رواية عشق من قلب الالم الفصل السابع عشر17والثامن عشر18بقلم زهرة الربيع
الظابط.حضرتك متهم بقتل المدعو شريف كمال الصاوي فتفضل معانا
دنيا نزلت وسمعت الي قالو فأغمى عليها
رامي بخوف.دنياااا دنيا حبيبتي قومي ياقلبي دنيا ردي عليا وشالها بسرعه وحطها على الكنبه واتصل بعمه يجيب دكتور ويجي بسرعه
الظابط . لو سمحت اتفضل معانا مش هينفع كده
رامي بزعيق. انا مش هتحرك من هنا غير لما اطمن على مراتي
بعد شويه كان مروان وصل ومعاه دكتور وشاف البوليس الي على الباب ودخل لقا دنيا مغمى عليها اتخض جدا
مروان بخوف. فيه ايه فيه ايه يا رامي دنيا مالها وليه البوليس هنا
رامي باصص لدنيا برعب ومبيردش
مروان راح للظابط وقال. فيه ايه ياحضرت الظابط
الظابط. رامي بيه متهم في قضية قتل شريف الصاوي
مروان بصدمه. ايه شريف اتقتل ازاي وانا معرفش وجري على رامي وقال . الي بيقولو ده حقيقي قتلت ابن عمك
رامي بعدم تركيز باصص لدنيا وقال. لا طبعا يا عمي اكيد فيه سوء تفاهم ها يا دكتور طمني مالها
الدكتور فحص دنيا وابتدت تفوق وقال. هي كويسه ضغطها وطي فجأه دلوقتي تفوق وتبقى تمام
الظابط بحده.حضرتك انا مقدر الوضع بس مينفعش اكتر من كده وشاور للعساكر وقال هاتوه
رامي بيحاول يفك اديه من العساكر . اوعى انت وهو بقولكم معملتش حاجه ومراتي تعبانه سيبوني اطمن عليها
دنيا بارهاق . رامي
رامي فلت اديه منهم بسرعه وجري عليها. يا قلب رامي انتي كويسه يا دنيا
دنيا ببكا . عملت ايه يا رامي ليه تضيع نفسك مش وعدتني انك هتكون بخير
رامي حضنها وقال. انا تمام صدقيني محصلش حاجه انا معملتش حاجه هشوفهم عايزين ايه وارجعلك على طول وبص لعمه وقال انت مش محتاج توصيه عليها يا عمي
مروان . مروان هز راسو بمعني حاضر ورامي مشي مع الظباط تحت انظار دنيا الباكيه ومروان الي كان مستغرب تغير دنيا الواضح مع رامي
بعد فتره رامي كان في التحقيق
الظابط. يعني انت معترف انك كنت معاه امبارح وانك استخدمت سلاحك
رامي بضيق. لا يا حضرة الظابط انا كلامي واضح بقول لحضرتك كان هيخطف مراتي
الظابط.اه وعلشان كده قتلتو
رامي بضيق اكتر. هو حضرتك مش سامعني بقول لحضرتك انا ضربت نار على الراجل الي كان معاه لانو كان هيموتني بس شريف كان عايش لحد ما طلعت
الظابط. بس المخزن مكانش فيه غير جسة شريف وبس والي قدمت البلاغ قالت ان المجني عليه اتصل عليها وقال انك عايز تموتو وهي شهدت انك سبق وهددتو وخنقتو قدام الناس وفيه اكتر من شاهد على كده ده غير ن كل الادله الي اتوجدت مكان الحادثه بتأكد ان الجثه الي اتوجدت جثة شريف تنكر ان الرصاصه الي في دماغو من مسدسك
رامي بعدم استيعاب.انا مبنكرش ان الرصاصه خارجه من مسدسي بس الي اضرب بالنار مش شريف وبعدين اتصل على مين وشاهدة مين انا مش فاهم حاجه وهو مين الي مقدم البلاغ اصلا
