رواية شمس
الفصل الخامس والعشرون25
بقلم هبة احمد
ام سعيد / بسم الله ماشاء الله قمر تعالى اقعدى جنبى يا بنتى
ابو سعيد/ احنا يشرفنا نطلب ايد بنتنا شوقية لابننا سعيد
ام عباس / طب خدو وقت تفكروا علشان تعرفوا احنا مين و عايشين ازاى
ابو سعيد / انتى عندك جواهر غالية مش بنات ماشاء الله ادب و اخلاق
ام عباس / انا يشرفنى طلبكم بس بروضة خدو وقت للتفكير انتم شافتونا هنا فى البيت بس ماشوفتوش البنات وهم متبهدلين فى الموقف ولا فى القطر
ابو سعيد / احنا عارفين كل حاجة وبكرر طلبى يشرفنى وجود بنتك فى حياة ابنى انا كنت اعرف المرحوم ابوها كان صاحب اخوية
ام عباس / تمام أيه رأيك يا عروسة
شوق / بصت في الأرض و ابتسمت
ام عباس / على بركة الله
ام سعيد / بكرة انتم معزمين عندنا علشان تتعرفوا على بنتى وابنى
ام عباس / خليها الاسبوع اللى جاى تكونوا فكرتوا كويس انا بنتى غاليه عليه علشان كدة مش عوزة فى يوم زوجها يقولها اهلك كانوا كذا
ابو سعيد / انا هاجى اخدكم تتغدوا معانا بكرة و مفيش نقاش يلا ياحاجة وانت يا دكتور هتاجى ولا
دكتور سعيد / انا جاى معاكم طبعا وأخرج من جيبة علبة صغيرة دى هدية أبوية ليكى اتفضلى
شوق / اخدت العلبه متشكرة ياعمى
بعد ما دكتور سعيد و أهله ما ماشوا
سوكة / مسكت شوق من قفاها تعالى اعترفى انتى عرفتى تلخبطى كيان الراجل ازاى
شوق / هو انا مش بحلم صح
رحمة / طااااخ على قفاها فوقى يابنت غزالة
ام عباس / سبوها يابنات
شمس / الف مبروك يا قلبى
ام عباس / عاوزين نتغدا علشان هانزل الدكان
رحمة / لا النهارده إجازة انا هانزل اروح اجيب بضاعة وشمس معايا
شمس / عوزة اجيب عباية بطرحتها بالبيشة
رحمة / هو انتى هتفضلى لابسه النقاب على طول
شمس / أيوة النقاب باعد عنى حاجات كتير وحشة على الأقل محدش يعرف انا مين و انا لابساه
رحمة / يلا الاكل جاهز
شوق / انا شبعانة لمدة شهر ادام
رحمة / خبطتها على ضهرها تعالى كلى
سوكة / هاتى العلبه اللى معاكى ورينى فيها أية
شوق / خدى فيها خاتم
سوكة / الصراحة د خاتم شيك اوى مبروك
ام عباس / عاوزين تفرز جهاز اختكم علشان نكمل الناقص شكلهم مستعجلين
شمس / ساهلة يوم الجمعة نشوف ناقص أية
شوق / هتجيبى فلوس منين عمليتى و ثروت ابن خالتى خلصوا اللى معاكى
ام عباس / خزئن ربنا مليانة قولوا يارب
الكل يارب
بعد الغدا خرجت رحمة وشمس يشتروا البضاعة
شمس / أية رأيك فى الطقم دة ممكن تسألى على سعره
رحمة / هيبقى واسع عليكى بقولك أية رأيك فى دة لونه موف فاتح هيبقى جميل عليكى
شمس / تعالى نسأل على تمنه
رحمة / تعالى و دخلوا المحل لاقوا عابد خارج هو و بناته و خيرة معاهم اكياس فيها لبس
شمس / مسكت ايد رحمة جامد وبصوت واطي تعالى نرجع وهى بتنفض
رحمة / داست على رجل شمس جامد
شمس / صرخت من الالم
رحمة / مسكتها مالك يا حميدة لسه معاكى مغص
شمس/ أيوة و جامد
عابد / أتلفت بص عليهم ومشى
شمس / دة عابد زوجى انا خايفه يعرفني
رحمة /هو هيعرف مين انتى بالخيمة اللى حضرتك لابسها محدش يعرفك استنى هاصوره هو و اللى معاه صورة للذكرى انا توقعت أنه هو من صورته في البطاقة
شمس / يخربيتك انتى هتودى نفسك و انا معاكى فى داهية
رحمة / متخفيش وشغلت كاميرا الفون وعملت أنها بتتكلم وصورت عابد و بناته اكتر من عشرين صورة
شمس / يلا نمشي
رحمة / هو مشى تعالى نشترى الطقم
شمس / انا خايفه يعرفني تعالى نمشى احسن
عابد / كدة تمام عاوزين ننفذ المطلوب بالعقل ماشى
شهد / انا مش هاقدر اعيش و انتم بعاد عننا احنا محتاجين لوجدكم معانا
عابد / معلش غصب عنى والله
شهد. / طب و المدراس هنخرج منها لا دكده حرام
عابد / الا تعليمكم انتم هتروحوا المدراس و هتكملوا تعليمكم و تتخرجوا من الجامعه
خيرة / بنت اختى مدرسه ابتدائي هتساعدكم
شهد / الأمر لله وحده
عابد / انا عوزك ياشهد بكرة تعملى
فهد / دكتور محجوب حاسس ان جنبى بيوجعنى جامد
دكتور محجوب / ام السعد تعالى اعملى نعناع اخضر لفهد
سعدية / حاضر من عنيه الف سلامة عليك
فهد الله يسلمك ابقى بلغى بهيجة انى تعبان جامد
سعدية / حاضر هاروح اجيب الفون بتاعى علشان اكلم ست بهيجة جنب دكتور محجوب
فهد / مش قولتلك أن سعدية عجينه طرية ممكن تشكلها زى ما انت عاوز
دكتور محجوب / عندك حق و الله هى طيبة جدا و فعلا عوزة الستر عاوزين الدوا ده ضرورى
فهد / هو انا عندى أية
دكتور محجوب / شكلك عندك التهابات جامدة لازمك مضاد حيوي و مطهر قوي و مسكن و فوار
فهد / يعنى هاموت صح
دكتور محجوب / الاعمار بيد الله سبحانه وتعالى
فهد / ونعم بالله
دكتور محجوب / فكرى روح هات العلاج ده ضرورى
فكرى / عاوزين فلوس
سعدية / خد فلوس كتير هات العلاج و تعالى
دكتور محجوب / هو مش فى فلوس تمن بيع الفراخ البيضة هات منهم مهو الاخ ده كان شغال بينضف و بيراعى الفراخ خدى فلوسك
سعدية / حاضر ستى بهيجة بترن عليه
دكتور محجوب / ردى وبلغيها أن فهد تعبان جامد
سعدية / حاضر وبلغتها
بهيجة / خبط....