رواية انوثة طاغية الفصل الثالث والعشرون الرابع والعشرون بقلم ام غفران ورحمه
عدا اسبوعين و جنا كانت بتذاكر عشان عليها امتحانات وخلصت جنا و منة و حبيبة و رهف و مازن وعدا الترم الاول
فى يوم كان يوسف راجع من برة وكانت الساعة 9 فطلع الاوضة لقاها مضلمة وولعت جنا شمعة ويوسف شافها و كانت لابسة فستان سوارية بكت كتف واحد وفوق الركبة
يوسف و هو متنح:اية الحلاوة دى
جنا:بجد حلو
يوسف:زى القمر
جنا بكسوف:ميرسي
يوسف:طب الطورتة دى بمناسبة اية
جنا:بمناسبة انى عايزة اقولك على حاجة مهمة
يوسف:اية هى!!
جنا بارتباك:انى...انى بـــ...بحبك يا يوسف
يوسف و هو بيقرب منها:اية...اية...سمعينى كدة تانى
جنا:بحبك يا يوسف
يوسف قرب منها وحضنها:و انا بحبك اوى اوى يا روح قلب يوسف و عمرى ما هزعلك ف حياتى ابدا
جنا:ربنا يخليك ليا
يوسف و حط ايدو على خدها:بس قوليلى لبسالى قصير وضيق ومظبطة نفسك...لية كل دة...و غمزلها
جنا وسابتو ومشيت:دة لشاروخان
يوسف شدها من ايدها و قربها منو:شاروخان بردو
جنا:اة مش مصدق
يوسف و قرب من وشها اوى:توء توء
جنا واتكسفت اوى:لا بس.........
يوسف قاطعها وقرب منها و باسها و بعد
يوسف برومانسية:بحبك
جنا:مكسوفة و مش بترد
يوسف:يا عينى على الكسوف
يوسف و جنا فضلو بصين لبعض ويوسف قرب منها تانى و باسها و .................................................. .... ..................(تسكت شهرزاد عن الكلام الغير مباح)
.................................................. ........
عدا اليوم وتانى يوم يوسف صحى وكانت جنا نايمة ف حضنو فقام من جنبها براحة ودخل خد شور و نزل المطبخ وحضر فطار و اتكلم ف الموب و طلع لقى جنا لسة نايمة فحط الصنية على الطرابيزة وراح عشان يصحيها
يوسف:جوكا...جوكا اصحى يلا يا قلبى
جنا بنوم:مش قادرة يا يوسف والله اقوم
يوسف:لا يلا قومى عشان نفطر
جنا بنوم:يا جو سيبنى و النبى
يوسف:يا قلب جو قومى عشان خاطرى
جنا:خلاص اهو صحيت
جنا بصت ليوسف وافتكرت اللى حصل امبارح فوشها احمر و اتكسفت اوى
يوسف:مالك
جنا:ها...لا...مفيش
يوسف بنص عين:ممممممممم امال وشك احمر لية
جنا بكسوف:الله مقلتلك مفيش
يوسف و هو بيقلدها:الله مقلتلك مفيش
جنا:متتريقش عليا
يوسف بضحك:هههههههه طب خلاص...يلا بأة عشان انا محضرلك الفطار بأيدى
جنا:مش قادرة اكل
يوسف:يا حبيبتى انا هأكلك
جنا:ماشى اكلنى يلا
يوسف اعد يأكل جنا....وبعد الاكل
يوسف:امسحى بؤئك
جنا:فين
يوسف و قرب منها ومسحلها بؤها بشفايفو وبابتسامة حب:عشان متتعبيش نفسك
جنا بكسوف:يوسف بأة
يوسف:يختى دلوئتى بتتكسفى...امال امبارح دة كان اية
جنا واتكسفت اوى:اتلم بأة الله...دانت رخم
يوسف:ههههههههههه خلاص عندى ليكي مفاجأة
جنا:اية هى
يوسف:انا حجزت تذاكر لينا لشرم عشان نقضى هانى مون وقت الاجازة بتاعتك
جنا بفرحة:بجد
يوسف:بجد يا قلبى و هنسافر انهاردة بليل كمان
جنا:والله انت سكر و عسل و انا بموت فيك
يوسف:و انا بعشقك
.................................................. ...............
