رواية شمس
الفصل الثالث والاربعون43
بقلم هبة احمد
الضابط مراد/ هات يابنى كل اللى فى الخزنه
العسكرى / تحت امرك يا افندم وجاب كل الاوراق اللى فى الخزنة حطهم على الطرابيزة
شمس / مدت أيدها ممكن اخد البوم الصور ده و بايد مرتعشة اخدته و مشت قعدت فى البلكونة على الارض و فتحتة لقت صورها هى و امها قعدت تبكى جامد
رحمة / حضنتها قومى بلاش القاعدة على الارض
شمس / انا فرحانة اوى ماما كانت وحشانى كتير و قعدت تبوس فى صور امها
رحمة / قومى الضابط مراد شكله عوزك
شمس / قامت واقفت و فى أيدها الالبوم
الضابط مراد / هو انتى كنتى تعرفى أن عابد كاتب الشقة دى تمليك باسمك
شمس / لا معرفش
الضابط مراد / خدى عقد بيع الشقة اهو وفى جواب كمان ليكى و وصية كمان تخصك
شمس / اللى يخصنى البوم الصور دة وبس
الضابط غريب / الشقة حقك محدش يقدر ينزعك فيها أعتقد أن الكل انقبض عليه و وصية الميت بتكون واجبه هو انتى قعدتى مع عابد كام سنة
شمس / 6 سنين و 8 شهور
الضابط غريب / الجواب ده فيه ورقة طلاقك من عابد و كمان فيه جواب هو أية حكايه الجوابات معاكى
شمس / انا معرفش اى حاجة عن اى حاجة
رحمة / هات اى ورقة تخص شمس و حضراتكم محتاجين شمس فى حاجة تانية اصل لازم نمشى
الضابط غريب / أيوة احنا قاعدين فى شقتها و المفروض تكون معانا لحد ما نخلص
رحمة / تمام ممكن كل حاجة تخص شمس علشان تعرف فيها أية
الضابط مراد / انا واثق أن شمس بعيد عن اى شبهات كان المفروض اننا نطلع على اى حاجة فى الشقة بس خدى خليها تقرأ براحتها
شمس / مسكت الجواب بايد مرتعشة و قعدت على كرسي جنب الضباط مراد و غريب وفتحته وقعدت تقرأ الورقة اللى فيه بصوت مسموع
عابد انا عارف انى استغليت طيبتك وكنت باشغلك معانا فى الشغل الغلط و يشهد ربى انى عمرى ما حبيت حد ولا هاحب حد ادك انتى بنت قلبى و متفكريش انك هربتى منى انا كنت عارف خط سيرك من اول ما نزلتى من الباص لحد اليوم اللى هتموت فيه اسف عذبتك معايا كل ده علشان ابعدك عن سكة جعفر لانه كان طمعان فيكى لو قبلت وجه كريم و موت ابقى افتكرى ولادى شهد و فريدة و مهند هم ايتام ملهمش حد غير خيرة الدادة بتاعتهم ابقى تباعى معاها ولادى مش محتاجين فلوس ولا اى حاجة غير شوية حنان و حضنك استحلفك بالله تخلى بالك منهم هم غلابة اوى
على فكرة كريم عبد العظيم مسعود بيحبك اوى كملى حياتك معاه هو انسان كويس انا كتبت الشقة دى باسمك تمليك اقسم بالله تمنها حلال من تمن بيع ورثى فى البلد و فى مبلغ صغير ليكى كتعويض عن البهدله اللى اتبهدلتيها معايا
سامحيني بالله عليكى
عابد
شمس / هو اللى مفروض اكون احرص على إرضاء الكل اللى ما شوفتش حد راعى شعورى أو طبطب عليه اسامح مين و ليه انا مش مسامحة اى حد ظلمنى او جرح مشاعر و قعدت تبكى بصوت عالى
رحمة / انتى بخير و كويسة خليكى قوية بلاش الضعف دة
شمس / قوية فين انا كل حته فى جسمى بيوجعنى جامد اوي
الضابط مراد / يكفى أنك عايشة برة السجن بحريتك
شمس / السجن مش سور خرسانة وبوابة كبيرة السجن انا اللى حاطة نفسى فيه و السبب أبوية منه لله
