رواية عشق من قلب الالم الفصل السابع7والثامن8بقلم زهرة الربيع
رامي .احم وصلنا اتفضلي
دنيا بصدمه .ان انت جايبني هنا ليه
رامي .بصي يا دنيا هو انا عندي فيلا هنا في مصر بس ناقصها تشطيب كتير وكل حاجه جت بسرعه وو
كان حيكمل لا كن قاطعتو دنيا بصريخ وزعيق قالت.انت مجنون ولا ايه انا مالي بالكلام ده انا يستحيل افضل هنا انت فاهم
رامي رد بسرعه.لا احنا مش هنفضل هنا احنا هنبات بس وبكره ان شاء الله طالعيين الغردقه هنفضل اسبوع تكون الفيلا خلصت
دنيا ضحكت بألم وبصتلو بزهول وقالت.انت ايه الثقه الي عندك دي احنا هنطلع الغردقه نطلع نعمل ايه ها يمكن طالعين نعمل شهر عسل انا وانت سكتت شويه وقالت بنفاز صبر بص يا جدع انت انا مش هروح معاك في حته واتفضل مشيني من هنا على اي داهيه لاني اتخنقت فاهم ولا أعيد
رامي بيحاول يتمالك نفسه وميتعصبش قال. هنروح فين يعني دلوقتي يا دنيا
دنيا بسرعه.رجعني القصر عند بابا
هنا رامي اتنرفز وقال . مش هنرجع القصر يا دنيا واظن اني وضحت الحكايه دي مع عمي واكيد قلك مستحيل طول ماانتي على ذمتي تفضلي عند بباكي هما ٣شهور استحمليهم
دنيا باستهزاء .على ذمتك لا ياشيخ هو نت عندك ذمه زينا كده
رامي اتعصب ومقدرش يمسك نفسه ضرب برجله العربيه وقال.وبعدين بقى مش حنخلص
دنيا هنا انهارت اخيرا دموعها نزلت وقالت وهيا بتبكي وبتشهق. انا مستحيل ابات هنا ان انا مرعوبه من المكان ده ولا انت انسيت عملت فيا ايه هنا ان انت من يومين بس وبكت كتير وقالت بصعوبه انت دبحتني هنا انا قرفانه من الشقه دي من قبل ما ادخلها هبات فيها ازاي انا لو هنام هنا في العربيه مش داخله وذاد بكاها وبقت تترعش وتشهق بشده
رامي زعل من نفسه جدا وحس بغبائو فعلا مكنش ينفع يجيبها ومكانش صح يتعصب عليها بالنهايه هو الي وصلها لكده هنا نزلت الدموع من عينه غمض عينه بألم وحاول يتماسك اتنهد وقال .طيب يا دنيا متعيطيش انا بجد اسف مكنش ينفع اجيبك هنا اصلا اتنهد وقال ايه رأيك نروح اوتيل نبات فيه النهارده على ما نتصرف
دنيا مكانتش قادره تتكلم وحست ان مفيش حل تاني أومأة براسه بمعنى ماشي
رامي قال لها طب هجيب حاجه من جوه واجي بسرعه دنيا مردتش ورامي دخل شويه وطلع ماسك قزازتين من قزايز الكحول الي بيشربه
دنيا بصتلو بقرف وقالت.انت جايب الزفت ده معاك ليه
رامي قال علشان هنطلع من الاوتيل على الغردقه وهناخد اسبوع و
قاطعتو دنيا للمره الالف انا مش رايحه معاك مكان والقرف الي في ايدك ده تبطلو ولاانت ناسي عملت ايه بسببو
رامي بان عليه الضيق وقال. بصي يادنيا بنسبه للسفر هنتكلم في الموضوع ده في الأوتيل وبنسبه للقرف ده انا متعود عليه وعمري ما هبطلو ويا ريت متربطيش الي حصل بيه لاني بشربو من سنين وبروح بيه الشغل ونسبة الكحول فيه مش عاليه لدرجة انو يغيبني عن الوعي
دنيا بسخريه .لا والله امال ال
رامي قاطعها بزعيق وقال .معرفش معنديش تفسير للي حصل وارجوكي نكمل كلامنا بعدين
