الفصل الثالث3
بقلم هبة احمد
نورهان / انا عوزة أعيش في العمار مش عوزة اندفن هنا
فايقة / ده تريقة صح احمدو ربنا اننا خرجنا من قدام ولاد عمران واحنا لسة بخير مش ناقص مننا حد
مجاهد / انا عوز اقول الحمد لله اننا كلنا موجودين مفيش حد ناقص مننا
.
الحاج طايل / الكهرباء في كل مكان انا عايش بولادى هنا وكمان فى محول كهرباء لو حصل والكهرباء قطعت
صفاء / احنا خلاص اندفنا على الحياة هنا مفيش كليات ولا غيرو
نورهان / نهايتنا نتزوج اى حد جاهل وتكمل حياتنا مدفونين
صابرة / هنا زمان حتى مفيش نت ولا حتى تليفزيون
فايقة / هنا فى كل الإمكانيات وسبل الراحة موجودة
صابرة / داحنا شكلنا بقينا فى مجاهل افريقيا
فايقة / دلوقتى تحكمى على كل حاجة بنفسك
مخبول / ندخل شمال ولا يمين يا اسطى
الحاج طايل / عوز اطلع قدامك ممكن
مخبول / تعالى بسرعه عوز اعمل حمام
الحاج طايل / مشى قدام الميكروباص اللى فية مخبول سائق والبنات ومسعود ومجاهد وأمهم والعربية اللى فيها ولاده
بعد ربع ساعة من الطريق الرئيسي دخل الحاج طايل على طريق رملى تخاف بية الأشجار من الجانبين لمسافة حوالى مائتين وخمسين متر فوقف جنب بوابة حديدية عرضها حوالى 15 في متر خبط ففتح له سيدة متوسطة العمر اتفضل يا سيدي نورتوا
مجاهد / بص من شباك العربية زهل من المنظر بسم الله ماشاء الله أية الجمال ده
صابرة / معقولة أية الجمال ده هو احنا هنقعد هنا
فايقة / أيوة كل دة ملككم من شقى ابواك 29 سنة
الحاج طايل / حمد الله على السلامه نورتوا اتفضلوا
فايقة / الله يسلمك ويخليك ليه يا اخوية
مسعود / معقول فى مكان جميل كدة فى قلب الصحراء
الحاج طايل / الفلوس بتعمل كل حاجة اتفضلوا على الفيلا يلا ياحاجة مع بناتك لو عوزين يرتاحوا اويغيرو لبسهم
فايقة / انا عوز اتكلم معاك الاول
مخبول / انا هامشى هاروح اتفرج على رد فعل ولاد عمران
الحاج طايل / لا انت هتفضل هنا على طول انا كفيل اجيب حقك بقولك انت تكتب ليه عقد مبايعة لأرض ابوك وبيتة وانا هاجيب ليك ارضك وبيتك وانت هنا علشان ايوب شافك وانت سائق الميكروباص
مخبول / تمام شوف محامى يجهز أوراقه وانا هامضى
مجاهد / اطلعوا يابنات غيرو بسرعة انا عوز اتكلم معاكم
صابرة / انا خايفة اطلع لوحدى ليكون فخ
نورهان / بصى ابت دفى حمام سباحه هناك وشاورت على حمام سباحه جنب الفيلا فى جنينتها
صفاء / الفيلا شكلها حلو اوي زى اللى بنشوفها فى الافلام العربيه
صابرة / شكلنا بقينا في مغارة على بابا
نورهان / يلا نطلع فوق نشوف شكل الفيلا من جوه
صابرة / تعالى ابت مامتى احنا طالعين لفوق
فايقة / اطلعوا يابنات غيرو بسرعة علشان الاكل جاهز
نورهان / انا عوزة انام
فايقة / معاهم ياصالحة عرفيهم اوضهم
صالحة / حاضر ياستى الحاجة
صابرة / هى امنا تعرف اوضنا منين
نورهان / اعدمك لوكنت اعرف
صفاء / قدامى يا صالحة هو انتى من المنطقة هنا
صالحة / لع انا من اسيوط كنت مع امى من وانا صغيرة امى كانت شغاله عند سيدى طايل ولما كبرت اتزوجت شلبى وجيت هنا من سنتين قاعدة فى البيت اللى مخصص للشغالين الاغراب
صابرة / هم فين الشغالين دول الا ماشوفنا حد
صالحة / مهو سيدى طايل مأجزهم النهارده
نورهان / فين اوضتى
صالحة / دى اوضة ستى الحاجة فايقة
تعالو نطلع فوق وطلعت ادمهم ودى اوضة ستى صابرة ودى اوضة ستى نورهان أما دى فاوضة ستى صفاء ودى اوضة سيدى مجاهد ودى اوضة سيدى مسعود وفى مكتب والمطبخ والحمام الكبير وفى كمان فى كل اوضة حمام
نورهان / فتحت اوضتها زهلت مما رأت فوجدت كمبيوتر وصورة ليها كبيرة بالحجم الطبيعي وسرير ودلاب كبير و مكتبة وركنة يعنى كل الرفاهية والراحة موجودة تعالوا شوفوا يابنات
صابرة / يانهار ابيض أية دة هو احنا مش فى مصر أية كل ده احنا ولا فى أمريكا كل حاجة موجودة دحتى فى تلاجة مكتب ومليانة من كله
صالحة / سيدى غريب هو اللى عمل كل دة بصراحه هو بيحبكم اوى
نورهان / احنا مش فى الصحراء احنا فى حتة من الجنه
صفاء / دة مش حلم صح
نورهان / الله يرحمك يا بابا الصراحه كنت طول عمرك حنين علينا حتى بعد موتك هتفضل في قلبي
صابرة / وجع قلبك صالحة هو فى اكل ولا لااااااا فى ام الليلة الضلمة
مسعود / يلا يا بنات الاكل جاهز تحت
نورهان / لا انا مش هاقدر اسيب اوضتى وانزل
صفاء / يلا انا جعانة اوى ادامى يا جزمة انتى وهى
صالحة / هاروح اشوف لو عوزين حاجة
صابرة / لا استنى ننزل مع بعض انا خايفه لشبح الماضي يكون موجود
صالحة / متخفيش هنا فى امان كامل
صابرة / احنا فى مرحلة تاريخية من حياتنا انسى الماضي يا قطة
نورهان / تعالى ابت بصى الدلاب مليان هدوم
صفاء / دخلت اوضتها زهلت لما فتحت دولابها وانا كمان دلابى مليان هدوم وفى شنط ماركات وجزم يالعبك يا حاج غريب
فايقة / المكان دة كلة 25 فدن والفيلا وبيت الشغالين وفى عربيتين دفع رباعي لنقل المحصول للتجار
مجاهد / طب منين كل دة يا ست الكل
فايقة / من ح.............