رواية عذراء ولكن الفصل الثامن والتاسع بقلم هبه احمد
مختار / ممكن تبقى تاجى تساعدينى البس مش قادر احرك دراعى امبارح تعبت جامد على ما قدرت اقلع هدومى
قمر / حاضر تحت امرك وتركتة وخرجت وقلبها يكاد يقف من بسرعة دقاتة وبصوت وطى لازم ابعد كفاية 7 شهور عشتهم معاك عمرك ماحسيت انى موجود فى حياتك انا كدة تمام ارجع لحياتى بتاعة زمان اشتغل واصرف على نفسى وهو هاعتبرة صفحة واتقفلت للابد انا هاتكلم معاه دلوقت لا مش هينفع علشان زهرة متعرفش حاجة بكرة اخلى ضحى مع زهرة واجاى اتكلم معاه وارجع شقة زهرة تانى
مختار / قمر تعالى ممكن
قمر / حاضر تحت امرك
مختار / واقف ممكن تساعدينى البس مش قادر والله كتفى بيوجعنى جامد
قمر/ الف سلامة ومسكت الفوطة جفف جسدة واحضرت ملابسة والبستة اياها يلا فطارك جاهز
مختار / اشكرك
قمر / بنظرة انكسار انا تحت امرك وتركتة وخرجت
مختار / شعر بالحزن لانه السبب الرئيسى فى نظرة الانكسار التى نظرت لة قمر بيها وخرج وجد زهرة جلسة فى الانترية
مختار / صباح الخير انتم هتفضلوا فى شقتك ولا هتاجو هنا
زهرة / هنفضل فى شقتى ولو محتاج لقمر خليها معاك انا ضحى هتكون معايا
قمر / ياستى لو على خدمة مختار هاجى كل كام يوم اعملة اكل واروق الشقة المهم انك ترتاحى لحد ما تقومى بالسلامة
مختار / لو عوزين حاجة كلمينى ياقمر
قمر / حاضر من عنية وابتسمت وقالت بصوت واطى مش لما يكون معايا رقمك اصلا
زهرة / يلا خلى الشنطة اللى فيها الفلوس هنا يا مختار
مختار / حطيها فى الخزنة ياقمر
قمر / هو انت عندك خزنة انا معرفش والله
مختار / هاتى الشنطة
قمر / انتى عوزة منها حاجة يا زهرة
زهرة / معايا عشرة الاف على يخلصوا اكون رتبت حياة شهد
قمر / على خير بامر الله
مختار / بيلبس الجاكت ومش عارف وبيتالم
قمر / استنا اساعدك وساعدتة على ارتدئة
مختار / اشكرك يلا سيبى الشنطة وانزلوا
قمر / ضحى بترن اكيد وصلت
زهرة / ردى عليها شوفى هى فين
قمر / السلام عليكم انتى فين ياقلبى
ضحى / وعليكم السلام انا قاعدة على باب الشقة وهاتوا فول وفلافل معاكم اخلصى ابت
قمر / انتى لسة غلسة
ضحى / ايوة عندك مانع
قمر / لا عندى مغصى خفى شوية
ضحى / اخلصوا ابت
قمر / حاضر هنركب وجاين
مختار / حط الشنطة فى العربية اركبوا
قمر / ركبت ورا وجنبهم زهرة ممكن يا مختار تجيب عيش وفلال وجبن للفطار
مختار. / حاضر من عنية ونزل جاب كيس كبير مملوء بما يلزم
ووصلوا لشقة احمد ضحى نزلت تجرى وسلمت على زهرة جامد وكمان على قمر
مختار / هو انتم تعرفوا بعض
ضحى / ايوة ياكابتن عندك اعتراض
مختار / لا اعتراض ولا غيرة
قمر / ضحى دى صاحبتى اللى كانت بتكلمنى على طول
مختار / تشرفت بيكى هامشى انا اى خدمة قبل ماامشى
قمر / افطر الاول ولا بتتكسفى ابت
ضحى / لا ياحبى انا لما بكون جعانة مبشوفش ادمى اصلا
زهرة / بعد ما تفطر خد قمر معاك النهاردة وهاتها بكر بعد الضهر
