رواية سجينة الماضي الفصل التاسع9بقلم هبة احمد
منصور / افتح الباب يا أبلة
حورية / انا اللى هافتح و قامت فتحت الباب وجدت فارس ابن خالها و معاه مرأته و بنتين و ولد على أيد أمه
فارس / السلام عليكم انا فارس ابن خالك صابر و دى مرأتى و ولادى عرفانى و لا ارجع التوكتوك لسه واقف
حورية / من الفرحه ارتمت فى حضن مرأته وقعدت تبكى سبتونى لوحدى ليه
منصور / اتفضل يا عمى ادخل
شادية / كانت واقفة فى البلكونه شافت فارس و مرأته حبت تعمل مشكلة الحق يا سبعى الهانم مدخله رجالة اغراب عندها فى البيت
صدقة / قامت من على السرير واقفة حرام عليكى كده رمى المحصنات الغافلات وجرت و طرحتها فى أيدها على شقة حورية
ادهم / قام يجرى و وراه جده و الحاجة صالحه و هاشم وعمار و شاديةعلى شقة حورية
حورية / انا قلبى هيموت من الفرحة أن حد سأل عنى
منصور / دخل المطبخ طلع فراخ من الفريزر علشان يعمل اكل هو بيعرف يعمل اكل عزة كانت بتخليه يطبخ ويعمل كل الشغل
صدفة / ولد يا منصور افتح بسرعة
منصور / فتح اتفضلى ياابلة
صدفة / هو انتم عندكم حد
حورية / تعالى سلمى على ابن خالى و مرأته
صدفة / ربنا ياخدك يابعيدة هو لازم كل مصيبه يكون ليكى نصيب منها ازيكم يا جماعه منورين و سلمت عليهم
منصور / تعالى يا أبلة صدفة نحضر الاكل
صدفة / عامل أية ياواد شكلك نضفت و بقيت مز تتزوجنى
منصور / افكر في موضوع الزواج ده بعدين دلوقت نحضر للناس الاكل
الباب خبط بطريقة غبية
صدفة / الجماعة الدعوشيه وصلت ربنا يستر
حورية / اتفضلوا ادخلوا
ادهم / مين اللى عندك يا محترمه
حورية / ده شيئ ما يخصكش اتفضلوا
الحاج محمد / دخل السلام عليكم و سلم
حورية / ده بيكون ابن خالى ودى مرأته و ولاده و دول أهل بابا الله يرحمه
ادهم / و انا المفروض اكون زوجك صح ولا
حورية / لا انت اكيد بتحلم الزواج اساسه الرضا و القبول و انا لا راضيه و لا موافقه انك تكون زوجى
ادهم / انا زوجك غصب عنك
صدفة / مش وقته ولا مكانه الكلام ده
شادية / و منين نعرف أن ده ابن خالك فعلا ما يمكن يكون الانتيم بتاعك
فارس / عند هنا و تقفى يا حاجة ثم هو انتى مندوبه عن كل الرجاله دول هاتى يا بسمه الاوراق اللى معاكى و عاوز راجل اتكلم معاه مش حرمه
الحاج محمد / امشى روحى من هنا
فارس / دى شهادة ميلاد أبويه و كمان شهادة ميلاد عمتى و دى شهادة ميلادى و بطاقتى و كمان شهادة وفاة أبويه وعمتى
حورية / زيادة تأكيد دى بطاقة امى يلى المفروض تكونوا اهلى
الحاج محمد / نورت يابنى تعالى البيت الكبير خدوا واجبكم
فارس / واجب حضرتك وصل انا عند اختى على فكرة حورية راضعة مع اختى الصغيرة يعنى اختى فى الرضاعة انا قاعد مع اختى الصغيرة
الحاج محمد / منور يابنى و اسفين للازعاج
صدفة / الاكل جاهز اتفضلوا
الكل خرج و ادهم بيكلم نفسه من هذا المشاغبة اللى قلبت حال البيت و ناسه رأس على عقب
الحاج محمد / طلقها يابنى الصراحة هى من حقها ترفضنا كلنا و تخرجنا بره حياتها هى لا شافت مننا لا حب ولا حتى معامله بالحسنه
ادهم / هى رافضة فكرة الزواج منى اصلا
الحاج محمد / لو على كلامها زواجك منها باطل طلقها
فارس / الحمد لله
صدفة / هامشى ابت
بسمه / انتى شكلك غير الغفر اللى كانوا هنا
صدفة / كلنا هذا الرجل بس انا علشان حبيت حورية فاتغيرت هارجع تانى ياقمر
فارس / ايه ظروفك و ازاى تتزوجى من غير ما اعرف
