رواية كوني قويه الفصل العاشر10بقلم هبه احمد
الحاج طلعت / تسلم يابنى شرفتوا ونورتوا هاكلمك بعد يومين بالسلامة
مروان / الله يسلمك ياعمى
كريمة / بقى انتى يا متسهوكة يندفع فيكى 50 الف شبكة وزيهم مأخر صداق حظوظ
فاطمة / اختى ست الناس تستاهل اكتر من كدة مبروك يا قلب اختى
كوثر / مبروك يا حبيبتى
كريمة / نفسى اعرف عرفتى توقعى الولد دة ازاى
الحاج طلعت / كريمة لمى نفسك
كريمة / الحق علية انى ببارك ليها
الحاج طلعت / ادخلى صلى ركعتين استخارة ونامى يا بنتى
اسراء / حاضر يا بابا انا عندى مستشفى بكرة
الحاج طلعت / رتبى نفسك المهم تنجحى بتقدير علشان تتعينى معيدة زى حلم المرحوم
اسراء / ربنا يرحمهم
كريمة / معيدة اية اللى هتدور عليها اللى هتاخد خمسين الف شبكة وزيهم مأخر صداق دانا بنتى عريسها جاب بخمس الاف شبكة بالعافية
الحاج طلعت / انتى بتكلمى نفسك اعمليلى شاى
كريمة / خضتينى حرام عليك
الحاج طلعت / بلاش النفسنا دى على البنت الغلبانة
حاتم / شوفت انا ظبطت المسائل ازاى الراجل لولا انكسف كان قال خدها معاك
مروان / بالعكس كلامك مهزش ليهم شعرة والراجل عادى خالص ولو ركزت فى كلام ابنة كنت فهمت ان الناس دى ولا تفرق معاها اى فلوس
حاتم / هتشوف وصدقنى الراجل هيكلمنى قبل الميعاد وبعد كدة هاخليها زى المربوطة بسلسلة ونهاية السلسلة فى ايدى
مروان / دى بنت غلبانة و نضيفة بجد بلاش تظلمها
حاتم / انا هاخليها ست بيت هاقفل عليها واخلينى انا بس محور حياتها
مروان / بكدة هتكون خسرتها وللابد
حاتم / هو دة اللى لازم يكون
مروان / ربنا يكفيك شر نفسك وشر ظلم البشر نزلنى هنا مبروك عليك الوكسة يا صاحبى دى بنت جوهرة حرام تضيعها من ايدك
حاتم / انا هاشتريها بفلوسى خليك اتعشى معايا ونسهر شوية وبعدين تروح
مروان / بلاش الليلة ماتاجى انت
حاتم / فكرة وهابات عندك
مروان / تنور
صباح جديد
؛؛؛؛؛؛؛؛؛؛؛؛؛؛؛؛؛؛؛؛
محفوظ / ياسمينة صباح الفل هاروح اصلى الفجر واوصل اسراء للموقف و اجيب فطار معايا
ياسمينة / ماشى ياقلبى بالسلامة ربنا يقويها
محفوظ بعد صلاة الفجر رجع مع ابوه البيت
الحاج طلعت /اية رأيك يابنى انا عوز حد ثقة يسأل عن العريس دة اصل شكله منفوخة خايف اخون الامانه
محفوظ / انا هاسأل عنه تعرف لوكان صاحبة كان بقى زوج مناسب لاسراء
الحاج طلعت / ربنا يجعل ليها الخير
اسراء / صباح الورد هاحضر الفطار
الحاج طلعت / صباح الهنا لا هنشرب شاى بس
محفوظ / ادخلى البسى و انا هاعمل الشاى
اسراء / حاضر اعمل حسابى
محفوظ / انا هاوصلك للموقف
اسراء/ ربنا يخليك بتتكلم جد
محفوظ / ايوة اخلصى ابت
الحاج طلعت / ربنا يكرمك يا بنى الولاد عاملين اية معاك خليك حنين معاهم
محفوظ / دول ولاد محترمين و منكسرين تصدق مجدى رغم صغر سنه الا انه متحمل مسؤلية اخواتة كأنة راجل كبير
الحاج طلعت / امه الله يرحمها علمتة كدة
اسراء / انا خلاص جاهزة
الحاج طلعت / طب والشاى
اسراء / انا اخدته معايا فى المج الحرارى بتاعى
الحاج طلعت / بالسلامة روح على بيتك يابنى
اسراء / دعواتك يابابا
كريمة / صباح الخير على فين
اسراء/ رايحة المستشفى وهاجى على الساعة 7 المغرب
كريمة / وانت هتوصل العروسة ولازمتها اية المستشفى ولا حتى الكلية مهو العريس مقتدر
