رواية تحدي مع الشيطان الفصل الثاني والعشرون والثالث والعشرون بقلم زهرة الربيع
الثاني والعشرون
الصدمه الاكبر كانت لما جميله صرخت وقالت...تنام معاها..تنام مع مين مع مرات اخوك انت تتجننت رسمي اعقل يا سليم
ندى كانت هتقع من الصدمه مش قادره تتخيل حتى انو بيضحك عليهم او انو بعمل كده اصلا ..اول حاجه فكرت تتصل على سليم تشوفو بيتكلم في التلفون في الوقت ده ولا لا..رنت بس نزلت دموعها لما طلع تلفونو قيد الانتظار وبيكلم حد فعلا رنت مره في التانيه في التالته برضو انتظار حاولت تسمع حاجع يمكن تفهم بس اتفاجأت بجميله بتقول بزعيق.. لا يا سليم استنى متقفلش الخط ..سليم .سليييم ورمت التلفون بعصبيه على الارض وهيه بتشد شعرها بتوتر
ندى اول ماسمعت كده رنت تاني على سليم تشوفو خلص مكالمتو هو كمان بس اول مارنت اداها مقفول بعد ما كان بيدي انتظار جريت على الاوضه بصدمه بقت ترن لهنا تلفونها مقفول كانت بتحاول تكلمها وهي مش عارفه تعمل ايه تتصرف ازاي قلبها بيقول لها مستحيل يعمل كده بس عقلها بيقول انتي سمعتي بودانك بس بيتفقو لاتنين على انها تنقذ اختها مهما كان..
بعد عدة محاولات فقدت الامل ان هنا ترد مفضلش قدامها غير حاتم لازم تقلو وهو يتصرف لازم تنقذ اختها
قبل شويه كان سليم في الشركه مع الموظفين زي العاده جالو تلفون وطلع بسرعه واتوجه نا حية شقتو الي بالمعادي
ندى كانت عايزه تكلم حاتم بس رقم تلفونه مش معاها نزلت بسرعه لامال وقالت بخوف ورعب
ماما عايزه رقم حاتم بسرعه ارجوكي بسرعه
امال بخوف من منظرها..هو فيه ايه حاتم كويس مش كده
ندى بقلق وخوف..كويس والله ارجوكي اديني الرقم بسرعه وخدت الرقم من امال وكمان عرفت منها عنوان شقت سليم الي في المعادي
طلعت وقالت للخدم يجبولها عربيه وطلعت بيها بأقصى سرعه على العنوان وهي مرعوبه وبتدعي يكون كدب مسكت تلفونها ورنت لحاتم يلحقها لان هي هتتأخر لان القصر بعيد عن الشقه كتير وحاتم جالو رقم غريب اداه للسكرتيره ترد
السكرتيره..حاتم بيه واحده بتقول ان اسمها ندى
حاتم باصص للورق الي قدامو بعدم اهتمام ومش متخيل اصلا ان ندى تكلمو قال..ندى مين دي سيبك منها قوليلها اي حاجه
السكرتيره... بس يا فندم مصره وبتقول انها مرات اخوك
حاتم اتعدل في قعدتو بقلق و خد التلفون بسرعه وقال ..فيه ايه ندى خير ماما كويسه
ندى ببكا ورعب حقيقي صرخت وقالت...اخيرا حد رد عليا الحق هنا يا حاتم الحق مراتك
حاتم قام بخوف وقال...مالها هنا فيه ايه
ندى ببكا شديد .... هنا في خطر يا حاتم الحقها ارجوك انا مش هلحقها روح شقة سليم
حاتم مش فاهم وصوت بكاها راعبو ومش مخليه فاهم ابدا.. زعق فيها وقال..اهدي.. اهدي شويه وفهميني
ندى حاولت تسكت و قالت.. سليم ..سليم خطف ندى وخدها شقتو الي في المعادي وعايز..عايز
