رواية حكايتي مع الايام
الفصل التاسع والثلاثون39والاخير
بقلم هبة احمد
مهجة / هانى بقولك أية رأيك تشترى ارض عمى مرعى انت وفريد والله دى ارض عافية هتلم تمنها فى خمس سنين
فريد / خديها انتى وهانى انا خلاص يلا حسن الختام انا بقيت نص راجل
هانى / لا مش هاقدر اخدها لوحدى فلازم يافريد تأخدها معايا
مهجة / انت زى الفل وبأمر الله هتركب طرف صناعى وهتكمل حياتك
فريد / كل اللى املكة من حقك يا ست الكل دة اقل من حق ولادك عندى انا كنت بنى ادم ظالم ربنا يغفري
مروان / انسى ياحبيبى قعدتك معانا تساوى الدنيا فكر تشترى الارض دى وتبدأ من جديد أية رأيك ناخد الحتة اللى مكان المخزنين ونعملهم مستوصف خيرى ومع الايام نكبره الناس هنا غلابة اوى
محمود / أية رأيكم نشترى حتة ارض ونعمل عليها مسجد ومستوصف خيرى
فارس / انا موافق
مديحة / الشنطة اللى عندك فيها خمسين الف جنيه خديهم صدقة جارية على روح المرحوم
مروان / انا كل حسابى فى البنك
فارس / وانا كمان كل حسابى
مهجة / انا حتة الارض تمنها صدقة جارية على روح المرحوم الحاج صالح
هانى / وانا هاصفى الشركة بتاعتى وابيع شقتى وهاجى اعيش. هنا انا و مرأتى والولاد
محمود / فكرة حلوة انا هابدأ بناء البيت بتاعى من الاسبوع الجاي
فارس / بقولك ياكبير فى خمس فدن فى. اول الطريق على الاسفلت عدل صاحبتهم عوزة تبيعهم وتروح تعيش عند اهلها
محمود / والأرض دى مسجلة باسم الست دى
فارس / دى ورثاها هى وبنات عن زوجها الله يرحمه و اطمن البنات كلهم متزوجين يعنى مفيش مشاكل في تسجيل الارض
محمود / فكرة حلوة بس السعر زمانه لفوق علشان على الطريق الاسفلت
فارس / لا سعرها عادى ولو هتدفع كاش دة وضع تانى
محمود / انا شارى وكاش هابيع الجنينة القبلية مش مستفيد منها بحاجه واجاى اخد الارض دى
مهجة / مليون مبروك ليكم عوزين نحدد ميعاد لعريس منار الراجل شارى وهو مهندس مدني عنده مكتبه والباقى مروان عارفه
فريد / ينور خليهم ياجوا بعد بكرة بكرة فارس هيروح البنك يسحب نص مليون وبعد يومين مروان وانا نروح نصفى رصيدى
منار / اتفضلوا رز بلبن انا حاطة ليك سكر دايت يا اخوية وشاورت على فريد
فريد / تشكرى يا قلبي يا رب يسعدك
فارس / جابر هياجى بعد بكرة ظبطى نفسك ابقى حطى شوية ورانيش علشان يعرف انك بنت مش عمى عبده
منار / تصدق انك غتت و بصت فى الارض وخرجت
مهجة / يابنى عيب تحرج اختك قدمنا كدة
مروان /انت هتفضل طول عمرك مدب ليه تحرج اختك قدمنا
فارس / اصلى بحب اشوف وشها الجميل وهى مكسوفه وقام بنت يا منار ممكن اخدك فى حضنى ولا الاحضان لفريد و هانى بس
منار / أيوة علشان هم مش كلامهم دبش زيك
فارس / شدها لحضنه انتى اكبر منى أة بس بحبك والله وبحب اعاكسك
منار / ربنا يحفظك يا قلبي
مديحة / رواحوا شقتكم يابنتى علشان زوجك يرتاح
عمار / مش هتفرق يا امى مستحيل تفضلى لوحدك
مديحة / ربنا يبارك فى عمرك ويحفظك يابنى
صباح جديد
؛؛؛؛؛؛؛؛؛؛؛؛؛؛؛؛؛؛؛؛؛؛
