رواية كوني قويه الفصل الثاني2بقلم هبه احمد
مروان / نهار اسود هو انت فقدت الذاكرة
حاتم / اتلم ياض هى حنفية انا جاى
مروان / هاتلى معاك حاجة ساقعة
حاتم / ولا اعرفك غور ياض
مروان / هو انت فين وبتعمل اية
حاتم / مش عارف صدقنى انا تاية
مروان / وقعتى يابيضة
حاتم / انا جاى حضر غدا كويس جعان
مروان / جعان اية بالظبط جعان اكل ولا حب
حاتم / مفيش واحدة تستاهل انى افكر فيها كلهم زى بعض
مروان / صدقنى فى بنات كويسة بس انت لسة مقبلتهمش
حاتم / فكك منى بلاش تركز معايا
مروان / انا هاجيب كفتة وسلطات وعيش
حاتم / ربع ساعة اكون عندك
اسراء / ياكرمله هو بابا فين
فاطمة /صحى النوم فونك رن كتير
اسراء / اكيد د منال كانت عوزة تتطمن عليه
كريمة / ابوكى بيصلى المغرب وزمانه جاى ادخلى حضرى العشا
اسراء / انا حاسة انى هيحصلى حاجة سابينى النهاردة ربنا يباركلك عوزة سندوتشات مربى ولانشون
فاطمة / انا لسة عاملة لانشون بيتى عجب
اسراء / مشطشط صح
فاطمة / نار يا قمر
اسراء / احبك. ياقلبى بقولك معكيش خميسين جند ( جنية ) سلف لحد ما اقبض
فاطمة / مكنش ينعز ماانتى عارفة امك بتكشطنى اول باول
اسراء / مهو من خبتك هاتصرف
كوثر / هو انتى مالك النهاردة
اسراء / مفيش اصل محفظتى( البوك بتاعى )شكله زهق منى فقال اجرب عشرة حد تانى
گوثر / يعنى اية مش فاهمة
فاطمة / اختك شكلها اتنشلت
كوثر / مبروك اهو تغير فى حياتك هههههههههه
اسراء / مهو لو كان عندك مخ مكنتيش رضيتى بعباس ابن سنية
فاطمة / بت انتى ومسكت كوثر من هدومها معاكى فلوس كام
كوثر / يطلع من بعدى لو معايا زيادة عن الفين جنية وبصوت عالى يا ماما الحقينى بناتك بتضربنى
اسراء / مسكتها من شعرها جامد تعالى ياموكوسة انا هاطلع عليكى القرف اللى انا فية
الحاج طلعت / مالكم يابنات صوتكم عالى
كوثر / فى عرضك يا بابا ابعد بنتك عنى دى مفترسة
فاطمة / يخرببيتك دانتى طلعتى مصيبة
الحاج طلعت / تعالى يا اسراء عوزك
اسراء / بابا عوزة خمسين جنية لحد ما اقبض اصل
الحاج طلعت / خدى واخرج ليها مائة جنية انتى مش محتاجة تبرر انتى عوزة الفلوس لية
كوثر / انا كمان عوزة زيها
الحاج طلعت / خدى انتى وفاطمة تعالى يا قمر عوزك
اسراء / حاضر خير يابابا
الحاج طلعت / وحيد ابن عمك ممدوح طالب ايدك اية رأيك
اسراء / مش موافقة انا مش بطيقة دبنى ادم غتت
الحاج طلعت / خدى يومين فكرى وصلى استخارة ماشى
اسراء / حاضر بقولك ابقى روح لعمى مرعى ابو الزفت مختار ( مخ) خلية يلم ابنة شوية
الحاج طلعت / هو عمل معاكى حاجة الولد التلفان دة
اسراء / حكت ما حصل وضحكت بصراحة انا كنت مفترية
الحاج طلعت / معدش تمشى من الطريق دة لوحدك خدى دول كمان متعرفيش هو مين
اسراء / الصراحة لا بس انا لما لاقيتة منفوخ عملت فية كدة
الحاج طلعت / هى ياسمينة مكنتش معاكى
اسراء / لا كانت مع امها بتغسل كلى هاروح اذاكر دعواتك
الحاج طلعت / ربنا ييسر امرك ويحفظك
كريمة / فتحت باب الاوضة انت السبب فى اللى بنتك فيه اللى ماهى راضية حتى تغسل المواعين
اسراء / فى الاجازة انا بعمل كل الشغل انما فى الدراسة انا كليتى صعبة هو انتى مسمعتيش عن كلية الطب يا كرمله وبعدين باشتغل كمان
كريمة / ان نجحتى ابقى قابلينى يا بنت امك
اسراء / دعواتك ياحاجة خلى كرمله تخف عنى شوية ولا ارجع ابات فى المستشفى يا حاج
الحاج طلعت / لا مينفعش ملكيش دعوة بيها ياحاجة
كريمة / بعد خروج اسراء كنت عارفة انك هتنصرها عليه مهى عويدك ديما مخليها بتتعامل معانا زى الخدمين عندها
الحاج طلعت / مش هنخلص من الاسطوانة دى يا حاجة دى بنت غلبانة وبعدين كليتها صعبة
