رواية تحدي مع الشيطان الفصل الثامن والتاسع بقلم زهرة الربيع
هنا وندى بصو لبعض بصدمه مش مصدقين الي سمعوه
هنا باستغراب..انت قولت ايه تتجوز مين لا دانتو حالتكم صعبه اوي في البيت ده ولاواحد عاقل
سليم بضيق ..هنا عايزك لوحدنا عن اذنك يا ندى خمس دقايق
هنا بقلق..اتفضل لما اشوف اخرتها رجعالك يا ندى ندى شورتلها براسها بمعنى حاضر ووقفت مكانها مش فاهمه حاجه خالص
هنا بغضب.. ها عايز تقول ايه وتقول ليه انا فهمت لوحدي مكفاكمش انت واخوك الي عملتوه معايا عايزين تدخلو اختي كمان في لعبتكم بس انا مش هسمحلكم بده ندى صغيره ومش حمل بهدله انت فاهم
سليم بضيق..خلصتي طيب اسمعيني كويس اولا انا مش حاتم علشان يبقى سهل عليا أئذيكي أو أئذي حد من عيلتك انا افديكي بعمري ياهنا لازم تعرفي ده كويس اما بنسبه لجوازي من اختك فده لمصلحتك قبل مصلحتي
هنا باستغراب..ده الي هو ازاي بقى
سليم بحزن..انا فكرت كويس واتوصلت ان طالما حاتم شايفني لسه بفكر فيكي هيأذيني بيكي وانتي الي بتنجرحي بسببي يا هنا وانا كمان مش قادر استحمل خايف اغلط جوازي من ندي هيفكرني دايما انك مش ليا وهيخلي حاتم يعرف ان مش بفكر فيكي واني خلاص نسيتك فيبطل الي بيعمله ده
هنا بزعل عليه..احم لو بتقول كده علشان الي عمله من شويه فده
قاطعها سليم وقال..من غير ما تكملي ياهنا انا فاهم انو مش برغبتك وكمل باسف وكمان فاهم انو حقو وعلشان كده بقولك هتجوز ندي حاتم حيحط في دماغو اني بقاش يدايقني وجودو معاكي وكده ممكن يسيبك في حالك وكمان انتي مستحيل تفكري في جوز اختك وكده تنسيني وتعيشي حياتك انا تعبت يا هنا الي اتحرم عليا امبارح خدو هو بكل سهوله انا حاسس بنار جوايا ساعديني ارجوكي ساعديني انساكي
هنا بدموع..اتجوز اي حد غير ندى ندى لسه صغير حرام اضيع مستقبلها علشان مشاكلي
سليم ..انا عمري ما هأذيها ومش هقربلها ابدا انا عايز اتجوز ندى لان وجودها قدامنا كفيل يخلينا نفتكر اننا مش لبعض اناهكلمها ولو وافقت هكلم بباكي لنهارده
هنا ..بابا ممكن ميوافقش
سليم سبيها عليا انا هقنعه
سليم.كان هيمشي بس وقف لما قالت..ايه الي بينك وبين حاتم يا سليم ايه سبب الكره ده كلو
سليم بألم..هوصل اختك واقولها هيه وبباكي ولما ارجع باليل هحكيلك لازم تعرفي انا اصلا محتاجك معايا انتي الوحيده الي ممكن تساعديني
سليم خرج هو وندى وهنا قعدت تفكر في كلامو وخايفه جدا على اختها ومستغربه حياتها الي اتقلبت في غمضة عين
حاتم كان في الشركه متعصب جدا وكل ما يفتكر الي حصل في الصبح يتعصب اكتر كل ما يفتكر قربو منها ضعفو معاها يبقى هيتجنن قاطع تفكير صوت الباب
حاتم بزعيق..ادخل
السكرتيره..حاتم بيه ممدوح بيه بره عايز يشوفك
حاتم بضيق..دخليه
ممدوح بغضب.. اقدر اعرف انا عملت ايه علشان توقف الشغل الي ما بننا فجأه
حاتم ببرود..امم مش ضروري تعرف خلاص اناوانت مفيش ما بينا اي تعامل وده اخر كلام عندي فمتضيعش وقتك
ممدوح بغضب..يعني ايه هو لعب عيال فيه عقود و
قاطعو حاتم وقال..قبل ما تهدد او تفكرني بالعقود انا مش بتراجع في كلامي وبنسبه للشروط فانا مش هدفع جنيه واحد وأظن من حقي لما اعرف ان المنتجات منتهية الصلحيه اوقف التعامل ده كويس اني مبلغتش عنك
ممدوح بلع ريقه بتوتر وقال..انت مين قلك الكلام ده كدب صدقني كلو كدب وانا