و فمكان تانى ف اوضة حبيبة كانت بتكلم انس
انس:يعنى نتيجة حضرتك هتطلع امتى
حبيبة:كمان اسبوع
انس:عارفة لو وحشة مش هكلمك
حبيبة:اية الرخامة دى...لا ان شاء الله تبقى حلوة
انس:ولو حلوة هعملك مفاجأة
حبيبة:مفاجأة اية
انس:انتى عبيطة يا بت امال مفاجأة ازاى
حبيبة:طب متشتمش...وركز انت بس ف مذاكرتك..انت مش بتفتح كتاب اصلا
انس:لا ماهو ربنا هيسهلهالى ف اللجان ان شاء الله
حبيبة:يابنى ذاكر احسن اقول لجنا والله
انس:عيب عليكي يا بنتى احنا مش بنخاف
حبيبة:طيب اما نشوف
انس:سيبك انتى بس من جنا وبتاع...تيجي نخرج بعد بكرة
حبيبة:نروح فين
انس:نروح سينيما...نعد على كافية...نشد عالمقطم...أى حاجة يعنى
حبيبة:يا سلام
انس:اة و الله
حبيبة:طب اتلم يا ظريف
انس:ههههههههه حاضر خلاص...بس قلتى اية هتيجى
حبيبة بتناكة:هفكر
انس:دى هتتنك بأة
حبيبة:ههههههه لا خلاص اشطة
انس:على فكرة يا بيبو بقيتى لوكل مووت
حبيبة:بأة انا لوكل ها
انس:اة اذا كان عجبك
حبيبة:طب يلا اقفل
انس:لا خلاص يا زميلى انا مقدرش على زعلك بردو
.................................................. .
و فمكان تانى فمكان شغل ابو منة احمد كان عندو
والد منة:خير يا احمد كنت عايز اية
احمد:عمو انا كنت عايز اكتب كتابى على منة
والد منة:دلوئتى يا احمد
احمد:لا بس حضرتك قول لخالتو وكدة وانا هظبط مع بابا و ماما
والد منة:بس لسة بدرى
احمد:ماشى بس احنا نكتب كتب الكتاب كمان شهر و لا حاجة و الفرح يبقى فالصيف
والد منة:انت عارف ان هى رافضة تتجوز قبل ما تخلص دراسة
احمد:عارف...بس انا هقنعها
والد منة:لو عرفت تقنعها انا مش هقول لا
احمد بفرحة:ربنا يخليك ليا يا جوز خالتى
.................................................. .......
عدا اليوم و يوسف و جنا سافرو شرم الشيخ و تانى يوم جنا صحيت و كانت بتصحى يوسف
جنا:يوسف...جو حبيبى اصحى يلا
يوسف بحب:يا صباح الجمال
جنا:صباح النور يا حبيبى
يوسف:بموت فيكي يا قلب وروح وعقل حبيبك
جنا:كل دة
يوسف:دة كدة قليل..دا انتى مسيطرة على قلبى وكل تفكيرى
جنا:احم...احم....طب قوم بأة خرجنى
يوسف:نعم يختى هو احنا جايين نخرج...احنا جاين نقضى هانى مون يعنى مفيش خروج من السويت اصلا
جنا بزعل:اية يا يوسف الرخامة دى انا عايزة اخرج
يوسف:يا قلبى متزعليش بس الجو سقعة هننزل نعمل اية الصبح..ما احنا مستحيل ننزل الماية ف الجو دة
جنا:يا سيدى نخرج نفطر ونلف شوية....نروح سنيما....و نعد عالبحر
يوسف:مممممم فكرة بردو...خلاص هقوم اخد شور وننزل
جنا وباستو من خدو:ميرسي يا حبيبى
يوسف:لا يا حلوة بطلى دلع احسن مفيش خروح من هنا لمدة اسبوعين
