رواية عذراء ولكن الفصل السادس العشرون والسابع والعشرون بقلم هبه احمد
غالية / ربنا يكملك على خير انتى هتعملى مشروع اية ابت
قمر / هافتح حضانة اطفال وبكدة افضل مع ولادى وربنا يرزقنى بفلوس اربيهم
غالية / هو مشروع حلو بس له مخاطر بروضة
قمر / على مااولد يكون الاستاذ خالد خلص الاجراءات المطلوبة شوية شوية هاتعلم
غالية / معاكى امزة بس عوزة. اكل
ام السيد ( الست الشغالة ) الشقة بقت فلة ياستى ممكن تدخلوا علشان امسح البلكونة بالمرة
قمر / انتى بتشتغلى عند حد ياام سيد
ام سيد / لا اهو اللى عوز يمسح سلم ولا يروق شقتة زى حضرتك والاستاذ خالد ربنا يكرمة بنضف مكتبة كل اسبوع وماشى الحال الحمد لله
قمر / انا هافتح حضانة فى الدور الارضى تاجى تشتغلى معانا طول الاسبوع والجمعة اجازة
ام سيد / موافقة بس اروح الخميس بدرى علشان انضف مكتب الاستاذ خالد
قمر / الحضانة هتكون فترة واحدة من 9: 3 كل يوم والجمعة اجازة
ام سيد / موافقة طبعآ وعندى بنتى كانت شغالة فى حضانة. وسابت الشغل اخو صاحبة الحضانة غتت عليها
غالية / تاجى هى كمان هو انتى ساكنة بعيد
ام سيد / لا باجى ماشية
قمر / خلاص اتفقنا ابقى خلى بنتك تاجى نعرف منها المطلوب ايه وكده
ام سيد / حاضر
معتز بيهاتف مختار
مختار / السلام عليكم عامل اية
معتز. / وعليكم السلام حمد الله على السلامة بقااا كدة كل دة غياب مرأتك كانت بتموت من القلق عليك
مختار / مهو باين المهم انت كويس
معتز / هو فى اية يابنى
مختار / انا هارجع المعسكر تانى ومش راجع
معتز / هى قمر فين
مختار / الهانم مشت راحت شقة احمد
معتز / يخربيتك يا اخى انت بنى ادم بصراحة لا تطاق دى كانت هتموت علشانك
مختار / خلاص كل شيئ نصيب
معتز / طب وولادك هتعمل فيهم اية
مختار / لما تولد هاخدهم لامى تربيهم
معتز / انت انسان ظالم بجد مش كفاية هى عاشت خدامة ليك ولكل اللى كان بيجاى عندك ومنهم غالية مرأتى وكمان لما حبيت تكون زوج عاملتها اقسى معاملة ودلوقت عوز تحرمها من ولادها مش هتقدر عارف لية
مختار / وانت اللى هتمنعنى صح
معتز / لا ربنا هو اللى هيبعدك عندهم لانه سبحانه وتعالى ميرضاش بالظلم سلام ياصاحبى واغلق فونه وجلس فى الحجرة لوحدة
مصطفى / دخل عليه الاوضة فى اية يابنى بتزعق لية اوعك تكون اتخانقت مع ام يوسف
معتز / لا د الزفت مختار شكلة اتخانق مع قمر وهى راحت بيت ابو احمد غالية بعتتلى رسالة بكدة. وبتقول ان قمر هتفتح حضانة تعيش من الايراد بتاعها هى و اولادها وبنت زهرة
مصطفى / قمر دى انظلمت جامد مع المتخلف مختار اللى يشوفة فى اى مأمورية. ومخة الشغال ميشفهوش مع مرأتة ومعاملتة الزفت ليها
معتز / ربنا يهدي اهى غالية ويوسف معاها
مصطفى / اهو يوسف دة اللى حبيبى نفسى اخطفة وادية لفاتن علشان تبطل تظن عوزين عيل كمان
معتز / امشى يالا خلف وابعد عن ابنى ولا عجزتى يابطة
مصطفى / بطة فى عينك غور شوف اى حاجة ناكلها انا جعان
معتز / واخوك شرحة اروح اغتت على اللى فى المطبخ
محفوظ / السلام عليكم عوز اقابل الحاج محمد ممكن
السكرتيرة / اقولة مين
