رواية للحقيقة وجه اخر
الفصل الثاني2
بقلم هبه احمد
ام سليم / ما تخافيش انا اللي هتكلم
رحاب/ حاضر
ام سليم / خبطت على الباب فتحت لها فتاه صغيره شعرها منكوش ومنظرها يصعب على اي حد يشوفها اتفضل يا خالتي
ام سليم / عامله ايه يا تقى صابر هنا وامك كويسه
تقى / صابر راح يشوف حد يعطي امي الحقنه وجاي
ام سليم / تعرفي راح يجيب مين
تقى / خالتي زينب اللي قاعده في السوق
ام سليم / روحي نادي عليه قولي له خالتي جت ومعاهم ممرضه
تقى / حاضر هغطي شعري عشان منكوش
صابر / بعد فتره جه هو واخته سلم على خالته
ام سليم / دي بتكون رحاب وهي شغاله ممرضه وبيتهم وقع وما لهاش حد قولت اجيبها تاخد بالها من امك وتقعد معاكم
صابر / تنور اكيد وانا هقعد في الشقه اللي فوق علشان تكون على راحتها
ام سليم / اكتب عليها علشان ميبقاش فى حرمانية
صابر / طب ازاي وانا ما اعرفهاش والجواز ده لازم الواحد يكون متاكد مين اللي هيرتبط بيها
ام سليم / انت مش عاوز راحه امك ورعايه اختك وانت شوف شغلك يا ابني انت بقى لك كم سنه نايم قايم بامك والا عاجبك اختك وشكلها المبهدل ده
صابر / اعمل ايه يا خالتي نصيبي كده
ام سليم / اهي جت واحده تريحك يا ابني وانت انتبه لشغلك ولو عاوز تتمم جوازك خير وبركه مش عاوز تبقى طلاقها وكل واحد يروح لحاله
صابر / هو ما فيش حل غير الجواز
ام سليم / ايوه يا ابني اكتب عليها وهي تبقى فى بيتك وتأخد بالها من اختك وامك وانت تكون في شغلك وحالك وانا ضمناها برقبتي
صابر / بس هي شكلها متعلم وانا حته دبلوم تجاره
ام سليم / هي هتكون مراتك يا ابني والشهاده ما بتفرقش اللي بيفرق اخلاق البني ادم اتكل على الله يا ابني والله انا عاوزه لك الخير
صابر/ حاضر يا خالتي بشرط زواجنا يكون على ورق وبس لحد ما اشوف ظروفي هتعمل معايا ايه
رحاب / فى حاجة لازم تعرفها
ام سليم / مش قلت انتى متتكلميش خالص
رحاب / مينفعش اغشهم ياطنط.
صابر / انا قلت إن وراكم حاجة اتكلمى
رحاب / حكت اللى حصلها من قاسم هو ده اللى حصل
ام صابر / اكتب عليها يابنى دى شكلها صادقة
صابر / انا ايه اللى يخلينى اكون اريال ليها ليه اتحمل غلطة غيرى و كمان هاعرف منين أن كلامها صدق و مش بتعمل كده من زمان
رحاب / عندك حق انا هتروح اقدم بلاغ فى اللى اسمه قاسم والقانون ياخد حقى
صابر / قانون مين يا ام قانون القانون مع واقعة التلبس مش تانى يوم د زمانه محضرك كوم تهم
ام صابر / اكتب عليها يابنى استرها ربنا ما يكشفلك سترك
صابر / حاضر يامه بس زواج على ورق وبس
ام سليم / تمام يا ابني ربنا يسعدكم هتكتب هنا ولا في المركز
صابر / هنا علشان الناس تعرف اني اتجوزت
ام سليم/ طب روح يا ابني هات الماذون علشان يكتب واروح انا بدري
صابر / حاضر ياخالتى
رحاب / فين الحقنه علشان اعطيها لماما
تقى / تفضلي الحقنه اهي
رحاب / انتى اسمك ايه
تقى / اسم تقى وانتى
رحاب / انا اسمي رحاب بقول لك تعالي بسرعه كده اشطفك السريع واسرحلك شعرك ده عندك زيت شعر
تقى / ايوه اخويا جايب لي كل حاجه بس انا مش بعرف اسرح شعري واخويا مش فاضي مشغول دايما وماما ما بتقدرش تمسك المشط