حاتم قفل معاها بغضب ونادى للسكرتيره وقال...سليم بيه لسه بره
السكرتيره لا يا فندم جالو تلفون ونزل من ساعه تقريبا
حاتم تقريبا فهم مع انو برضو مش مصدق ان سليم يخطف هنا وياذيها بس الغضب عماه لمجرد التفكير اتوجه لخزنة مكتبو وطلع سلاح حطو في جيبه والدم بيغلي في عروقو شكلو ميبشرش بخير ومنظرو يرعب لابعد الحدود خرج من الشركه والغضب بيقتلو وبيدعي يكون كلو كدب
سليم بقى وصل الشقه ودخل وبقى ينادي ..جميله..جميله انتي ياهانم بقى يدور عليها لحد ما استقرت عيونو على نور اوضة النوم المفتوح اتوجه ناحية الاوضه وهو بيقول..جميله انتي جوه ..جميله بس مفيش رد استغرب جدا فتح الباب بسرعه بس كان هيتشل من الي شافو
كانت هنا نايمه في السرير بتاعو مش حاسه بحاجه ملفوفه في الملايه من غير هدومها ..الف احساس في بعض مابين الخضه والصدمه مش مصدق الي شيفاه عينو اخير اتحرك من مكانو وجري عليها
سليم بصلها بخوف شديد وبقى يضرب خدودها بخفه وقلق واضح وهو بيقول...ه..هنا ...هنا مالك ..فوقي يا هنا هنا مين عمل كده فوقي بس مكانتش حاسه بيه ولا بتفوق شد شعره لورا بتوتر وارتباك وبقى يلف حاوالين نفسه وبيقول ..اعمل ايه ..اعمل ايه..قال كانو غريق وشاف طوق نجاه...اه حاتم
اتصل بحاتم بس ضرب على الارض بغضب لما افتكر ان تلفونو مش معاه جري على المطبخ وجاب كبايه ميه هيحاول يفوقها
سليم مسك الميه وحاول يقعد هنا بس هيه مش سانده نفسها لانها غايبه عن الوعي شدها عليه اااتسندت بضهراها عليه وبقى يحطلها ميه على وشها ويحاول يشربها سند الكبايه وبقى يحاول تاني لاكن للاسف وقف بزهول وصدمه لما لقا حاتم قدامو جري عليه بسعاده وقال...حاتم الحمد لله انك جيت هنا.يا حاتم مش بتفوق مش عارف مالها
حاتم كان مغيب تماما وكأنو مش شا يفو كل الي قدامو هنا باصص عليها بدموع منظرها كان كفيل يقتلو با ين من العلمات الي في وشهاو الجرح الي في شفايفها انها مضروبه وحالتها صعبه اتقدم عليها ببطأ ورجليه مش شيلاه اول ما وصل عندها فضل يبصلها بألم حاول يحط ايده على وشها بس رجعها تاني قلبو بينزف ومش قادر يتحرك قال بدموع ...مقدرتش احميكي يا هنا مقدرتش احميكي من طيبة قلبك وثقتك الغبيه فيه وبقى يبكي بشده فاق على صوت سليم
سليم بخوف...مش وقتو يا حاتم ان شاء الله خير خلينا ناخدها على دكتور ونعرف مالها
حاتم قام ببطأ و بصلو بدموع ونظرة اشمئزاز و قال وهو بيتقدم عليه .... وانت مش عارف مالها.. مش عارف مالها يا سا.فل.. يا ندل ...يا حق.ير ...
سليم بص لملامحو الي الغضب ماليها واخير حس بالوضع الي هو فيه برق بشده وبلع ريقه بصعوبه ارتعش من شدة الخوف ولاول مره يبقى مرعوب من حاتم كده قال بصوت مرتجف...انت ..انت فهمت ..ايه..انا ..اديني فرصه افهمك ..صدقني مش زي مانت فاك...