حورية / هو انا اللى المفروض اسأل و ادور على صلة رحمى ولا ده فرض على خالى و من بعده انت و اخواتك الشباب احنا البنات محتاجين نحس أن لينا حد يحسسنا أننا ورانا ضهر نتسند عليه نرتمى فى حضنه نستخبه خلفه لما نحس بالخطر و بكت بحرقة
بسمه / احنا اسفين والله حقك علينا
فارس / اسف اتأخرت عليكى معلش انا لسه عارف عنوانك من عباس و وصانى اطمئن عليكى وحكى ليه أنه غيبك عن الوعى و خلاكى تمضى على موافقة الزواج دون وعى منك
حورية / معقولة ضميره استيقظ بسرعة كده غريبه
فارس / ربنا اخد حقك و هو مسافر بيجرى ورا القطار و مسك فى باب عربته أيده فلتت وقع تحت القطبان حصله بتر فى أيده و قدمه
حورية / سبحان الله فعلا صدقت يا ربى عندما انزلت فى كتابك الكريم أما اليتيم فلا تقهر و هو زلنى و قهرنى كتير رجله اليمنى و أيده اليمن دول كان بيضربنى بيهم لما امى بتكون فى الشغل و بعد ما هى ماتت
فارس / اسف ليكى وهو بعت فيديو بتفصيل يوم كتب كتابك كان مسجلة علشان يبقى يبتزا زوجك كل فترة و ياخد منه فلوس وقال ممكن ده يخليكى تقدرى تطلقى لو عاوزه
حورية / الحمد لله على كل حال انت سبحانك كريم وحليم عليه يارب
فارس / هو طالب منك السماح
حورية / لما جروحى تشفى الاول ابقى افكر فى السماح
منصور / الاكل تمام هادخل اذاكر
حورية / انت عندك درس دلوقت مرحتش ليه
منصور / مش مهم علشان متبقيش لوحدك
حورية / خد اركب توكتوك و رواح درسك وتعالى ذاكر عوزة نجاح و تفوق فاهم
منصور / حاضر و خرج
خيرية / انتى يابنت البندر هى حصلت تجيبى ناس اغراب لحد هنا مين دول و عوزين ايه
بسمه / مين دى و ازاى بتتكلم كده
حورية / دى اخت بابا الله يرحمه و عاملة نفسها الوصى على الكل و لما لقتها بتخبط جامد على الباب قامت فتحت خير ياحاجة و قافلة نص الباب بايدها
خيرية / مين اللى عندك دخلينى
حورية / ملكيش صالح خليكى فى حالك
خيرية / تعالى يا ابو فاروق علمها الادب
حورية / و الله انت اللى عوزة تتعلمى الأصول وان لكل بيت حرمه ثم انتى داخلك ايه ارجوكى ابعدى عنى الا اقسم بالله اخليكى ولا بلاش اتفضلى امشى
فارس / خير يا حاجة انا بأكون ابن خالها ودى مرأتى
خيرية / هلت الانوار
بسمه / اتفضلى ياحاجة ادخلى و مسكتها من أيدها دخلتها جواه
خيرية / انتم مين
بسمه / حرام عليكى لما تزعقى و الناس تتفرج و تعملى سمعه لبنت اخوكى من لا شيئ
خيرية / ماهى فركشة زواجة ابنى و خلت البنات ترد عليه
فارس / النصيب هو اللى بيكمل الزواج او اى شيئ مش بكلام اختى
حورية / انا فى حالى بقالى شهرين ما لمحتش حد من العيلة الكريمة ابعدوا عنى الا وربنا امشى اروح اى مكان لا حد يعرفنى فيه
خيرية / هامشي ورايا حاجات كتير
فارس / دول ناس صعب اوى
حورية / مش اصعب من عباس و ضربه و بهدلته انا هنا حاسه بالأمان
فارس / اقولك ياستى بيت جدك كان أبويه مأجرة بعقد ايجار لمدة 20 سنه و المده خلصت و استلمت البيت و الحمد لله بعد الاستلام بشهر البيت دخل كردون المباني بعته بمليون و نص لانه فى أول البلد و مساحته كبيره جبت نصيبك نص مليون بحق ربنا إنا شلت مصاريف المحامى مش هتفرق معايا
حورية / البيت اللى فى البلد اللى كنا بنقول عليه القلعه
فارس / أيوة هو ده و اللى اشتراه عمله مصنع لتعبئة الخضروات والفاكهة
حورية / انت بتقول أن نصيبى نص مليون صح
فارس / أيوة و الله بحق ربنا البيت جاب مليون و نصف نصيبك نص مليون لأن خالك توفى قبل ما ابيع البيت
حورية / القسمة كده فيها ظلم
فارس / ظلم لمين افهم
حورية / ظلم لي...........