دنيا بحزم.احنا مفيش ما بينا كلام اصلا ياريت توديني اي داهيه انام فيها علشان صدعت
رامي سكت وركب العربيه وطلع على .الاوتيل
في الاوتيل رحبو بيهم بطريقه حلوه لانهم عرسان
ودولهم مفتاح الغرفه وهنا دنيا قالت بدون تفكير احنا عايزين أوضتين
الراجل الي بيدلهم المفتاح بان عليه الزهول والاستغراب
رامي بص لدنيا ورجع بص للراجل وقال بضحكه.بتهزر وبص لدنيا بتحذير وقال المدام بتحب تهزر وأخد المفتاح وشدها من ايدها وطلع
دنيا أول ما دخلو قالت بزعيق .انت عبيط ولا ايه انا مش هبات معاك في نفس الأوضه
رامي مسح على وشو بغضب وقال . انا الي عبيط مش شايفه نفسك لسه بفستان الفرح ولسه بيزفونا تحت ونورتو يا عرسان شرفتو يا نيله وانتي تقولي لراجل عايزين أوضتين اي هبل والسلام
دنيا .انت ازاي بتكلمني كده اصلا انا حره مش هبات معاك في اوضه واحده
رامي اتضايق جدا واخد هدوم ودخل الحمام اقبل ما يتنرفز
دنيا قالت بزعيق استنا هنا انا مش بكلمك
رامي مردش عليها وفتح الميه عليه وهو مغمض عيونه بتعب وبياخدن نفسه بعمق حاسس انو مخنوق وكل الي بيدور في دماغو ازاي حيقنعها تسافر معاه الغردقه لان عمه هو الي طلب منه كده بعد كتب الكتاب وقلو دي تعلمات الدكتور انها تغير جو وقلو انت المسؤل ولازم تقنعها باي طريقه فاق من شروده وطلع بره الحمام لقاها قاعده مكانها على السرير
رامي. احم قومي خدي دش وغيري فستانك علشان تلحقي تنامي هنقوم الصبح بدري
دنيا بغيظ.الواضح ان الأخ عندو مشاكل كتير يعني غبي والسمع تقيل كمان بقلك مش رايحه معاك في حته
رامي بتنهيده .طيب يادنيا ده طلب من والدك ابوكي حاسس بالذنب انك اتجوزتيني علشان ميتأذيش والدكتوره قالتلو انك لازم تغيري جو وهو حاسس انو مش قادر يعملك حاجه وكده صحتو ممكن تتأثر انتي عارفه ان ضغطو مش مظبوط فلو بتحبيه لازم تكوني قويه علشانو و نفذيلو رغبتو وسافري معايا ولو مش الغردقه اختاري المكان الي يريحك
دنيا بألم شديد . يريحني طمن بالك يا أستاذ طول ما أنا معاك وشايفه وشك قدامي مفيش حاجه حتريحني
رامي اتألم من كلمها ودموعها بس كان لازم يخليها تسافر بأي طريقه قال . خلاص يا دنيا الي يريحك انا هتصل بيه وأقولو انك رفضتي تسافري وبعدها أتصل بدكتور بتاعو يرحلو أحسن يتعب لا قدر الله
رامي كان بيضغط عليها بباها لانو عارف ان دي الطريقه الوحيده الي حتخليها تسافر بعد شويه واداها ضهره ومسك التلفون وابتسم بمكر لما قالت.استنا واتنهدت وقالت موافقه هنسافر
دنيا خدت هدومها ودخلت الحمام ورامي خد مفرش من الدولاب وحطو على الارض ونام
دنيا خرجت من الحمام وشافتو نايم على الأرض سرحت شويه في ملامحو البريئه وانو ازاي عمل فيها كده نفضت الافكار من دماغها بتنهيده واتوجهت للسرير ونامت
في الصبح دنيا ورامي طلعو من الاوتيل وركبو عربيتهم وهما شبه مش بيتكلمو خصوصا دنيا
بس في الطريق فجأه دنيا ابتسمت بخبث وقالت.هو احنا فضلنا كتير على منلاقي محلات وكده