المحقق قلب في الورق وقال. سعاد علي عبد الله
رامي اتفاجئ لما سمع الاسم وقال بسخريه كده صح بظبط كده انا مستغرب ليه هي هنا ممكن اشوفها
المحقق . ممكن تشوفها بس من غير مشاكل
رامي باستهزاء .اكيد دي مرات عمي
بقلمي..زهرة الربيع
سعاد دخلت مع العسكري وهي بتبكي بشده وباين عليها التوتر واول ما شافت رامي قالت. منك لله حسبي الله فيك قتلتو ليه يا ظالم قتلت ابن عمك حرمتني من ابني الوحيد
رامي كان بيسمعها بابتسامة استهزاء واتقدم عليها وقف قصادها وقال.اممم بقى الي انا ضربتو بالمسدس شريف
سعاد بتوتر شديد. ايوه شريف امال خيالو
رامي ببرود. وهو اتصل عليكي وقلك اني عايز اقتلو
سعاد بتوتر اكتر. ايوه قلي الحقيني يا ماما رامي عايز يموتني وانا جبت رجاله معايا وجنا فورا على المكان الي وصفو وجينا لقينا النار ماسكه في المكان كله واتصلت بالمطافي وبقيناونطفيها بس لقيت ابني حبيبي انحرق واتشوه لدرجه وشو مبقاش معروف وكان يا حبة عين امه واخد طلقه في دماغو معرفتش الحقو منك ياظالم وجريت على المحقق وقالت وانا وجايه شفتو يا بيه شفتو خارج من المكان الي ابني فيه هو الي عملها ووقعت بانهيار تستاهل عليه الاوسكر وقالت هتولي حق ابني
شريف كان متابعها بزهول ونظرات اشمئزاز واول ما وقفت جري عليها مسكها من رقبتها وبقى يخنقها وهو في قمة غضبه وقال. بقى انا يا وليه عملت ده كلو هتقولي الحقيقه ولا أطلع بروحك انطقي بقولك بس الظباط جريو عليه وبقو يبعدوه عنها
المحقق بغضب. ايه انت في زريبه هنا يا حيوان انت ازاي تخنقها كدا قدامي
رامي بيحاول يهدا قال. بص يا باشا الي حصل اني روحتلو بنائا على رغبتو لانو كان في مابينا مشاكل عائليه مش هقدر اقولها ورحت احلها بالود ولحد ما طلعت كان عايش ومكانش فيه نار ولا شئ من الي قالتو
المحقق. بس الي عاينو موقع الجريمه اقرو بان المكان محروق ومتفحم بص انت لا عايز اتقول ايه الي جمعكم هناك ولا عايز تعترف ولا معاك دليل واحد يثبت كلامك انا للاسف مضطر اتحفظ عليك وبكره هتتعرض على النيابه وهي تققر
خدو يا عسكري
رامي خرج مع العسكري هيوديه الحجز واتفاجئ بعمه ودنيا مستنينو قدام مكتب التحقيق
رامي . دنيا انتي ايه الي جابك هنا انتي تعبانه يا دنيا مبتسمعيش الكلام ليه
دنيا بلهفه. انت راجع معايا يارامي مش كده هما غلطانين مش كده
رامي بص لعمه بحزن وقال. عمي خد دنيا معاك القصر وخلي عينك عليها اليومين دول
مروان كان هيتكلم بس قاطعتو دنيا لما قالت. القصر ليه هو هو انت مش راجع مش هنروح بيتنا هو الي قلوه طلع صح وقالت ببكاشديد لييه يارامي ليه انا قولتلك طلقني مش هستحمل تتأذي بسببي قولتلي انك هتكون بخير ليه تضيع مستقبلك لييه
رامي دنيا اسمعيني انا لو قلتلك انا معملتش حاجه وحياتك عندي مقتلتو هتصدقيني
دنيا . انا مصدقه انك متقتلش حتى لو انت قولتلي العكس
