الفصل التاسع9
بقلم هبة احمد
مجاهد / انا هاجهز اوراقى الا الدراسة بدأت من شهر
صفاء / صابرة تعالى نجهز اوضة العروسة
صابرة / لا انا مروحة زمان مخبولى جاى
فايقة / صالحة حضرى العشا واحدة منكم تحضر الاكل معاها
صابرة / طلما فيها عشا انا هاحضر الاكل معاها
نورهان / ماما عوزين طقم سرير جديد وبطانية ومفرش
الحاج طايل / كل دة جاى كمان شوية حورية شوارها كامل
مجاهد / بكرة انا هاروح الكلية اخد الموافقة على البعثة واطلع جواز السفر
فايقة / ربنا ييسر امرك عوزاك تحقق حلم المرحوم ابوك وتكون دكتور اد الدنيا
مجاهد / حاضر بأمر الله
نورهان / ما تاخدنى معاك و مش عوزة اخرج من الشقة اللى انت هتقعد فيها
مجاهد / هاكون فى السكن مع حد من الطلبه مش هينفع اقعد معايا و الله لولا وصية ابوكى ما كنت سبتكم أبدآ
صفاء / تمام فهمت ربنا يوفقك وترجع بسرعة
صباح جديد
~~~~~~
الحاج طايل. / ممكن تاجى معايا نجيب طلبات البيت
فايقة / عندك شلبى يروح معاك ولا مسعود
الحاج طايل / شلبى مع العمال فى الارض ومسعود عريس مش معقول يروح يجيب الطلبات ويسيب عروسته
فايقة / ماشى هاغير هدومى وجاية
الحاج طايل / ركب العربية منتظرها
فايقة / خد دول علشان تجيب الطلبات
الحاج طايل / ساق ساكت إلى أن خرج من المنطقة فقال ممكن اعرف انتى جبتى الكلام دة منين ارجوكى
فايقة / هو انا اللى ضحكت على البنت وضيعت مستقبلها لولا أبوية الله يرحمه هو اللى لم الليلة و ستر عليها وصمم على زوجك منها
الحاج طايل/ عوز اعرف هو أية اللى حصل و بالتفصيل
فايقة / هو مش انت اللى ضحكت على هنية مرأتك وبعدين رفضت تكتب كتابك عليها و تسترها فهى جت هى واختها وأمها لابوية اترجوه يضغط عليك علشان تكتب كتابها وتتستر عليها
الحاج طايل / صفية اخت هنية هى اللى كانت مع اختها هنية و امهم كمان صح
فايقة / أيوة صح
الحاج طايل / وعلشان كده انتى اتزوجتى غريب محمود الضبع صح كلامى
فايقة / أيوة و انا مستحيل أوافق اتزوج واحد زانى
الحاج طايل / طب لو اثبت ليكى أنى مقربتش لهنية الا لما بقت مرأتى. ولما جت بيتى كمان
فايقة / مفيش واحدة ترضى تفضح نفسها الشرف غالى يا ابن عمى
الحاج طايل / انا كنت مغيب ازاي هنية تطلع بالسفالة والحقارة دى تعالى معايا وراح على بيت صفية
صفيه / يا مرحب بيكم اتفضلوا نورتوا
الحاج طايل/ هو فراج زوجك موجود يا حاجة صفية
صفيه / أيوة اتفضلوا
فراج ( زوج صفية ) يا مرحب بيكم الغدا ياحاجة
الحاج طايل / لا مش هنقدر انا عوز اقول كلميتين للحاجة صفية قدامك
فراج / يا حاجة تعالى
صفية / حاضر خير يا ابو خليل
الحاج طايل / هو سؤال هو انتى واختك هنية وامك راحتوا لعمى مرتضى وقولتوله انى اعتديت على شرف هنية ورفضت اتزوجها
صفية / أية فكرك بالكلام ده دلوقت د كلام حصل من سنين طويلة د حتى أهله ماتوا
الحاج طايل / اللى يهمنى هو الكلام ده صحيح
صفية / بصت فى الارض
فراخ / اتكلمى الا اقسم بالله اطلقك
صفية / الصراحة هنية الفت حكايه انك اعتديت عليها وانا معاها وبلغنا امى وراحنا لعمك وعمك قال أنا بطلب ايد بنتك لابن اخوية طايل وكتب الكتاب هيكون بعد اسبوعين
الحاج طايل / انا اختك رمت نفسها عليه وانا ضربتها بالقلم وبعد فترة لاقيت عمى بيقولى انا خطبتلك هنية بنت المرحوم حجاج وكتب الكتاب بعد اسبوعين
صفية / سامحنى بالله عليك انا غلطانة
الحاج طايل/ بعد أية اسامحك بعد ما عمى اللى مربينى ما كان فاكر انى اعتديت على شرف اختك و لا بعد ما خسرت حب عمرى بسببكم
فراج / انتم معدومين الضمير معقولة انتى تعملى كدة
صفيه / اختى كانت هتولع فى نفسها لو مكنتش اتزوجتك
الحاج طايل / ربنا ينتقم منكم عالم معدومة الحياء و الضمير
فايقة / مسكته من ايده يلا الكلام مش هيرجع اللى فات واخدته وخرجت
الحاج طايل / والله ماكنت اعرف اى حاجة عن الموضوع دة
فايقة / انا اللى اسفة لانى ظنت فيك السوء سامحنى
الحاج طايل انا حاسس انى تعبان اوى
فايقة / لو مش قادر تسوق نتصل بشلبى ياجى يسوق مكانك
الحاج طايل / كان نفسي هنية تكون موجودة وانا كنت ولعت فيها قسمآ بالله كنت ولعت فيها
فايقة / بص سوق براحة وانسى همومك انا محتاجك تكون جنبى عوزك تبقى حنين عليه زى زمان
طايل / انا خلاص ع......