حاتم ..اششش خلاص صدقني مفيش فايده من التفاوض لو هتفضل هنا لبكره مش هغير كلامي اتفضل متضيعش وقتك ووقتي
ممدوح بهدوء..دا
حاتم بمقاطعه..ايوه اخر كلام يالا اتفضل
ممدوح خرج بعصبيه وهو بيتوعد لحاتم
حاتم حس بصداع وانو مش هيقدر يكمل طلع من الشركه واتوجه للقصر
سليم كان بيو صل ندى وساكتين طول الطريق لحد ما وصلها وقف العربيه تحت البيت ندى كانت هتنزل بس سليم قال استني يا ندي عايزك
ندى فضلت مكانها وساكته
سليم بهدوء ..بصي يا ندى انا اتكلمت مع اختك في موضوع جوازنا ولو انتي وافقتي هكلم بباكي كمان
ندى ..هو انت عايز تتجوزني ليه
سليم اتنهد وقال..بصي يا ندى انا هكون صريح معاكي انا وحاتم اخويا فيه مابننا مشكله كبيره وهو زعلان مني جدا ولما عرف اني بحب هنا اتجوزها علشان يضايقني بس هو لانو فاكر انو هنا لسه بتفكر فيا بضايقها هيه كمان
ندى بحزن..وطبعا جوزنا هيخليه يفكر انك نستها وهيه نسيتك مظبوط
سليم.. مظبوط وانا اوعدك ان جوازنا هيبقى مجرد ورقه قدامو يعني مش هضايقك ابدا و فترة جوازنا دي هتكون مؤقته لحد ما اظبط وضعي معاه وبعدين كل واحد يشوف حياته ها اكلم بباكي
هنا..انا موافقه كلمو بس يمكن ميوافقش
سليم... هيوافق لنفس الاسباب الي انتي وافقتي علشانها انتي سبيني اقنعه وفعلا دخل معاها وشرحلو الوضع في الاول ما وافقش بس ندى اقنعتو انها موافقه وان لازم تقف مع اختها فوافق بصعوبه
هنا طلعت تريح شويه براحتها لان امال قالتلها ان حاتم بيفضل في الشركه طول اليوم خدت دش وطلعت لبست قمي.ص بيتي ونامت
حاتم جبه تعبان راح لاوضة والدتو بس لقاها نايمه محبش يصحيها راح لاوضتو واتفاجأ بهنا نايمه على السرير بقمي.ص رغم انو عادي الى انو جميل جدا عليها شكلها كان مغري لابعد الحدود اتنهد بتعب من افكارو ودخل يا خد دش
اول ما قفل باب الحمام هنا صحيت بصت لنفسها واتكسفت جدا جريت لبست بيجامه وقعدت على الكنبه
حاتم خرج بص لقاها قاعده ولابسه البيجامه بصلها باستهزاء وقال ..ايه فشلت خطتك فغيرتيها
هنا بعدم فهم ..خطة ايه مش فاهمه
حاتم ببرود.يعني خطة تلبسي قصير وتستنيني بيه وتعملي نايمه وتجربي حظك يمكن شكلك يعجبني او ابصلك
هنا اتصدمت من تفكيره فضلت باصالو بزهول وهو قرب عليها وقال ايه مصدومه اني قريت افكارك متزعليش اوي كده وحط ايديه على وسطها بوقاحه وقال اهو الي مجابهوش القمي.ص تجيبو البيجامه
هنا اتنرفزت من كلامو قالت بغضب..انا مشوفتش في حياتي انسان متخلف زيك حقيقي انت مريض
حاتم بعصبيه..بقول ايه وفري التهزيئ ده لحبيب القلب هو بيستحمل الاهنات متعود عليها وبلاش انا ماشي بلاش احسنلك وكان هيخرج بس هنا قالت بغيظ..اهو الي مش عاجبك ده احسن منك مليون مره على الاقل عنده قلب ومبيأذيش حد
حاتم اول ماقالت كده اتجنن حرفيا وشو اتحول لغضب رهيب ومسكها من فكها بغل لدرجة اتخبطت في الحيط وقال.. معاكي حق في دي هو احسن مني لاني انا ببين السواد الي جوايا بس هو بيعرف يداريه وطمني قلبك عمره ماهيأذي لان الي عمله لحد انهارده كفايه اوي وسابها ومشي وهيه قعدت مكانها بالم من مسكتو حست انها مخنوقه هتموت حرفيا ومش عارفه تعمل ايه سمعت صوت عربيته وعرفت انو مشي فلبست سدال وطرحه وطلعت في الجنينه تشم هوا
