رواية بعد عقد قران
الفصل العشرون
بقلم ريم ابو قاسم
دموعي نزلت تلقائيا مسحتها و دقيت الباب الشرطي فتح لي طلعته طوالي كنته ببكي اصلا دي نهاية شلاقتي تلفوني اتصل لقيتو محمد وقت رديت كنته ببكي قال لي غنوان بتبكي مالك ما قدرته اتكلم كنته ببكي و بس قال لي وين انتِ قلته لي في السجن، تمام جاي عليك خليك في مكانك انا قريب منك ما تتحركي ، فعلا ما اخد كتير جاء لقاني واقفه و ببكي الماشي و الجاي يعاين لي قال لي مالك في شنو ، كنته ببكي و بشهق يعني ما قادره اتكلم حضني قال لي هسس اهدي ما في شي بستاهل دموعك دي اسي بتبكي عشان شنو وفكاني احكي لي وحده وحده ، و عاين لقى الناس بتعاين لينا قال لي اركبي ارح هو ساق و انا ركبته جمبو مشى مكان هادي كده قال لي دقيقه جاب مويه ..
يلا غسلي وشك ..
غسلته وشي..
شوفي وقت تبكي صراحه بتبقي شينه شديد يعني عشان ما تبكي تاني ..
ابتسمته قال لي احكي لي مالك ..
مصطفى رفضني و رفض مساعدتي ليو و احرجني ...
يعني قال لي شنو ..
حكيت ليو اي شي..
طيب انتي عارفه الزول وقت يكون مسجون بكون حاسي بي شنو هزيت ليو راسي بي لا.. طبعا لانك ما جربتي الشعور علي العموم هو بكون حاسي انو الناس دي كلها بتكرهو و هو ببدا يتصرف علي الاساس ده و ردة فعلو كانت طبيعيه في لحظة غضب اكيد اسي وقت طلعتي ح يكون حاسي بالندم ، بس كان كلامو واضح كيف ردة فعلا و ما ادراك ، انا بفسر حالتو كده لانو هو همو وتفكيرو يطلع كيف او ح يقعد كم بكون خاتي احتمالات كتيره في القضيه دي و ببدا يتذكر المواقف مع الناس الكانت محور حياتو زي انتي مثلآ مرتو ، فكرته مسافه فعلا لقيت كلام محمد صح بس قلته لي مستحيل امشي ليو تاني في السجن بعد الحصل ، ايوا ما تمشي ليو بس اشتغلي عادي في القضيه اتفقنا ، طيب اتفقنا ، يلا ابتسمي ما عايزين تكشير تاني لأنك حلوة وانتي كده ، ابتسمته قال لي بالضبط بحب دايما اشوفك كده ... اكتفيت بالابتسامة قال لي ما اتوصلتي لي شي و صح موضوع سحر احكي لي حصل شنو ...
قلته لي بصراحه حاجات كتيره حصلت حكيت ليو اي شي قال لي يعني ما سحر حلو القضيه ماشه تتقعد اكتر من الأول 🙂..
بالضبط كده اسي محتاره أواجه أمل كيف و اكشف حقيقتا ..
دقيقه مش قلتي مسجله صوتا و هي بتعترف ..
ايوا مسجله بس ح يفيدنا في شي ؟..
دقيقه رسلي لي ارسلو لي ابوي و هو يشوفو لو بنفع نقدمو للمحكمة و ما ضروري نتعب لو ما بنفع نشوف حل تاني ..
فتح الشير و رسلتو ليو و مشي بعد ودعني ..
رجعته البيت دخلته الغرفه طوالي الساعه 9 اتصل علي محمد قال لي تعالي سريع السجن قلته لي شنو قال لي ولا اقول ليك الحقينا في مستشفى.... و فصل الخط طبعا بقيت مصدومه و ما فاهمه شي ...