رواية شمس
الفصل الخامس عشر15
بقلم هبة احمد
فهد / طب و مرأتك و ولادك فين دلوقت
دكتور محجوب / مرأتى ما قدرتش تستحمل اللى حصل انتحرت و ولادى اخوية أخدهم يربيهم بعيد قالى انسى انك عندك ولاد كفاية عليها منظر امهم وهى بتغتصب ولا وهى بتنتحر
فهد / مش يمكن يكون حد تانى هو اللى اغتصب مرأتك مش من طرف عايد
دكتور محجوب / مع الاسف عابد بغبائه بعت ليه فيديو كنوع من أنواع التهديد علشان اكون تحت طوعه و منه عرفت أن اللى اسمه جعفر قناوى هو اللى اغتصب مرأتى و عابد اللى كان بيصورهم و بعد جعفر ماخلص عابد هو كمان قام باغتصابها
فهد / دانت حكايتك حكاية ربنا يقويك سعدية انا هانام خدى الحيوان ده يأكل وينام عندنا شغل بكرة
سعدية / انا افتكرتكم بقيتوا أصحاب
فهد / صحاب هههه انا الفهد أصحاب الحيوان ده غور يا دكتور المجازر
سعدية / ابتسمت هاجيبلك الاكل و انت تعالى ورايا
فهد / اسف سعدية بتبلغ كل حاجة لبهيجة مش عاوز اتسبب فى ازيتك
دكتور محجوب / ولا يهمك تمام هاروح اتضف تحت البهايم
سعدية / هو انت رايح فين يا دكتور
دكتور محجوب / رايح انضف تحت البهايم وبعدين اروح اشوف عنبر الفراخ تاجى معايا
فهد / سعدية نفسى اكل بط و كسكسي
سعدية / هاخد الاذن من ستى بهيجة الاول
فهد / التلاجات مليانة يعنى مش هتفرق لو عملتي بطية انا لسه تعبان و هاجى اساعدك
سعدية / خلاص هاعملك على رأيك الخير كتير
دكتور محجوب / اعملى حسابى انا غلبان ومطحون فى الشغل
فهد / يلا غور شوف شغلك انت هتقعد تتسامر.
فى القطار
..............
رحمة / مخك الماظ بس الناس هنا فيها غتاتة وكمان فى أماكن بتكون ضيقة
شمس / هنا هتشوفى تشكيلة من البشر عجب كل واحد جواه حكاية
سوكة / انا جعانة وعطشانة
شمس / تعالى نقعد على الكراسى هناك نأكل ولما المحطة تاجى ننزل و نبدل القطر نركب القطر الراجع
سوكة / الكمسرى جاى يابنات
شمس / يا اهلا بيه فين التذاكر يا بنات
سوكة / خدى
الكمسرى / معاكم التذاكر ولا
شمس / اتفضل التذاكر هو القطر اللى راجع هيفوت على المحطة الجاية الساعة كام
الكمسرى / مفيش قطارات بتقف المحطة الجاية غير الساعة 8 الصبح و 7 المغرب
شمس / يعنى لازم نكمل لحد فين
الكمسرى / المحطة بعد الجاية
شمس / طب اشمعنى القطر دة هيقف المحطة الجاية
الكمسرى / علشان ابن سواق القطر بيزل المحطة الجاية فابوه بيهدى القطر علشان ابنه ينزل و فى ناس بتنزل معاه و ناس بتركب رغم أنه ممنوع القطر يقف
سوكة / مهى بلد كوسة تشكر يا راجل ياطيب
الكمسرى / اى خدمة
راكب / معاكم مشاط شعر
راكب اخر/ دمعاهم مشاط حواجب
سوكة / عوزة ترد
شمس / فكك منه دشكله اهبل
الراكب و اسمه شاكر / اتكلمى بأدب يا بت
راكب تالت/ انتم اصلا يا حرامية يا نصابين مهو مفيش بنت محترمة تقعد تتنطط بين عربيات القطر و تتحك فى الشباب
سوكة / ما احنا لو كان لينا اخ محترم زى حضرتك و ابونا كان له معاش مكناش قعدنا نتنطط بين عربيات القطر ونحتك بالشباب المحترم اللى زى حضرتك
شمس / وآية يعيب البنت لما تشتغل وتسد جوعها وتدفع ايجار المكان اللى بتنام فيه وهى مطمئنه على نفسها هو لازم كل بنت بتكافح علشان تاكل لقمتها بالحلال تكون مش محترمه دة نظرتك للبنات
سوكة بتقولى لمين المخاخ اتبرمجت على كدة
شمس / لو جبتى شيخ الأزهر يتكلم معاهم مش هيقدر يغير فكرهم عن شغل البنت اللى بتتمرمط فى الشارع وفتحت شنطتها وقعدت تنادى وتعرض البضاعة اللى معاها
عابد / نصر عوز اعرف أية اللى حصل مع بهيجة من ساعة ما دخلتوا الفيلا عند جعفر لحد ما خرجتوا
نصر / انا م.......