بس قاطعو حاتم لما خنقو بشده على الحيط وبقى يقول بغضب رهيب..المره الاولي قلت معرفتهاش طب دي كمان معرفتهاش ده انا لو ربيت كلب كان بقى اوفى منك وكمل بغضب جحيمي.. ذمبها ايه تعمل كده في الي وثقت فيك اكتر من نفسها..بس انا مش هعديها هتدفع التمن يا سليم تمن كل الي عملتو لحد انهارده هتدفعو غاالي قوي وسابو ووقع سليم على الرض وبياخد نفسو بصعوبه كان خانقو جدا كان هيطلع بروحه قاعد على الارض وبيحس مكان ايدو بخنقه لاكن ارتجف لما حس بشئ على دماغو رفع راسو ببطأ وخوف ونزلت دموعو بالم رهيب لما شاف اخوه مصوب السلاح في دماغو
بقلمي...زهرة الربيع
سليم قال بدموع...خلاص حكمت وهتنفذ من غير حتى ماتسمعني معقول انا رخيص عندك كده انا لاول مره عايز اموت يا حاتم خصوصا على ايدك عارف ليه علشان هتعرف اني مليش ذمب في اي شيئ وساعتها مش هكون موجود علشان اسامحك كفايه عليك الي هتحسو وقتها ربنا يصبرك عليه.. وكانت دموعو بتنزل زي المطر
حاتم كان للحظه اتهز من كلامو و قلبو رق لاكن بص على هنا منظرها حول ملامحول لغضب اعمي قال.. اه حكمت ورفعت الجلسه كمان والحكم اعدام يا ابن ابويامش قولتلك هتدفع التمن غالي اديك هتدفعو الباقي من عمرك اتشهد ولوانها مش هتنفعك
حاتم شد اجزاء السلاح وقال ....طلبتها ونولتها يا ابن امال
وضرب رصاصه صوتها هز المكان
الفصلالثالث والعشرون
حاتم شد اجزاء السلاح وقال....طلبتها ونولتها يا ابن امال وضرب رصاصه صوتها هز المكان استقرت في السقف بعد ما ندى رفعت ايده بسرعه
حاتم بصلها بغضب اعمى وقال انتي ايه الي جابك ابعدي من قدامي احسنلك والله ابعتكم لعزرائيل سوا
سليم كان مغمض عينه واول ما قال كده وقف بسرعه وقال برعب..لا لا يا حاتم ..هيه ذمبها ايه ..هيه هتبعد...وبص لندى وابتسم والدموع بتلمع في عنيه..وقال كويس انك جيتي كنت بدعي اشوفك دلوقتي كان نفسي تكوني اخر حاجه اشوفها كنت عايز اقولك اني حبيتك أوي اوي يا ندى كان نفسي اققولهالك في وقت احسن بس انا بجد بحبك سامحيني على كل مره ازيتك فيها من غير ما اققصد
ندى بصتلو بدموع كانت بتتمنى تيمع كلمة بحبك منو من زمان كانت بتحلم ليها بس بصت على السرير وشافت اختها دموعها نزلت بألم وغمضت عنيها بوجع حقيقي
سليم بصلها وقال بدموع...مش انا...والله ما انا يا ندى انتي اكيد مصدقاني
ندى كانت بتبكي وبس وحاتم رد بسرعه وقال انت لسه بتكدب انت مش بني ادم انت بينك وبين الموت خطوه وندى بذات مش هتصدقك لانها كشفتك قبلي وهي الي قالتلي على وساختك
سليم طبعا مش فاهم حاجه ابدا قال...ازاي يعني وقالتلك ايه مش فاهم حاجه
حاتم اتنرفز جدا ولسه هينطق ندى قالت..ليه ...ليه يا سليم وكانت بتبكي بشده وبتقول اعمل ايه انا دلوقتي اتصرف ازاي عملت فيا وفي نفسك كده ليه انا مش هقدر اعيش معاك ولا اعيش من غيرك ..ليه بس ليه
سليم لسه هيتكلم حاتم صوب المسدس وقال.. ورحمت ابويا يا ندى لو ما بعدتي لاموتك قبلو وزعق بشده..ابعدي بقولك
حاتم كان في حاله ترعب سليم خاف جدا على ندى بقى يبعدها وهو بيقول برعب ابعدي ابعدي يا ندى بقولك لاكن ندى حضنتو بشده وبقت تبكي وتقول.. لا لا مش هبعد ..هموت معاك مش عايزه افضل بعدك لا وكانت ماسكه فيه بشده لدرجة ان حاتم استغرب منها وسليم كان مرعوب انها تتأذي بقى يحاول يبعدها بس هيا متبته فيه بشده