سليم رجع من عند ندى وهو متضايق مش عارف الي عملو صح او لا وتفكيره بيوديه ويجيبه لقا هنا في الجنينه وباين عليها الخنقه قوي
سليم ....هنا قاعده كده ليه ومالك هو حاتم ضايقك تاني
هنا بسخريه..حلوه ضايقك تاني دي تحس ان اخوك بيضايقني كل فين وفين او مبيبقاش قاصد اخوك متعمد يهني ويضايقني كل ما يشوفني زي ما اكون قتلتلو ابوه
سليم قعد جمبها بحزن وقال..هو مش قاصد يضايقك انتي صدقيني كل شئ انا المقصود بيه وانتي حظك لاسود وقعك معايا لو كنت اعرف انو هيعمل كده مكنتش خليتو يعرف بعلاقتنا كان زمانا مرتاحين
هنا بصتلو باهتمام وقالت..ايوه ليه ليه كل الغل والكره ده ليك انا مصدقش انك ممكن تكون اذيته او اذيت اي حد يا سليم
سليم بحزن..اهو انا عمري ما أذيت حد بس اذيت حاتم اذيت اخويا الوحيد تصدقي دي
هنا...ازاي
سليم اتنهد وقال الحكايه بدأت من اكتر من سنتين كان حاتم ساعتها انسان تاني بحب الحياه والناس مكانش يبطل ضحك عمره ما أذى نمله كان بيحبني جدا وقبل ما اطلب اي حاجه يعملها وكان طيب لدرجه كنت انا بنسبالو ابليس وكنا اناوامي بنخاف عليه من كتر طيبة قلبو وفعلا الي خفنا منو حصل اتعرف على بنت محجبه لبسها محتشم وموؤدبه لابعد الحدود التزامها وحجابها ولبسها المقفول عكس كتير بنات بيشوفهم خلها اعجب بيها وشويه شويه حبها والحب اتحول لجنون كان بيخاف عليها كان بيموت فيها وبيغير عليها من الهوا اتطورت علاقتهم بقا ميقدرش يستغنى عنها كان يحكيلي انو حاس انو لو بعدت عنو يموت وخطبها وعملو حفله محصلتش وحددو معاد الجواز بس اتهدت كل احلامو لما طلعت كدابه وكل الالتزام والادب قناع علشان توقعو وهمها الفلوس وبس سليم دموعو نزلت وكمل بألم..بس للأسف هو مكشفش حقيفتها بطريقه سهله اتكشفت قدامو بأبشع طريقه لما شافها في حضن واحد في سريره بطريقه توجع القلب اتدمر كلمت اتدمر قليله اوي جاتلو صدمه الدكتور قال ان قلبو كان هيقف منها انهار بعدها وفقد الثقه في الكل ومن يومها وهو زي ماانتي شايفه كده
هنا دموعها كانت نازله ومبتقفش رغم كل الي عملو بس صعب عليها قوي قالت بألم..علشان كده قلي بكره المحجبات ودايما حاسس اني بضحك عليه علشان كده كاره لبسي معقوله فيه حد يأذي حد بالشكل ده معقوله واحده تلاقي حد يحبها الحب ده كلو وتعمل فيه كده بس انا بردو مش فاهمه انت بقى ذمبك ايه
سليم دمعو نزلت بألم وحسره وقال اانا الذمب كلو ...انا ..انا وبكي بحرقه وقال انا الي كنت معاها وانا الي شافني معاها في الوضع ده ووووو
الفصلالتاسع
سليم دموعو نزلت بألم وحسره وقال ..انا الذمب كله ..انا..وبكي بوجع وقال..انا الي كنت معاها وانا الي شافني معاها في الوضع ده
هنا برقت بصدمه وبقت مش قادره تتكلم اصلا قالت..انت ..انت بتقول ايه..ههه مش فاهمه..يعني..يعني انت الي..اه ازايي بلعت ريقها وقالت لا ..لالا متعملهاش .انا انا متأكده انت مستحيل تعمل كده انت بتقول كده علشان اكرهك انا متأكده لا مستحيل
سليم بحسره..للاسف ده الي حصل بس والله العظيم مكنت اعرف والله ما اعرف انها هيه نفسي في فرصه بس يسمعني نفسي بس اعرف بيفكر حتي في ايه انا الموت اهون عندي من انو يكون فاكر اني قصدت اعمل فيه كده وبكى بألم شديد
بقلمي...زهرة الربيع