رامي ابتسم وفرح في نفسه انها اخيرا تكلمت معاه ورد بلهفه.اه اه قربنا كلها ربع ساعه ونقطع الصحراوي وحتبقى في محلات كتير انتي عايزه تشتري حاجه لو محتاجه اي حاجه قولي
دنيا لما شافت لهفتو فرحت وابتسمت بخبث اكتر وقالت كنت عايزه حاجه من الصيداليه
رامي افتكر انها عابزه حاجه خصوصيه قال. احم ايوه في صيدليه قريبه اول مانو صل حنزلك تشتري الي عيزاه
دنيا. لا وانزل انا ليه انت انزل هاتلي
رامي استغرب بس مرضاش يسألها . وقال حاضر براحتك انا هجبلك
وصلو عند صيدليه ورامي وقف العربيه وقال .اهيه الصيدليه ها كنتي عايزه ايه
دنيا .ادخل عند الدكتور وقلو عايزه بخاخ اسبراي مخدر يكون قوي
رامي بدهشه.مخدر قصدك معطر مش كده
دنيا ابتسمت وقالت .لا الي سمعته مو خا دير الي بتشيله البنات في شنطتها وبدافع بيه عن نفسها
رامي رد من غير ميفكر. بس انا معاكي محدش يقدر يقربلك
دنيا. م انا عارفه انك معايه وعلشان كده عيزاه انت ناسي اني مضطره افضل معاك لوحدي اسبوع في اوضه واحده وكملت باستفزاز هفضل اسبوع مع واحد مغتصب لوحدنا ايه ممكن يخوفني اكتر من كده
رامي اتضايق جدا واتنهد بخنقه وقال. دنيا مفيش داعي للكلام ده لوبتقولي كده علشان تنبهيني مفيش داعي عمري مهأذيكي تاني والي حصل صدقيني مش هيتكرر حتى لو نمنا في سرير واحد مش في اوضه واحده
دنيا ..تؤ تؤ انا مش بنبهك ولا بحذرك انا عايزه البخاخ بجد انا تعلمت ان الي بيفضل مع الحيو.نات يضطر بيشيل سلاح هتنزل تجبلي ولا انزل انا
رامي اتنهد بيأس وكلامها كان جارح بنسبالو مع انو عارف انها على حق بعد الي حصل منو قال حاضر يا دنيا
نزل جاب لها خمس علب وقال.كفايه كده ولا محتاجه تاني
دنيا بتفكير بتستفزو اكتر .امم مش عارفه الصراحه بيتهيألي كفايه ولا نت ايه رايك
اتنهد رامي بغضب وفتح باب العربيه بقوه وساق بسرعه شديده وكلامها كأنو سكين بتدبحو
بعد فتر ه . وصلو الفندق الي بباها كان حاجز فيه على اساس انها تقضي فيه شهر العسل هيا وشريف
بس كانت منتظراهم مفاجئه من العيار التقيل
اول ما رامي نزل من العربيه لقا شريف قدامو وبيقول حبيبي يارامي حمد لله على السلامه يابن عمي
رامي بغضب .انت ايه الي جابك هنا
شريف باستفزاز. اخص عليك ده كلام برضو دانت حتي نازل هنا على شرفي وبعدين انا قولت اعملك مفاجأه شوف جبتلك الشله كلها طبعا ميعرفوش انك جاي هنا لو عرفو مكنوش هيجو كانو هيقولو نسبهم براحتهم وبص لدنيا وقال بغمز عرسان وكده بقى
دنيا واقفه متضايقه جدا منو من كلامو بصت بعيد لقت صحابها وعبير اخت شريف وصحاب رامي ورائد كلهم بينزلو الميه وبيضحكو ولأنهم ميعرفوش ان ده الاوتيل الي حجزين فيه دنيا ورامي مكنوش اصلا شيفينهم
رامي بتحذير.قال انت عايز ايه دلوقتي ابعد من وشي انا مش طايق نفسي
شريف . استنا بس مانا عارف انك مش طايق نفسك علشان كده جبتلك معايا كادو هيروقك ونادا بصوت عالي يا نودا هنودا
