رواية شمس
الفصل الحادي والعشرون21
بقلم هبة احمد
شمس / هو انت لسه بتشتغل في المحل بتاعك اللى جنب الموقف
كريم / أيوة انا بروح افتحه الصبح و برجع بالليل بعد الساعة عشرة
شمس / ربنا يقويك لو عرفت اى اخبار بلغنى واتساب على رقمى دة
كريم / تمام بالسلامة
ام عباس / كنتى بتكلمى مين
شمس / كنت بكلم كريم بيقول أن أبوية غار فى داهية و مات الناس لاقته جنب صندوق الزبالة ميت
شوق / و هتروحى تحضرى الجنازة و الناس تعرف طريقنا منك و نموت كلنا
شمس / اروح فين مش لو كان اب د كان كرباج على ضهرى انا وامى الله يرحمها يارب أنا مش مسامحاه خلص حقى منه وبكت لحد ما نامت
رحمة / هنعمل ايه ياغزالة
ام عباس / ده اختبار من ربنا لينا فلازم نصبر
شوق / دول بياخدوا قلوب وكلى و كبد وعنين يعنى اعضائنا هتتوزع على الناس يا أمه
سوكة / بسم الله الرحمن الرحيم ( قل لن يصيبنا الا ما كتب الله لنا )
رحمة / صدق الله العظيم اجمدى ابت المكتوب مكتوب محدش يقدر يعترض عليه ولا يقدر يغيره
ام عباس / ناموا دلوقت فرج ربنا قريب
سوكة / و نعم بالله العلي العظيم
شمس / اتحملونى الليلة بس و انا الصبح هامشى
رحمة / بطلى عبط احنا مش خايفين من حاجة .
سوكة / ربنا يقدملنا الخير ويبعد عنا الشر
شوق / الصراحة انتى وشك حلو علينا اوى د حتى انا اللى عمرى ما اشتكيت من حاجة عملت الزايدة و الفلوس تحويشة العمر خلصت الحمد لله
شمس / تريقه و لا الكلام ده بجد
شوق / دى تخريف مريضة تعالى نامى معايا ممكن
شمس / حاضر يا قلبي
صباح جديد
ءءءءءءءءء
شوق / هاروح اقعد معاكى ياغزالة مش هاقدر افضل لوحدى
رحمة / هاروح اجيب البضاعة
شمس / طب مش هتفطروا فى عيش فينوا كتير وجبن تعالوا نفطر مع ماما و شوق وناخد علاج شوق معانا شكلها نسيته
سوكة / هاروح اجيب فلافل ساخنه
رحمة / ادامى ابت هاجيب الفلوس و اطلع الاكل للفراخ و جايه وراكى
شمس / تمام وخرجت فقابلت طارق فى الشارع
طارق/ بنصبح ممكن نتعرف
شمس / ماشية ساكته
طارق / انتى يا آنسة ممكن نتعرف
شمس / حضرتك بتكلمنى انا اسفة مش بحب اتعرف على حد
طارق / ليه هو انتى كنتى بنت بارم ديلة قولت نتعرف و مد أيده عوز يشد البيشة ( غطاء الوجه ) اللى على وشها ويكشفه
شمس / أما انت بنى ادم بجح و طااااخ بالقلم على وشه
طارق / انتى بتضربينى يابنت الكلب و الله لاعلمك الادب
شمس / مش لما تبقى انت اصلا تعرف الاصوال و الادب
رحمة / جت تجرى على الزعيق و الصوت العالى وقفت مصدومة
طارق / تعالى لما أعلمك الادب
شمس / قلعت الشبشب و بسرعة ضربته على دماغه
طارق / لسه طااااخ بالقلم على وشها
رحمة / مسكته من أيده ايدك دى متتمدش على بنت عمتى يا ابن الراجل الطيب المحترم
الحاج عمران / مسك ابنه من قفاه انت بنى ادم قليل الرباية تعالى يا ابن ال..... وقعد يضرب فيه
طارق / هى اللى بتتحرش بيه بنات قليله الادب
رحمة / لم ابنك يا عمى عمران الا و ربنا اعمله محضر و احبسه
الحاج عمران / من حقك وانا اللى غلطان ليكم
شمس / انا معملتش له حاجة منه لله
رحمة / اخر مرة اقولك ابعد ابنك عننا احنا بنات وسمعتنا و لا علشان ملناش راجل
( ام خليل ) ست من الشارع شهادة حق البنت دى معملتش حاجة هو اللى قعد يرزل عليها و كان عوز يعرى وشها
رحمة / منك لله انت مستقوى علينا يلا ابت على فكرة يا ناس الحارة دى بنت عمتى ابوها و امها ماتوا البيت وقع عليهم و جبناها تتحماى فينا ناكل لحمها ولا نسيبها فى حالها هو مفيش حد عنده رحمة احنا مولدين فى الحارة مفيش يوم صوتنا على ولا غلطنا فى حد ياريت نترحم من لسانكم حسبى الله ونعم الوكيل فى كل ظالم
الحاج عمران / انتم بنات محترمة من اصل طيب حقك عليه يا بنتى
رحمة / مسكت ايد شمس و مشت قابلة ام عباس جاى تجرى تشوف حصل أية
رحمة / تعالى يا غزالة الفيلم خلص من بدرى
ام عباس / هو فى أية و طارق ماله بيكم
شمس / و الله ما عملت حاجة هو كان عوز يشوف وشى غصب عنى
عابد قاعد فى البلكونة سرحان
خيرة / صباح الخير يا بية نجيبلك الفطار هنا
عابد / البنات صحت
خيرة / من بدرى شكلك نمت فى البلكونة
عابد / نزل رجله من على الكرسي ايوه راحت عليه نومه هنا حضرى الفطار ممكن
خيرة / الفطار جاهز
عابد / يلا صباح الفل ياولاد افطروا عوزكم فى موضوع
خيرة / هاعمل الشاى
عابد / اقعدى افطرى معانا الاول
خيرة / حاضر
بعد الفطار
عابد / انا عوز اوديكم فى مكان بعيد و دادة خيرة هتكون معاكم لانى عندى شغل مهم هاسافر ويمكن اغيب دادة هتكون مسؤولة عنكم و اى حاجة محتاجينها كلموا دادة عنها هى هتكون مكانى
شهد / بكدة انت و ماما هتكونوا بعاد عننا
عابد / للضرورة احكام ان شاء الله هارجع لما ظروفى تتحسن
شهد / و هنعيش ازاى لوحدنا من غيرك انت وماما
عابد / هيكون معاكم د...........