جنا:هههههه طب خلاص قوم يلا
يوسف قام خد شور ولبس
يوسف:انا جهزت
جنا:وانا كمان
يوسف:انتى هتنزلى كدة
جنا كانت لابسة(بلوفر نبيتى تريكو و ليجين ابيض)
جنا:اة هنزل كدة لية
يوسف:بص بأة يا معلم انا عايزك ترجع زى زمان يعنى لبس ولاد و شعر ملموم و نضارة
جنا:لية كل دة ان شاء الله
يوسف:عشان مش عايز حد غيري يشوف الحلاوة دى
جنا:يا يوسف ما اللبس محترم اهو
يوسف:مش اوى...بس عايزين نلبس طرحة ها
جنا:مش هعرف البسها الا لما اكون مقتنعة عشان مرجعش اقلعها تانى
يوسف:ماشى انا مش هضغط عليكي بس حاولى
جنا:حاضر...يلا ننزل بأة
يوسف و جنا نزلو اتمشو البحر شوية و بعديت راحو فطرو و اعدو يلفو ف شرم و كانت الساعة 5 و نص وكانو رايحين سينيما
جنا:ها جبت التذاكر
يوسف:اة بس لسة نص ساعة على ما الفيلم يبدأ
جنا:اوك
يوسف كان اعد يبص على بنت اجنبية كانت شقرا عنيها ملونة واعدة تبص على يوسف
جنا بضيق:يوسف انت بتبص على اية
يوسف و سابها و مشى و راح للبنت:استنى انتى يا حجة على جنب شوية
جنا:معقول يكون لسة زى ما هو
يوسف راح للبنت و رجع لجنا مع البنت و اداها موبايلو
يوسف و راح حط ايدو على كتف جنا:اضحكى يلا
جنا:هو فى اية
يوسف:يا ستى جيبتها تصورنا يلا اضحكى
جنا بضحك:لا بجد انت مصيبة
البنت صورتهم و مشيت
جنا:انت روحت قلتلها اية !!
يوسف:قلتلها اللى معايا دى مراتى...ممكن تصورينا و بس
جنا: ملقتش غيرها
يوسف:منا روحتلها مخصوص عشان اقتل الشك اللى ف قلبك
جنا:احم...طب يلا عشان الفيلم هيبدأ
يوسف:يلا
يوسف و جنا دخلو الفيلم
.................................................. .......
واسكندرية احمد و منة كانو بيتمشو على الكورنيش
احمد:يا منة يعنى انتى عايزة تتعبى نفسك و تتعبينى و خلاص
منة:يا حبيبى و الله مش اصدى بس انا كدة مش هركز ف المذاكرة انا فهندسة هى مش سهلة يعنى
احمد:يعنى اعمل اية مانتى لسة ادامك الترم دة سنة تخرج و سنة مشروع
منة:ماهو عشان كدة لو اتجوزنا مش هبقى فضيالك اصلا
احمد:طب على الاقل نعمل كتب الكتاب
منة:خلاص ماشى بس مش دلوئتى خليها ف الصيف
احمد بضيق:ماشى اللى يريحك
منة:متزعلش بأة ها
احمد:عادى مش زعلان
منة:يا حبيبى خلاص بأة عشان خاطرى مانت عارف انى بحبك
احمد:و انا كمان بحبك عشان كدة قولت نتجوز بدرى
منة: انا بموت فيك و الله...متزعلش بأة
احمد بابتسامة:خلاص يا حبيبتى مش زعلان
منة: الله احلى حاجة فيك انك طيب....و بحبك اووووى
احمد:و انا بعشقك يا عيون احمد
احمد فضل مع منة شوية و بعد كدة روحها
.................................................. .....