جت من بعيد بنت جميله وطويله وكلها أنوثه زي عارضات الازياء يا جماعه
جريت على رامي وحضنتو بشده وقالت . اخس عليك يا رامي كل ده متردش على تلفوناتي دانا كنت هتجنن عليك
حد يطنش خطيبتو كل ده
دنيا بصدمه .خطيبتو وو وووو
البارت التامن
دنيا بصدمه.خطيبتو وبصت لرامي بزهول وقالت الكلام ده بجد انت خاطب
هند بصت لدنيا من فوق لتحت وقالت.مين دي يا روميو
دنيا لكمت رامي في كتفو وقال.مترد قلها مين دي يا روميو
رامي بص لهند .وقال انتي ايه الي جابك ياهند ومقولتليش ليه انك جايه
هند .حبيت اعملك مفاجئه انت مش مبسوط انك شوفتني ولا ايه
رامي لسه هيرد قاطعتو دنيا بزعيق وقالت. انتنين لمون هنا للعشاق لو سمحت
هند اتغاظت وقالت.مردتش عليا يعني مين دي
رامي. دي دنيا مراتي
هند بصدمه.ايه مراتك مراتك ازاي اتجوزتها امتى واتجوزتها ليه اصلا
دنيا بسرعه.ايوا قلها اتجوزتني ليه ولا اقولها أنا
رامي اتأفف بغضب وقال اطلعي يا دنيا استنيني في الاوضه
وبص لهند وقال وانتي ارجعي من مكان ما جيتي هطلع اريح شويه أنزل ملقكيش فاهمه
دنيا كانت واقفه اتنفضت لما شخط فيها وقال انتي لسه واقفه مش قلت اطلعي
دنيا اترعبت من صوتو ضربت الارض بغيظ وطلعت
رامي اتقدم على شريف واتكلم مبين اسنانه بغضب وقال.انت تقدر تلحق نفسك وتاخد الي جبتهم معاك وتمشي وإلا انت عارفني لما بتدايق واضح
بقلمي..زهره الربيع
شريف افتكر لما خنقو في الحفله حط ايدو على رقبتو وبلع ريقه بخوف ورامي سابو وطلع اوضتو بسرعه
....................
رائد كان واقف بيبص على عبير ومنبهر بجمالها وقرر اخير يكلمها
رائد .احم انا رائد صاحب شريف انتي عبير اختو مش كده
عبير بصت لرائد بتركيذ وقالت.ايه ده وشك ده
رائد حط ايدو على وشو يشوف مالو وقال .مالو وشي فيه حاجه
عبير . فيه حاجه ده فيه حجات ايه يا بني الجمال ده يخربيتك هو انتى امك روسيه
رائد برق بزهول من كلامها وقال .امك ..احم لا مصريه
عبير ولما هي مصريه مخلفاك بالحلاوه دي ازاي
رائد قال بصوت واطي زي ميكون بيكلم نفسه. دي مجنونه يا حرام يا خسارة جميله
عبير انت بتكلم نفسك انت مجنون. يا عيني عليك الحلو ميكملش
رائد انا الي مجنون وكمل بابتسام ايوه معاكي حق انا مجنون
عن اذنك بقي
فضل يمشي وعبير وراه بتقلو استنا بس مجنون مجنون يا عم ولا يهمك هو الواحده هتلاقي واحد مجنون وقمر كده كل يوم
رائد بحزم .بت انتي انا مش ناقص هبل انتي ماشيه ورايا ليه رجعي مكان مكنتي قاعده
عبير بردح. انت بتتنك عليا كده ليه اكمنك مز يعني لا على فكره انا ولا ياكل معايا خالص
رائد مردش عليها وفتح باب أوضتو وقال. ايه هتدخلي معايا الأوضه اتفضلي
عبير. لا انا أخاف
رائد.. لاوانتي وش خوف وكسوف قوي
عبير . ومين قال اني مكسوفه انا أخاف انت تتكسف
رائد اتنهد وقال .لا انتي مش طبيعيه أبدا وقفل الباب في وشها
عبير. استنا بس لاكن كام قفل الباب قالت كده تقفل في وشي ان ما خليتك تتحايل أقف معاك ميبقاش اسمي عبير
................