رامي بابتسامة حب .. يبقى خلاص روحي مع عمي وانا هتصرف انتي بس متقلقنيش عليكي ماشي وقبل ما ترد كان العسكري مشي بيه ودنيا عينها عليه اول ما ابتعد قعدت على كرسي وانهارت من البكا تحت انظار مروان الي هيتجنن حرفيا مش عارف ايه الي بيحصل وليه رامي يقتل شريف وليه دنيا خايفه عليه بالشكل ده
مروان . يلا معايا يابنتي هو ان شاء الله هيكون بخير
دنيا اترمت في حضنو وانهارت وفضلت تقول. انا السبب يابابا كلو بسببي مستقبلو كلو باظ بيببي ويا ريتني حتي قولتلو كلمه واحده كويسه اتحمل كتير مني يابابا وكانت منهاره جدا
مروان طبعا مش معانا في القصه خالص مش فاهم اي شئ بس كان بيهديها وبيحاول يخفف عنها اخدها ومشي هما الاتنين
في نفس اليوم باليل في القصر دنيا حكت لبباها كل الحكايه من الاول للاخر وقالتلو على الي عملو شريف من الاول لحدما كان عايز يخطفها ومروان كان مصدوم جدا ازاي شريف طلع بالحقاره دي وهو كان هيجوزو بنتو الوحيده قال بحزن وصدمه ازاي شريف عمل كل ده دانا كنت بعامله كانو ابني معقوله وبص لدنيا لقاها بتبكي قعد جمبها مسح دموعها وقال كافايه دموع يا دنيا احنا مكناش شايفينو على حقيقتو ولا نعرف نواياه بس ربنا شايف وعارف ونجاكي منو وجوزك لللي كنت بتمني من وانتي صغيره تتجوزيه دنيا اتفاجأت وبصت لبباها الي قال ايوه يا دنيا من زمان بتمنى تتجوزي رامي وربنا حقق امنيتي وجمعكم وهينجيه لانو طيب وانا متأكد انو برئ
تاني يوم رامي كان في النيابه
المحقق . اهلا اهلا برامي باشا الصاوي
رامي . اهلا بحضرتك
المحقق . ما دام قلتلي حضرتك يبقى ما عرفتنيش
رامي باستغراب. لا الصراحه مش واخد بالي
المحقق . الصراحه انا كمان لولا الاسم مكنتش عرفتك
رامي . طب ما اتشرف باسم حضرتك يمكن اعرفك انا كمان
معاك فريد حسين احمد
رامي فكر شويه وقال . فريد اذيك يا نهار ابيض اتغيرت جدا
فريد. انت كمان اتغيرت اوي ايه الي رماك الرميه السوده دي
رامي بتنهيده. النصيب بقى
فريد . طيب جاهز نبدأ التحقيق
رامي حكى لفريد كل حاجه غير طبعا السبب الي وداه لشريف وقلو زي مقال في القسم مشاكل عائليه
فريد اتنهد وقال. للاسف يا رامي موقفك وحش جدا ومفيش ولا شئ يثبت كلامك الي قلتو ده غير الشهود الي شهدت انك هددتو قبل كده وطبعا تقرير الطب الشرعي مش في صالحك ده غير الرصاصه الي انت بنفسك اعترفت انها من مسدسك
رامي . عارف بس انا قولت بدل المره مليون ان الي انضرب بالرصاص مش شريف ده الراجل بتاعه
فريد .ايوه يا رامي انا مصدقك بس احنا بناخد بالادله بس فيه طريقه واحده بس
رامي بلهفه. هي ايه وووووو
الفصل الثامن عشر
فريد .ايوه يارامي بس احنابناخد بالادله بس فيه طريقه واحده بس
رامي بلهفه. الي هي ايه
فريد . الي هيه شريف نفسه
رامي . مش فاهم ممكن توضح
فريد . هقولك كل حاجه بس الاول عندك صديق تكون بتثق فيه جدا
