رواية شمس الفصل الثالث والثلاثون33 بقلم هبة احمد

رواية شمس 

الفصل الثالث والثلاثون33

 بقلم هبة احمد

الضابط مراد / كده سب و قذف ولا اية

رحمة / دور على الجانى وحاسبه الاول انا شوفت واحد منهم كان معاه شنطة شكلها غريب ومعاه ست وبيهزروا ولا تحس انهم لسه فاتحين بطن طفل ولا شاب و واخدين اعضائه وبعدها يترمى جنب صندوق زبالة ولا فى مكان مهجور للكلاب تنهش فى اللى باقى منه

دكتور سعيد / عندك حق والله

شمس / بلاش تكونوا ظالمين كفاية اللى انا فيه وشمرت كمها ظهر اثار الجروح و الحروق دى حاجة بسيطة من اللى فى جسمى انا مش عوزة اشوف حد يتعذب مهما كان الحد دة انا سكت من شهور ومبلغتش مش خوف على نفسى خوفت على ماما ام عباس و بناتها يتبهدلوا بسببى

الضابط غريب / يمكن نحتاجك عندنا في القسم  كاشاهدة لحد ما نتأكد انك مش مشتركة معاهم

شمس / تحت امرك  كلم دكتور سعيد ممكن بلاش تبعت حد الشارع احنا بنات وكده

الضابط غريب / تمام يلا يافقرى

.

دكتور سعيد / انا نازل المستشفى ساعتين وجاى خليكم هاوصلكم بالليل

رحمة / حاضر 

شوق / سيبوا كل حاجة وتعالوا ارتاحوا شوية 

شمس / لما اخلص المواعين 

رحمة / انا لميت الاكل عندك فى التلاجة وهاروق المطبخ احلى حاجة انكم بتاكلوا فى المطبخ نضافة للشقة الصراحة

شوق/ بناكل  في المطبخ وبعد الاكل  واحد يلم الاكل و التانى يغسل المواعين ونشرب الشاى ونقعد نتفرج على التلفزيون أو ننزل عند حماتى الصراحة هى ست طيبة اوى و حمايا كمان كويس وبيحبنى 

شمس / وحضرت الضابط مراد

شوق / الضابط مراد  نعم الاخ الطيب المحترم واختهم بتاجى كل اسبوع مع زوجها واولادها ساعتين و يمشوا 

شمس / ربنا يسعدك يارب

ام عباس / على الفون  ابقى روحى ادفعى الجمعية لخاتك وهاتى الحاجة اللى هتدهالك 

رحمة / بكرة أن شاء الله خلى بالك من نفسكم احنا هنروح كمان شويه

ام عباس / شمس اتكلمت مع الضابط مراد

رحمة / أيوة و هو لسة ماشى 

ام عباس / ربنا يحفظكم يا بنتى و قفلت

بهيجة / انتم يا بهايم يلا برة فين العريس عوزة هدومى و مكياجى عوزة اكون جميلة ادام عريسى 

بدرى / انتى جميلة بالستر جمال أية دانتى عاملة زى الغوريلا جاتك الهم

بهيجة / انت بتقول أية افتح الباب دة عوزة اخد شور سريع علشان العريس

بدرى / اخوكى على وصول ومعاه العريس و الماذون كمان الف مبروك

بهيجة / انت طيب اوى هاعطيك فلوس كتير انا عندى خزنه مليانه فلوس عوزة اشرب 

بدرى /عندك المية هاروح اشوف شاهد كمان علشان كتب كتابك ياقمر 

صابر  / كتب كتاب مين دى شبه الغوريلا اعوز بالله

بدرى / اكتم يخربيتك ماصدقت الا هى اتهدت و بطلت عويل 

قدرى / أية الاخبار 

بدرى / لسه هادئة لما قولتلها انك جاى وجايب العريس و الماذون 

قدرى/ انا هادخل و انت هات الحقنة دى علشان تخدها

بهيجة / انت جيت فين العريس و فين هدومى و مكياجى عوزة اغير هدومى انا شكلى وحش اوي

قدرى / العريس جاى فى الطريق أمضى على الورق دة الاول ممكن 

بهيجة / فى أية الورق ده 

قدرى / فى تنازل عن كل ممتلكاتك بعقود هاسجلها باسمى 

بهيجة / طب ليه انا اختك 

قدرى / احنا عايشين فى سباق و الحصان اللى بيقع بيطلع برة السباق ينتظر الموت 

بهيجة / بعد كل اللى عملته معاك انت فعلا بنى ادم واطى و جاحد 

قدرى / تلميذك يا أبلة انتى ضحيتى بزوجك وولادك علشان حضن جعفر  اللى بلاكى بمرض الإيدز فعلشان كده انتى هتموتى وقريب جدآ بعد ما اسجل كل أملاكك باسمى البيت و المزرعة و اخد الفلوس كلها وبعد كدة هاعيش ملك 

بهيجة / البيت و المزرعة متسجلين باسم عابد و عندك الخزنه فيها اكتر من مليون جنية خده بس موتنى الاول انت طلعت انسان عديم الدين و الأخلاق

قدرى /  انا وارثك فى كل حاجة بدرى هات الحقنة

بدرى / اتفضل

بهيجة / بدرى ابعد و خد الراجل اللى معاك وابعد عن سكة الدم والشر دي

بدرى / صعبت عليه جامد ارجوك سيبها انا هاخدها معايا تقعد مع مرأتى وولادى و الأرزاق بيد الله

قدرى / مع الاسف معدش ينفع هى كتبت شهادة وفاتها 

بهيجة /  مدت أيدها وهى بتاخد الحقنه الباسورد بتاع الخزنه على عيد ميلادك يا اخوية و كمان موجود هدية عيد ميلادك فى الخزنه مفاتيح شقة ليك واسعة 135 متر علشان ولادك تشكر يا اخوية و سندى 

قدرى / كان عطاها الحقنة فقعد يهز فيها انتى بخير بلاش تموتى

بهيجة / انا زعلانه لانى هاموت بايدك انت ربنا يسامحنى بئة بعد كل اللى عملته ليك تقتلنى

كان هناك من صور وسجل اللى  حصل كله

بدرى / ساب قدرى مع أخته اللى بتحتضر ومشى هو و صابر 

صابر / دول عالم كفره اعوذ بالله منهم دول ولا الشياطين

بدرى /  ملناش دعوه احنا هنرجع بلدنا نشتغل فى أرضنا وخلصت 

صابر / لا انا ها.....

   الفصل الرابع والثلاثون من هنا

لقراءة باقي الفصول اصغط هنا