رحاب / صعب عليها تقى جامد واخذتها الحمام شطفتها ولبستها هدومها نظيفه وسرحت شعرها انتى كده بقيتى ما شاء الله قمر
ام سليم / بصي يا بنتي هم كلمتين علشان خاطر امك الله يرحمها كانت صاحبتي انتى عيشي هنا عمر صابر ماهيظلمك فان تمم جوازكم خير وبركه وان بقيتوا من غير ما يتمم الزواج واتطلقتي احمدي ربنا انك هيكون معاكي قسيمه زواج و قسيمة طلاق تقدري تتجوزي بيها بعد كده
رحاب / حاضر يا طنط وربنا يجازيكى خير عني الحمد لله ومنه لله الظالم حسبي الله ونعم الوكيل فيكي يا صفيه انت وقاسم ضيعتم مستقبلي
ام سليم / لعله خير ربنا شايل لكى حاجه حلوه ان شاء الله علشان انتى بنت كويسه جواك خير بعد كتب الكتاب هامشي علشان سايبة العيال لوحدهم وانتى هاتي رقم تليفونك علشان اكلمك اطمن عليكي
رحاب / خدي ومش عاوزه بالله عليكي مش عاوزه مش عاوزه صفيه تعرف انا فين
ام سليم / من غير ما تقولي انا اصلا ما ليش علاقه بيها
صابر / جاب الماذون و واحد صاحبه شاهد وجاره وجه
بعد كتب الكتاب
المأذون والشهود مشيوا
ام سليم / مش هوصيك على رحاب حتى لو ما كانتش زوجتك راعي ربنا فيه
صابر / عمري ما كنت ظالم يا خاله
ام سليم / عاوزاكي تحطي تقى وام صابر في عينيكي
رحاب / حاضر يا طنط
ام سليم / هامشى انا عوزين حاجه
صابر / اتغدى معانا الاول وانا هاوصلك فى طريقى
رحاب / فى اكل ايه وانا اجهز الغدا
تقى / فى بطاطس و طماطم و خيار و فلفل و بدنجان وفول
رحاب / اخدت شنطتها و دخلت الحمام غيرت هدومها وخرجت حضرت الغدا اتغدو و بعدها ام سليم روحت
فى المساء
صابر / الاوضة اللى جنب اوضة امى نامى فيها
تقى / انا هانام معاكى
صابر / خلى بالك هنا حى ريفى و البلد كله عائلات نعرف بعض مش عاوز اندم انى كتبت عليكى
رحاب / و الله أنا ماليه فى الطريق الغلط و ربنا عالم
صابر / تقى هتبات معاكى و انا هاخرج من اذآن الفجر برجع اخر النهار لو لازم البيت حاجة تقى موجودة و يوم الخميس بيكون سوق القرية هانزل معاكى تجيبى طلبات البيت لحد ما تعرفى المكان
رحاب / حاضر يلا يا ماما علشان اشطفك و اغيرك هدومك
صابر / انا هاغير لامى
ام صابر / خلاص يابنى انا دلوقت الحمد لله عندى بنتى اللى هتراعى ربنا فيه يلا يابنتى
تقى / صابر هات اجيب حاجة حلوة من عند عمى جابر
صابر / مش قلنا بلاش خروج بالليل انا هاروح اجيب عوزة حاجة يامه
ام صابر / هات لب و بسكويت هنسهر شوية لو هتقعد معانا كتر
صابر / لا انا هلكان هنام
رحاب / بعد ما شطفت ام صابر جابت بطانية و نامت جنبها على الكنبه وتقى جنب امها
تمر الايام إلى أن فات شهر على وجود رحاب معاها البيت اتغير للاحسن و ام صابر بقت تقدر تقف على رجلها و تمشى مستنده على رحاب تقى بقت تعرف تقرأ وتكتب
ام صابر / عوزة اجيب طيور نربيها ناكل منها و يبقى عندنا بيض ايه رايك
رحاب / ياريت ياماما البيت واسع و كمان فيه سطح
صفية / زهقت من اتصال وتهديد قاسم ليها علشان مش عارف طريق رحاب
تحية (بنت صفية )/ انتى السبب فى بعد اختى عننا
صفيه / اختك بح........