مختار / لا خليها معاكم انا اعرف اخدم نفسى متقلقيش هامشى ووقف واختل توزانة لولا انة سند على الطرابيزة بيدة
قمر / مختار انت كويس
ضحى / دشكلة تعبان روحى معاه اطمنى عليه وابقى تعالى يلا قومى
مختار / انا بخير والله هانم شوية
قمر / بتحط ايدها على جبين مختار يانهارو انت ساخن جامد يلا نفوت على الدكتور علشان كتفك نزف تانى
مختار / دايخك جامد انا كويس وقعد على الكرسى
ضحى / قمر ادخلى فى الاوضة دى خليه يرتاح
مختار / لا مينفعش افضل هنا انا مروح خليكى مع زهرة وابقوا طمنونى عليكم
قمر / لا انا جاية معاك. ضحى خلى بالك على زهرة وابقى كلمينى وانا هاطمن عليه واجاى على طول يلا يامختار و اخدتة ورجعت شقتهم فى تاكسى
معتز / غالية يلا اومى احنا امتى. يااة كل دة نوم
غالية / نوم بروضة يامفترى ههههه
معتز / اعمل اية مستحيل يكون جنبى القمر واقعد محترم
غالية / حاسة ان العلاقة بين مختار وقمر فاترة كدة مفيش احساس ولا اهتمام منة ناحية قمر وهى شهادة حق صاحبة واجب و محترمة
معتز / علشان اخوكى غبى واهبل فى ايدة جوهرة وهو بغبائة هيضيعها من ايدة
غالية / لية هم زعلانين من بعض ولا حاجة
معتز / ياريت كانوا زعلانين كان بقاااا فى امل بتصافوا اخوكى وسكت
غالية / مالة اتكلم انا حاسة ان فى سر فى علاقتهم ببعض
معتز / هاقول بس الكلام دة محدش يعرفة
غالية / قول فى اية ارجوك
معتز / اخوكى مالمسش قمر وبهبلة قال ليها ان زوجهم فترة وهيطلقوا وعلشان كدة قمر لسة بنت زى مهية
غالية / لا بتهزر صح د متزوجين بقالهم اكتر من سبع شهور معقولة كلامك صح
معتز/ ايوة مع الاسف كلامى صح ولما جيت اتكلم معاه قال وبصوت عالى تحمد ربنا ان اسمها ارتبط باسم مختار الطحاوى ساعتها حاسيت ان قمر انكسرت جامد صدقينى هى كانت مصدومة من كلامة واتماسكت وجابت الشاى وطلعت قعدت فى ارض البلكونة وبكت انا شوفتها قاعدة على الارض وبتبكى كنت عوز ساعتها اولع فى مختار
غالية / ياحبيبتى وبكت انا اول ماحملت وكنا بنهزر وزهرة قالت زمان مختار قلقان علشان لسة قمر ما حملتش قالت مختار عادى مش فى دماغة حاجة
معتز / احمد الله يرحمه نصحة كتير الا انة دماغة ناشفة
غالية / لازم جدى يعرف ويعقلة
معتز / صدقينى قمر خلاص اخوكى ضيعها من ايدة هى هتطلب الطلاق منه وهتلاقى اللى يقدرها
غالية / ببكاء اعمل حاجة ارجوك دقمر طيبة اوى انا مقدرش مشوفهاش كل يوم
معتز / انا زهقت منه هو بنى ادم مستفز
غالية/ هاخلى جدو يكلمة ويعقلة
معتز / لا ساعتها هيزعل منى ومش بعيد يعمل معايا مشكلة
غالية / طب عوزة اشوف قمر واقنعها تحاول معاه
معتز / هو من اول يوم سد كل الطرق فى وجهها يلا نفطر
غالية / ممكن تودينى عند قمر وزهرة
معتز / حاضر نفطر واوصلك واروح اشوف مصطفى وافوت على المكتب واخر النهار افوت عليكى نروح سوا
غالية / منحرمش منك ياحبيبى وارتمت فى حضنة