عمار / كريمة اخوكى مختار كان هنا امبارح الساعه تلاته الفجر وفارس كان عوز يسلمة للشرطة انا رفضت
كريمة / مجاش هنا انتى شوفتيه يا ماما
مديحة / لا يابنتى والله ما شوفتة بس سمعت زعيق قولت يمكن الدكتور فريد مشغل التليفزيون
عمار / انا سمعت صوت عربية خرجت شوفت مختار داخل شقتنا تصدقى هو معاه نسخة من مفتاح شقتنا والبيت هنا المهم فتح ودخل ناديت على فارس جة هو والجماعة كلهم انا مكسوف لاخوكى تصدقى كان بيفتش فى هدومك واخد دهبك وعقود الارض والفلوس انا خليته لم كل دة ودخلت عليه انا و الجماعة كلهم
كريمة / كنت سلمة للقسم والله لو انا كنت موجودة لكنت سلمته بايدى للقسم ويشالته
عمار / عيب لما ولاد الحاج مرعى يعضو فى بعض
مديحة / اسفة ليك يابنى انا كنت متأكدة أن حد فيهم هياجى يفتش هنا علشان كده وديت الشنطة عند مهجة
عمار / هو اخد نصيبة ضرب وكمان فارس مضاه على عقد بيع الارض كتهديد له وكمان وصل امانه بمبلغ كبير
كريمة / جدع والله فارس
مديحة / حسبي الله ونعم الوكيل فيهم
عمار / الدكتور فريد وهانى هم اللى هياخدو الارض بتاعة عمى
مديحة / مهجة دى بنت خير ربنا يكرمها
تمر الايام وفريد رجله تتعافى ويركب طرف صناعى و يباشر بناء المسجد و المستوصف الخيرى
ويتم تحديد دخلة لقاء على عمر وشبكة منار
ومع الايام ودوانها يصاب ماهر ابن فريد برعشة فى يده تمنعة من دخول غرفة العمليات بعد ما كاد يتسبب في موت مريض لولا وجود دكتور عوض اللى اخد مكانه واكمل العملية
أما عاصم فقد أصيب بسرطان الجلد أصبح لايخرج من شقته خوف من تقزز الناس من منظره
أما مهجة واولادها فكم هما عايشين في سعادة ومستمرين فى عمل الخير
مهجة / بقولكم أية انا عوزة اروح اجيب عاصم يقضى معانا كام يوم اهو يغير جو ويعرف اننا الحمد الله مستورين ومش محتاجين منه حاجة
فريد / عندك حق اقولك خلينا الاسبوع الجاي علشان يحضر افتتاح المسجد و المستوصف الخيرى
مروان / اما انا فليكم عندى خبر حلو
فارس / ربنا كرمك ولاقيت اللى هتسترك
مروان / لا بس انا حجزت لفريد ومرفت وامى وماما مديحة وطنط كريمة وستى يروحوا عمره رمضان
عمار / هو اقترح وانا عجبتنى الفكرة
هانى/ انا معاكم وهاقنع عاصم كمان يروح معانا
مهجة/ ياريت انا كان نفسي ازور الكعبه المشرفه اصلى واشكر ربنا على كل النعم اللى انا امتلكها
شكرية / انا هاموت هناك ربنا استجاب لدعائى الحمد لله
فارس / الحمد لله رب العالمين
مهجة / كل نعمة من عند ربنا تستاهل نحمده عليها ونشكر فضله
الرزق مش فلوس وبس الرزق ممكن يكون فى زوجة صالحة تقف جنب زوجها تسنده فى كل مراحل حياتة
الرزق ممكن يكون ولد بار بأهلة
الرزق بيكون فى هيئة هبة من الله يهب ليك ناس تحبك وتودك المفروض نشكره ونحمده على كل شيئ
اللهم لك الحمد والشكر كما ينبغي لجلال وجهك وعظيم سلطانك
جبران الخاطر مش محتاج فلوس ولا كلام مزوق جبران الخاطر محتاج كلمة تخرج من القلب محتاج ايد تطبطب على اللى حوليهاجبران الخاطر كلمة بسيطة لانسان نحتاجها
تمت