رامي بسرعه . ايوه رائد
فريد بتفكير . امم رائد هاني ده الي كان معانا في ثانوي مش كده
رامي . كان معاك انت في ثانوي بس انا معايا عمره كلو
فريد. يا سيدي ربنا يخليكم لبعض اسمع بقى هنعمل ايه هتخلي رائد يراقب الي اسمها سعاد دي او اي حد تشك ان شريف ممكن يقابلو لو هو عايش فعلا وحاول يتواصل مع اي حد ساعتها يصورو صوت وصوره وكده يبقى عندك دليل قوي انو عايش انت ابن عمه وعارف مين اول واحد ممكن يرحلو
رامي بغضب . انا عارف هو هيروح لمين الاول بس زي ماانت قولت مفيش حل غير اننا نستناه يظهر رائد جايلي انهارده وهقلو وان شاء الله تظبط
فريد . ان شاء الله للاسف بعد السنين دي كلها نتقابل هنا وانا دلوقتي مضطر اني
رامي . مفهوم مفهوم ولا يهمك
فريد. اكتب يا بني يحبس المتهم اربعة ايام على زمة التحقيق ويراعى التجديد في الموعد اشوفك على خير يا رامي
رامي اخدوه على الحبس ورائد رحلو يزوره وحكالو كل الي حصل وقلو على خطة فريد ورائد وافق وكان زعلان جدا على رامي وعايز اي طريقه يساعدو بيها
رامي اسمعني كويس يا رائد طبعا انت عارف مين اول حد ممكن يرحلو
رائد . عارف اكيد دنيا اكيد هيروحلها انا هراقبها ٢٤ ساعه وان شاء الله اقدر اصورو
رامي بخوف. الاهم من انك تصورو انك تحميها يا رائد مش عايز الحيو.ان ده يأذيها وبلاش تقلها حاجه علشان متخافش
رائد بطيبه. متخافش على دنيا دي في عنيا
رامي بغيره. في عنيك.. في عنيك ليه يعني كفايه انها تبقى قدام عنيك بدل ما اطلع عنيك وحوطهملك في اديك
رائد بضحك. يا عم انت في ايه ولا في ايه . على العموم حاضر حخليها قداام عنيا مبسوط كده
رامي بحزن. طلب اخير يا رامي حاول متخليهاش تيجي هنا مش عايزها تشوفني هنا
رائد بحزن . متقلقش يا رامي مش هخليها تيجي انت شد حيلك بس وملكش دعوه بالباقي
رائد خرج من عند رامي وحزن الدنيا في قلبه على حال صاحبو بس افتكر عبير وان من ساعت الي حصل مكلمهاش حتي بالتليفون ركب عربيته وراحلها لقى زحمه وطبعا عامللين عزاء لشريف وفي ناس كتير بقى يدور عليها بعيونه وسط الحضورلحدما عينه جت عليها كانت منهتره وبتبكي بشده اول ما شافتو جريت عليه ورمت نفسها في حضنه رائد صعب عليه حالها جدا وقلبو وجعو عليها اخدها وطلعها بعيد عن الناس علشان تتحسن وقعد جمبها يهديها
رائد . احسن دلوقتي
عبير. الحمد لله
رائد . انا اسف يا عبير كان المفروض اكون هنا من امبارح بس
عبير بمقاطعه . بس ايه انشغلت بصاحبك الي قتل اخويا مش كده
رائد باستغراب. ايه الي بتقوليه ده يا عبير انتي تصدقي ان رامي يقتل ويقتل مين ابن عمه
عبير . انا مكنتش اصدق انو يغتصب وعملها ومع مين بنت عمه بردو بس انا مش متفاجئه من الي عملو قد مااتفاجئت بالي انت عملتو
رائد بغضب بيحاول يداريه .وانا عملت ايه