عند يوسف و جنا روحو السويت الساعة 1 بليل
يوسف:كل دة لف دانتى تعبتى اللى جابونى
جنا:خلاص يا حبيبى ارتاح شوية عشان انت شكلك تعبان
يوسف و شدها من ايدها و قربها منو:ارتاح مين هو انا جاى ارتاح
جنا:يوسف الله
يوسف بحب:و الله بموت فيكي يا جوكى
جنا:وانا كمان بحبك يا قلبى
و................................................. .................................................. .............. عدا اليوم عليهم برومانسية
تانى يوم صحيو و نزلو وقفو عالبحر
جنا:انا بردانة اوى يا يوسف
يوسف:طب خليكي هنا انا هروح اجيب حاجة سخنة نشربها
جنا:ماشى متتاخرش
يوسف:لية
جنا:عشان هتوحشنى
يوسف:و انتى كمان يا قلبى
يوسف راح يجيب حاجة عشان يشربوها ولما كانت جنا واقفة لوحدها جية واحد و غما عنيها
جنا:اية دة لحقت
الشخص لف لجنا الناحية التانية حضنها فجأة
ويوسف شاف المنظر و حصل...........................................يوسف راح يجيب حاجة عشان يشربوها لما كانت جنا واقفة لوحدها جية واحد و غما عنيها
جنا:اية دة لحقت
الشخص لف لجنا الناحية التانية و حضنها فجأة
و يوسف شاف المنظر
جنا استغربت اوى و زقتو و بعصبية:اية دة...انت مين و ازاى تعمل كدة
الشخص:اية يا جنا مش فكرانى و لا اية انا مصطفى
جنا:مصطفى!!!.....اااااه مصطفى الظابط
مصطفى:بالظبط...بس احلويتى اوى
جنا بعصبية:اتكلم كويس و بعدين انت اتهبلت...اية اللى انت عملتو دة
مصطفى: فيها اية يعنى هو احنا مش صحاب
جنا بعصبية:صحاب اية...اية اللى خلانا صحاب ان شاء الله
مصطفى:انتى عايزة تفهمينى دلوئتى ان انتى محترمة اوى...مانتى كنتى متعرفة عليا من ورا جوزك و لا انتى نسيتى انك كنتى مقرطساه
جنا:اية اللى انت بتقولو دة انت مجنون
يوسف و جية بعصبية:انا بأة يا ر... ... هوريك القرطاس دة هيعمل اية
يوسف مسكو و اعد يضربو و وشو ومصطفى كمان اعد يضربو
جنا بزعيق:يوسف خلاص اهدى....اسكتو بأة
يوسف ساب مصطفى و هو كان فالارض و شد جنا من ايدها بعصبية و مشى
جنا ولما وصلو السويت:يوسف انت كويس
يوسف بزعيق:اعدى ساكتة دلوئتى مش عايز اسمع صوتك
جنا:انت بتزعقلى لية طيب
يوسف بعصبية:يعنى هو انتى مشوفتيش اللى حصل هو عادى لما الحيوان دة يجى يحضنك كدة
جنا بانفعال:يعنى انت شاكك فيا منا زقيتو يا يوسف
يوسف:انتى هبلة و لا عبيطة مستحيل اشك فيكي طبعا...بس عايزانى اعمل اية و انا شايفك بالمنظر دة اروح احجزلكو اوضة ان شاء الله
جنا:يا يوسف طب انا مالى هو اللى عمل كدة وبعدين هو انا سكتلو
يوسف:جنا انا عارف انك مش غلطانة خـــــــــلاص
جنا:خلاص ازاى مانت بتزعقلى و انا مليش دعوة
يوسف بزعيق:يا ستى مقلنا انك مش غلطانة انا اللى اتزفت غلطت لما افتكرت انك هتستحملينى و انا مضايق...دة اية القرف دة...سلام
جنا:انت رايح فين
يوسف بعصبية:رايح ف داهية ملكيش دعوة........... سابها خرج
جنا لنفسها:يعنى كان لازم ازعق...بس هو ضايقنى لما زعقلى كأنو بيتهمنى انا
.................................................. ............