امجد / ازيك ياعمى محفوظ اتفضل جدى جوه نورت
محفوظ / يزيد فضلك يابنى عامل اية ومرأتك بخير
امجد / الحمد لله بتسلم على حضرتك جدى عمى محفوظ
الحاج محمد / اتفضل دانا كنت هافوت عليك النهاردة
محفوظ / خلاص هامشى وتعالى نورينا
الحاج محمد / اقعد وانت كمان يا امجد خليك معانا سمعت ان مختار جه امبارح بالليل
محفوظ / عارف وانا جاى ليك اطلب منك انك تبعدة عن بنتى انا مش عوز فريد يمسك فيه
الحاج محمد / لية كل ده الراجل رجع بيتة لمرأتة اللى لسة فى شهور العدة فى ايه غلط دلوقت
محفوظ / فى ان بنتى سابت شقتة وراحت قعدت فى بيت ابو احمد لما حفيدك هانها تانى
امجد / جدى انت وعمى محفوظ راحوا حلو المشكلة دى مهو لاهو متقبل قمر فى حياتة لا هى هتسكت على الاهانة زى زمان
الحاج محمد / انا زهقت منه بصراحة ده ولا عقل طفل
شبل / السلام عليكم انا مروح هاروح اخد نورا من الجامعة شكلها تعبانة شوية
الحاج محمد / الف سلامة عليها ياولدى روح انت
شبل / جدى شوف دكتور امراض نفسية وودى خالى مختار له حرام قمر تتحمل انسان مريض نفسى فريد حكالى على اللى حصل
الحاج محمد / انا معنديش مانع بس مين اللى يقدر يقنعة
شبل / مفيش غير ال٠٠٠٠٠٠٠٠٠٠٠٠
الفصل السابع والعشرون
الحاج محمد/ انا معنديش مانع بس مين اللى يقدر يقنعة
شبل / اللواء خليل هو الوحيد اللى يقدر يقنعة وكمان يقدر يرجعة لمرأته
محفوظ / هو اللواء بتاعك فاضى يشتغل مصلح اجتماعى
شبل / اللواء خليل بيكون عمى وعمره ميرفضليه طلب
محفوظ / يقنعة يتعالج ايوه انما يرجع لمرأتة لا انا رافض وعلى فكرة مفيشحد هيقدر يحرم بنتى من اولادها اقسم بالله لو مختار فكر مجرد تفكير ياخد الولاد للست زاهية تربيهم زى ما بيهدد ماحد واقف قصادة غيرى انا كفاية ظلم وجبروت
الحاج محمد / ياخدهم ازاى دول ولاد قمر وبس بحق ربنا هو كان فين لما الغلبانة دى شافت الويل حمل وتعب نفسى وعصبى كانت بتموت من القلق عليه لا كده كتير
شبل / هو طول عمره ماشى بدماغة ولما حب من خابتة معرفش يختار صح حب واحدة مش كويسة ضحكت عليه هى واخوها واخدو كل حاجة وفى الاخر طلعت ولا بلاش
الحاج محمد/ انا نازل له بكرة اتصرف معاه
شبل / لا خليكم انا هاتكلم مع عمى خليل وافهمة المطلوب منه وهو هيتصرف
محفوظ / دى مشكلتكم المهم عندى يبعد عن بنت اخوية والا اقسم بالله انسى العيش والملح اللى بينا واجايبة متكتف تحت رجلين قمر
شبل / من حق تعمل اكتر من كده لان قمر اكتر واحدة اتظلمت منه
محفوظ / انا ماشى سلام عليكم انا بكرة رايح لعند قمر وهاقعد معاها يومين
الحاج محمد / انا معاك وعلشان عوز افهم منها شوية حاجات فى الشغل
قمر / ام سيد خدى الاكل ده وروحى وتعالى بكرة وهاتى بنتك معاكى لو حبت تشتغل معانا
غالية / هى بنتك اسمها اية يا ام سيد
ام سيد / اسمها أيات ياهانم
قمر / اسمها جميلة اوى يلا شدى الباب وراكى مع السلامة
غالية / شكلها هتلعب. ابت كلمى مسيو خالد باشآ
قمر / فينك يا معتز تاجى تسمع مرأتك
غالية / طلعت لسانها ملكيش دعوة ابت
قمر / طلبت خالد المحامى
خالد المحلمى / السلام عليكم انتى فين دلوقت