هنا قعدت وحاولت تهدى علشان تفهم قالت..اهدى ياسليم وفهمني ازاي خطيبة اخوك وكنت معاها زي ما بتقول وانت متعرفهاش تيجي ازاي دي
سليم حاول يهدى وقال..انا لما حاتم اتعرف عليها كنت مسافر بدرس وكانت عجباني الحياه بره اوي ومكنتش بنزل حتى اجزات وقتها فضلت سنتين مجتش فيهم ولا مره بس لما قلي انو هيعمل حفلة خطوبه حاولت انزل اجازه بس كانت فترة اختبارات ومقدرتش انزل ف حاتم قلي يأجل الخطوبه بس انا اصريت عليه يعملها في معادها لاني عارف انو مستعجل جدا وفعلا عمل خطوبتو من غير ما اشوفها ولا مره ومع انو كان غيور جدا عليها ومبيحبش يصورها لاكن اتصور معاها وبعتلي الصور علشان يفرحني كانت محجبه وشبه مش حاطه ميكب لبسها طويل ومقفول مركذتش في ملامحها وبعد الخطوبه بشهرين نزلت اعمل لهم مفاجأه من غير ما اقول لحاتم او لماما بس اول ما وصلت ملقتش حد في القصر اتصلت على حاتم قلي انو مسافر يومين شغل وودى مااما عند اختها في اسكندريه علشان متقعدش لوحدها قلتلو اني جيت فقلي خليك مكانك وانا يومين وجاي على طول قلت تمام نزلت روحت بار شربت وسهرت مع اصحابي وهي كانت هناك
هنا ...هيا مين خطيبت اخوك
سليم بحزن..ايوه كانت بشعرها وعملاه كيرلي وحاطه مكياج اوفر واحده تانيه خالص غير الي في الصور ولا لبسها كلو مكشوف مجاش في بالي ابدا تكون هيه كنت شارب ومش مركذ لثانيه حسيت اني شوفتها بس مقدرتش افتكر فين سألتها اتقابلنا قبل كده قالتلي لا وشربنا سوا واطلعنا على شقتي دي شقه كان حاتم اشترهالي ولما كنت احم اجيب بنات كنا بنروح هناك ونمنا وكل شيى طبيعي بس اول ما النهار طلع لقيت حاتم فتح باب الاوضه هو متعود على كده ومعاه مفتاح الشقه والاوض لاني نومي تقيل وهو كان ديما يصحيني كده حتى لما اكون جايب بنت كان يجي ويديها فلوس ويمشيها بس فتح الباب ووو سليم فضل يبكي ومكانش قادر يحكي اكتر وبقى يشهق ودموعو مبتقفش
هنا بدموع ..اهدى ياسليم ارجوك كل شيئ ليه حل
سليم بدموع..الا الي انا فيه ملوش حل ..لو..لو شوفتي نظرتو اول ما فتح الباب ساب شغلو وجيه علشان يفاجأني شاف خطيبتو وحببتو في حضن اخوه شافها زي مابيشوف اي بنت رخي.صه من الي بجبهم هو كان باصص لنا وادموعو على خده ومش قادر يسند طوله وهي اول ماشافتو بقت تخبي نفسها بخوف انا مش فاهم حاجه قولتلها اهدي ده حاتم اخويا متقلقيش ده امان وهي فضلت ترتعش قمت بسرعه عايز احضنو وسلم عليه بعد عني استغربت بصلي بصه غريبه فيها الف كلمه زي ميكون بيقول انت تعمل فيا كده هنت عليك انا فضلت مكاني بقلو مالك بتبصلي كده ليه حاول يطلع كلمه واحده مقدرش مشي وسابني بقى يتسند على الحيط لحد ما طلع لقتها بتقولي يا لهوي حاتم اخوك يا انهار اسود اخوك انا قلقت جدا مسكتها من شعرها قلتله انتي تعرفيه قالتلي ده خطيبي سعتها مقدرتش اقف لبست اي لبس وجريت احصلو مكنتش عارف هقولو ايه بس جريت وراه والسلام بس اتفاجات بيه واقع على الارض مغمي عليه اخدتو على المستشفى الدكتور قال عنده صدمه وقلبو كان هيقف وقال متعرضهوش لضغط او اي شى يضايقو
هنا ..وبعدين
سليم ..بس اول ما فتح عنيه قال مش عايز اشوفك ويا تمشي انت يا امشي انا مشيت قلت بكره يصفى عدى شهر واتنين وسنه واتنين وهو مش طايقني بس لما عرف بحبي ليكي واني سبت كل البنات علشانك وناوي اتجوزك رجعني القصر كنت فاكر انو ابتدى يسامحني بس طلع انتقامو الي بدأ وللأسف بدأ بيكي
