رواية بعد عقد قران
الفصل السابع عشر
بقلم ريم ابو قاسم
انتو بنات عسل ما ح اقول اولاد واخوان 😂 والله حمستوني شديد بالدعوات الحلوه دي بقيت كويسه و خفت شديد وانا بحبكم جدا شكرا للدعم و ح انزل تاني غير ده خليكم جاهزين 😂❤️
عثمان و عمي اصرو علي اقعد شكلو عمي ما عارف شي مرت عمي ما حكت ليو بي شي بس لي ما حكت ليو ده الشي العايزه اعرفو قعدته اكلته شويه و قمته دخلته الغرفه بقيت راقده و بفكر في الحاصل...
جاني بعد المغرب عثمان لبسته التوب و فتحته ليو الباب قال لي سالته سحر اذا هي عملت كده في مصطفى نكرت وحلفت انو هي ما ليها يدي في الحصل و انو مصطفى كذاب انا مصدقا لانو حلفت لي في البطنا ، ايوا يعني هي حامل ، ايوا حامل في التالت يداب ، الف مبروك والله تتحل بالسلامة ، تسلمي امين بس يا غنوان مصطفى احتمال بكذب ، مصطفى صح بكذب بس سحر مستحيل تحلف كذب و هي حامل ، انا ما قلته تحلف كذب ، كلامك واضح يا زوله عشان هي حامل و انتي لسه غيرانه عليها فعلا كلام سحر صح ، دقيقه يا عثمان انت فهمتني غلط انا ما قصدي كده و حتى كيف يعني اغير عليها ده كلام شنو، دي تصرفاتك يا ستي علي العموم انا مصدق مرتي و اوعك تعكري ليها دمها و هي حامل و ما تساليها و لا تفتحي ليها السيره دي لانو بالنسبه لي ما مهمه فاهمه و طلع خلاني حيرانه قلب فجأه كده براهو طبعا شكلي بقيت ما عندي احساس لانو اتقبلته الامور بصدر رحب و قعدته قلته يا غنوان في إن في الموضوع ده حمل سحر المفاجئ دخول مصطفى السجن و اتهامو لي سحر بانو هي بتهددو و ماسكه عليو ادله قلته لازم اعرف الادله دي شنو معقوله مصطفى يكذب و هو في حاله ضعف دي حاجه استبعدا حتى برضو هو عارف سحر زوله صعبه مستحيل يقول فيها كلام غلط لازم اعرف البقول الحق منو سحر ولا مصطفى...
بعد يوم طوالي عمي ومرت عمي سافرو عندهم عرس قريبهم في البلد و بقينا انا و عثمان و سحر و اتضح انو عثمان قال ليهم مصطفى ده سافر بره البلد بس ما معروف وين عشان كده الوضع كان متوتر الفتره دي و انا ما حبيت اتدخل اقول ليهم مصطفى في السجن طلعته قعدته في الهول لقيت سحر قعدته جمبها عاينته ليها مسافه و عاينته للتلفزيون شكلو بتحضر و هي ما مستمتعه قلته انسب وقت افتح معاها موضوع مصطفى قلته ليها سحر قبلت قالت لي عايني انا في بطني في بيبي يعني اوعك تقولي لي حاجه كعبه لانو ح اوري ليك عثمان يجي يتصرف قلته في سري استغفر الله يا رب ابتسمته قلته ليها الف مبروك جد فرحته ليك شديد عاينت لي ولوت خشما قلته ليها عجبني وقت دخلتي مصطفى السجن واحد متخلف من جبته سيره مصطفى عاينت لي بقت مركزه معاي قالت لي منو القال ليك انا دخلتو براو دخل ، ايوا عارفه يا سحر بس نفسي اعرف الخلاهو يستسلم منو ده شكلو زول ذكي وعقلو كبير لانو مصطفى الاهبل ده مستحيل يبقى قوي و يسلم نفسو دايما ضعيف عاينت لي و ابتسمت شكلو كلامي اثر فيها واصلته.. ان شاء الله يتسجن مؤبد قالت لي لو ما اتشنق كمان قلته ليها ليه قالت لي عشان قتلا بالسلاح قلته ليها انتي شنو العرفك اتخلعت و تقريبا حست بي نفسا قالت لي ما بعرف و مشت قلته بس خلاص ليك يد وانا بعرف اتصرف ...
اسي لو مشيت لي عثمان مستحيل يصدقني اتصلته بي محمد صاحبي ابوهو محامي و مشيت لي عثمان حكيت ليو انو ح اجيب لي مصطفى محامي ما رفض بالعكس قال لي تمام و اتفقته مع محمد حددنا يوم و اتلاقينا انا ومحمد و ابوهو وعثمان ...
و عثمان و المحامي قررو يمشو يزورو مصطفى وفعلا مشو بعد يومين و ما اتوصلو لي شي لانو مصطفى بقول ايوا قتلتها ...
في فتره الشهر دي كنته بجمع معلومات وادله مره مع الونسه من سحر و مره من المحامي الاحتمالات البختها لينا حتى محمد بساعدنا مرات لحدي ما قابلته مصطفى في السجن ده كان اخر امل بالنسبه لي اني القى ولو معلومه عنو للاسف ما اتوصلته لي شي .. و اخر شي لقائي مع ام روان و ختينا احتمال انا ومحمد تكون سحر ليها يد في القصه دي و اتفقتا معاو وجهتنا الجايه تكون سحر و كيف نرميها و تعترف لينا ...