غاسكندرية
انس كان اعد مع حبيبة ف كافية
انس:حبيبة كنت عايز اقولك على حاجة
حبيبة:اية
انس:هو انتى لية لبسك كلو قصير ولو طويل بيبقى ضيق اوى
حبيبة:عادى انا اتعودت على كدة
انس:بس غلط...و انا قلتلك ان الناس بتتكلم
حبيبة:انا مش هعرف اغير لبسى بصراحة
انس:بصى انا مليش حكم عليكى بس انا بنصحك مش اكتر
حبيبة:خلاص و انا هفكر كلامك
انس:ماشى يا ستى...قوليلي بأة انتى مرتبطة
حبيبة:لا و انت
انس:بصى صاحبت كتير بس كل مرة بلاقى حاجة ناقصة بس حاليا مش مرتبط يعنى
حبيبة:طب بتحب حد
انس:لا...او ممكن لسة متأكدش بس متسألنيش مين عشان مش هقول
حبيبة:طب لية
انس:عشان انا لسة معرفش هى بتحبنى و لا لا
حبيبة بضيق:طيب براحتك
انس:مالك
حبيبة:مفيش مش هنروح السينيما
انس:اة يلا
عدا اليوم وحبيبة وانس خرجو خروجة حلوة و انس روحها الساعة 9
عند جنا كانت مستنية يوسف يجى لحد الساعة 11 بس مجاش عشان كان محتاج يهدى شوية و كانت بتتصل بية مكنش بيرد وبعد شوية جية و جنا عملت نفسها نايمة
يوسف و راح صحاها:جنا.....جنا قومى عايزك
جنا:مبتردش
يوسف:جنا متمثليش بأة انتى صاحية امال مين مكلمنى من شوية
جنا قامت:اة انا صاحية نـعـم
يوسف و راح اعد جنبها و حضنها:متزعليش منى
جنا: انت كمان متزعلش منى انا اسفة انى مش استحملتك
يوسف:و لا يهمك يا حبيبتى.....و برومانسية:بس وحشتينى اوى
جنا: انت كمان وحشتنى اوى
يوسف:تعالى ننام عشان اخرجك بكرة خروجة حلوة
جنا بفرحة وباستو من خدو:ربنا يخليك ليا
يوسف:و يخليكي ليا يا قلبى
جنا و يوسف اتصالحو و نامو و تانى يوم خرجو مع بعض و طول اليوم جنا مخنوقة جت الساعة 10 بليل و راحو يتعشو لما اعدو ف المطعم
يوسف:مالك يا حبيبتى مضايقة لية
جنا:مالى يعنى
يوسف:اصلك من الصبح و انتى مضايقة و كل ما اكلمك تردى عليا ببرود
جنا: و لا حاجة يا يوسف ممكن تطلب الاكل عشان انا جعت
يوسف:زى ما تحبى
يوسف طلب الاكل و جنا كلت حبة صغيرة
يوسف:انتى خلصتى اكل
جنا بضيق:اة
يوسف:امال اية جعانة هات الاكل
جنا بضيق:يا يوسف شبعت هو بالعافية
يوسف بضيق:انا مش عارف مالك
جنا:مفيش..ممكن نروح عشان انا تعبانة وعايزة انام
يوسف بنفاذ صبر:ماشى يلا
يوسف و جنا وصلو السويت و كانت الدنيا ضلمة
جنا:يوسف افتح النور مش معقول قاطع يعنى
يوسف:لا
جنا:هو اية اللى لا افتح النور
يوسف و مسكها من ايدها واداها شنطة:هـــشـشـشـشـشـش...خشى البسى الفستان دة فى الحمام
جنا:لية
يوسف:اسمعى الكلام
جنا بنفاذ صبر:اوووووف طـيـب
جنا دخلت الحمام لبست الفستان و كان (فستان ابيض ف اسود بكتف واحد كت)
خرجت جنا من الحمام و كانت ماشية بأنوثة و لما خرجت لقت السرير كلو زينة والسويت كلو بلالين و زينة و طورتة عليها صورة ليهم سوا
جنا بفرحة:اية دة!!
يوسف و قرب منها:كل سنة و انتى طيبة يا حبيبتى
جنا:يعنى انت كنت فاكر
يوسف:انا مقدرش انسى عيد ميلادى
جنا:بس دة عيد ميلادى انا
يوسف:و انتى انا يعنى انا يعتبر اتولدت فاليوم اللى انتى اتولدى فيه
جنا وحضنتو:انا بحبك اوى يا يوسف ربنا يخليك ليا
يوسف:عشان متبقيش تلوى بوزك بس
جنا:معلش بس انا افتكرتك نسيت و الله
يوسف:و لايهمك يا حبيبتى
جنا:فين بأة هدية عيد ميلادى
يوسف:كل الطورتة دى مش مكفاياكى
جنا:لا مليش دعوة
يوسف و طلعلها سلسلة دهب ابيض رقيقة و لبسهالها و وقفها ادام المرايا:اية رأيك
جنا:اللة جميلة اوى
يوسف:اهم حاجة انها عجبتك
جنا:عشان منك لازم تعجبنى
يوسف و شغل مازيكا رومانسية:تسمحيلى بالرقصة دى
جنا:اكيد
يوسف و جنا اعدو يرقصو
يوسف:بس اية الحلاوة دى
جنا بدلع:ميرسي
يوسف:لا بلاش سهوكة و دلع احسن اتهور عليكي
جنا:متقدرش على فكرة
يوسف:بأة كدة
جنا:اها
يوسف مسكها من وسطها æقربها منو اوى و................................................. ..باسها
يوسف:ها عرفتى انى اقدر
جنا وضربتو فكتفو و بكسوف:انت رخم و الله
يوسف:انتى لسة بتتكسفى منى
جنا بكسوف:الله بأة
يوسف:و الله بحبك
جنا:وانا بعشقك
يوسف:بتعشقينى بس
جنا:و بموت فيك
يوسف قرب منها تانى و .................................................. .................................................. ........ ..................(تسكت شهرزاد عن الكلام الغير مباح)
.................................................. ......................
