رواية شمس
الفصل الرابع4
بقلم هبة احمد
شوق / كل خير
ام عباس / ابقى اتكلمى معاها يا بنتى شوفى حكايتها أية مش ناقصين مشاكل ووجع دماغ
رحمة / متخفيش انا كنت راكبة فى الكرسى المقابل ليها هى من لحظة ما ركبت وهى جسمها بينتفض من الخوف و غفلت فى الربع ساعة الأخيرة و لما حطيت ايدى عليها اترعبت
ام عباس / وعرفتى ازاى أنها مرعوبة وانتى ماكنتيش قاعدة جنبها
رحمة/ من هزة أيدها وهى بتدفع الأجرة وكمان لما كانت بتخلع الدبلة من صابعها
ام عباس / على فرض أن كلامك صح لازم ناخد بالنا بروضة
رحمة/ هاجيب لبن بسرعة
ام عباس / بسرعة عوزة انام هلكانة
رحمة / حاضر انت يابنى يخربيت اللى يكرهك عوزة كيلو لبن بسرعة
طارق / و مستعجلة ليه لسه بدري
رحمة / بدرى أية د الساعة عشرة وعوزين نتعشى وننام اخلص و لا اروح اجيب من عند عمى صالح
طارق / و على أية اتفضلى انتى مالك متغيرة لية
رحمة / انا زى ما انا مفيش حاجه زادت عليه خد هات بالباقى تسالى
عمران / ازيك يابنتى عاملة أية و امك واخواتك بخير
رحمة / بنعافر فى الدنيا يا عمى الحمد لله واخدت الحاجة و مشت
طارق / هى مالها رادها ناشف اوى النهارده
عمران / على أساس أنها كانت بتقف تتسامر معاك قبل كدة بص يابنى البنات دول كويسين جدا وشاقينين ومتعلمين لو عاوز حلال ربنا روح اتكلم مع ام عباس لو عوز دلع و تسلية ابعد عنهم وشوف حد تانى غير دول
طارق / انا ما بفكرش فى الزواج دلوقت لسة ادامى مشوار طويل
الحاج عمران / يبقى تبعد عن سكتها دول بنات جد مش بتوع حب ومسخرة
طارق / هو انا كنت اخدت منها حاجة غصب دة كلام في الهوا
الحاج عمران / الكلمة من بق الراجل بتكون عهد و وعد مش كلام في الهوا انا كدة عرفت نهايتك كلام في الهوا تمام انا لو شوفتك بتتكلم معاها هاضربك بالجزمة
طارق / قعد يبرطم بصوت واطي
شوق / هو انتى منين يا قمر
شمس / انا من بلد الغدر و الخيانة
شوق / هاتى فونك يا سوكة وتعالى نبحث على جوجل عن بلد الغدر و الخيانة يمكن تطلع جنبنا
سوكة / سيبيها براحتها دى شكلها واخدة خبور إنما أية ارض جو
شوق / هههههه يخربيت الفاظك
سوكة / عوزة بكرة اروح للبت خلود تعملى وشى الا بقيت زى عمى حنفي بتاع السميد
شمس / تعالى اعملك وشك انا بعرف
شوق / انا الاول ليش دعوة
ام عباس / اقفلى الباب وراكى بالترباس
رحمة / هو البيت هس هس كده ليه مش طبيعة البنات نهار احوس ليكون البنت تبع عصابة اللى بتخطف الناس
ام عباس / بصوت عالى بناتى شوق سوكة
سوكة / حمد الله على السلامه مالكم فيه أية
شوق / مامتى خالتى بعتت معايا ارنب وفرختين وشوية بيض
رحمة / المهم جبتى الجمعية
شوق / أيوة و الغتت ابنها كان عوز ياخد خمس الاف سلف لحد ما يقبض دوره بعد اربع شهور انا رفضت فهو زعل وانا سبتة زعلان وجيت
سوكة / حرام عليكى د مرأتة على وش ولاده وزمان مامعهوش فلوس
شوق / خالتى كانت واقفة لو كانت قالت أدى لثروت فلوس كنت عطيته ثم هو معاه
سوكة / وعرفتى منين يا فتكة أنه معاه فلوس
شوق / انا شوفت معاه علبة سجاير كيلوباترا وطلعت لسانها
سوكة / هههههه انتى بنت حقنة
رحمة / جدعة ابت عاوزين نتعشى وننام الا انا جسمى بيوجعنى حاسة انى داخلة على دور برد
ام عباس / امال اختكم فين هى لسة نايمة
سوكة / لا هى صحت من بدرى صلت وقعدت تقرا قران
رحمة / هاحضر الاكل
شوق / هاشوفها علشان تاكل معانا
ام عباس / انا اللى هادخل ليها حجزتى التذكرة يا رحمة
رحمة / ابوة انا حجزت تذكرتين لانى هاروح معاكى المرة دى
ام عباس / لا محدش رايح معايا
شمس / السلام عليكم معلش اتحملونى لبكرة الصبح انا هاروح اشوف اوضة فى اى مكان
رحمة / الناس مش هترحمك كل واحد هيالف عنك قصة وياسلام لو حد حب يغتت عليكى و انتى صدرتى له فريد الأطرش هتبقى ليلة طويلة
سوكة / مين فريد دة ابت
رحمة / بمعنى لو طنشتى و معبرتعوش يا جاهلة
شوق / بنتك بتقول حكم يا ماماتى
ام عباس / ممكن يا بنتى انا هاخدك معايا ممكن
شمس / تحت امرك بس اعرف لفين
ام عباس / مش........