدري تصرفي على ولادك
احلام..بس هو عمره مافكر يروح يطلبه من اخواته
حسين..علشان كان طيب ومالوش في المشاكل واهو كان عايش لكن هو مات دلوقتي وساب في رقبتك ست بنات هاتصرفي عليهم منين
رديت وقلت..عم حسين عنده حق ياماما دا حقنا ولازم نطالب بيه
حسين..الله يصلحالك يابنتى هو دا الكلام
كارما... وأنا هاجي معاكي
احلام...بس
حسين...من غير بس اتوكلى على الله
أحلام..خلاص على خيرت الله
سابنا عم حسين ومشي ومن بعدها واحنا قاعدين أنا وأمي وأختي ساميه نتكلم في الموضوع إلى قالنا عليه
لحد ما اتفقت إني هاروح أنا وأمي لبلد أبويا ونقابل أخواته
ونطلب منهم ورثه
وبعد يومين جهزنا نفسنا وسيبنا اختى ساميه مع اخواتي الصغيرين
وركبنا القطر ورحنا لبيت أخو أبويا الكبير
ودخلنا أول ماشاف أمي وشه اتغير واحمر
وقال...انتى إيه إلى جابك هنا
قالت أمي..هي دي مقابلتك يا عزام دا بدل ما تعزيني في موت أخوك
قال..بقلك إيه سيبك من أخويا انتى عاوزه إيه
قالت..عاوزه حق بناتي يا عزام
ضحك بشده وقال نعم يا ختي حق ايييه
أرسل لاخواته وزوجاتهم والتفوا حوالينا
وقعدوا ينظروا لينا وقالهم وهو بيضحك
أحلام جايه تاخد حقها يا ولااد