عبير . عملت ايه انت في الوقت الي المفروض تقف جمبي فيه وانا باخد عزا اخويا الوحيد ماما منهاره وبابا تعبان مبيردش من ساعت ما سمع الخبر وانت فين مع الي عمل فينا كده مع الي قتل اخويا الوحيد
رائد بغضب. ما ماتش يا عبير والله ما مات اخوكي ده شطان كل همو يوقع رامي ويأذيه افهمي مفيش داعي لحزنكم ده اصلا وفروه لما يتقبض عليه وياخد جزائو
عبير. الله الله حلوه الحكايه دي لا جديده بقى اخويا الي عينينا طلعت على ما طلعناه من المشرحه ودفناه بادينا مماتش دفنا خيالو بقى واحنا مش عارفين
رائد اسمعيني يا عبير
عبير لا اسمع انت يارائد كلمتين ملهمش تالت القضيه دي هنكسبها فأنابقولك اهو يا تختارتقف معانا وانا انسالك اى تقصير ياتروح لصاحبك وتنسانى خالص
رائد بلع ريقه بخوف انو يكن الى في بالو صح وقال . يعني ايه
عبير . الي فهمته يا انا ياصاحبك القاتل
رائد انا مش هسيب رامي يا عبير رامي مظلوم والايام هتسبتلك
عبير قلعت الدبله ورمتهالو وقالت كده تمام انت فشلت في اول اختبار مابينا ومشيت ودموعها على خدها ورائد بيبص لاثرها بحزن نزل على الارض و سك الدبله وبصلها بدموع ومشي
مر اسبوع بدون احداث تذكر رامي لسه محبوس ودنيا منعها بباها انها تشوفو وشريف ملوش اثر والكل حزين جدا على رامي خصوصا لما اكدلهم المحامي انها قضية قتل مع سبق الاصرار والترصد وان فيها اعدام ولو قدر ياخد مؤبد يبقى كويس دنيا كنت منتهي حرفيا ومروان مابين تلحزن والندم على كل الي قالو لرامي قبل كده ورائد مابين حزنو على صاحبو وحزنو على خطيبتو الي انتهت قصتهم قبل ما تبدا
الاسبوع كان اسبوع حزن على الجميع لحد ما جيه يوم ورائد كان بيراقب دنيا مع انها من ساعت الى حصل مخرجتش لاي مكان ولا كن بيفضل تحت البيت يمكن تخرج او تحتاج حاجه بس اتفاجا بعبير فتحت باب العربيه بتاعته وقعدت فيها بسرعه
رائد فرح جدا لما شافها وقال بفرحه عبير اذيك بس فاق لنفسه وقال ببرود حاول يبينه ايه ده ايه ده انتي ازاي تركبي كده انا سمحتلك اصلا تركبي
عبير قربت عليه بجرائه وقالت بحب. وحشتني وحشتني العيون الي متعرفش تداري
رائد اتوتر من قربها ونظراتها المهلكه . قال عايزه ايه ياعبير
عبير قربت اكتر . وقالت عايزه اعتذر واخد دبلتي لاني نستها معاك اخر مره
رائد . احم الي نستيها قصد ك الي رمتيها
عبير قربت عليه بطريقه لاتحتمل ومشت ايدها على خده وقالت. تؤتؤ الي نستها معاك يلا لبسهالي
رائد بلع ريقه بصعوبه وغمض عنيه واخد نفس عميق وقال.عايزه توصلي لايه بظبط وكمل بتوهان انتي عارفه اني مش حمل الي بتعمليه ده
عبير ضحكت من قلبها وبعدت وقالت. خلاص والله هتكلم بجد انا اسفه لاني مصدقتش كلامك انا اتأكدت ان شريف عايش زي ماقولت
رائد بصلها باهتمام وقال. واتأكدتي ازاي انو عايش
بقلمي...زهرة الربيع