قمر / انا فى بيت ابو احمد وهافضل فيه على طول
خالد / وهتعملى ايه فى الشقة
قمر / شوف حد يظبت الباب و انا كل فترة اشقر عليها. علشان حاجة زهرة واحمد هتفضل فيها لانها من حق شهد
خالد / حاضر نورتى مكانك
قمر / بقولك عوزة افتح حضانة فى الدور الارضى واسكن انا فى الدور اللى فوق
خالد المحامى / ممكن سؤال من غير زعل
قمر / اتفضل تحت امرك
خالد المحامى/ وزوجك موافق على كده
قمر / انا شبة منفصلة عنه وانا اللى بكلمك ومختار ملهوش دعوة باى حاجة. كتر خيرة حملة تقيل حضرتك عارف هو طول الوقت مشغول
خالد المحامى / فهمت. والمطلوب منى
قمر / التراخيص وبنت ام السيد الشغالة اكيد هتفيدك هى عندها خبرة
خالد المحامى / تمام عشرة ايام تكون التراخيص معاكى. خدمة تانى
قمر / تشكر معلش تعبابك معايا
خالد المحامى / مفيش تعب انتى ليه مش بتصرفى من ارباح حساب شهد
قمر / مقدرش امد ايدى على فلوس البنت الغلبانة دى. تشكر يااستاذى
صباح يوم جديد
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اللواء خليل / يهاتف مختار
مختار / السلام عليكم أأمرنى سيادتك
اللواء خليل / وعليكم السلام عوزك كمان ساعتين تكون فى الكافتريا اللى على الناصية اللى فية مكتبى
مختار / حاضر تحت امرك هاكون عندك قبل الميعاد وقام دخل الحمام اخد شور دخل المطبخ فتح التلاجة وجد بواقى اكل لا يكفى طفل صغير. قلبه تألم معقولة هو ده اكل قمر ودخل جاب الشنطة اللى فيها المؤخر. بتاع قمر وفتحها وجدها كم هى لم تأخذ منها شيئ استغرب كيف عاشت لمده 8 شهور ومع شهد وحامل وهز دماغة جامد وترك الشقة وخرج ركب عربيته واخذ يجوب فى الشوارع الى ان وجد مطعم امامة دخلة. واكل وشرب قهوتة. وخرج راح الى الكافتريا اللى قال عنها اللواء
اللواء خليل / عامل اية
مختار / الحمد لله خير تحت امرك
اللواء خليل / اقعد هاتلى قهوة. وشوف انت عوز ايه
مختار / حاضر قول حضرتك عوز ايه
اللواء خليل / مرأتك بخير
مختار / تغير وجهة وقال هى بخير
اللواء / مرأتك دى بصراحة ست جدعة خلى بالك منها
مختار / هى بخير ومتقلقش على بنت احمد وزهرة دى عندها استعداد تبيع الدنيا علشانها
اللواء خليل / وتبيعك انت كمان
مختار / متقدرش دانا كنت ولعت فيها
اللواء خليل / بقولك تعالى معايا مشوار ممكن ولا مشغول
مختار / تحت امرك يلا هنمشى ورا بعض ولانركب عربية واحده
اللواء خليل / نركب عربية واحدة وعربيتك يلا سوق يااسطى مختار.
مختار / اسطى. ماشى اتفضل على فين
اللواء خليل / عوز اروح ل٠٠٠٠٠٠٠٠٠٠٠٠٠٠
مختار / انا عوزة ارجع معسكر التدريب تانى ويمكن افضل هناك
اللواء خليل / هانزل اركن العربية وتعالى
مختار / حاضر ركن وجة
اللواء خليل / ادامى. ودخل الاسانسير وضغط على رقم الدور المطلوب وعندما وصل اخرج ياولد
مختار / هو حضرتك رايح لحد هنا
اللواء خليل / ايوة هاسلم على ابن عمى ادخل متخفش
مختار / سلام قول من رب رحيم
اللواء خليل / هو الدكتور فاضل موجود
الممرضة / ايوة ومنتظر حضرتك
اللواء خليل / طب خدى الباب وراكى وروحى
الممرضة / تحت امرك يا باشآ
مختار/ هو فى اي٠٠٠٠٠٠٠٠٠٠