كريمة / ومالها كلية فاطمة ولا كوثر اية لازمتها كلية الطب
الحاج طلعت / علشان هى غاوية ذاكرت واجنهدت وجابت مجموع ودخلت الكلية اللى كانت بتحلم بيها وبتشتغل جنب كليتها يعنى بتصرف على نفسه
كريمة / طول ما انت مدلعها محدش هيقدر يتكلم معاها
الحاج طلعت / وانتى لما لاقيتها بتستلف فلوس من اخواتها مسألتهاش فيها اية ليه
كريمة / هى دى بتدى فرصة لحد بتنفس معاها
الحاج طلعت / انتى اللى متهيئلك كدة دى امانه فى رقبتنا ولا انتى نسيتى يااللى حاجة بيت ربنا
كريمة / خلاص مش هنخلص يلا كوثر وفاطمة حضرو الاكل
الحاج طلعت / انا عارف انك عوزة توصليلى ان اسراء ما ساعدتش اخواتها فى تحضير العشا هى زمانها بتذاكر ياحاجة لانها عوزة تكون حاجة عندها طموح مش زى كوثر اللى كل حلمها انها تتزوج عباس وتقعد فى البيت
كريمة / ومالها كوثر مهى زى الفل ناجحة فى كليتها وهتتزوج راجل محترم
الحاج طلعت / عباس فعلا محترم انا عوزك تكونى حنينة شوية مع اسراء
كريمة / انا بحبها زى اخواتها بس هى اللى قافلة على نفسها
الحاج طلعت / البنت بتشتغل 8 ساعات كل يوم غير كليتها الصعبة يلا انا جعان
اسراء بترد على فونها. اخلصى ابت عوز اذاكر عندى شغل من الساعة 6 بكرة
منال / طب و السكشن اللى الساعة واحدة
اسراء / هاحاول اخد الاذن من الريسة وبعد السكشن ارجع المستشفى تانى هاطبق شفت تانى
منال / حرام علبكى كدة ارحمى نفسك انتى طول عمرك شقيانة
اسراء / قولى يارب انا لسة واخدة 100 جنية من ابوية وهو عطانى خمسين كمان دة غبر شراء المذكرات و مواصلاتى وفطارى يعنى عوزة حاولى 500 جنية لاخر الشهر ربنا يسامح اللى لطش البوك بتاعى
منال / خدى الخاتم بتاعى اتصرفى فيه
اسراء / ربك هيدبرها من عندة اقفلى ابت وكلمى البت ياسمينة وسلمى عليها
منال / ماشى ياقمر
فى شقة انيقة يجلس حاتم وفى يده اللاب توب بتاعة يكمل شغله تذكر ما حدث له منها تنهدت وقال لو اشوف طيفك ادامى هاطلع روحك يا بنت المجنونة
مروان / مالك ياكبير هو انت طبيت هههههههههه
حاتم / خلصت الرسومات ولا واقف ترقبنى
مروان / خلصتها من بدرى ونزلت جبت عيش و جبن ولبن وقعدت انادى عليك وانت لا هنا
حاتم / تصبح على خير انا ماشى بقولك قبل الساعة 8 تكون فى المكتب البشمهندس فؤاد عوز يراجع على الرسومات قبلا ما يطلع على الموقع
مروان / خليك جدع وخدها معاك انا يمكن اتأخر شوية
حاتم / لا طبعآ لازم حضرتك تكون موجود
مروان / طب خليك الليلة هنا
حاتم / لا انت بئة كلامك كتير مش ناقصة خنقة
صباح جديد
؛؛؛؛؛؛؛؛؛؛؛؛؛؛؛؛؛؛؛؛؛
الساعة خمسة وربع
اسراء / صباح الفل ياماما انا رايحة الشغل وهاتأخر يمكن ابات كمان
كريمة / هو انتى يا شغل يا كلية مفيش مطبخ ولا بيت
اسراء / انا روقت اوضتى وغسلت هدومى وفرتها على السرير
كريمة / هو دة اللى قدرتى علية
اسراء / كلها سنتين وهاكون اتخرجت و اوعدك هاعمل كل شغل البيت سلام انا اتأخرت
محفوظ /تعالى اوصلك ياقمر للموقف
اسراء / مش عوزة اتعبك
الحاج طلعت / ربنا معاكى يا بنتى وصل اختك يامحفوط وتعالى
اسراء / باست ايد ابوها منحرمش منك يارب
الحاج طلعت / هتتأخرى
اسراء نبطشية لحد الساعة 12 بالليل هابات فى المستشفى
الحاج طلعت / اما تخلصى شغل رنى على اخوكى يروح يجيبك
اسراء / حاضر سلامو عليكم
كريمة / بنت يافاطمة اومى وصحى اختك
فاطمة / لسة بدرى يا ماما حرام عليكى انا حاسة ان عضمى مكسر
كريمة / / امال اسراء اللى طول الليل بتذاكر والصبح بين الكلية والمستشفى وعمرها ما قالت اة
الحاج طلعت/ قل اعوز برالفلق دى غلبانة ونفسها عزيزة عليها علشان كدة شقيانة
كريمة / هو انا هاحسدها على اية
الحاج طلعت /قو..................