معتز/ تعالى ياقلبى انتى وحشانى كتير بلاش ام الفطار. واخذ يرتشف رحيق شفاها
قمر / رجعت الشقة فى تاكسى وخلت مسعد البواب ياتى بطبيب للكشف على مختار الذى كتب لة العلاج مع الاستمرار فى الكمدات والافضل ينزل تحت الدوش للاسراع فى انخفاض درجة حرارتة
قمر / تشكر يادكتور ممكن تمر عليه اخر النهار علشان اكون مطمئنة على جرحة كمان
الدكتور/ حاضر هاخلص العيادة وافوت علشان اطمنك علية سلامووو عليكم
قمر بالسلامة اتفضل حضرتك وقفلت شقتها ودخلت تعمل كمدات والحرارة زى مهية فاخذتة ووضعتة فى البانيو لفترة طويل الى ان انخفضت حرارتة اخرجتة وغيرت لة ملابسة ودثرتة بالغطاء واعطتة علاجة وخرجت عملت لة شوربة خضار جلست فتحت حسابها و
#كتبت
#هاركب_قطار_الرحيل_فان_قلبى_لم_يعد
#يحتمل_البقاء_فانا_اصبحت_مريضة_بالضعف
#توقيع
(( #قمر_بلا_ضياء. ))
وفضلت مدة تتصفح بعض المواقع الى ان سمعت صوتة يهمس بصوت ضعيف
قمر / مختار حاسس باية
مختار / الحمد لله كويس
قمر / هاجيبلك تاكل علشان العلاج
مختار / مليش نفس ولو عوزة تروحى عند زهرة هاخلى مسعد يوقفك تاكسى
قمر / ضحى مع زهرة وانا لسة مطمنة عليهم هم بخير هافضل معاك لحد ماتقوم بالسلامة
مختار / متشكر تعبتك معايا
قمر / مفيش شكر يلا كلى علشان العلاج
مختار / ماشى واكل واخد علاجة ونام
الحاجة زاهية / ولد ياشبل
شبل / ابو ام العيلة الفقر دى ولد كل ده ولد يانعم
الحاجة زاهية / عوزة اروح اطل على مختار قلبى واجعنى عليه
شبل / بقولك ياستى ابنك خنقة بجد مش بعيد يلبسنى فى الحيطة
الحاجة زاهية / وصلنى وارجع وانا ها خلى معتز يرجعنى
شبل / وعلى اية انا معاكى وهاستنى نرجع مع بعض
الحاجة زاهية / بقولك ياولدى هو امجد مفيش فى حياة واحدة كدة ولا كدة
شبل / بقولك اية انا عوز اخطب ياستى وهاخد شقة فى جنوب اقريقيا مش عوز اعرفكم بعد ما اتزوج
الحاجة زاهية / جالك السعد ياولد والله وكبرت وبقيت عريس
امجد / السلام عليكم عوزك فى موضوع ياامى
الحاجة زاهية / خير ياولدى
امجد / عوز اتجوز بنت الحاج متولى
شبل /ههههه مين فيهم ياخال
امجد / نرجس بتسأل لية
شبل / اصلى انا كمان عوز اتزوج اختها نورا
امجد / يخرببيتك هو انت اللى كنت واقف معاها وابوها شافك وانا ادبست واخدت دوش تهزيق بدالك
شبل / ههههههه تعيش وتاخد غيرها ياخال بلاش تلعب من ورايا انا اللى كنت بابعت نورا تقول لنرجس ابوكى جة عد الجمايل
الحاجة زاهية / يخرببيت دماغكم يلا حد فيكم يوصلنى عند مختار
امجد / هن ٠٠٠٠٠٠٠٠٠٠٠٠٠
الفصل التاسع
الحاجة زاهية / يخرببيت دماغكم يلا حد فيكم يوصلنى لعند مختار
امجد / هنروح احنا الاثنين معاكى. وننتظر نرجع مع بعض
الحاجة زاهية / خد ياولد ياشبل حط الحاجة دى فى العربية
شبل / انتى ما بتقدريش تقولى لامجد ياولد اشمعنى انا اللى ولد
امجد / يلا ياخفيف شيل
الحاجة زاهية / اية رأيكم ناخد مديحة ام قمر معانا