رحمة / ممكن تهدى هانزل اجيب عصير ممكن
الضابط مراد / خليكى معاها هابعت حد يجيب عصير عاوزين حاجة تانى
رحمة / ممكن علبة مناديل
الضابط مراد / حاضر خد هات عصير و مناديل وتعالى فى السريع
العسكرى / حاضر
رحمة / هتعملى أية دلوقت الله يكون في عونك همك زاد
الضابط غريب / عسكرى تعالى يابنى انزل قول للبواب عاوزين حد يركب كالون جديد لباب الشقة و يكون ثقة
العسكرى / حاضر يا افندم
رحمة / هى الشقة دى خلاص بقت بتاعة شمس
الضابط مراد / هى فعلا بتاعتنا بموجب عقد مسجل فى الشهر العقارى
شمس / خايفة لاكون اخدت حاجة مش من حقى طب و ولاده تركلهم اية
الضابط غريب / زمانه حاطت ليهم رصيد فى البنك و بيت و حاجات كتيرة انتى شكلك غلبانة اوى
العسكرى / البواب جه ومعاه نجار بيقول أنه بيكون ابن اخوه
الضابط مراد / ماشى خليه يغير كالون الباب وبسرعة
مجاهد البواب / حاضر تحت الأمر
ام عباس / اختك تليفونها كان بيعطى جرس دلوقت مشغول خايفة ليكون جريلها حاجة
سوكة / متخفيش شوق قالت الضابط مراد هيكون معاهم
ام عباس / والله يابتى رغم حبى لشمس بس مقلقة منها من ساعة ما قبضوا على العصابة بتاعة التجارة في الاعضاء و لا اسمها
سوكة / متخفيش يا غزالة ربنا هو الستار و اللى مكتوبله حاجة هيشوفها
ام عباس / ونعم بالله العلي العظيم صح كلامك عوزة شاى و حاجة للصداع دماغى مصدعة
سوكة / حاضر هاعمل لينا شاى تقيل خالص
ام عباس / عمك عمران بيقول عوز سوكة لطارق ابنه أية رأيك
سوكة / نهار احوس هو انا عميت علشان اوافق على المعتوه ابنه مالك يا غزالة د ولد مبرشم ولا صفحته على فيسبوك اعوز بالله عليها حاجات توصل لجهنم حدف
ام عباس / انا قولت له معنديش بنات للزواج قال طب خدى رأى العروسة يمكن يكون ليها رأى تانى
سوكة / لا تانى ولا تالت فكك منه يلا خد الشاى وسندوشات لانشون وجبنه
ام عباس / ربنا يستركم وييسر امركم
سوكة / احنا عاوزين الستر وربنا يرحمنا من البهدله كفاية أننا ملناش لا اب ولا اخ نرتمى فى حضنه و نتحمى وراه لو غدر بينا الناس أو جه علينا الزمن
ام عباس / معلش يابتى اخوكم طلع ندل ورفض ياجى يعيش معاكم
سوكة / هو لو كان عمل غير اللى عمله كان هيكون انسان مش كويس خان العيش والملح بلاش نضحك على انفسنا ونقول أنه ابننا بمناسبة أية يكون ابنك هو اتربى بعيد عننا عمره كله فاطمة و جدى ربوه وهو عنده عشرين يوم يعنى تفصيل حياته كلها معاهم من حق فاطمة تكمل حياتها معاه هى لا عندها ولد ولا بنت وبعدين لو اعمامى عرفوا أن فارس مش اخوهم هيقتلوه علشان الورث
ام عباس / خبطت على صدرها يالهوووى لا خليه قاعد هناك بس يفضل عايش
سوكة خلاص انسى انك كان عندك ابن هم الولاد بيعملوا ايه بلا وكسة
شمس / فى خزنة تانية فى المطبخ ورا دلاب المطبخ
الضابط مراد / انا نسيتها هنفتحها دلوقت
رحمة / ماما بترن عليه وفونى فصل بطارية زمانها هتموت من القلق
الضابط غريب / خدى فونى كليمها منه
رحمة / تشكر مش مهم
شمس / فى شاحن فى اوضة النوم على السراحة حطى فونك عليه
رحمة / خايفة ليكون بتاع زوجك
شمس / لا متقلقيش دشاحن الفون بتاعى
رحمة / ش .....