في اوضه في الأوتيل كانت هند بتوضب هدمها بغضب بس سمعت الباب خبط
جريت تفتح افتكرتو رامي بس لقتو شريف نفخت بضيق وقالت هو انت عايز مني ايه تاني بعد ما كدبت عليا وجبتني على مالا وشي
شريف دخل وقعد وقال ببرود.وانا عملت ايه لكل ده غلطت يعني علشان نورتك
هند بنرفزه.نورتني وانت لما تقولي رامي تعبان ومش قادر يعيش من غيرك وحشتيه جدا هو بنفسه قلي كده وتجبني من اخر الدنبا والاقيه متجوز تبقى بتنورني
شريف ببرود. اهدي بس كده وانا افهمك الي حصل
هند بسخريه.وايه بقى الي حصل
شريف. شوفي يا ستي انا كنت خاطب دنيا وحتجوزها وكل شيى كان تمام لحد يوم رجوع رامي دنيا اول ما شافته ومنكدبش على نفسنا هو شيك وشخصيه وغني ودماغه شغاله اعجبت بيه وهي كمان بما اننا قلنا نكون صرحين مع نفسنا هيا كمان مزه والصراحه انتي متتقارنيش بيها فهي حاولت توقعو وهو مخدش في أيدها غلوه وانا علشان راجل صريح مع نفسي فهمت الموضوع في منت وعلشان كده جبتك
هند بزهول من كلامو. وانا دخلي ايه في الي انت بتقولو يولعو ببعض اهو قدامها تشبع بيه
شريف. تشبع بيه مكنتش اعرف انك ضعيفه كده بصي يا هند انا جايبك لهدف معين انك تبعديها عنو وانا كمان من ناحيتي مش حقصر هماحياخدو اسبوع هنا عايزهم يمشو من هنا مفركشين وبعدها حلال عليا دنيا وحلال عليكي رامي لو موافقه انا عارف حنبدأ منين
هند فكرت شويه وقالت. موافقه ها هنبدأ منين
شريف بخبث.حتروحي لدنيا وتقوليلها زي ما هقولك بالحرف وسيبي الخطوه الجايه عليا
........................
عند رامي ودنيا كانت طلعت الاوضه وحتتجنن من الغضب
رامي طلع وقفل الباب بنرفزه لقاها بتطبق هدومها في الدلاب وقف قدامها وقال بهدؤ بصي انا هفهمك الي حصل ده سوء تفاهم هند دي تبقى
بس دنيا قاطعتو وقال ببرود.انا مطلبتش تبرر لي حاجه كل واحد حر في حياته وبعدين انا مش فارقلي خاطب متجوز متفرقش احنا الي ما بننا مجرد ورقه وبس
رامي اتنهد وقال. لا يا دنيا انتي حقك تعرفي
قالت دنيا بسرعه. لا مليش حق اعرف عنك اي حاجه ولا انت كمان ليك حق يعني لو شفتني واقفه مع واحد ولا داخله اوضتو حتي ملكش حق تسألني
بقلمي..زهرة الربيع
هنا رامي اتنرفز جدا محسش بنفسه شدها من دراعها بقوه وحاوطها بأيديه عند الحيط وقال بغضب.انتي قولتي ايه سمعيني تاني
دنيا اتوترت وخافت بلعت ريقها وقالت.الي سمعتو
رامي بهدوء وهو مميل عليها . طب بصي بقي سكوتي ليكي من الصبح على حركاتك الي فسرتيه على انو ضعف ما هو الى احترام للي انتي فيه والي انا سببو لا كن توصل للي قولتيه من شويه حتشوفي شخص تاني منصحكش تشفيه مش هيعجبك صدقيني
بعد عنها ومشي ناحية الحمام بس وقف لما قالت انت حيو.ان ربنا يخلصني منك
رامي ضغط على ايده بغضب وقال .وانا علشان حيو.ان منصحكش تختبري صبري انتي مجرباني قبل كده ومظنش لحقتي تنسي
ومشي بسرعه على الحمام مكانش عايز يشوف دموعها الي بمجرد ما دخل الحمام نزلت من عيونها زي الشلال بصت لدراعها لقت صوابعه معلمه عليه بقت ترتعش مسكت فوطه وبقت تمسح مكان ايده بقر.ف شديد
رامي غمض عيونه وفتح الميه عليه وبقى يلعن نفسه ويلعن غبائه وهو بيقول لنفسه ليه تقلها كده ليه تفكرها وتخوفها مش كفايه الي هي فيه ونزلت دمعه من عيونه مسحها بسرعه وقال مش وقت ضعف لبس هدومو وطلع وهو عازم امره انو هيعتزرلها عن كل شيئ ومهما كانت ردة فعلها هيستحملها
طلع بسرعه بيقول دنيا أنااا بس اتجمد من شدة الصدمه بعد الي شافو ووووووو