شبل / مش هينفع ياستى انتى ناسية ان ابنك منبه ان محدش يروح عندة من اهل قمر ولا حد يكلمة فون
الحاجة زاهية / خلاص ياولدى يلا
ضحى / زهرة قومى انا عوزة اعمل حاجة هاخد رأيك فيها
زهرة / خير يابنتى اتكلمى
ضحى / انا عوزة اقعد هنا مش عوزة ارجع اسافر تانى مش بحب العيشة هناك
زهرة / ابوكى مستحيل يوافق بكدة دمخة ضيق
ضحى / هافكر على طريقة اخلية يوافق
زهرة / هاتى ورقة وقلم من درج السراحة وفى صور لاحمد هاتيها لانة وحشنى اوى وقعدت تبكى جامد
ضحى / ارجوكى بلاش تبكى هو ان شاء الله فى الجنة
زهرة / انا مش ببكى علشان احمد مات لا والله انا فرحانة اوى انة مات علشان ميتعذبش من بعدى وبخاصة انة كان عارف ان ايامى معددة
ضحى / الاعمار بيد الله سبحانه وتعالى محدش عارف هيموت امتى
زهرة / ونعم بالله العلى العظيم. بس حالة قلبى انتى ناسية انى عندى عيب خلقى فى القلب صدقينى انا احيانا بكون نايمة واحس ان قلبى هيوقف وكان احمد بيحس بية وساعتها كان بيحضنى جامد اوى يفضل حضنى لحد قلبى ما يرجع لدقاتة الطبيعية
ضحى / ببكاء احمد دة انسان لايعوض بصراحة انا مش مصدقة انى مش هاشوفة تانى
زهرة / افتحى الدلاب وهاتى الشنطة اللى قدامك
ضحى / اتفضلى ياقلبى
زهرة / تعالى شوفى احمد جايب اية لشهد بصى. دة طقم دهب ليها اول ماتتولد.
ضحى / ماشاء الله تحفة بجد ذوقة حلو اوى
زهرة / بدموع ودة لما تتخرج هيكون هدية فرحها. شوفى اول حرف من اسم شهد وانا واحمد محفورين مش اى حد يقدر يشوفهم لازم يركز جامد علشان يقدر يقرأ الحروف
ضحى / ارجوكى كفاية انا تعبانة وقلبى موجوع علية اوى دكان اكتر من اخ لية
زهرة / ودى هدوم شهد شوفى بعد ما اشترى اللبس راح لمصنع لتطزيز العبايات وخالهم يطرزو اسم شهد على كل فساتينها كان اب عظيم بجد الحمد لله فاضل 12 واروح جنبة يارب بارك فى بنتى واحفظها من كل شر
ضحى / هو انتى منتظرة حد
زهرة / لا افتحى شوفى مين
ضحى / حاضر هاشوف مين وخرجت فتحت الباب مين حضرتك
فاتن /( مرأت مصطفى ) زميل احمد ومختار ومعتز ) انا فاتن مرأت مصطفى صاحب احمد الله يرحمه عوزة اقابل زهرة ممكن
زهرة / تعالى يا ام زياد اتفضلى
فاتن / البقاء لله ياقلبى ربنا يصبرك
زهرة / ونعم بالله هانت وهاروح جنبة بس اولد شهد واطمن عليها ويحضنى معاه قبر واحد
فاتن / بدموع بلاش تقولى كدة ربنا يطول عمرك وتربى بنتك وتشوفيها عروسة
زهرة / تعرفى يا فاتن. عمرى ماكنت فرحانة زى دلوقت. شهد هتكون مسؤلة من قمر وانا كنت خايفة على احمد بس هو دلوقت بيتمتع بالجنة وانا برحمه ربنا هاكون معاه مصطفى كويس
فاتن / لا رجلة تعبانة الرصاصة اخترقت عظم الفخد
زهرة / ربنا يشفية ويطول عمرة ضحى هاتى حاجة نشربها
ضحى / اتفضلوا هاشوف مين على الباب وفتحتة
غالية / انتى ضحى صح
ضحى / لية انا معملتش حاجة
غالية / وسعى ابت وزقتها ودخلت السلام عليكم
زهرة / تعالى ياغالية دى غالية اخت مختار ياضحى
