رواية مع ايقاف التنفيذ
الفصل الثامن عشر18
بقلم هبة احمد
دكتور فوزى / هو ده الحل اللى كان فى دماغى ربنا يسترك ارجوكى بلاش تفتحى الموضوع دة
دكتورة سوزان / انا اصلا مسافرة مصر احازتى هتبدا من بعد بكرة هاقعد شهر و احتمال اتزوج واجيب عريسى يعيش معايا هنا
دكتور فوزى / الف مبروك ربنا يسعدك
دكتورة سوزان / ارجوك ابقى اقعد مع المريض حاول تمتص غضبه صعب تغير ملامح الوجه هو هيحس أنه إنسان تانى وممكن يكون عنده زوجة وأهل و ممكن كمان يعترضوا على ما أصبح عليه شكله
دكتور فوزى / كلامك صح لازم اتكلم مع دكتور نفسي لمتابعة حالته
دكتورة سوزان / اطير انا اجهز شنطتى واكل وانام اشوفك على خير يا بروفيسور فوزى
دكتور فوزى/ بالسلامة ابقى طمنيني عليكى
دكتورة سوزان / حاضر و لو حصل نصيب هابعت ليك صور فرحى
بعد موت ابو احمد وراحت فايقة و الحاج طايل و مسعود وصفاء للتعزية
انتصار / ( ام احمد ) انتى صفاء صح بسم الله ماشاء الله تبارك الرحمن قمر والله
صفاء / متشكرة لحضرتك
فايقة / كان نفسي اتعرف عليكي فى ظروف غير دى
انتصار / الغدا جاهز اتفضلوا نورتم
بعد الغدا و الشاى
الحاج طايل / يلا ياحاجة
أحمد / بعد اذنك يا ماما انا بكرر طلب ايد الآنسة صفاء
انتصار / انا عوزاك تكتب كتابك وتاخد مرأتك معاك دى وصيه ابوك
أحمد / حاضر يا أمى أية رأيك يا عمى طايل
الحاج طايل / المفروض لينا بيت تطلب ايد بنتى منه
مسعود / دكتور احمد ما يقصدش يقلل من اختى انت شايف الظروف ياعمى
انتصار / حقك يا حاج احنا هناجى نطلب ايد بنتى بعد بكرة بأمر الله
أحمد / أية رأيك يا عروسة
صفاء / الرأى رأى عمى طايل وامى و اخواتى
الحاج طايل / تعالوا تنوروا و ساعتها هيكون كل خير بأمر الله
مسعود / يلا الا حورية تعبانة اوى
فايقة / البقاء لله وحده ربنا يرحمه ويسكنه فسيح جناته يلا يابنى
مسعود / ممكن تسوق انت يا عمى عوز اكلم الدكتورة رحمة
صفاء / ركبت وبتبص من الشباك لقت أحمد واقف بيبص عليها حطت وشها فى الارض مكسوفة جدآ
فايقة / أية رأيك يابتى الراجل شاريكى
صفاء / عمى طايل و اخواتى و انتى لازم تكونوا موافقين و مقتنعين الاول
الحاج طايل / ربنا يسعدك يابنتى الصراحة هو شاب ملتزم ومحترم صلى ركعتين استخارة و سيبى ربنا يقدرك الخير حيث يكون
صفاء / انا لسة فاضل عشرين يوم على الامتحانات مستحيل مكملش السنة
مسعود / الدكتورة رحمة بتقول حورية لازم تكون عندها فى المستشفى على طول هى مجهزة اوضة العمليات ومنتظرة بتقول هتولد حورية و العيل يدخل الحضانة
فايقة / خير ان شاء الله يا ولدى
الحاج طايل / خد هاتى رقم مخبول ولاشلبى
فايقة / حاضر
مسعود / مخبول اخد حورية هو و صابرة فى عربية الاسعاف للمستشفى
الحاج طايل / هو دة الكلام الصح احنا على وصول للمستشفى خير ان شاء الله
حورية / بدموع حد يكلم مسعود وابوية عوزة اشوفهم قبل ما ادخل العمليات ماما عوزة ماما فايقة
صابرة / افصلى يخربيتك انتى بنت ظ.......