حاتم اتعصب جدا قال... تمام خليكي موتو سوا وشد الاجزاء وصوب عليهم وهو متردد وايده بترتعش فكرة انو هيقتلو بترعبو استجمع كل قوته و سليم دفع ندى بعيد بشده وقعت على الارض ولسه هيضرب سمعو صوت يعرفوه كويس بتصرخ بشده وبتقول لا سيبو يا حاتم اخوك ملوش دعوه
سليم كان واقف مرعوب وحاتم التفت نا حية الصوت وكانت جميله واقفه بتنهج بشده اول ما التفت لها قالت...زي ما سمعت انا عملت كل شيئ اخوك مجاش جمب مراتك اديني فرصه احكيلك الحكايه كلها
حاتم بصلها ووقف بزهول مش عارف يصدقها ولا يقتلو بس فضل يسمعها لو فيه امل واحد في الميه انو يطلع برئ هيسمعها
ندى وقفت بسرعه وقالت ازاي انا سمعتك و
بس قاطعتها جميله وقالت..سمعتيني في التلفون انا كنت قاصده انك تسمعيني علشان تقولي لحاتم اصلا مكنتش بكلم سليم سليم تلفونه مش معاه
سليم قال بصدمه..صحيح تلفوني مش معايا تلفوني اتسرق الصبح وانا على الطريق
جميله ردت ..ايوه رجالتي سرقوه علشان ندى متعرفش توصلك
حاتم اتقدم عليها بعصبيه وقال..انتي...ليه وعملتي كده ليه عارفه لو دي لعبه جديده هعمل فيكي ايه
جميله بلعت ريقها بخوف منو وقالت..كل الي فات لعبه يا حاتم اما لو عايز تعرف الحقيقه واجاوب على كل الاساله الي ملقتلهاش اجابه انا مستعده بس فوق هنا الاول
سليم بصلها بحزن وقال مش راضيه تفوق انا حاولت كتير حتى حاتم ضرب بالمسدس والصوت مصحهاش
جميله فتحت الشنطه بتاعتها وطلعت حبايه وقالت لحاتم ..حط الحبايه دي تحت لسانها وهتقوم ان شاء الله
حاتم بصلها باستهزاء ولسه هيرفض جميله قالت بسرعه متخافش يا حاتم هنا واخده مخدر قوي الحبايه دي هتفوقها متقلقش انا مستحيل اققتل
حاتم قال بغضب ونبره زات مغزى...غريبه مع انك قتلتي قبل كده
جميله فهمت قصدو بصت على الارض وقالت بحزن...انا اسفه على كل الي حصلك يا حاتم
حاتم مد ايده بغضب خد الحبايه منها واتوجه ناحية هنا وهو بيقول..اسفه دي تقوليها لما تكوني دوستي على رجلي يا جميله ..جميله فضلت باصه عليه بدموع وهو قعد جمب هنا حط الحبايه تحت لسانها وفضل قاعد ماسك ايدها بقلق وخوف عليها
بعد شويه صغيرين هنا ابتدت تفتح عنيها ببطأ حاتم ابتسم بسعاده ولهفه وقال ...هنا ..الحمد لله..انتي كويسه يا هنا
الكل فرح جدا وبقو يحمدو ربنا انها قامت وهنا بقت تفرك دماغها بتعب وقالت..ح ..حاتم...انا ...حاسه بصداع وو بس فتحت عنيها بشده وزهول لما شافت نفسها ملفوفه في ملايه بس وسليم واقف استخبت في حضن حاتم وقالت ببكا...مشيهم يا حاتم طلعهم بره وبقت تستخبا فيه مش عايزه حد يشوفها
حاتم حضنها بشده بيخبيها عن الكل و حس بغضب من نفسو وغباء مكانش لازم يحطها في الموقف ده بس هو نسي اصلا وضعها من كتر غضبو من سليم وخوفو عليها قال بحده...اطلعو بره مش عايز حد في الاوضه خالص
سليم اتحرج جدا هو كمان خوفو على هنا والموقف نفسو خلاه نسي وفضل واقف اول ماقال كده طللع بسرعه وجميله طلعت وراه وندى قالت..خليني اساعدها يا حاتم
حاتم لسه حاضن هنا قال ...لا يا ندى اخرجي انتي انا هساعدها
ندى هزت راسها بالموافقه وخرجت وهنا كانت مستخبيه جامد في حاتم و بترتعش من الخوف