ضحى / مهو باين بير غتاتة زى بسمالله علية اخوها
غالية / والنبى لو سمعك ليعلقك انا بحذرك بس
ضحى / طز يااختى ولا يهمنى دعامل زى عمود النور
غالية / ازيك ياام. زياد فينك ياحبيبتى مصطفى بخير. وخبطت على دماغها معتز تحت لو عوزين حاجة
ضحى / ايوة عوزين
غالية / اكتبى اللى عوزينة فى ورقة
ضحى / ياخدك معاه عوزين نرش مية
غالية / لا ياماما على قلبك لطولون واعملى حسابك هاتغدا واتعشى معاكم
ضحى / بصراحة انتى تنورى ياقلبى
غالية / ايوه اهدى كدة خلينى اكلم الراجل واقولة يمشى
فاتن / مختار ومعتز كويسين
غالية / معتز الحمد لله ومختار مشفتهوش من امبارح معتز هيروح يشوفة ويفوت على مصطفى فى المستشفى هو كويس
فاتن / دعواتك رجلة نعبانة جامد والله
غالية / ربنا يشفية
مختار / قمر تعالى عوزك
قمر / تحت امرك هاجبيلك عصير وجاية
مختار / لا مش عوز تعالى
قمر / سحبت الكرسى وجلست عليه خير فى حاجة
مختار / هتعملى اية مع زهرة
قمر / انا منتظرة حضرتك تخف علشان اقعد مع زهرة انت شايف انها فعلا تعبانة ومحتاجة خدمة
مختار / يعنى انت موافقة تربى بنت زهرة و احمد
قمر / واية اللى يمنع دهتكون يتيمة وضعيفة مش افضل ما تترمى فى ملجا دبنت صاحبك بروضة
مختار / طب وانا. وحياتنا وحضرتك هتجيبها هنا ولا هتروحى تقعدى فى شقة أحمد
قمر / هاقعد فى شقة احمد مع ضحى وربنا يطول عمر زهرة وتربى بنتها وسواء زهرة موجودة او. لا انا عوزة اعفيك من مسئوليتى احنا مر على زوجنا سبع شهور وعشر ايام ودى مدة كافية تشكر انك اتحملتنى كل الفترة دى
مختار / نعم ياروح امك انتى وشاور بايده عليها انتى اللى بتطلبى منى انا انك عوزة حريتك
قمر / واية اللى يمنع انى اطلب الطلاق منك هو انا قولت اية غلط فى كلامى دة
مختار / ان انتى تفكرى تطلبى الطلاق دى. غلطة عمرك وعلشان كدة مفيش طلاق
قمر / دة من وجهة نظرك انما لا تنسى انة من حقى وانا معاك لحد ما ربنا يشفيك هروح ياعند زهرة ياعند عمى لحد ما توصلنى ورقتى ودة اخر كلام عندى
مختار / انتى بتتحدينى هى حصلت لكدة
قمر / انا بحقق رغبتك واتفاقك معايا او بمعنى اصح شرطك وفرمانك لية وكمان عوزاك تعرف حاجة مهمة الا وهى ان جدك هو اللى كلمنى و طلب ايدى ولما رفضت راح لعمى وطلب ايدى وحادثة امجد واخوية فريد برة الليلة خالص وكمان امجد وفريد اصحاب جدآ
مختار / انتى كدابة ومفيش طلاق و ورينى هتعملى اية
قمر / احترام لجدو محمد الطحاوى هاطلب منة يخليك تطلقنى
مختار / انتى هتفضلى متعلقة كدة لحد ما يجيلى مزاج اطلقك غير كدة اقفلى الكلام فى الموضوع دة
قمر / تصدق انت بنى ادم مغرور و الايام بينآ هنشوف كلام مين اللى هيمشى هاشوف مين على الباب وخرجت فتحت الباب يامرحب اتفضلوا الدنيا نورت ازيك ياماما تعبتى نفسك لية
استاذ شبل ازيك عامل اية يااستاذ امجد
شبل / ربنا يكرم اصلك والله انتى الوحيدة اللى بتحترمى العبد لله
