رواية للحقيقة وجه اخر
الفصل الخامس5
بقلم هبه احمد
رحاب / انا معايا 3000 جنيه قبض اخر شهر فى الشغل هادفع منها و ادفع المصاريف كمان
ام سليم / كثر خيرك انتى بنت خير
رحاب / من يوم ما جيت هنا و ماما ام صابر بتعملنى احسن معامله و صابر كمان كويس معايا
ام سليم / حاولى تتقربى لصابر دغلبان وشقيان محتاج اللى يطبط عليه
رحاب / مش قادرة خايفة عليه من لحظة ندم ولا اشوفه مكسور
ام سليم / انتى هتفضلى طول عمرك كده لو واحدة غير كان زمانها خليته زى الخاتم فى اصبعها
رحاب / مينفعش لازم هو اللى ياخد خطوة قبولى أو رفضى فى حياته
ام سليم / ماشى انزلوا و انا هاروح اركب من الموقف
رحاب / مش عوزة حد يعرف عنى حاجة
ام سليم / من غير ما تقولى صفية مفهمه الناس انك طفشانه مع واحد
رحاب / منها لله حسبى الله ونعم الوكيل فيهم هى و اللى اسمه قاسم
تمر الايام بسرعة بدون احداث تذكر غير ذهاب تقى إلى المدرسة وحصولها على أعلى الدرجات بفضل الله ثم المذاكره اللى كانت رحاب بتذكرهلها
ام صابر / قاعدة على السرير و جنيها صابر فقالتله مالك شكلك تعبان فيك حاجة
صابر / حاسس انى بردان شوية خدى فلوس رحاب اعطهملها انا طالع انام عوزة حاجة وباس أيد أمه
ام صابر / جسمك ساخن روح الصيدله هات حاجة
صابر / هانام و اصحى كويس تصبحى على خير
رحاب / عملت ليك ليمون خد اشربه
صابر / مش هقدر هاطلع انام
ام صابر / اطلعى اعملله كمادات حررته عالى
رحاب / حاضر
رحاب طلعت وجدت صابر حرارته مرتفعه جدا و عمال بيهلوث اخدته بهدومه تحت الدش وقفت حوالي نص ساعه وخرجت غيرتله ملابسه ونزلت استاذنت من ام صابر عشان تروح الصيدليه تجيب دواء لانزال الحراره
ام صابر / روحي يا بنتي وخليكي جنبه لو كنت قادره اطلع كنت قعدت معاه ابقي طمنيني عليه
رحاب / حاضر يا ماما ونزلت الصيدليه وجابت علاج وطلعت على فوق عطيته العلاج وقعدت تعمل له كمادات لحد الصبح نامت وهي قاعده الكرسي جنب السرير وماسكه حته القماشه بتاعه الكمادات على دماغه
صابر /هو في ايه وانتى هنا بتعملي ايه
رحاب / حمد الله على السلامه حاسس بايه دلوقتي
صابر / بردان وعاوز انام هو ايه اللي حصل
رحاب / حرارتك كانت عاليه جامد رحت جبت لك دوه من الصيدليه واعطيتك حقنتين وعملت لك كمادات اروح اجيب لك اى حاجه تأكلها لا هاروح اجهز لك الفطار ونزلت قبل هو ما يتكلم كانت مكسوفه من نفسها جامد
ام صابر/ طمنيني يا بنتي هو بخير
رحاب / ايوه يا ماما الحمد لله هاعملله شويه لسان عصفور
ام صابر/ عاوزه اطلع اشوفه
صابر / انا جيت لحد عندك يا ست الكل وباس أيدها هو ايه اللي حصل
رحاب / تقى المدرسه يلا قومي بسرعه خدي سندوتشاتك اهي وعلى المدرسه وانت انتظر اجيب العلاج تاخده قبل الاكل
صابر/ علاج ايه انا كويس
ام صابر/ حاكت اللي حصلله بالليل بعد ماطلع وقالت عاوزك تمم جوازك يا ابني تبقى مراتك جنبك علشان ابقى مطمنه عليك البنت شكلها نظيفه وانظلمت لو كانت وحشه ما كانتش استحملت تخدمني انا وانت واختك وبحب علشان خاطري يا ابني تمم زواجك
صابر / نفسيتي مش قابله ياما خايف اظلم نفسي احنا كده كويس
ام صابر / بص يا ابني الحق له سكه واحده طالما مش هتتزوجها ادفع لها مرتبها كل شهر من اول ما دخلت بيتنا هي بقلها سنه تاخذ مرتبها والفلوس اللي دفعتها لاختك تاخدها هي كده بتخدمني ببلاش حرام لما تخدمنا من غير مقابل
صابر / حاضر يا ست الكل الاسبوع اللي جاي هحضر المبلغ اللازم واعطهلها وكل شهر اعطيها مرتبها
ام صابر / والله يا ابني دي احسن من بنات كتير ولاد ناس وربنا عالم بحالهم على الاقل دي واضحه اتكلمت وقالت انا حصل لي كذا خالتك ما كانتش عاوزها تتكلم بس هي عشان خاطر بنت كويسه اتكلمت وقالت الحقيقه انا مصممه انك تتمم جوازك عليها ياما ناس ماداريه وبتعمل بلاوي لو بتحبني يا ابني تمم جوازك
صابر / هدورها في دماغي ياما ربنا يسهل
رحاب / كانت سامعه الكلام كله وهي في المطبخ دخلت بالصينيه عليها الفطار واكل صابر اتفضل علاجك الاول وانتى يا ماما علاجك ويلا علشان نفطر صابر انا مش هضغط عليك انك تكمل زواجنا يكفيني اني قاعده في امان مع ماما وتقى وانت لو عاوز تتجوز روح اتجوز حقك و انا الله مسامحه منه لله اللي ظلمني وقعدت تبكي
صابر / انا واحد تعبان المفروض النكد هياثر عليه امسحي دموعك كده و اعرفى ان ربنا يسهل كل شيء مقدر ومكتوب
ام صابر /خد اجازه من الشغل وخد رحاب واخرجوا اتكلموا مع بعض ربنا يسعدكم يا ابني
رحاب / عاوزين نذبح فراخ من اللي فوق علشان الغداء
ام صابر / انتم الاتنين مع بعض انا عاوزه تتوصلوا الحل حرام تقعدوا كده
رحاب / لو حملى تقل يا ماما انا همشي طلما انك بقيتى بخير ان شاء الله اشوف اي مكان نفسي اروح دار مسنين او ملجا ايتام اشتغل فيه وانام اخر الليل مطمنه على نفسي
صابر / ما انت في بيتك لو ناقصك حاجه قولي بلاش كلامك ده
رحاب / علش.......