حاتم رغم انو كان زعلان عليها جدا لاكن لما اتخبت في حضنو عن عيون الكل حس بسعاده كبيره قال ..هنا ..هنا خلاص مفيش غيرنا متخافيش وبعدين محصلش حاجه اهدي
هنا بعدت ببطأ وقالت بدموع..ازاي محصلش حاجه يا حاتم اخوك كان واقف وغلط يشوفني كده وبقت تبكي بشده وتقول..مين الي عمل فيا كده يا حاتم مين ..انا مش فاكره حاجه انا كل الي فكراه كنت رايحه عند بابا وو وجماعه وقفو قدام عربيتي حاولت اهرب بس مقدرتش وبقت تشهق وتبكي وكملت..ضربوني ورشوني ببخاخ ومحستش بحاجه غير دلوقتي وذاد بكاها ودموعها وقالت انا خفت جدا يا حاتم اترعبت
حاتم قلبو وجعو عليها كل ما يفتكر خوفها لحظتها مجرد التفكير بيعصبو وبيجرحو بقى يشدد على حضنو ليها ويطبطب على ضهرها بحنيه و قال....اهدي يا هنا انتي بخير دلوقتي انا معاكي متخافيش اوعدك عمري ما هخلي حد يأذيكي تاني دا وعد مني طول ما انا فيا النفس ارجوكي كفايه دموع كل شيئ هيتحل بس انتي اهدي
هنا بعدت عنه وقالت بسرعه...انا ازاي كده مين عمل فيا كده يعني هما ..هما عملو فيا ايه يا حاتم انا مش لابسه هدومي فين وبقت تبص حوليها وهي مرعوبه لقت هدومها على الارض حطت كفوفها على وشها و بقت تبكي بشده
بقلمي..زهرة الربيع
حاتم بعد ايديها و حضن وشها باديه وقال اشششش مفيش حاجه من الي في دماغك حصلت اهدي والله ياهنا وحيات دموعك الي اغلى من الدنيا كلها لاخلي الي عمل كده يتمنى الموت وميلاقهوش مين ما كان حتى لو كان سليم
هنا بصتلو بتستغراب وقالت ..سليم..وايه دخل سليم في الي حصل بقولك دول ناس خطفوني وبعدين ايه الي يخليك متأكد ان محصليش حاجه شكلهم كده عملو حجات بص احنا نطلع على اي دكتوره اتأكد ازا كانو قربولي اولا يلا يا حاتم يلا بينا وكانت هتقوم
حاتم شدها وقال اهدي بس انا قولتلك محصلش حاجه جميله شكلها ورا كل الي حصل وهي قالت محدش قربلك خلينا نطلع هي مستنيه بره نشوف هتقول ايه وبعدين نتصرف وكمل بمرح عكس جرح الي في قلبو..وبعدين دكتورة ايه الي تروحيها ونطلع من هنا كمان انتي ناسيه انك المفروض مدام من شهر انا ناقص فضايح وبعدين لما تسالك على جوازك هتقولي ايه جواز مع وقف التنفيذ مش تهدي كده وتعقلي وقم جمع هدومها من على الارض وحطهم جمبها وكمل.. بصي انتي تساعديني تخليني البسك وانا يا ستي اول ما نوصل اوضتنا بخير ان شاء الله ليكي علي اطمنك انك لسه بخير واخليكي تتأكدي كمان وغمز بوقاحه
هنا برقت ووشها احمر من الكسوف بعد ما فهمت قصدو قالت احم بلاش قلة ادب انا مش ناقصه وبعدين انسا انك تساعدني في لبسي انت تخرج وتبعتلي ندى و
بس شهقت بزهول لما حاتم شدها عليه وهو باصص لعيونها ووقع الملايه وبقى يلبسها وهي سا كته من الصدمه والكسوف لبسها وهو شبه مبصش عليها كان سارح في عيونها بشده وهي كمان كانت بتبصلو بتوهان خلصو وطلعو من غير كلام لقو سليم وجميله وندى في الصاله مستنينهم
حاتم قعد هنا جمبو وماسك ايدها بحب وبايده التانيه طلع المسدس وحطو على الطربيزه قدامهم هنا اتفزعت وقالت بخوف البتاع ده معاك ليه يا حاتم شيلو من قدامنا
حاتم بص لسليم بصه ترعب وقال...متقلقيش يا هنا ده مش علشانك انتي وندى مش لازم تخافو فيه الي اولى منك بالخضه دي
سليم كان هيتكلم بس قاطعو حاتم بسرعه قال..نبتدي بندى هانم انتي اتصلتي عليا وقولتيلي اخوك سليم خطف مراتك واخدها على شقتو بالمعادي صح ولا
