رواية مع ايقاف التنفيذ
الفصل الحادي والعشرون21
بقلم هبة احمد
مطاوع / طب و بناتك هتعمل معاهم أية
ايوب/ هاجيب ام سيد تخدمهم و تاخد بالها منهم
مطاوع / طول عمرك ظالم يا ابن ابوية
ايوب / انا عايش حياتى و ممتع نفسى بكل ما لذه وطاب فى الحياة انا مش هاعيش غير مرة واحدة بس
مطاوع / قبل ما تمشى اتكلم مع الحاج طلبة ابو مرأتك شوف هو عوز أية انا مفيش دماغ افضل ابرر تصرفاتك الغلط للناس
ايوب / انا حر محدش وصى عليه ولا حد له عندى حاجة
شامة / امى عوزاك ضرورى
مطاوع / جاى وراكى
شامة / بدموع امى تعبانة جامد انا خايفة عليها
ايوب / انا جاى اشوفها معاك الف سلامة عليها
شامة / ادخل هاعمل ليها شوية ينسون
بخيتة/ انا عوزة مطاوع مش قادرة اشوف الظلم و افضل ساكتة عوزاه يعرف اللى حصل قبل ما اموت
مطاوع / مالك يا خاله الف سلامة عليكى انا مطاوع
ايوب / و انا ايوب اخو مطاوع يا حاجة بخيتة
بخيتة / بصدمة انا ماشوفتش حاجة انا معرفش حاجة وقعدت تصرخ
شامة / مالك يامه ما انتى كنتى كويسة من شوية
بخيتة / انا عوزة امشى من هنا عوزة اروح بيتى
ايوب / انتى منورانا يا خاله بس و بؤقك مقفول فاهمة ولا انتى عارفة و فاكرة
شامة / فى أية يا عمى ايوب هو انت بتهدد امى هو انتم بينكم حاجة انا ماعرفهاش
ايوب / بينا كل خير و امك تكرم لاجل عيونك و وطئ بأس ايد الحاجة بخيتة
مطاوع / روح لحماك شوفه عوز أية و راضى مرأتك دى شايلة مسؤلية اربع بنات فيهم واحدة منهم على وش زواج
ايوب / دى حياتى و محدش له صالح بيها فبلاش تنخر انت و مرأتك فى دماغ هند
شامة / انا بقالى سنتين مدخلتش الشارع اللى فيه بيتك يا عمى ايوب بناتك هم اللى بيجوا لما بيكونوا عاوزين طلب من عمهم
مطاوع / بص يا ابن ابوية احنا نقسم الأرض زى الشرع ما بيقول كل واحد فينا ياخد حقه احنا و اخواتك البنات هم كمان ياخدوا حقهم
ايوب / نعم اخواتك مين البنات ملهاش حقوق هم ليهم الحنية يعنى كل عيد اروح اعيد عليهم و اى واحدة تمرض اروح اشوفها وبس
مطاوع / لا دة حقهم بشرع ربنا هم بنتين ليهم تلت الأرض
ايوب / انت اكيد خرفت انا ماشى راجع لأرض الجبل وسابهم و مشى
شامة / روح ربنا ما يرجعك بنى ادم ظالم مالك يامة انتى خايفة منه ليه
بخيتة / روحى شوفيه مشى ولا لسه
شامة / حاضر
مطاوع / هو فى أية
بخيتة / مسكت أيده بلاش تكون ظالم يا ولدى اخوك دة شيطان ماشى على الأرض
شامة / هو مشى واقف مع الحاج جعفر قدام دكانه
بخيتة / انا كنت مرواحة من عند أهلى انا وعمك عبود الله يرحمه وشوفنا اللى قتل ابوك
مطاوع / شوفتم مين اتكلمى يا خاله اكيد المحروق غريب
بخيتة / مش غريب يا ولدى غريب كان بيدافع عن ابوك لحد ما اتصاب في كتفه و خد شومة على دماغه
مطاوع / امال مين اللى قتل ابويه
فى المستشفى
اللى فيها مجاهد
مجاهد / للممرضة انا عوز اعرف انا فين ولية كمية الشاش اللى على وشى وايدية
الممرضة / انت هنا من شهر و عشرين يوم حالتك كانت ميؤوس منها حصلك انتكاسة بعد العملية
مجاهد / عملية أية انا مش فاهم حاجه
الممرضة / حمد الله على سلامتك انا هاكلم دكتور فوزى هو منبه عليه لما حضرتك تفوق أكلمه
مجاهد / طب احنا امتى يعنى النهارده كام فى الشهر
الممرضة / النهارده هو انت مش فاكر جيت هنا امتى ولا فاكر الحادث اللى حصل
مجاهد / كل اللى فاكره انى و انا بعدى الشارع حصل انفجار جامد و حاسيت بجلد ايدى بيقع و وشى مولع غير كده مش عارف أية اللى حصل
الممرضة / لحظة الدكتور فوزى جة اتفضل يا دكتور فوزى
روحى انتى يا هايدى و كلمى دكتور مراد ياجى بسرعة
مجاهد / هو أية اللى حصل و وشى ماله حاسس بوجع جامد
دكتور فوزى / الوجع دة شيئ طبيعي هو انت مش فاكر اى حاجة عن يوم الحادث وممكن اعرف اسمك أية
مجاهد /هو وشى جرى له حاجة
دكتور فوزى / وشك مكنش ظاهر له معالم عملنا ليك عملية تجميل
مجاهد / ممكن اشوف نفسى بعد العملية
دكتور فوزى / ممكن بشرط
مجاهد /.شرط أية
دكتور فوزى / تق........