الحاج طلعت / مقتدر لنفسة بنتى بتبنى مستقبلها
كريمة / خضتينى تبنى يا اخوية انا مالى
فى المستشفى
؛؛؛؛؛؛؛؛؛؛؛؛؛؛؛؛؛؛؛؛؛؛
سيدة / يا صباح الشهد على الشهد
اسراء / صباح الفل بقولك خدى هاتى فطار بسرعة هادخل العمليات كمان ساعة
سيدة / انا جبت بطاطس وفلافل وجبنة وعيش يلا ياقمر
اسراء / دة اكلك انتى انا هاروح اجيب واجاى
سيدة / انا عاملة حسابك يلا. انا جعانة ابنى عوز يتغذى
اسراء / ابن مين هو انتى حامل
سيدة / ايوة عملت تحليل حمل و طلعت حامل ومحسن طلع راجل سبع ياختش
اسراء / يخرببيتك هو انتى كلامك كله كدة
سيدة / هنرجع ايام زمان ابت بعون الله هافضل معاكى فى نفس الشفت وكمان لو خلفت بنت هاسميها اسراء ولو ولد هاخلى ابوه يسميه ويربية
اسراء / بلاش اسمى والنبى ربنا يجعل حظها احسن من حظنا بقولك فاكرة الراجل اللى كان عامل عملية وانا وانتى كنا بتابع علاجة
سيدة / ايوة ما المز اللى كان معاه لسة مقابلنى خارج من المستشفى وانا جاية
اسراء / انتى متأكدة ابت
سيدة / ايوة والله ماله دة
اسراء / اصله اتقدم امبارح وطلب ايدى
سيدة / وافقى ربنا يسعد قلبك يا حبيبتى
اسراء / لسة بفكر ربنا يسهل
سيدة / انتى تعبتى كتير فى حياتك ربنا يعوض عليكى
اسراء / هاروح يدوب اتعقم وعلى العمليات
وتمر الايام وبعد اسبوعين رد الحاج طلعت على حاتم اللى كان هيتجنن من عدم رد الحاج طلعت علية رغم انه راح عنده مرتين وكلمه اكتر من مرة الا انه كان بيقوله حاضر سيبى يومين كمان
حاتم / يكلم مروان
مروان / خير يافصيل
حاتم / ابوها وافق بشرط الفرح يكون بعد ما تخلص امتحان
مروان / الف مبروك ربنا يفرحك ويجعلها زوجة صالحة
حاتم بأذن الله هتكون زوجة صالحة
اسراء / بت يا منوال انا خايفة اوى
منال / اعتمدى على الله الف مبروك هى الشبكة امتى
اسراء / الجمعة الجاية اكلم طنط علشان تحضرى
منال / لية يعنى انا هاجاى من الصبح وهافضل معاكى لاخر النهار
اسراء / منحرمش منك يارب
جة يوم الجمعة وفى حفل عائلى تمت شبكة اسراء وحاتم وبعدها هو طلب يخرج معاها وهى رفضت
صباح جديد
:::::::::::::::::::::::
فى المستشفى
اسراء /بتتلقى التهنئة من الكل
حاتم / السلام عليكم
اسراء / وعليكم السلام اتفضل تعالى اشرب حاجة
حاتم / انتى مش لابسة شبكتك لية
اسراء / انا مش بحب الدهب الكتير الدبلة والمحبس كفاية لما نبقى فى شقتنا ابقى البسها
حاتم / انتى ازاى تاجى الشغل من غير اذن منى
اسراء / دة شغلى وبعدين فى عمليه مهمة كان لازم احضرها
حاتم / المفروض قبل ما تتحركى من مكانك اكون عارف ومسك فونها وسيف رقمه وكذلك رقمها ابقى كلمينى كل شوية
سيدة / يلا ياقمر على العمليات هو انت هنا نورت ومبروك
حاتم / انا ماشى هنخرج نتغدا سوا
اسراء / مش هينفع النهاردة انا الشفت بتاعى لحد الساعة 6 المغرب وبعدين لازم تاخد الاذن من بابا الاول
حاتم / لية يعنى انتى خطيبتى ومن حقى اقعد واخرج معاكى
اسراء / بعد علم و موافقة بابا بعد اذنك
وتمر الايام وتاتى امتحانات ياسمينة ومنال و اسراء وتنتهى ومع انتهاء الامتحانات تم تحديد ميعاد زفاف اسراء وحاتم
حاتم / مروان انا فرحى بعد اسبوعين عوزك تاخد بالك من الشغل انا هاكون مشغول
مروان / مبروك يا صاحبى ربنا يسعدكم