سليم بص لندى بزهول وندى اتكلمت وحكت كل الي تعرفو بداية من سماعها مكالمة جميله لحد ما وصلت الشقه
سليم كان مستغرب جدا بص لجميله بحده وعصبيه وهجم عليها وبقى يخنقها وبيقول بغضب اعمى ...انا كلمتك اصلا يا كدابه يا حي.وانه مش كفايه الي عملتيه يا واط.يه وبيخنقها لدرجة مبقتش عارفه تتنفس
حاتم بقى يحاول يبعده عنها بكل قوتو اول مره يبقى صعب عليه يبعد سليم عصبيته كانت غريبه والكل حرفيا مش قادر عليه حاتم استجمع قوتو لما شاف جميله خلاص هتموت ومسكو من وسطو شالو بعدو عنها بصعوبه
حاتم بغضب وتعب قال ...اهدى اهدى بقولك استنى عايزين نسمعها نشوفها هتقول ايه
سليم بصلو بحده لدرجه ازهلت حاتم اول مره يبصلو كده قال ...نسمعها ..نسمعها ليه علشان تقولك كلمتين فارغين زى الي قالتهم من يومين وتصدها نسمعها علشان تلعب بدماغك زي العاده نسمعها علشان نكره بعض اكتر بس خلاص يا حاتم بيه خلااااااااص سليم بقى كبر وهو الي مش عايزك خلاص مبقتش محتاج وجودك ولا زعلان علي زعلك افهم الي عايز تفهمو اكرهني قد ماانت عايز عارف ليه لاني انا الي بقيت بكرهك ..بكرهك على قد ما حبيتك ..بكرهك على قد ما احترمتك بكرهك على قد ما اهنتني وزلتني علشان واحده واطيه افضل اسمعها على قد ما تقدر وانا مستنيك امتى ما تحب تضربني تقتلني اديني موجود ودموعو نزلت والغضب كان باين على ملامحو
حاتم قلبو بجد وجعو جدا من كلامو حاول يتكلم بس موقفو كمان صعب قال بهدء عكس طبيعتو....هسمعها يا سليم مش علشان عايز اصدقها لا انا هسمعها لان فيه اجبات لاسأله من زمان قوي مش موجوده غير عندها انت كمان لازم تسمعها والي انت تقول انو محصلش هصدقك
سليم استغرب هدوؤ وكلامو وكان عايز هو كمان يسمع جميله بس مكانش عايز يسمع حاتم تاني قال باستهزاء...تصدقني دلوقتي عايز تصدقني وكمل بعند... ايه رايك مش هسمعها ولو هتبرأني قدامك مش هسمعها ولا عايزك تصدقني اصلا ايه رأيك بقى وكمل والغضب عاميه لدرجه مش عارف بيقول ايه قال...وكل الي كنت بتفكر فيه صح انا كنت اعرفها ومرافقها من زمان تمام وانا قولتلها تتخطبلك تمام وانا الي خلتها تخونك كمان وانا الي بوظت حياتك وانا سبب كل حاجه بتحصل اقولك انا الي جبت هنا الشقه ونمت معاها كمان ايه رايك
حاتم اتعصب لما قال على هنا وفي ثانيه كان ضاربو قلم شديد خلى سليم كان هيقع سليم اتقدم عليه بعصبيه وضربو بوكس شديد لا ول مره يضربو هنا وندا شهقو بخوف وجريو عليهم وجميله لسه واقفه مكانها مش قادره تتكلم
هنا بقت واقفه قدام حاتم وندى قدام سليم وبيمنعوهم من الاشتباك حاتم قال بعصبيه...بتضربني يا سليم ورحمت ابوك لاندمك
سليم بعصبيه اكبر...انا اصلا ندمت اني مش بضربك من زمان انت لو كنت انضربت مكنتش وصلت لحالك ده
حاتم اتجنن وبعد هنا بعنف وسليم كمان بعد ندى ومسكو في بعض بشده وبقو يضربو بعض بعنف شديد وكل واحد بيطلع غضبو من التاني بس فك الاشتباك صرخة جميله لما قالت بزعيق...باااااااس انتو مجانين تعملو في بعض كده انتو اخوات حرام عليكم انا مزقوقه عليكم من قبل ما اشتغل عند حاتم اصلا كفايه كده انا مبقتش مستحمله حرام وبقت تبكي بشده ودموعها زي المطر
حاتم ساب سليم واتقدم عليها ببطأ وقال....قولتي ايه مزقوقه..مزقوقه من مين وووووو