قمر / انت انسان محترم ادخلوا مختار جواة هاشوفة صاحى ولا نايم
شبل / براحتك على ماننزل نجيب باقى الحاجات من تحت
قمر / دخلت الاوضة مختار ماما زاهية برة هى واستاذ امجد واستاذ شبل
مختار / سمعت وبيغير التيشير ومش عارف من الم كتفة
قمر / استنى اساعدك وساعدتة فى ارتداء ملابسة وتركتة وخرجت دخلت المطبخ لتجهيز الطعام للحاجة زاهية وامجد وشبل
مختار / يااهلا ياامى تعبتى نفسك لية انا بخير الحمد لله
الحاجة زاهية / قلبى كان واجعنى عليك قوى ياولدى
قمر / اتفضلوا الغدا جاهز وانت يامختار فى ليك شوربة خضار
مختار / انا مليش نفس كلى انتى معاهم
قمر / كل على اد نفسك علشان العلاج
الحاجة زاهية / يلا ياولدى اسمع كلام مرأتك وكل على قد نفسك
مختار / حاضر يامى يلا يا امجد باشآ ولد ياشبل مش عوز تتجوز بئة
شبل / لما تحترمنى وتقول ياشبل من غير ولد ماانا متخرج من الجامعة زيكم
مختار / والله كبرت ياض. وبقيت راجل بشب ههههه
شبل / عوز اخطب الاسبوع اللى جاى
امجد / معاك ياخفيف
الحاجة زاهية / وانتى يابتى مفيش حاجة تفرح قلبى نفسى اشيل ولادكم قبل ما اموت
قمر / بعد الشر عنك مع الاسف ياماما انا طلعت مش بخلف
الحاجة زاهية / خبطت على صدرها ياحزنى يابتى تعالى نروح لدكتور تانى يشوفك
قمر / مختار ربنا يكرمة ودانى لكذا دكتور وطلع كلامهم واحد
شبل / انتى كدابة خالى اصلا وسكت
قمر / مفيش واحدة هتطلع على نفسها انها معيوبة. يا أستاذ شبل
شبل / اسف مش قصدى والله انا بس اتفجئت من كلامك لا اكثر
قمر / عادى هاعمل الشاى
مختار / هادخل انام انا حاسس انى دايخ
الحاجة زاهية / مع زوجك يابتى شبل هيعمل الشاى
مختار / خليكى معايا الليلة يا امى محتاجك بجد
الحاجة زاهية / عيونى ياولدى هاضرب تليفون على ابوك وجدك اخبرهم اننا هنروح بكرة
قمر / اتفضل ارتاح وخد علاجك
مختار / انتى بتحطينى امام الامر الواقع عوزة تتطلقى وتطلعى المسكينة المضحية وحياتك عندى ما انتى طايلة تتطلقى منى هاخليكى معلقة لا طايلة سما ولا ارض
قمر / طلما حلفت بحياتى انا اطمنت انى هاطلق وبسرعة لان حياتى لا تمثل شيئ عندك
مختار / بلاش تستفزينى انا عارف انك طمعانة ان زهرة تأمنلك حياتك وتعيشى بقيت عمرك على حساب بنت احمد وزهرة مهو الطمع مالى قلبك
قمر / بدموع متخفش على بنت صاحبك انا الحمد لله عندى ورثى من ابوية يكفينى وزيادة بعد اذنك وتركتة وخرجت
الحاجة زاهية / مالك يابتى هو مختار تعبان جامد
قمر / لا ياماما هو بخير هيرتاح شوية ويبقى يقعد معاكم
شبل / انا هادخل اطمن علية
الحاجة زاهية / ادخل ياولدى
شبل / خبط على اوضة مختار ودخل
مختار / افندم عوز اية يانكد
شبل / طلقها ياخال اديها حريتها هى من حقها تعيش حياتها وتتزوج راجل يسعدها وكمان تخلف منه
مختار / هى الهانم اشتكتلك
شبل / والله محصل اصل مفيش واحدة تقول على نفسها انها عا٠٠٠٠٠٠٠٠٠٠٠٠٠٠٠