رواية مع ايقاف التنفيذ
الفصل الثالث والعشرون23
بقلم هبة احمد
شامة / تعالى نام و ارتاح شكلك مرهق وجامد
مطاوع / انا حاسس انى كنت بتعامل مع شياطين مش بشر
شامة / الصراحة أبوية قبل ما يموت قالى نفس كلام امى قبل ما تموت انا كنت فاكراه بيهلوس من المرض
مطاوع / انا فى دوامة الله يرحمك يا عمى غريب كنت نعم الاخ و الصاحب
شامة / اخوك دة طلع طماع و مخادع
مطاوع / حسبى الله ونعم الوكيل فيه
شامة / انا خايفة ليعمل فيك حاجة علشان يستولي على الأرض كلها ويقدر يحرم اخواتك البنات من الورث
مطاوع / اللى متعرفهوش أن أبوية الله يرحمه كان مسجل كل الارض اللى هنا و ارض الجبل كمان باسمى و كان موصينى أعطى حق اخواتى البنات بما يرضى الله و انا يعطيهم ريع تلت الأرض
شامة / كلامك دة زود خوفى عليك د عمى ايوب لو عرف ممكن يعمل اى حاجة علشان يستولي على الأرض كلها و يكتبها باسمه
فى المستشفى
أحمد دخل الاوضة مع دكتور فوزى و قال السلام عليكم
مجاهد / نايم صحى على صوت احمد
مجاهد / وعليكم السلام وحشنى يا اخوية
أحمد / ارتمى فى حضن مجاهد كنت بموت كل ساعة من القلق عليك يا حبيبي
دكتور فوزى / هاروح الكافتيريا اشرب قهوتى و اجيب دكتور چورچ معايا على ما تخلصوا كلامكم
أحمد / أية اللى حصل د امك و اخواتك هيموتوا من القلق عليك
مجاهد / يوم ما انت نزلت إجازة لمصر انا كنت جعان اوى خرجت اجيب مكرونه و جبن ولسة يدوب بعدى الشارع حصل انفجار جامد كنت حاسس ان لحم وشى بيقع من شدة النار وايديه كمان و بعد كدة اغمى عليه معرفش أية اللى حصل الا من يومين دكتور فوزى بيقول انى هنا فى المستشفى من شهرين و 17 يوم
أحمد / هو انت اتصبت فى حادث انقلاب العربية والانفجار
مجاهد /أيوة و بيقولوا أن فى ناس كتير ماتت
أحمد / المفروض انك معاك اللى يثبت شخصيتك فكان لازم حد من المستشفى يبلغ انك موجود هنا حتى علشان الكلية و امتحاناتك على الأقل كانت السفارة المصرية عرفت و بلغت اهلك
مجاهد / وهم هيعرفوا منين انا كل اوراقي كانت في ايدى واكيد اتحرقت فى الحادث
أحمد / طب هم عرفوا شكلك منين و عملوا عملية التجميل على اى اساس
مجاهد مش عارف دكتور فوزى بيقول أنه عملها على صورة شخص فى خياله
أحمد / المهم انك بخير يا حبيبي
مجاهد / عملت أية مع صفاء
أحمد / بعد ما روحت بتلات ايام أبوية مات وبعدها راحت انا و اهلى لعندك فى البيت وكتب كتاب صفاء واتفقت مع الست فايقة و عمى طايل أن صفاء تاجى و انا اقابلها فى المطار بس اختك دماغها ناشفة حلفت ما هتتحرك الا لما انت ترجع أو يعرفوا انك بخير يا أطلقها بنت مفترية زى اخوها
دكتور فوزى / السلام عليكم ممكن نشيل الشاش علشان تشوف شكلك الجديد ارجوك تقبل شكلك الجديد
دكتورة سوزان / مساء الخير
دكتور فوزى / مساء الورد حمد الله على سلامتك
دكتور چورچ / دكتورة سوزان يا هلا بيكى كيفك وكيف اخبارك
دكتورة سوزان / نحمد الرب انا بخير اتزوجت و زوجى جة معايا هو دكتور تخدير لو تعرفوا تشوفوا له شغل
دكتور چورچ / تحت امرك حاضر.
دكتور فوزى / جيتى فى وقتك احضرينا لما نشيل الشاش من على وش انا معرفتش اسمك
مجاهد / أسمى مجاهد غريب محمود الضبع
دكتور چورچ / سحب كرسي و قعد عليه
دكتورة سوزان / ممكن انا اللى أشيل الشاش يا دكتور
دكتور فوزى / اتفضلى يا دكتورة
أحمد / واقف جنب مجاهد فمجاهد مسك ايد أحمد جامد
أحمد / خير ان شاء الله هيكون شكلك حلو متخفش
مجاهد / عطايا ربنا كلها خير
دكتورة سوزان / فكت الشاش و لقت وش أحمد نسخة طبق الأصل من وش ابن دكتور فوزى اللى مات فى حادثة فزهلت و بصت لدكتور فوزى كدة تمام حمد الله على سلامتك
أحمد / يا دين النبى ماشاء الله د فنان اللى عمل العملية
مجاهد / عوز اشوف وشى ممكن
دكتور چورچ / اهدئ وافتكر أنه مكنش ادام دكتور فوزى حل تانى
مجاهد / عوز مرايا علشان اشوف وشى
دكتورة سوزان / ها...... .