عبير . سمعت ماما بتكلمو وبتقولو يجي البيت بسرعه لان باباتعبان من ساعت ماافتكر انو مات وهي قلقانه عليه معرفتش هو قلها ايه بس سمعتها بتقلو يعني اكيد بكر هتقابلها وبعد كده قلتو بس متتأخرش اكتر من كده يا شريف
رائد بفرحه الكلام ده كان امتي
عبير. امبارح بالليل
وهما بيتكلمو شافو دنيا طالعه بسرعه من القصر وركبت عربيتها وطلعت بيها ورائد طلع وراها من غير حتي ماينزل عبير
نزلت دنيا في مكان غريب واضح عليه انو مكان لتجميع الخرده والمعدن ورائد نزل وراها هو وعبير واتخبو في مكان يعرفو يصورو فيه من غير ما حد يشوفهم
بعد شويه جيه شريف ودخل وبص لدنيا بخبث وقال. اهلا اهلا بالغاليه مرات الغالي
دنيا بدون مقدمات قالت. طلباتك يا شريف انا جهزه اعمل الي تقول عليه كلو بس تخرج رامي انت عارف ان ملوش ذنب
شريف. حيلك حيلك على طول كده تفاوض مفيش وحشتني ياشريف الحياه مش حلوه من غير يا شريف ايه بخل المشاعر ده انا حتى جايلك من الموت
دنيا بزهق. قول يا شريف الي معاك خلينا نخلص وطلع رامي من لعبتك الوسخ.ه كفايه عليه الي حصلو
شريف بغضب. انا خرجتو منها لعبتي بس هو دخل نفسو واتحشر فيها رامي كان اخره معايا اليله الحلوه الي قضاها معاكي وكانت كتيره عليه كمان انا تعبت تعب في العبه الوسخ.ه الي مش عجباكي حطتلو المخدر في الهباب الي بيشربو بالعافيه وكنت خايف حد يشفني وروحتو معاكي بعد عذاب وضحيت بدخلة مراتي المستقبليه وخليتو هو عملها قبلي وطلبت من عمي انو يكتبلي الشركه وهو وافق لحد ما جيه الحيوا.ن رامي وبوظلي كل تلي خططتلو بقى انا بعد ده كلو اطلع بلوشي كده بعد ماكنت هتجنن ليلتها وانا عارف ان الي هتبقى مراتي مع راجل غيري بس كان الي بيهون عليه انك اكيد مش راضيه كان غصب عنك اكيد كنتي عيزاني انا يا دنيا مش كده وحط ايده على خدها
عبير ورائد كانو بصين لبعض بصدمه من كلامو ودنيا كانت بتبص له بقر.ف شديد من كلامو زقت ايده بغضب وقالت. اناهنا علشان اعرف طلباتك ملوش لزمه الكلام الفاضي ده كلو اتفضل عايز ايه انا مستعده لاي شئ
شريف . ياه ده ايه كل الحب ده معقوله شهرواحد يوقعك كده لا جامد بصحيح
دنيا هتقول ولا امشي
شريف . ٣ حجات هما اساسا من حقي وانا مش هطلب غير حقي
دنيا .. وهما ايه بقى
شريف.. اولا الشركه بتاعت عمي الي كان هيكتبهالي
دنيا .موافقه وايه كمان
شريف ثانيا ورقة طلا قك تطلبي منه الطلاق وتخليه يوافق وتجبيلي ورقه الطلاق
دنيا بدموع. بس بس دي هتاخد وقت و
شريف بمقاطعه .مش مشكلتي
دنيا. والطلب التالت
شريف بغضب. ابنو الي في بطنك ..مش عايزو وضم ايده بغل واتقدم عليها
دنيا حاوطت بطنها باديها وبقت ترجع لورا برعب وبتقول.لا اكيد لا حرام عليك ذمبو ايه يا شريف اطلب اي حاجه تاني ابوس ايدك رفع ايده هيضربها بس رائد مسك ايده بشده وقال عبير خدي دنيا وطلعيها بره بسرعه
عبير ودنيا كانو هيجرو بس حاوطوهم رجاله مسلحين