رواية للحقيقة وجه اخر
الفصل العاشر10
بقلم هبه احمد
صادق / معاش ابونا ناخده لينا
صفية / تعالى و ربنا لاكسرك رجلك التانيه
صادق / ما انتى اللى مش محترمه وجودنا ولا سنك و كل شويه تتزوجى واحد عندك ايجار التلات شقق خديه و سيبى معاش ابونا ناخده لينا نصرف منه و انتى تتزوجي ولا تتطلقى براحتك
صفيه / و مين هيروق الشقة و يغسل المواعين ويعمل الاكل
صادق / انا و تحية لو مفيش راجل غريب إنما لما تتزوجى انا اللى هاعملك كل حاجة
صفيه / سبنى ادورها فى دماغى
صادق / بالله عليكى توافقي
ام صابر / عامله ايه دلوقت
رحاب / فى فضل ونعمه ياماما بقولك احنا هنبات فى الاوضة اللى جنب اوضتك مش قادرة افضل فوق و انتم تحت
تقى / انا هنام مع ماما
صابر / السلام عليكم
الكل و عليكم السلام
صابر / خدى يا تقى الحاجات دى ليكى
تقى / لا ليه انا وابله رحاب
ام صابر / بعد ما تتغدا هات جعفر و روح مع مرأتك لدكتورة هدير
صابر / حاضر انا حجزت كشف مستعجل و جعفر جاي
رحاب / يلا الغدا معلش يا ماما حطيت الاكل فى المطبخ
صابر / مسك أيد أمه وراحوا اتغدا
تقى / البسى يا أبلة انا هاشيل الاكل
رحاب / حبيبتى ربنا ينجحك
فى عيادة دكتورة هدير
بعد الكشف و عمل السنار انتى حامل فى توأم ماشاء الله زى الفل
رحاب / بتتكلمى بجد أحمدك و اشكر فضلك يارب
دكتورة هدير / انتى عامله ايه مع زوجك
رحاب / الحمد لله صابر انسان كويس بجد و أمه ست الناس بيحبونى جدا
دكتورة هدير / ربنا يكملك على خير مبروك يا صابر
صابر / ربنا يعزك يارب متشكر سلام عليكم و اخد رحاب فى أيده وخرج
دكتورة هدير / منال رجعى الفزيتا لمدام رحاب صابر انا عند وعدى تكاليف الولاده على حسابى
صابر / ربنا يباركلك يا رب
رحاب / الحمد لله كان نفسي يكون عندي عيل ربنا اكرمنى بتوأم
صابر / الحمد لله انا طول عمرى وحيد و نفسى يكون عندى ولاد كتير يكونوا ولادى و اخواتى
رحاب / شكلك عوز تموتني مش لما اخلف وتعيش معاهم و تعرف ازاى الولاد بتتربى وبعدين تحلم خد رد على خالتك ام سليم
صابر / أيوة يا خاله عامله ايه
ام سليم / الحمد لله حبيت ابلغك أن فرح ليلى بنتى بعد اسبوعين العفش طالع يوم الجمعه
صابر / الف مبروك انا جاى فى العفش و هاجيب امى يوم الحنة بس رحاب مش هتقدر تاجى انتى عارفه و كمان الحمل تعبها
رحاب / هات اكلمها و اخدت الفون مبروك يا طنط ربنا يسعدها يارب
ام سليم / ويكملك على خير يابنتى
قاسم / مالك ياسما
سما / تعبانه اوي شكلى بولد
قاسم / مش لسه فاضل عشرة أيام
سما / الوالده القيصرية ملهاش ميعاد محدد يلا انا مش قادرة
قاسم / رن على مروان اللى جه مع خروج قاسم من الفيلا
مروان / الف سلامه هات مفاتيح العربية يلا
بعد وصول سما و قاسم المستشفى ب3 ساعات كانت سما فى غرفة عاديه بجوارها طفل زى القمر
مروان / حمد الله على سلامتك هتسموا المولود ايه
سما / كريم ايه رأيك يا قاسم
قاسم / موافق كريم اسم جميل
مروان / كنت عاوز اسميه مخيمر
قاسم / مخيمر فى عينك طب محروم من انك تلمسه لمده دقيقه
مروان / يخربيتك خضتنى عاوز ابوسه
هاشم / تحت امرك يا اخويه
تمر الايام بدون اى احداث تذكر غير إنجاب رحاب خمس اولاد و بنتين على أربع مرات تلات توأم و ولد لوحده
أما سما فانجبت تلات اولاد ولدين وبنت
أما مروان فتزوج من بنت من بلد أمه و استقرت حياته و انجب منها بنتين و ولد
أما صفية فتزوجت ثلاثه رجال و الرابع اللى معاها و هو شاب عمره لا يتجاوز عمره 30 سنه جاى من الارياف يبحث على شغل وعايش عاله عليها
تمر الايام بسرعة إلى أن تخرجت تقى من كليه التربيه و تزوجت زميل لها و استقرت فى المركز معه
أما اولاد رحاب فهم همسه و شروق و زياد و اسلام و اياد ويوسف
أما اولاد هاشم هم كريم و فاطمه و حاتم
اغلب الاحداث القادمة هتدور بين اولاد قاسم و صابر
صفية / خرجت من شقتها تنادى بنتها تحية خبطت على الباب لقته مفتوح دخلت انتى يا زفته مش قولت تاجى تروقى الشقة
تحية / مغمى عليها فوق بركه من الدماء
صفيه / قعدت تصرخ لحد ما الشارع اتلم
ام سليم / طلعت اول حد شافت منظر تحية جابت بطانية و غطتها اتصلى بالاسعاف
صادق / هو فى أية
ام سليم / الح.........