هنا ..طيب انت اكيد حكيت لمامتك الي حصل ما حولتش تقلو انك مكنتش تعرف
سليم..للاسف هو رافض اي كلام في الموضع وانتي اوعي كمان تتكلمي فيه غضبو الي شوفتيه لحد دلوقتي ولا شيى بنسبه للي هتشفيه اذا فتحتي الموضوع
هنا.. طب هو فاكر كده انك خنتو
سليم..الله اعلم يمكن فاكر اني عرفتها وعملت كده فيه او فاكر اني انا وهي نعرف بعض من الاول او فاكر اني بغير منو مثلا او او كتير متعديش بس عارفه لعبها صح وجعني بنفس الطريقه انا لو كان قتلني اهون من الي بحسو من ساعت ما اتجوزك فكرة انك بقيتي ملكو لوحدها بتقتلني لما بيلمسك ببقى عارف انو كل قصدو يضايقني بس بموت من جوايا بس بعزره بقول هو اتوجع بنفس الطريقه واكتر على الاقل انتي مضحكتيش عليا لاكن هو بقى ربنا يعينه الدنيا دي عجيبه اوي انا وحاتم مكانش فيه اخوات بيحبو بعض قدنا لاكن سبحان الله انا السبب في وجعو وهو السبب في وجعي ازاي وليه الله اعلم
هنا بحزن..انا مش عارفه اقولك ايه بصراحه الي حصل معاكم صعب وغريب قوي يعني انت ملقتش غيرها تطلع معاها بس يمكن ربنا عمل كده علشان ترجع عن الي انت فيه الحرام ميجبش غير الوجع انت ازاي اصلا تبقى كل يوم مع واحده في الحرام
سليم بكسوف...احم عارفه حاتم كان يقول نفس كلامك ده كان يضايق جدا ويقلي حرام عليك ولما يجيني الشقه ويلقى معايا واحده كان يديها فلوس كتيره ويديها نمرة تليفونو ويقلها امتى ما تحتاجي كلميني ومتطلعيش مع اي راجل كنت لما القاه بيعمل كده اضحك عليه يقلي يمكن اكون سبب في انا ترجع من الطريق ده
هنا . . باين من كلامك انو كان كويس طب صحيح البنت دي راحت فين
سليم ..مش عارف رحنا المستشفى ومهتمناش بموضعها حتى حاتم مدورش عليها وهي خافت منو كانت بتترعش فمظهرتش قدامو تاني وهو محولش يحب غيرها من يومها وهو لوحدو وشكلو هيفصل لوحدو كتير
هنا بسرعه..لا هو مش لوحدو مامتو معاه وانت يا سليم وانا كمان
سليم باستغراب..انتي
هنا بثقه..ايوه انا وهرجعكم زي الاول كمان
سليم ابتسم على برائتها..يا سلام هترجعينا انتي
هنا بثقه اكبر..ايوه انا من انهارده انا فاهمت غضبو وكل كلمه قالها وكل تصرف كنت بستغربو دلوقتي اققدر اتعامل معاه من غير ما احتار في تصرفاتو
سليم كان هيرد بس قاطعو صوت ضحكه غريبه بصو واتصدمو لما شافو حاتم ومعاه بنت شكاها غريب وبيطوحو ويضحكو بطريقه غريبه
هنا ..ايه ده مين دي يا سليم
سليم باستغراب..مش عارف غريبه اول مره يجيب بنت معاه وجايبها القصر كمان ده تجنن خالص
هنا ..تعالى معايا نحاول نمشيها قبل ما مامتك تشوفها
سليم بخوف ..انا رأي ملناش دعوه
هنا بغضب ..خليك انت ملكش دعوه انا بقى مش هسمح بالمسخره دي واتوجهت ناحيتو وسليم راح وراها
هنا بضيق... من دي ياحاتم وجايبها هنا ليه
حاتم بسكر وضحك ..مين دي.. دي ست ..وجايبها ليه... علشان هنعمل زي الناس ونجيب عباس
هنا بزهول...عباس..انت بتقول ايه انت سكران
حاتم بسكر..سيبك منها يا عمري وتعالي نطلع فوق في موضوع مش فاكرو عايز اقولك عليه تفكريني بيه
البنت الي معاه...ههههييي
حاتم بضحك ..احبك يا وحش.. مع اني في غرامك مبرتحش
هنا وسليم بصو لبعض بزهول وووووو