حاتم / اية رأيك فى صاحبه اسراء
مروان / الصراحة هى بنت مؤدبة جدآ انا هاروح اتقدم ليها النهاردة
حاتم / من غير ماعرف
مروان / مقدرش اروح من غيرك انت اخوية
حاتم / الف مبروك مقدمآ
يمر يومين ويتم فيهم زفاف حاتم واسراء و قبل فرح اسراء بيومين يلبس مروان الشبكة لمنال فى حضور امها واخواتها
بعد انتهاء الفرح اللى اقتصر على خروج أسراء من الكوافير والذهاب الى منزل اهلها لتسلم عليها والذهاب لشقة الزوجية
فى شقة حاتم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛
حاتم / مبروك ياعروسة
اسراء / ربنا يبارك فيك
حاتم / عندى كلمتين عوزك تحفظيهم وتنفيذيهم بالحرف
اسراء / خير تحت امرك
حاتم / اول واهم حاجة تنسى انك دكتورة وانك عوزة تكلمى دراسة علشان تكونى دكتورة فى الجامعة
اسراء / واية كمان كمل
حاتم / تكونى ست بيت يعنى مسح وكنس وطبخ وغسيل مواعين وكمان تجيبى طلبات البيت من السوق
اسراء / فاضل حاجة تانى
حاتم / ايوة خدى الفون دة ( فون عادى بدون حتى كاميرة ) وهاتى اللى معاكى علشان مش عاوزك تكلمى حد وكمان مفيش نت ولا اصحاب يعنى انتى هنا فى سجن حاتم حامد منصور الطويل
اسراء / بالنسبة للدراسة انا مستحيل اسيبها حتى لو خيرتنى بيها وبين العيشة معاك وكمان اصحابى ياسمينة ومنال و سيدة دول هم اللى خلونى احس انى لسة عايشة ام بالنسبة لشغل البيت دة فرض عليه بس لو حصل وفضلت على ذمة حضرتك وكمان فى حاجة تليفونى دة انا حرمت نفسى من الغدا لمدة 9 شهور ونص علشان اقدر اوفر تمنة فمستحيل اقدر استغنى عنة
حاتم / انتى عوزة تفضلى تلفى على المرضى وخاصة نبطشية الليل علشان تشبعى رغباتك
اسراء / حضرتك خطبتنى وانا ممرضة وكتبت كتابى وانا دكتورة لسة متخرجة يعنى فاضل سنة امتياز وسنة خدمة علشان اكون دكتورة
حاتم / كنت متأكد من ردك دة اصلك ممرضة والممرضات عندهم كل شيئ مباح
اسراء / كل مهنة فيها الحلو والوحش واية يعيب الممرضة دلولا الممرضة كان زمان صاحبك مات بعد عمليتة. انا يشرفنى كونى ممرضة يا بشمهندس يا متعلم
حاتم / مهو مش حتة بنت زيك هتمشى كلامها عليه
اسراء / انا لا هاقدر استغنى عن دراستى ولا اصحابى ياسمينة ومنال وسيدة ولا شغلى انا اقدر اوفق بين شغلى ودراستى وبيتى ولو حاسيت انى قصرت فى اى شيئ ابقى حاسبنى
حاتم / انتى عليكى تختارى يا انا ياكل القرف اللى انتى فيها قال شغل ودراسة واصحاب
اسراء / انا اخترت شغلى واصحابى ودراستى وحضرتك بايدك ياتقبلنى زى ما انا يا تطلقنى وكل واحد يروح لحاله
حاتم / د شغلك دة شكله وراه شغل شكلك متمسكة بالناس اللى بتاجى عندك الشغل مش بالشغل نفسة
اسراء / انت كدة وصلتنى لجدار مسدود انا بقول انى ندمت اللى وفقت انى اربط حياتى بيك حضرتك عمرك ما هتحس باللى زىي انا نحت فى الصخر لحد ماقدرت اقف على رجلى وانت جاى بكل بساطة عوزنى انزل لسابع ارض اسفة مش هاقدر
حاتم / مهو لو انتى واثقة فى نفسك انك زى اى بنت سليمة يعنى مكنتيش عوزة تفركشى زوجك قبل ما يحصل اصلا انتى عوزة قسيمة الطلاق تدرى بيها عيبك
اسراء / طااااااااااخ انت تخرس خالص انا اشرف من اى حد تعرفة
حاتم ماسكها من كتفها جامد وطااااااااخ طااااااااااخ انتى بتمدى ايدك عليه يابنت ال........