تانى يوم جنا صحيت قبل يوسف و طلبت الفطار و دخلت خدت دوش و لبست
جنا وراحت تصحى يوسف:جو....جو
يوسف بنوم:اية يا قلبى
جنا:يلا اصحى
يوسف بنوم:الساعة كام
جنا:الساعة 1
يوسف:يا حبيبتى نامى لسة بدرى اوى
جنا:انا مش هيجيلى نوم ومش بحب اعد لوحدى
يوسف:مش بتحبى تعدى لوحدك تقومى مصحيانى
جنا:امال اصحى الجيران مثلا
يوسف و قام:ماشى يا ستى ادينا قمنا عشان خاطرك
جنا:يلا خش خد دوش على ما الفطار يجى
يوسف و شدها من ايدها:طب هاتى بوسة الاول
جنا بدلع:توء..توء
يوسف:انتى بتقوليلى انا توء توء
جنا ببراءة:اه.......وسابتو و مشيت
يوسف:انتى فكرة ان عيونك الزرق دول هيهزونى استنى بس اما افوقلك
جنا:ولا تقدر تعمل حاجة
يوسف:امــــا نشــــوف
يوسف دخل ياخد دوش وبعد شوية نادى على جنا
يوسف:جنا هاتيلى التيشرت الازرق بعد اذنك
جنا وجابتلو التيشرت:انا مش فاهمة لية مش بتاخد هدومك و انت داخل وبعدين ما فيه برنس
جنا جاية تديلو التيشيرت راح شدها من ايدها و دخلها الحمام
جنا بخضة:اية دة
يوسف:هاتى بوسة حالا
جنا:بعيـــنك
يوسف:بأة كدة
جنا:اة هو كدة وبعدين سيبنى بأة عشان هتبل وبعدين مانت لابس اهو
يوسف:و مين قالك انى هخرجك من غير ما تتبلى
جنا:هتعمل اية يعنى
يوسف:هحميكى يا روح قلبى
جنا برجاء:جو بليــز انا لسة واخدة دوش والجو برد
يوسف و هو بيهز راسو بعنى لا: نو مفيش خروج
جنا:ههون عليك
يوسف:بصراحة............................
فجأة يوسف جاب الدوش و اعد يرش عليها ماية
جنا ولما اتبلت:طب و الله لوريك يا يوسف شوف بأة مين هيعملك اللى انت عايزو
يوسف و قربها منو:لا يا قلبى بردو و انا اقدر
جنا وضربتو فكتفو:تستاهل
يوسف:لا خلاص........بس تصدقى شكلك عسل و انتى مبلولة
جنا:طب اوعى بأة عشان الروم سيرفز جاب الاكل
يوسف:و انتى هتفتحى كدة
جنا:اة صح طب روح انت افتح
يوسف:ماشى وعايزك تتعودى طول ما انا فالبيت يبقى انا اللى افتح
جنا:حااااااااضر اخلص بأة
يوسف و جنا اعدو يفطرو
.................................................. ............