اسراء / اضرب ماهى الرجوله عندك فى القوى
حاتم / انا هاسود عيشتك مهو انتى خلاص ملكيش مكان غير هنا انتى شكلك معيوبة
اسراء / بكل ثقة طب لو طلعت بنت بنوت تطلقنى
حاتم / وليكى كل حقوقك كمان
اسراء / لا مش عوزة منك حاجة و حتى شبكتك اهى وخلعتها وضعتها فى علبتها على السراحة اتفضل اخرج لحد ما اغير هدومى
حاتم / خرج قعد فى الانترية يكلم نفسة
اسراء / بشمهندس حاتم اتفضل انا تحت امرك
فى منزل منال
؛؛؛؛؛؛؛:؛؛؛؛؛؛؛؛؛؛؛؛؛؛؛؛؛؛
مروان / مبروك يا منال ربنا يقدرنى على اسعادك
منال / تسلم ربنا يخليك بقولك انا هانزل بكرة اشتغل فى المستشفى اللى اسراء شغالة فيها اية رأيك
مروان / ربنا يوفقك انا واثق فيكى عمر الشغل ما كان عيب
منال / تصدق كنت خايفة انك ترفض انى اشتغل
مروان / مستحيل اقف فى طريقك انتى تعبتى لحد ما بقيتى دكتورة اد الدنيا ربنا يوفقك
منال / انا اسعد واحدة فى الدنيا بسماعى الكلام دة
مروان / هامشى ابقى طمنينى عليكى
منال / حاضر من عنية كلمنى لما تروح
مروان / حاضر عوزك تركزى فى شغلك
منال / هزت دماغها موافقة
كريمة / شوفتو اسراء سلمت عليه بقرف فى لحظة نست اننا اللى كنا بنأكلها ونشربها
فاطمة / حرام عليكى ياماما د حتى اسراء قعدت تلف عليكى كتير وانتى طلعتى فوق السطح وسبتى الفرح
الحاج طلعت / يامة فى السجن مظاليم ياريت تبعدى عن طريق اسراء خالص
كوثر / ربنا يوفقها ويسعدها
نرجع لشقة حاتم
؛؛؛؛؛؛؛؛؛؛؛؛؛؛؛؛؛؛؛؛؛؛؛
اسراء / حضرتك اتأكدت انى سليمة طلقنى
حاتم / مفيش طلاق
اسراء / انا فضلت اسايس فى الدنيا واضحك على نفسى واقول بكرة حالى ينعدل لحد انت ما جيت واتزوجتنى وسمعت منك اللى عمرى ما سمعتة من حد اقسم بالله لو ما طلقتنى لاكون رامية نفسى من البلكونة وراحت لابسة بنطلون وبلوزة وحجابها وطلعت علشان تنفذ كلامها
حاتم / طب نتفاهم
اسراء / لا
حاتم / ادى لنفسك فرصة
اسراء / وقفت على الكرسى
حاتم / انتى هتجيبلى مصيبة روحى و انتى طالق
اسراء / بالتلاتة وتاجى معايا تطلقنى رسمى
حاتم / هتروحى فين
اسراء / ربنا مش بينسى عباده
حاتم / مسك فونه وطلب رقم مروان
مروان / مالك ياعريس
حاتم / تعالى علشان توصل اسراء لبيت ابوها بعد ما اطلقها
مروان / يخرببيتك انا جاى
بعد ساعتين كانت اسراء خارجة من مكتب المأذون حاملة لقب مطلقة بعد ما اخدت كارت من المأذون برقم هاتفة وعنوان مكتبة علشان تعرف العنوان لما تاجى تستلم قسيمة الطلاق
مروان / تعالى اقعدى فى شقتى انا هاقعد عند حاتم
اسراء / متشكرة تاكسى وركبت وهى فى التاكسى كلمت سّ.................