فاسكندرية انس كان بيتصل بحبيبة وهى نايمة
حبيبة بنوم:الو
انس:صباح الكسل...قومى جبتلك النتيجة
حبيبة:بجد كام
انس:تدفعى كام واقولك
حبيبة:اللى انت عايزو بس قول يلا
انس:انا قلتلك لو حلوة هعملك مفاجأة صح
حبيبة:اة
انس:طب و لو وحشة
حبيبة:يعنى هى وحشة
انس:طب يا قمر جهزى نفسك عشان هوديكي دريم بارك بس الاسبوع الجاى عشان عندى دروس كتير و مذاكرة
حبيبة:يعنى الدرجة حلوة
انس:اة 96%
حبيبة بفرحة:بجد والله....انا بمووووت فيك
انس:اية!!
حبيبة بارتباك:مش اصدى يعنى كأصحاب
انس:ممممم طب عموما مبروك
.................................................. ...............
عدا اسبوع واحمد و منة قررو معاد كتب الكتاب
ويوسف و جنا كانو مبسوطين و فيوم جنا صحيت على صوت موبايلها
جنا بنوم:الو مين معايا
الشخص:معقول مش عارفة صوتى يا جوكا
جنا:هتقول ولا اقفل
الشخص:انا مصطفى
جنا:افندم وعايز اية
مصطفى:وطى صوتك بس احسن جو يصحى...بصى انا مستنيكى ف الكافية بتاع الفندق اللى انتى نازلة فية
جنا:ومين قالك انى هاجى
مصطفى:متجيش وهخلى جو بقى يتعرض على النيابة من بكرة الصبح بتهم انتى عمرك ما تتخيليها و انتى عارفة انى ظابط بأة
جنا قفلت السكة ف وشو و اعدت تفكر شوية و فالاخر قررت تنزل من خوفها على يوسف
ولما وصلت الكافية
مصطفى:كنت عارف انك هتيجى
جنا:اولا انت جبت رقمى منين و ثانيا عايز اية
مصطفى:اولا مش صعب عليا اجيب رقمك و ثانيا اعدى واقولك عايز اية
جنا:مش هترزع قول عايز اية واخلص
مصطفى:اعدى و نتفاهم بهدوء احسن ما اقلب ع الوش التانى
جنا:انت هتهددنى انت فاكر انى هخاف منك
مصطفى:لو مش خايفة على نفسك خافى على روميو بتاعك
جنا واعدت:ادينى اعدت
مصطفى واعد هو كمان:كدة احبك
جنا:مصطفى اخلص
مصطفى ومسك ايدها:جنا انا بحبك اوى و عايز اتجوزك
جما بصدمة من كلامو و شدت ايدها:انت عبيط انا متجوزة
مصطفى:ممكن نتصاحب دلوئتى و لما تطلقى نبقى نتجوز
جنا وقامت بعصبية:لا انت اكيد متخلف وانا غلطانة انى اعدت مع واحد زبالة زيك
مصطفى شدها لحضنو فجأة و جنا زقتو و ضربتو بالقلم
جنا:ما اصلك واحد سافل................وسابتو و مشيت
جنا راحت السويت لقت يوسف صحى
يوسف:كنتى فين يا حبيبتى خفت عليكي و بكلمك لقيت موبايلك جنبى
جنا:لا يا حبيبى متخفش انا بس تعبت فقلت انزل اعد تحت شوية
يوسف:الف سلامة عليكي نروح لدوكتور طيب
جنا:لا يا حبيبى بقيت كويسة
يوسف و خدها فحضنو:وحشتينى اوى
جنا ومسكت فية اوى:وانت كمان
يوسف:استغرب من اللى عملتو بس معلقش
جنا:انا هدخل اخد دوش
يوسف:ماشى يا حبيبتى وانا هطلب الفطار
جنا دخلت تاخد دوش ويوسف طلب الاكل و اما جنا كانت ف الحمام يوسف جالو مسج و اول ما قرأها نزل من غير و لا كلمة و لما جنا خرجت ملقتوش و اعدت تتصل بية و مردش
...المسج اللى جت ليوسف
(عشان تعرف ان جنا بتحبنى) وكان فى صور و مصطفى ماسك ايد جنا و حاضنها
ومصطفى كان جايب حد يصورهم و هم مع بعض
يوسف خد بالو من اللبس اللى ف الصور هو هو اللبس اللى هى كانت لابساة دلوئتى
و بعد كدة حصل........................... ......